Fréttablaðið - 27.01.2004, Blaðsíða 9

■ Félög
9ÞRIÐJUDAGUR 27. janúar 2004
Stjórnvöld segja upp samstarfi við Atlantsál:
Áfram unnið
að verkinu
STÓRIÐJA Iðnaðarráðherra og
heimamenn á Húsavík eru á einu
máli um að vinnu við að koma á
fót stóriðju fyrir norðan verði
haldið áfram þrátt fyrir að stjórn-
völd hafi sagt upp samstarfi við
Atlantsál um undirbúningsvinnu
fyrir byggingu álvers við Húsa-
vík. Iðnaðarráðherra segir þó
ljóst að af slíkri framkvæmd
verði ekki á næstu árum en það
hefði átt við hvort sem Atlantsál
væri með í málinu eða ekki.
„Við hyggjumst vinna áfram að
málinu, á eigin forsendum í sam-
starfi við heimamenn,“ segir Val-
gerður Sverrisdóttir iðnaðarráð-
herra. Hún segir að Atlantsáls-
mönnum hafi ekki tekist að sýna
fram á að þeir hefðu burði í verk-
efnið og því hefðu stjórnvöld ekki
getað ráðist í kostnað við um-
hverfismat. Valgerður sagði við
Fréttablaðið síðasta sumar að
erfitt yrði að fara í þessar fram-
kvæmdir meðan aðrar stóriðju-
framkvæmdir væru í fullum
gangi. „Það var alltaf ljóst að það
yrði ekki farið í þetta á næstu
árum,“ sagði Valgerður í gær.
„Þessi vinna sem við erum bún-
ir að vinna hefur frekar styrkt
okkur í trúnni á því að það sé
hægt að setja upp orkufrekan iðn-
að hér,“ segir Reinhard Reynis-
son, bæjarstjóri á Húsavík. Hann
segir að nú verði farið í að leita að
nýjum samstarfsaðila og er bjart-
sýnn á árangur. „Það urðu snögg
aðilaskipti í verkefninu fyrir aust-
an,“ segir hann og vísar til inn-
komu Alcoa í álver fyrir austan. ■
FYLGI KRÖFUM FAST EFTIR Verka-
lýðsfélag Húsavíkur skorar á
samninganefnd Starfsgreinasam-
bands Íslands að fylgja fast eftir
kröfum sambandsins um verulega
hækkun lægstu launa og jöfnun líf-
eyrisréttinda og segir mikilvægt að
kröfur sambandsins um breytingar
á sérmálum einstakra hópa innan
sambandsins nái fram að ganga.
ARI HÆTTIR Ari Teitsson hefur
tekið ákvörðun um að gefa ekki
kost á sér áfram í embætti for-
manns Bændasamtaka Íslands, að
því er fram kemur í nýjasta tölu-
blaði Bændablaðsins. Ari hefur
verið formaður Bændasamtakanna
um níu ára skeið. Næsta búnaðar-
þing Bændasamtakanna verður
haldið í mars og þá verður nýr
formaður kjörinn.
Sala Símans:
Útboð vegna
ráðgjafar
EINKAVÆÐING Einkavæðingar-
nefnd undirbýr útboð vegna
ráðgjafar vegna sölu á Síman-
um. Ólafur Davíðsson, formað-
ur Einkavæðingarnefndar, seg-
ir að ýmis ráðgjafarfyrirtæki
hafi sett sig í samband við
nefndina og látið af sér vita.
Hann segir að útboð á ráð-
gjöf sé fyrsta skrefið í málinu
og það sé því enn á undirbún-
ingsstigi. Ólafur á von á því að
útboð vegna ráðgjafar eigi sér
stað „í næsta mánuði eða svo“.
„Við förum yfir það með ráð-
gjafafyrirtækinu hvernig
heppilegast sé að standa að
þessu og í kjölfarið verða tekn-
ar ákvarðanir um hvernig það
verði gert,“ segir Ólafur. ■
Íslenska ríkið:
Sýknað af
bótakröfu
DÓMUR Íslenska ríkið var sýknað
af rúmlega tveggja milljón
króna kröfu albansks manns en
hann fór fram á kröfuna vegna
gæsluvarðhalds og farbanns
sem hann var úrskurðaður í árið
2002.
