Fréttablaðið - 05.01.2004, Blaðsíða 4
4 5. janúar 2004 MÁNUDAGUR
Hver vinnur Idol-stjörnuleit?
Spurning dagsins í dag:
Ætlar þú í líkamsrækt á næstu vikum
til þess að koma þér í form eftir
jólahátíðarnar?
Niðurstöður gærdagsins
á www.frett.is
16%
11%
Jón
46%Karl
Ardís Ólöf
27%Anna Katrín
Kjörkassinn
Farðu inn á frett.is og segðu þína skoðun
frétt.is
■ Lögreglufréttir
SJÓMANNAAFSLÁTTUR Verði sjó-
mannaafsláttur afnuminn, mun
Sjómannafélag Reykjavíkur beita
sér fyrir því að sjómenn sigli í
land.
Í ályktun sem samþykkt var
á aðalfundi Sjómannafélags
Reykjavíkur er mótmælt harð-
lega áformum stjórnvalda um af-
nám sjómannaafsláttarins. Í
ályktuninni segir að Sjómanna-
félag Reykjavíkur hafi um langt
árabil háð harða baráttu til að
viðhalda íslenskri sjómannastétt.
Sama barátta hafi verið háð í ná-
grannalöndunum og víða hafi
stjórnvöld gripið til mismunandi
skattaúrræða hin síðari ár, meðal
annars veitt útgerðum skatta-
ívilnanir.
Sjómannafélag Reykjavíkur
hafnar slíkum láglaunalausnum
og telur sjómannaafsláttinn vera
mun ódýrari leið fyrir íslenskt
samfélag í heild til að viðhalda ís-
lenskri sjómannastétt.
Félagið telur að stjórnvöld
taki á sig mikla og afdrifaríka
ábyrgð með því að hrófla við
núverandi fyrirkomulagi. Sjó-
manna- og vélstjórafélag
Grindavíkur og sjómannadeild
verkalýðsfélagsins Vöku á
Siglufirði hafa einnig mótmælt
harðlega afnámi sjómannaaf-
sláttar. ■
Myndir frá Mars
sendar til jarðar
Bandaríska könnunarfarið Spirit lenti á Mars í gær. Farið hefur þegar sent frá sér fjölda mynda
sem sýna grýtt og eyðilegt landslag. Spirit er ætlað að aka um plánetuna í leit að vísbendingum
um skilyrði til lífs.
VÍSINDI Geimvísindamenn hjá banda-
rísku geimferðastofnuninni, NASA,
fögnuðu ákaft þegar könnunarfarið
Spirit tók að senda frá sér myndir
frá Mars aðeins fáeinum klukku-
stundum eftir lendingu á plánetunni
í gær. Könnunarfarinu var varpað
niður á yfirborð Mars úr bandarísku
geimfari eftir sjö mánaða ferðalag
frá jörðinni. Leiðangurinn til Mars,
sem er sú pláneta sem næst er
jörðu, hefur kostað NASA sem svar-
ar um sextíu milljörðum íslenskra
króna.
Það tók farið sex mínútur að falla
til yfirborðsins úr 19.000 kílómetra
hæð. Farið var búið hitahlífum,
sjálfvirkri fallhlíf og loftpúðum til
að hægja á ferð þess í gegnum him-
inhvolfið og tryggja mjúka lend-
ingu. Spirit, sem er farartæki á sex
hjólum, mun aka um reikistjörnuna í
þrjá mánuði í leit að vísbendingum
um það hvort þar hafi einhvern tíma
verið skilyrði til lífs. Annað könnun-
arfar er enn um borð í geimfari á
sporbaug um Mars en áætlað er að
það verði sent niður á yfirborð reiki-
stjörnunnar 24. janúar.
Á myndunum sem Spirit hefur
sent frá sér má sjá flatt, eyðilegt og
grýtt landslag umhverfis lendingar-
staðinn. Myndirnar eru þær fyrstu
sem berast frá yfirborði Mars síðan
árið 1997 þegar bandaríska könnun-
arfarið Pathfinder lenti á plánet-
unni. „Myndirnar eru frábærar,“
sagði talsmaður NASA, John Callas.
