Fréttablaðið - 24.04.2005, Side 19

Í mars á síðasta ári var kól-
umbíski lögreglumaðurinn
Danilo Gonzalez borinn til grafar.
Útförin var látlaus og fór fram í
lítilli kapellu við lögreglustöðina í
höfuðborginni Bógota.
Ferill Gonzalez í lögreglunni
spannaði meira en tvo áratugi.
Hann var einn færasti rannsókn-
arlögreglumaðurinn í stríðinu við
eiturlyfjabarónana sem ráða svo
miklu í þessu Suður-Ameríkuríki.
Fáir lögreglumenn vottuðu
Gonzalez þá virðingu að vera við-
staddir útförina og lögreglan hélt
enga athöfn þessum annars marg-
verðlaunaða lögreglumanni til
heiðurs. Ástæðan? Bæði banda-
rísk og kólumbísk löggæsluyfir-
völd segja að Gonzalez hafi verið
kominn i slagtog með óvininum –
eiturlyfjabarónunum. Reyndar
var svo komið að hann hafði verið
ákærður ásamt fjölda glæpa-
manna, meðal annars úr Norte
Valle-eiturlyfjahringnum, fyrir
samsæri og eiturlyfjasmygl.
Gonzalez beið þess að vera
framseldur til Bandaríkjanna
þegar hann var skotinn til bana
af öðrum lögreglumanni sem
hafði snúist á sveif með eitur-
lyfjabarónunum. Hann var skot-
inn af því að þeir óttuðust að
hann myndi leka mikilvægum
upplýsingum til lögreglunnar. Á
segulbandsupptöku sem komst í
hendur fjölmiðla lýsir hann því
hversu mikið í mun honum sé að
skýra mál sitt almennilega fyrir
bandarískum yfirvöldum, sem
hann hafði unnið náið með í
meira en áratug.
„Ákveðnar kringumstæður
leiddu til þess sem gerðist,“ segir
hann á upptökunni. „Ég er viss að
um að þeir skilja mig þegar ég
segi þeim frá öllu saman.“
Sem dæmi um það í hversu
miklum metum Gonzalez var á
sínum tíma sagði Joe Toft, fyrr-
um yfirmaður Bandarísku fíkni-
efnalögreglunnar (DEA) í Bógota
að Gonzalez væri örugglega einn
af þeim bestu. „Hann vann mjög
náið með okkur,“ sagði Toft.
Saga Gonzales, sem átti meðal
annars stóran þátt í því að Pablo
Escobar var handtekinn, er ekk-
ert einsdæmi. Í Kólumbíu eru al-
geng mánaðarlaun lögreglu-
manna tíu til tólf þúsund krónur,
sem segir flest sem segja þarf.
FR
ÉT
TA
B
LA
Ð
IÐ
/P
JE
TU
R
HÖFUÐPAURAR CALI-
EITURLYFJAHRINGSINS
Bræðurnir Gilberto Rodriguez Orejuela og
Miguel Rodriguez Orejuela stjórnuðu Cali-
eiturlyfjahringnum þegar hann var sem öfl-
ugastur. Bræðurnir eru nú báðir bak við lás
og slá. Gilberto, sem hafði gælunafnið
„skákmeistarinn“ vegna þessu hversu séður
hann var í viðskiptum, bíður nú dóms í
Bandaríkjunum en hann var framseldur
þangað í
desember.
Undir lok
síðasta mán-
aðar var Miguel framseldur til Bandaríkjanna.
Gríðarlegur viðbúnaður var í kringum komu hans til
Miami. Þegar hann var fluttur frá flugvellinum og í
fangelsið voru tólf lögreglubílar sem gættu þess að
ekkert færi úrskeiðis. Talið er að Cali-hringurinn hafi
framleitt um 80 prósent af öllu kókaíni í heiminum
þegar hann réði ríkjum.
