Atuagagdliutit - 12.12.1984, Page 20

(Klip. suj. nangitaK)
Toornaarsuk, toornarooq naapis-
sallugu toornartaarissallugulu sa-
pernangajalluinnartoq, angakkup
soorlu Sassuma Arnaaliartaraa-
ngami siulersortigisartagaa. Toor-
naarsuk taanna ukiorpassuarni
naggueqatitta akornanni sulissisi-
masoq mamianaraluartumik kris-
tumiussutsip eqqunneqarneratigut
oqaasipiluutinngorsimavoq.
Angakkut pisinnaasaallu
Angutit arnallu angakkunngorsin-
naapput, naggueqatigiinnilu tas-
suuna immikkoortitsineqanngilaq,
naak Nunatsinni Bering Strædellu
sinenaata ilaani arnat angakkut
i kinnerussuteqarnerat maluginiar-
neqarsinnaagaluartoq. Naggeqatit-
sinni allani angakkut arnat angutil-
lu immikkooruteqanngillat, oqaa-
tigineqartarporlumi angakkorsuu-
nerusut ilaat arnaagajuttartut.
Naggueqatitta ilaannissaaq aaqar-
nerup nalaani arnat angakkuunerat
kipigallartarpoq.
Angakkut ulluinnarni inuuner-
minni inoqatiminnit immikkooru-
teqarajunngillat. Atortorisamik-
kut, atisamikkut inuusaatsimikkul-
lu inoqatinit allanit immikoorute-
qanngillat, taamaallaat naggueqa-
titta ilaanni pingaartumik Netsilim-
miuni taakkununngalu qanittuni
angakkut tasseruteqartarput im-
mikkullu qiteruteqartarlutik. A-
ngakkut taamaallaat inunnit allanit
allaassutigaat inuit allat sapigaat
sapinnginnamikkik, soorlu allat ta-
kusinnaanngisaat takusinnaaga-
mikkik, siunissaq takusinnaaga-
mikku, anngigisat qulaarsinnaaga-
mikkik, eqqarsaatit atuarsinnaaga-
mikkik il.il. Toqungasut tarningi
takusinnaavaat oqaasiilu tusaasin-
naallugit, allatut oqaatigalugu suut
tamaasa takusinnaavaat suullu ta-
maasa nalunagit.
Tamakku saniatigut nuissatigut
immap qaatigullu pisussinnaapput.
nuna sajutsissinnaallugu, allanut
takussaajunnaarsinnaallutik, siku
maniilanngortissinnaallugu siaar-
teqqissinnaallugulu. Toqussutaa-
sinnaasumik ikilerneqaraluarunil-
luunniit ajorunnaarsinnaapput,
taamatullu piumasartik suugaluar-
torluunniit ungasissusia apeqqu-
taatinnagu talertik siaaginnarlugu
tigusinnaavaat. Innaallassinnaaput
ilusertik allanngortissinnaallugu
marloqiusanngorsinnaallutillu.
Angutinngorsinnaavoq arnanngor-
sinnaallunilu taamatullu aamma
ataatsikkoortillugit pigisinnaallu-
git. Uumasuujutigaluni inuusin-
naavoq taamatullu aamma timimi
ilusaa qanorluunniit allanngortis-
sinnaallugu.
Angakkulli piginnaanerisa an-
nersarinnguatsiarpaat timmisarne-
rat, tassa ILIMMARTARNERAT.
Angakkoq silaannarsualiarsinnaa-
voq, toqusut nunaat pulaarsinnaal-
iugit, qaammat inugarinagu imar-
suullu naqqa angallavigisarlugut-
taaq.
Ilimmartarneq
Naggueqatigiinni upperisaavoq uu-
masut inunngorsinnaasut inuillu
uumasunngorsinnaallutik. Eqqissi-
simasumik pinngortitaaqatigiipput
Angakkoq tunumiu.
ataqatigiilluarlutik allaallumi im-
minnut katittarlutik kinguaasioqa-
tigiittarlutillu. Pissaanerit saarfigi-
sartakkat inuupput, ulloriaapput,
seqiniupput, qaammataapput, kal-
lerupput, qaamanerupput il.il..
Qaamanermi tassaavoq inuit ava-
taarsuanukarsimasut inutulli pissu-
sertik allanngortissimallugu.
Ilimmartarnermi anguniarne-
qartartoq tassa: Inuiaqatigiit ima-
luunniit inoqutigiikkuutaat, soorlu
ilaqutariit ataatsit qassiilluunniit,
illoqatigiit, nunaqqatigiilluunniit
ilami inuit ataasiakkaalluunniit
atugaasa oqilisarneqarnissaat pit-
sanngorsarneqarnissaallu. Ilim-
martarnermi pissaanerit ersinngit-
sut saaffigineqartarput, soorlu
napparsimasut nappaataat paasiu-
mallugit ajorunnaarsikkumallugil-
lu, sila unerisikkumallugu, pinia-
gassat uterteqqikkumallugit, tarnit
tammartut naniumallugit il.il..