„Gæðin eru þau bestu sem við höf-
um kynnst. Þetta er ótrúlegt. Þetta
gæti ekki verið betra.“ Fyrstu
myndirnar voru svarthvítar en búist
var við litmyndum þegar í gær-
kvöldi. Myndirnar eru sendar til
jarðar um hnöttinn Odysseif sem er
á braut umhverfis Mars.
Aðeins einu sinni áður hefur tek-
ist að lenda geimfari á Mars þrátt
fyrir ítrekaðar tilraunir. Evrópska
geimferðastofnunin er enn að leita
að breska könnunarfarinu Beagle 2
sem sent var niður á yfirborðið á
jóladag úr geimfarinu Mars Ex-
press sem enn er á sporbaug um
Mars. Ekkert merki hefur borist
frá farinu og er talið að það hafi
skemmst í lendingu eða fallið ofan
í gíg. ■
Faðir fjármagnar
læknismeðferð:
Nýra á
uppboði
BRETLAND Breskur maður hefur
auglýst eigið nýra til sölu til að
geta greitt fyrir læknismeðferð
og menntun fatlaðrar dóttur sinn-
ar. Nú þegar hafa þrír Banda-
ríkjamenn gert tilboð í nýrað en
lágmarksverðið er sem svarar um
6,4 milljónum íslenskra króna.
Peter Randall auglýsti nýrað á
uppboðsvefnum Ebay en auglýs-
ingin var tekin út eftir fáeina
daga þar sem óheimilt er að bjóða
upp líkamshluta á vefnum. Þá
höfðu þegar borist nokkur tilboð
og áformar Randall nú að fara til
Bandaríkjanna að hitta hugsan-
lega kaupendur.
Dóttir Randalls, sem er sex ára
gömul, fæddist fyrir tímann og er
lömuð af völdum heilaskemmda. ■
Sprengjutilræði á
körfuboltavelli:
Á annan
tug fórust
FILIPPSEYJAR, AP Að minnsta kosti
tíu manns létu lífið og yfir 40
særðust þegar öflug sprengja
sprakk við yfirbyggðan körfu-
boltavöll í bænum Cotabato á
sunnanverðum Filippseyjum.
Bæjarstjórinn var á meðal þeirra
sem særðust og er talið að
sprengjan hafi verið ætluð hon-
um. Ekki liggur fyrir hverjir
stóðu á bak við sprengjutilræðið.
Fjöldi unglinga var að fylgjast
með körfuboltaleik á vellinum
þegar sprengjan sprakk en bæjar-
stjórinn Vivencio Bataga stóð fyr-
ir utan bygginguna. Reynt hefur
verið að ráða bæjarstjórann af
dögum þrisvar og hefur hann
sjálfur sakað eiturlyfjabaróna og
pólitíska andstæðinga um að
standa á bak við árásirnar. ■
FUNDU HASS Í HAFNARFIRÐI
Maður var tekinn með lítilsháttar
magn af hassi í Hafnarfirði í
fyrrinótt. Fíkniefnin fundust við
reglubundið eftirlit. Þá var ráðist
á karlmann í Garðabæ fyrir utan
íbúðarhús en formleg kæra lá
ekki fyrir. Fjórir menn voru
teknir vegna gruns um ölvunar-
akstur. Tveir í Hafnarfirði og
tveir í Kópavogi.
FLOTINN Í LAND
Sjómannafélag Reykjavíkur segist ætla að beita sér fyrir því að sjómenn sigli í land
gangi áform stjórnvalda um afnám sjómannaafsláttar eftir.
Sjómannafélag Reykjavíkur um sjómannaafslátt:
Sjómenn sigli í land
Útsalan er hafin
Mjódd - Sími 557 5900
LANDSLAGIÐ Á MARS
Á myndunum sem Spirit hefur sent frá sér má sjá
flatt, eyðilegt og grýtt landslag umhverfis lendingar-
staðinn. Myndirnar eru þær fyrstu sem berast frá
yfirborði Mars síðan árið 1997 þegar bandaríska
könnunarfarið Pathfinder lenti á plánetunni.
STAÐSETNING SPIRIT
Örin bendir á staðinn þar sem könnunarfarið lenti.
FYRSTU MYNDIRNAR
Vísindamenn Nasa skoða fyrstu myndirnar af Mars sem bárust frá Spirit.