FRÆGASTI
EITURLYFJABARÓNINN
Pablo Emilio Escobar Gaviria, oftast nefndur
Pablo Escobar eða Don Pablo, er líklega þekkt-
asti eiturlyfjabarón síðari ára. Hann var yfir
Medellin-eiturlyfjahringnum sem réði ríkjum í
Kólumbíu á undan Cali-hringnum. Hann komst
til valda á áttunda áratugnum þegar kókaín
varð helsta eiturlyf Bandaríkjanna. Í upphafi ní-
unda áratugarins er talið að Medellin-hringur-
inn hafi smyglað tugum tonna af kókaíni til
Bandaríkjanna í hverjum mánuði. Escobar var
dæmdur í fangelsi í lok níunda áratugarins.
Bandaríkjamenn reyndu að fá hann framseldan
en kólumbísk yfirvöld höfnuðu því. Fangelsið
sem hann var í var í raun líkara sveitasetri.
Hann borðaði góðan mat, neytti áfengis og
fíkniefna og fékk leyfi til að fá gesti. Í júlí árið
1992 þegar flytja átti Escobar í raunverulegt
fangelsi flúði hann. Hann var á flótta í sextán
mánuði og myrti hundruð lögreglumanna sem
reyndu að elta hann uppi. Í desember árið 1993 komust yfirvöld að því hvar hann
var með því að rekja símtal hans. Hann var felldur í skotbardaga í Medellin hinn 2.
desember árið 1993.
FÍKNIEFNI Í FLAGG-
SKIPI FLOTANS
Kólumbísk yfirvöld urðu fyrir miklum álits-
hnekki fyrir ári síðan þegar Alejandro
Toledo, forseti Perú, var í opinberri heim-
sókn í landinu. Á dagskránni var heimsókn í
Gloríu, flaggskip kólumbíska flotans.
Skömmu áður en Toledo átti að stíga um
borð fundust sextán kíló af kókaíni og tíu
kíló af heróíni í skipinu. Málið komst í fjöl-
miðla og baðst Alvar Uribe, forseti Kól-
umbíu, afsökunar. Það var kannski ekki
skrítið því Gloría var á leiðinni í kynnisferð
til Bandaríkjanna og Evrópu í þeim tilgangi
að bæta ímynd Kólumbíu.
ögreglumaður í röngum hópi
DANILO GONZALEZ Hér tekur Gonzalez
við orðu frá kólumbísku lögreglunni.
Gilberto Orejuela
Miguel Orejuela
» KÓLUMBÍA FRAMLEIÐIR 80%
Kólumbía er langstærsti framleiðandi kókaíns í heiminum. Talið er að um
80 prósent af öllu kókaíni í heiminum komi frá Kólumbíu. Hin tuttugu
prósentin koma mestmegnis frá Bólivíu og Perú. Lagt er hald á gríðarlegt
magn kókaíns á hverju ári en þó ekki nándar nægilega mikið til að draga
úr eftirspurninni. Árið 2001 lögðu löggæsluyfirvöld í Norður- og Suður-
Ameríku hald á 75 prósent af öllu því kókaíni sem hald var lagt á það ár
í heiminum. Í Vestur-Evrópu var sambærileg tala 13 prósent. Talið er að
60 prósent af öllu því kókaíni sem framleitt er í Suður-Ameríku fari á
markaði í Bandaríkjunum og Evrópu. Bandarísk yfirvöld áætla að á hverju
ári sé um 300 tonnum af kókaíni smyglað inn í landið. Talið er að á bil-
inu 120 til 150 tonnum sé smyglað til Evrópu árlega.
HEIMILD: Interpol
KÓKAÍNVERKSMIÐJA Í CAUCA-SÝSLU Kólumbískur hermaður stendur í dyragætt kókaínverksmiðju sem fannst í vikunni, um 180 kílómetra
suðvestur af Bogota. Talið er að um tvö tonn af kókaíni hafi verið framleidd í verksmiðjunni á ári.
SUNNUDAGUR 24. apríl 2005 19