Á manninum fundust fölsuð
slóvensk vegabréf sem ætluð
voru albönskum hjónum og var
hann ákærður fyrir brot á lög-
um um útlendinga. Hann var
hins vegar sýknaður af kröfunni
eftir að í ljós kom að albönsku
hjónin væru með vegabréf með
dvalarheimild á Schengensvæð-
inu. Dómnum þótti ljóst að ef
gildandi vegabréfum hjónanna
hefði strax verið framvísað
hefði maðurinn hvorki verið úr-
skurðaður í gæsluvarðhald né
farbann. Þá þykir maðurinn
hafa stuðlað sjálfur að aðgerð-
um gegn sér. ■
Flugleiðir:
Næstbesta
afkoman
VIÐSKIPTI Afkoma Flugleiða
stefnir í að verða sú næstbesta
frá upphafi. Einungis metárið
2002 skilaði betri afkomu í 30
ára sögu félagsins.
Flugleiðir sendu frá sér af-
komuviðvörun í gær, þar sem
kemur fram að áætlaður hagn-
aður fyrir skatta fyrir árið 2003
sé 1.200 milljónir. Í tilkynningu
frá félaginu segir að þessi niður-
staða sé þrátt fyrir Íraksstríð og
bráðalungnabólgu sem ollu
tekjutapi í upphafi ársins, auk
vaxtandi samkeppni í milli-
landaflugi. ■
Skerðing
Neyðarmóttöku:
Stórt skref
afturábak
HEILBRIGÐISMÁL Það er stórt skref
afturábak ef skerða á starfsemi
Neyðarmóttöku vegna nauðgun-
armála með einhverjum hætti,
segir í ályktun frá stjórn
Fræðslusamtaka um kynlíf og
barneignir.
Stjórnin varar mjög eindreg-
ið við öllum breytingum á starf-
semi Neyðarmóttökunnar sem
ekki byggja á faglegu mati á
starfseminni. Neyðarmóttakan
er eitt hið besta sem Íslendingar
hafa gert til að vinna gegn of-
beldi og afleiðingum ofbeldis.
Er vísað til hennar erlendis sem
sérstakrar fyrirmyndar í þess-
um málum, segir í ályktuninni.
Er skorað á stjórnvöld að gera
engar þær breytingar sem skað-
að gætu þetta mikilvæga starf
sem þarna fer fram. ■
Sænskur blaðamaður um Kárahnjúka:
Neyslugleði og talibanastjórn
FRAMKVÆMDIR Framkvæmdir við
Kárahnjúkavirkjun eru tilefni
harðorðrar greinar sem Svíinn
Torgny Nordin skrifar í Gauta-
borgarpóstinn í Svíþjóð. Greinin
er eins konar sambland af ferða-
sögu hálendisferðar til Íslands og
úttektar á umhverfisafstöðu Ís-
lendinga í tengslum við virkjun-
ina. Í greininni er sprengingum
vegna stíflugerðar við Kára-
hnjúka líkt við eyðileggingu tali-
banastjórnarinnar á risavöxnum
búddalíkneskjum í Afganistan.
Nordin segir að Íslendingar
séu fullkomlega að tapa siðferði-
legum áttum. Aðstæður við Kára-
hnjúkavirkjun sýni hversu lítið
menn láti sig velferð manneskj-
unnar skipta. Eyðileggingin á
náttúru Íslands setji Íslendinga
neðst á lista samfélaga náttúru-
verndarsinna heimsins.
Nordin er ekki í vafa um hvers
vegna svona sé komið. Vandinn
liggi í því að meirihluta þjóðarinn-
ar sé sama um allt þetta svo lengi
sem efnahagskerfið vaxi og neysl-
an geti haldið áfram. Ástæðan sé
meðal annars sú að Íslendingar
séu skuldsettir upp fyrir eyru.
Hann bætir því við að raunveru-
leg náttúruvernd finnist vart á Ís-
landi og umhverfisráðherrann,
Siv Friðleifsdóttir, hafi gefið hug-
takinu „umhverfisráðherra“ al-
gjörlega nýja merkingu. ■
Dean saxar á Kerry
Prófkjör demókrata í New Hampshire er talið geta haft afgerandi áhrif á baráttuna fyrir
útnefningu flokksins fyrir forsetakosningarnar í nóvember. John Kerry er enn efstur í
skoðanakönnunum en Howard Dean sækir á.
