Fréttablaðið - 05.01.2004, Blaðsíða 6

6 5. janúar 2004 MÁNUDAGUR
■ Bandaríkin
Flug til og frá London:
Um 45%
aukning
FLUGMÁL Áætlunarflug milli
Keflavíkurflugvallar og
Lundúna jókst um 45% frá mars
á síðasta ári til loka nóvember.
Aukninguna má að langmestu
leyti rekja til þess að Iceland Ex-
press hóf áætlunarflug milli
áfangastaðanna.
Í tilkynningu frá Iceland
Express segir að samkvæmt
tölum frá flugmálayfirvöldum í
Bretlandi megi rekja 96% af
aukningunni til Iceland
Express en restina til Iceland-
air. Á tímabilinu frá mars til
nóvember hafi markaðshlut-
deild Iceland Express verið
36% á flugleiðinni á móti 64%
hlutdeild Icelandair.
Iceland Express mun bæta við
nýrri farþegaflugvél í flotann
sinn þann 1. apríl. Í tilkynningu
frá félaginu kemur fram að 443
farþegar fljúgi að meðaltali á
dag með flugfélaginu. Um 53%
farþeganna fljúga til og frá
Kaupmannahöfn og 47% til og
frá London. ■
Veistusvarið?
1Hvað tók það Heiðar Helguson hjáWatford langan tíma að koma boltan-
um í netið hjá Chelsea í viðureign liðanna
á laugardag?
2Hvað heitir vélmennið sem lenti áMars um helgina?
3Hvað var konan um það bil gömulsem fannst í rústum Bam í Íran eftir
níu sólarhringa án vatns og matar?
Svörin eru á bls. 26
Össur Skarphéðinsson um Framsókn:
Plagsiður að svíkja loforð
STJÓRNMÁL Össur Skarphéðinsson,
formaður Samfylkingarinnar,
segir að nýkynntar hugmyndir
um breytingar á húsnæðislána-
kerfinu séu til marks um eftirgjöf
af hálfu Árna Magnússonar fél-
agsmálaráðherra.
Össur segir að Árni sé á flótta
undan loforðum sínum. „Í frægu
minnisblaði, sem hann lagði fram
til ríkisstjórnarinnar, lýsti hann
því yfir að stefnt væri að því að
hámarkslánin færu upp í átján
milljónir á íbúð og að aldrei yrði
hækkað um minna en tvær millj-
ónir á ári á kjörtímabilinu,“ segir
Össur og bætir við: „Nú er hins
vegar komið í ljós að hann mun
ekki standa við þá hækkun á
hámarksupphæðinni sem hann
lofaði“.
Össur segir að þetta komi sér
ekki á óvart þar sem bent hafi
verið á það í kosningabaráttunni
að stefna Framsóknarflokksins í
húsnæðismálum gengi í berhögg
við markmið efnahagsstefnunn-
ar. „Sömuleiðis virðist það vera
plagsiður hjá Framsóknar-
flokknum að svíkja hvert ein-
asta kosningaloforð. Árni Magn-
ússon er að renna á rassinn í
húsnæðismálunum eins og
Framsóknarflokkurinn er í
flestum öðrum málum,“ segir
Össur. ■
Valdataka heima-
manna undirbúin
Stefnt er að því að öll völd í Írak verði komin í hendur heimamanna
fyrir 30. júní. Fjölmörg álitamál þarf að leysa sem m.a. varða stjórn-
skipulag í Írak og lagalega stöðu bandaríska hernámsliðsins.
ÍRAK Bandaríkjamenn áætla að
hefja í þessari viku ferli sem
miðar að því að færa völd yfir
Írak aftur í hendur heimamanna.
Allt frá því Bandaríkjamenn her-
námu landið hafa viðræður átt
sér stað um hvernig brotthvarfi
Bandaríkjamanna frá landinu
yrði háttað og er nú stefnt að því
að öll völd í landinu verði komin
í hendur Íraka fyrir 30. júní
2004.
Enn á eftir að taka ákvarðanir
um ýmsa mikilvæga og viðkvæma
þætti varðandi framtíðarstjórn-
skipulega í Írak. Deilt er um hlut-
verk íslam í stjórnkerfinu; ákveða
þarf hversu mikla sjálfstjórn
minnihlutahópar fá og hvernig
vali á forsvarsmönnum ríkis-
stjórnar verði háttað.
