Tíminn - 05.08.1972, Blaðsíða 5

Laugardagur 5. ágúst 1972
TÍMINN
5
- *•
§&PPPP
" mme3 í
Hann á þekktan bróöur
Trúlega þekkjum við bróður
þessa unga manns mun betur en
hann sjálfan. Brúðguminn
heitir Jean-Baptiste de
Monpezat, en bróðir hans
þekkjum við einna bezt undir
nafninu Henrik prins af
Danmörku. Þetta er nefnilega
mágur Margrétar Dana-
drottningar og litli bróðir
Hinriks. Jean-Baptiste er
nýgiftur. Brúðurin er 25 ára
gömul , og leggur stund á
arkitektur, en hún heitir
Isabelle de Vilgrain og er dóttir
milljónamærings i Paris.
Margrét Danadrottning og
Henrik prins voru viðstödd
giftingu unga fólksins, en þau
voru gefin saman i kirkjunni
Saint Louis-en l’Ile, sem var
reist árið 1656 á eyjunni Saint
Louis i hjarta Parisarborgar.
Þetta var i fyrsta sinn, sem
Margrét drottning brá ser til
útlanda eftir að faðir hennar
lézt.
☆
Ekki
sérlega vinsæl
Marlene Dietrich er ekki sér-
lega vinsæl um þessar mundir
meðal þýzkra sjónvarpsmanna.
Astæðan er sú, að hún tók sig
nýlega til og fór að segja þeim
til, hvernig þeir ættu að beita
myndavélunum, stilla ljósin og
hvar og hvernig ætti að nota há-
talarana. Þetta fór allt saman
heldur illa, þvi tæknifólkið og
stjarnan aldna töluðu ekki einu
sinni sama tungumal. Marlene
neitaði hreint og beint að tala
við það á þýzku. Ekkert varð úr
upptöku, en hún helt til London,
og þar talaði hún esnku við
Englendingana og allt gekk
mun betur en i heimalandi
hennar.
☆
Sneri baki í Ijós-
myndarana
Ingrid Bergman, sem nú er 58
ára gömul, hefur látið sjá sig á
almanna færi með manni þeim,
sem sagður er vera nýjasti
vinur hennar. Það er forstjóri
Columbia i London John van
Eyssen. Hann er tiu árum yngri
heldur en Ingrid. Nýlega tókst
ljósmyndurum að mynda þau
skötuhjúin saman, en þó fór svo,
að John snéri baki i ljos-
myndarana, þegar þeir smelltu
af. Sennilega vegna þess, að
enn hefur Ingrid ekki viljað láta
neitt uppi um það, hvort hún ætli
sér að skilja við mann sinn Lars
Schmidt, sem hún hefur verið
gift frá þvi árið 1958, og þá um
leið, hvort nokkuð verður úr
sambandi hennar og Johns van
Eyssens.
☆
Nafnlaus bréf
Grace furstafrú af Monakó
hefur verið heldur áhyggjufull
að undanförnu. Hún brosir
reyndar alltaf, þegar hún
kemur fram opinberlega, en
eins og fyrr segir, þá er hún
mjög áhyggjufull. Ástæðan er
sú, að hún hefur hvað eftir
annað fengið nafnlaus bréf, þar
sem henni er sagt, að maður
hennar Rainier fursti sé henni
ótrúr. Nýlega var Grace gripin
svo mikilli skelfingu vegna
þessara bréfa, ekki aðallega
vegna innihalds þeirra, heldur
öllu fremur vegna þess að vita
ekki hver skrifaði þau, að hún
ætlaði að fá birta yfirlýsingu frá
sér i einu af dagblöðunum i
Monakó. Rainier fékk veður af
þessari fyrirætlun hennar, og
gat fengið frúna til að breyta um
skoðun á siðasta augnabliki.

☆
Mamma borgar
Michael Vilding, hinn 19 ára
gamli sonur Elizabethar Taylor
hefur setzt að a' sveitabæ einum
i Wales, og þar býr með honum
Beth kona hans og dóttir þeirra
Leyla, sem nú er nær eins árs.
Michael var orðinn þreyttur á
lifinu i London og ætlar nú að
búa þarna i hippanýlendu, og
hver á að borga brúsann? Að
sjálfsögðu gerir móðir hans
það. Hún hefur keypt bæinn
fyrir hann, og sendir auk þess
peninga i hverjum mánuöi, svo
sonur hennar og hinir hipparnir
geti lifað sómasamlegu lifi, eða
svelti að minnsta kosti ekki i
hel.
Ulla Pia og dóttir hennar
Ulla Pia heitir hún og söng eitt
sinn á Hótel Loftleiðum. Hún
hefur ákaflega fallega söngrödd
en henni hefur þó ekki gengið
sérlega vel að syngja sig i gegn
um einkalifið. Hún á þessa 20
mánaða gömlu stúlku, Karinu,
með Vagn Nielsen ritstjóra, en
þau hafa ekki búið saman að
undanförnu. — En nú ætlum við
að reyna enn einu sinni segir
Ulla Pia. Nielsen er að leita að
húsi fyrir þau þrjú, og svo flytja
þau sennilega saman. Ekki er
að vita, hvort við eigum eftir að
heyra i Ullu hér á landi aftur. Af
þvi fara engar sögur.
DENNI
DÆMALAÚSI
Þeir eru næstum eins og bræður.
Mér datt svona i hug....Gleymdu
þvi strax!