FORSETAKOSNINGAR Stjórnmála-
skýrendur í Bandaríkjunum eru á
einu máli um að spenna vegna
prófkjörs Demókrataflokksins í
New Hampshire sé meiri nú en
nokkru sinni fyrr.
Öldungadeildarþingmaðurinn
John Kerry hefur enn forskot í
skoðanakönnunum eftir óvæntan
stórsigur í prófkjörinu í Iowa fyr-
ir rúmri viku. Howard Dean, sem
hafði fyrir nokkrum vikum ör-
uggt forskot á keppinauta sína, er
óðum að ná sér á strik eftir mikið
fylgistap í kjölfar hrakfaranna í
Iowa. Hann hefur þurft að kljást
við linnulausar fullyrðingar um
að hann sé sá frambjóðandi sem
hvað minnsta möguleika eigi til
þess að bera sigur-
orð af George Bush
í forsetakosningun-
um sjálfum.
Þá hefur mikið
verið gert úr
„öskri“ sem Dean
lét frá sér úr ræðu-
stóli í Iowa í hvatn-
ingarræðu eftir
ósigurinn. „Öskrið“ hefur verið
nefnt sem rökstuðningur fyrir
þeirri skoðun að Dean sé of óstöð-
ugur og hvatvís til þess að eiga
möguleika á því að hljóta náð fyr-
ir augum bandarískra kjósenda í
kosningunum í nóvember.
Í nýjustu skoðanakönnunum
MSNBC og Reuters er Kerry með
31% stuðning líklegra kjósenda í
prófkjörinu en Dean með 28%.
Hershöfðinginn Wesley Clark nýt-
ur stuðnings 13% samkvæmt
könnuninni. Annar öldungadeild-
arþingmaður, John Edwards, er í
fjórða sæti með 12%.
Keppnin um efsta sætið í próf-
kjörinu virðist því vera á milli
þeirra Dean og Kerry en aðrir
frambjóðendur vonast til þess að
ná óvæntum árangri og fleyta sér
þannig áfram í baráttunni. Með
bærilegum úrslitum í New
Hampshire geta hinir frambjóð-
endurnir komið sér í ákjósanlegri
vígstöðu fyrir fyrsta stóra próf-
kjörsdaginn, 3. febrúar, þegar
kosið verður í sjö fylkjum í sunn-
anverðum Bandaríkjunum.
Eitt meginþemað í kosninga-
baráttunni undanfarna daga hefur
verið gagnrýni á utanríkispólitík
Kerrys en hann kaus með ályktun
um Íraksstríðið á síðasta ári en
var andsnúinn hernaðaríhlutun
Bandaríkjanna vegna innrásar
Íraks í Kúvæt árið 1991.
Judy Dean, eiginkona
Howards, hefur tekið virkan þátt
í kosningabaráttu eiginmanns
síns á síðustu dögum en það er al-
gjört nýnæmi, enda hefur Judy,
sem er læknir í Vermont, þver-
neitað að fórna starfsframa sín-
um til þess að taka þátt í kosn-
ingabaráttu eiginmannsins. Nú,
þegar mikið liggur við í barátt-
unni, hefur hún hins vegar tekið
sér frí frá vinnu í nokkra daga til
þess að standa við hlið eigin-
mannsins – eins og löngum hefur
verið siður hjá mökum banda-
rískra stjórnmálamanna. ■
ÞEISTAREYKIR
Vonir eru bundnar við að fá megi orku fyrir stóriðju frá Þeistareykjum.
TALIBANAFRAMKVÆMDIR
Í sænska dagblaðinu Göteborgsposten er framkvæmdum við Kárahnjúka líkt við
skemmdarverk talibana á menningarverðmætum.
■
Í nýjustu skoð-
anakönnunum
MSNBC og
Reuters er
Kerry með 31%
stuðning lík-
legra kjósenda
í prófkjörinu en
Dean með 28%.
KERRY Á FLUGI
John Kerry er efstur í skoðanakönnunum fyrir prófkjörið í New
Hampshire. Óvæntur stórsigur hans í Iowa hefur veitt honum byr
undir báða vængi.
ÖSKRIÐ
Frumstætt „öskur“ Howards Dean í kjölfar ósigurs í Iowa hefur vak-
ið spurningar um dómgreind hans.