Fréttablaðið - 18.03.2003, Qupperneq 21
■ Fréttir af fólki
21ÞRIÐJUDAGUR 18. mars 2003
Hótel á miklu athafnasvæði færi!
Af sérstökum ástæðum býðst
rótgróið hótel nánast í túnfæti
álversframkvæmda á Austurlandi.
Álversframkvæmdum fylgja mikil
umsvif sem kalla á mikla þörf fyrir
gistiaðstöðu, veitingastað og bar.
Þetta er til staðar hér.
Um er að ræða 7 ágætlega búin
tveggja manna herbergi, veitingasal
og bar.
Hótelið er til afhendingar strax.
Seljandi skoðar ýmis skipti og
greiðslukjör.
Fjöldi mynda á heimasíðunni
www.fyrirtaekjasala.is
Ásett verð er 15 millj
og áhvílandi eru 8 millj.
Skoðaðu alla söluskrána á heimasíðunni
www.fyirtaekjasala.is
Síðumúla 15 Sími: 588 5160
Gunnar Jón Yngvason
Löggiltur fasteigna-
og fyrirtækjasali.
ISRAEL LOPEZ HEIÐRAÐUR
Tónlistarmaðurinn og Grammy-verðlaunahafinn Israel Lopez „Cachao“ þakkar fyrir sig við
athöfn sem haldin var eftir að stjarna hans á Hollywood Walk of Fame var opinberuð.
Leikarinn Andy Garcia, sem heldur hér á syni sínum Andres, sá um að þýða þakkarræðu
hans yfir á ensku. Stjörnuna má finna fyrir framan The King King Restaurant í Los Angeles.
Andrésar Andar leikarnir í hættu:
Þarf snjó til að
halda leikana
SKÍÐAFÆRI „Heyrðu, ekkert svarta-
gallsraus. Það er rúmur mánuður í
Andrés og það hefur áður verið lít-
ill snjór hér nyrðra en leikarnir
engu að síður farið fram. Mér
segja fróðir menn að það fari að
snjóa bráðum,“ segir Gísli Kr.
Lórenzson, formaður nefndar
Andrésar Andar leikanna.
Fréttablaðið hefur heyrt af
áhyggjum manna fyrir norðan um
að hugsanlega verði ekki af þessu
vinsæla skíðamóti. Yrði það harm-
ur mikill meðal barna og unglinga
auk þess sem það kæmi sér afar
illa fyrir ferðaþjónustutengdar at-
vinnugreinar á Akureyri. Gísli
dregur ekki úr mikilvægi leikanna
fyrir Akureyri. „Þá eru allir gisti-
staðir hér upppantaðir og auðvitað
skiptir þetta gríðarlega miklu máli
fyrir atvinnulífið hér. En ég ítreka
trú mína á að það fari að snjóa.
Sem dæmi má nefna að eitt árið
tókum við þá ákvörðun, í snjóleysi,
að skera tvo yngstu flokkana af,
við sáum mikið eftir því vegna
þess að skömmu síðar kyngdi nið-
ur snjó. En nú er undirbúningur í
fullum gangi og miðast við að allt
fari á besta veg.“
Gísli segir að líklega komi til
þess að einhvern tíma þurfi að slá
leikana af vegna snjóleysis og
þetta hafi vissulega verið óvenju-
legur vetur hvað snjóleysi og hátt
hitastig snerti. Andrésar Andar
leikana, sem eru þeir 28. í röðinni,
stendur til að halda 23. apríl og ef
allt fer á verri veg yrði það í fyrsta
skipti frá árinu 1976.
„En engar svoleiðis hugleiðingar
núna. Enn er rúmur mánuður í
Andrés og við keyrum á þetta. Ég
hef fulla trú á að það fari að snjóa
þó hann staldri kannski ekki lengi
við. Ef ekki vill betur til förum við
á hjólaskautum niður gilið.“ ■
FÓLK Breska slúðurblaðið Sunday
Mirror hefur vakið reiði hjá kon-
ungsfjölskyldunni í Bretlandi.
Samkvæmt grein í blaðinu hafði
miðill samband við Díönu prins-
essu. Á hún að hafa opinberað að
eiginmaður sinn hafi átt í
„óheilsusamlegu sambandi“ við
karlþjón hirðarinnar.
Samkvæmt miðlinum á Díana
að hafa tekið upp glás af mynd-
bandsupptökum þar sem hún tjáði
sig um atburði lífs síns. Hluti
þeirra var síðar brenndur af hirð-
inni eftir að hún lést.
Greinin hefur vakið athygli í
ljósi þess að lögreglan skýrði frá
því í fyrra að myndbandsupptök-
ur sem Díana á að hafa gert voru
á meðal hluta sem fundust á heim-
ili þjónsins Paul Burrell. Hann
var kærður fyrir að taka hluti í
leyfisleysi úr Buckingham-höll.
Kærurnar voru felldar niður eftir
að drottningin mundi skyndilega
eftir að hafa gefið honum leyfi til
þess að taka hlutina. Þar af leið-
andi komust upptökurnar ekki
fyrir sjónir almennings. ■
GÍSLI KR. LÓRENZSON
Fyrir framan stökkpallinn í Holmenkollen ásamt tveimur verðlaunahöfum frá Andrésar-
leikum ársins 2000. „Mér segja fróðir menn að það fari að snjóa bráðum.“
KARL BRETAPRINS
Miðill hefur valdið usla í bresku hirðinni.
Sunday Mirror skrifar um Karl Bretaprins:
„Óheilsusamlegt sam-
band“ við karlþjón
Svo gæti farið að Óskarsverð-launahafarnir Christopher
Walken og Denzel Washington
leiki saman í kvikmyndinni
„Man on Fire“. Myndin verður
gerð eftir samnefndri bók AJ
Quinnell. Sagan fjallar um fyrr-
verandi hermann Bandaríkja-
hers sem býr í Mexíkó. Walken
er víst afar eftirsóttur þessa
daganna í Hollywood eftir af-
bragðsleik sinn í „Catch Me if
You Can“.
Leikkonan Lynn Redgravehefur sigrast á baráttu sinni
við krabbamein. Redgrave hef-
ur leikið í sýningu á Broadway
síðustu árin og hélt því til stre-
itu í gegnum lyfjameðferð sína.
Pantið
auglýsingar
tímanlega!
Fermingarblaðið
Nánari upplýsingar í síma 515 7515 eða atli@frettabladid.is
Sérblað um fermingar og fermingar-
gjafir fylgir Fréttablaðinu 27. mars.
M
YN
D
IR
/J
Ó
N
A
Ð
AL
ST
EI
N
N