Samkvæmt Washington Post
er stefnt að því að búið verði að
taka allar stjórnskipulegar
ákvarðanir fyrir febrúarlok og er
gert ráð fyrir að þá liggi fyrir
grundvöllur að nýrri stórnarskrá
fyrir landið. Íraskir samninga-
menn telja að tíminn sé naumur
og benda á að höfundar banda-
rísku stjórnarskrárinnar hafi
haft töluvert meiri tíma til aflögu
á ofanverðri átjándu öld – og
þótti sú stjórnarskrá þó hafa ver-
ið fremur skamman tíma í fæð-
ingu.
Þegar gengið hefur verið frá
grunni að stjórnarskrá Íraks
munu samningaviðræður um laga-
lega stöðu bandaríska hernámslið-
sins taka við. Bandaríkjamenn
hafa ætíð gert ófrávíkjanlega
kröfu um að hermenn þeirra séu
ósakhæfir fyrir hugsanleg brot
sem þeir kunni að fremja í hernað-
araðgerðum á erlendri grund.
Þegar Írakar taka að nýju við
stjórn landsins breytist staða
bandarískra hermanna. Þeir
verða ekki lengur hluti af her-
námsstjórn heldur verða þeir full-
trúar erlends hers innan landa-
mæra sjálfstæðs og fullvalda rík-
is. Ný ríkisstjórn Íraka mun því
gjörbreyta lagastöðunni og kalla á
sérstaka samninga á milli Banda-
ríkjanna og væntanlegra stjórn-
valda. ■
Ögmundur Jónasson:
Ný hugsun
er til góðs
HÚSNÆÐISLÁN Ögmundur Jónasson,
formaður þingflokks Vinstri græn-
na, segir of snemmt að fella dóma
um hugmyndir um breytingar á
fyrirkomulagi húsnæðislána. „Það
þarf að útlista kerfið betur áður en
við getum fellt einhverja dóma um
það en mér finnst góðra gjalda vert
að brydda upp á nýrri hugsun í
þessu ef það getur orðið til þess að
færa vextina niður,“ segir hann.
Hann segir hins vegar ánægð-
ur með lækkun vaxta á viðbótar-
lánum og hækkun á hámarksláni
þótt þau skref hafi verið smá.
„Allt eru þetta skref fram á við,“
segir Ögmundur. ■
EPLAKARFA
Japanskir vísindamenn telja of snemmt að
segja hvort fólk geti skerpt greind sína
með því að skræla epli.
Heilastarfsemin örvuð:
Hollt að
skræla epli
TÓKÍÓ, AP Japanskir vísindamenn
halda því fram að sú athöfn að
afhýða epli geti örvað ennisblaðið
sem er einn af þróuðustu hlutum
heilans.
Vísindamennirnir notuðu há-
tæknibúnað til að fylgjast með
blóðflæði í ennisblaði fjórtán full-
orðinna einstaklinga á meðan þeir
skrældu epli. Tilraunin sýndi að
þetta svæði örvaðist verulega á
meðan á athöfninni stóð. Vísinda-
mennirnir drógu þá ályktun að
þetta mætti meðal annars rekja til
þess að verið væri að meðhöndla
beitt verkfæri sem gæti reynst
hættulegt ef ekki væri nógu var-
lega farið.
Vísindamennirnir ítreka að of
snemmt sé að segja til um það
hvort fólk geti skerpt greind sína
með því að skræla epli. ■
SEX FÓRUST Í UMFERÐARSLYSI
Sex manns létu lífið þegar mað-
ur sem ók pallbíl á öfugum veg-
arhelmingi lenti í árekstri við
fólksbíl á hraðbraut í Tenn-
essee. Ökumaður pallbílsins lést
auk fimm manna fjölskyldu sem
var á leið heim úr jólafríi í
Flórída.
ÖSSUR SKARPHÉÐINSSON
Segir félagsmálaráðherra hafa „runnið á
rassinn“ með hugmyndir sínar um breytt
húsnæðislánakerfi.
BANDARÍSKUR HERMAÐUR Í BAGDAD
Bandaríkjamenn hafa ætíð gert ófrávíkjanlega kröfu um að hermenn þeirra séu ósak-
hæfir fyrir brot sem þeir kunni að fremja í hernaðaraðgerðum á erlendri grund.
Manndráp og meiðingar:
Ákært í
helmingi
tilfella
LÖGBROT Brot vegna manndrápa og
líkamsmeiðinga í fyrra voru 577,
samkvæmt nýútkominni skýrslu
ríkissaksóknara fyrir árið 2002.
Ákært var í helmingi þessara
mála. Þarna eru kynferðisbrot
ekki meðtalin en þau voru 191
talsins og ákært var í 45 prósent
tilfella. Lög um ávana- og fíkni-
efni voru brotin 463 sinnum á
sama tímabili og var ákært í tæp-
lega 66 prósent tilfella þeirra
mála sem afgreidd voru. ■