Ilimmarnermi toornat ikiortaal-
lutik angallassisuusarput, kisiannili
ilaanni pissaanerit nammineerlutik
angakkumik aallersinnaasarput,
soorlu qaammatip inuata pulaar-
tussani nammineerluni aagajuttar-
pai qimussiullugillu imminut pu-
laartittarlugit. Stefanson pingaar-
tumik Mackinziep kuussuata akua-
ni Inuvialuit najugaanni angalasar-
simasoq tikeraakkaminut oqaluttu-
arsimavoq qaqortunik amillit ilisi-
matuut qaammat qinngussuit ator-
lugit isiginnaartaraat. Oqaluttuar-
figisai tupigutsassimapput aperalu-
tillu qaqortunik amilinnik qaam-
mammiittoqarsimannginnersoq,
namminerooq angakkortatik tap-
pavani angalaartareersimaqimma-
ta suullu tamaasa takusimallugit
nunaqqatiminnullu oqaluttuarisi-
mallugit. Stefanssonip tupigusuuti-
gaa qaqortunik amilinnut naleqqi-
ullugu nalinginnaasumik qaamma-
tip pissusaanut ilisimasaqarneru-
jussuat.
Oqaluttuaativut amerlasuut ilim-
martarnermit tunngaveqarput, a-
ngakkummi ilimmareerlutik ute-
raangamik angalanerminni pisima-
sut oqaluttuarisarpaat taamaalillu-
tillu ilisimasassat annertuut inoqa-
timinnut tunniuttarlugit. Ilaanni-
gooq ilimmarlutik utertut kipisuik-
kaamik sivisoorsuarmik oqaluttu-
arsinnaasarput.
Angakkut naggueqatigiillu
Angakkut inuttulli allatut inuin-
naapput amerlanertigut immikkut
ilisarnaarteqaratik timimikkut, tar-
nimikkut, pinerrarinnikkut, mer-
sullaqqinnikkut allatigullu, naak
naggueqatigiit ilatsinni pinerraris-
suseq angakkuulluarnerlu taama-
tullu nalinginnaasumik isumagin-
nilluarneq ataqatigiissinneqartara-
luartut. Manna tikillugu eqqartui-
nitsinni pingaartumik anersaamut
tunnganerusut sammisimavagut,
taasariaqarportaarli — taamatulli
aamma pingaartigimmata — a-
ngakkup ulluinnarni nalinginnar-
mik inooqataasutut suliai, soorlu
inunnik isumaginninnermut tun-
ngatillugu siunnersortaasarnera,
inuit ataasiakkaat tarnimikkut
naalliuuteqartut artorsaateqartullu
ikiorserniarlugit siunnersuisarnera
oqaloqateqartarneralu, napparsi-
masut ikiortariaqartulluunniit allat
pillugit saaffigineqartarnera. A-
gakkoq naggueqatigiit akornatsin-
ni inuttulli allatut inissisimavoq,
pingaartumik uagutsinni kalaallini
Akilinermiunilu immikkoortinne-
qarani. Isornartorsiorneqartarpoq
suliai pillugit tatigineerussinnaallu-
nilu. Naggueqatigiit akornatsinni
tarneqartunik tamanik assigiinngi-
sitsinnginnitta kinguneraa uumas-
suseqartunik uumaatsunillu tama-
nik ataqqinninneq naligiissitsiner-
lu. Angakkoqarnermi taannattaaq
atuuppoq, tassami oqaatigineqa-
reersutut kinaluunniit angakkun-
ngorsinnaammat. Angutaaneq ar-
naanerluunniit apeqqutaanngilaq
soorluttaaq timikkut anersaakkul-
lu atugarisat apeqqutaanngitsut.
Timikkut innarluuteqartut angak-
kunngorsinnaapput, ilaatigullumi
oqaatigineqartarpoq toornanit ta-
makku tikikkumaneqarnerusartut.
Silamikkut amigaateqartut ilisima-
saqarnikkulluunniit allanut naleq-
qiullugit inerisimannginnerusut a-
ngakkunngorsinnaasarput. Aner-
saanik, tarnik, toornanillu upperi-
saqarnitta eqqumiitsuutinngilaat
inuit ilaasa allaasumik pissusiler-
sortarnerat allatulluunniit ulluin-
narni nalinginnaanngitsunik pissu-
silersortarnerat, taamaattut pula-
neqartutut isigisaratsigit.
Inuiaqatigiit kalaallit ukiuni un-
tritilinni kingullerni marlunni ti-
mikkut anersaakkullu nakkaakki-
artulernitsinnut pissutaatinneqar-
tartut ilagaat siulersortaarussima-
nerput, inuunerullu nammineq a-
nersaavani sarfarsiataaginnalersi-
manerput. Naak angakkoqarneq i-
laatigut isornartunik imaqarsin-
naagaluartoq taamaattoq oqartari-
aqarpugut angakkut tassaasimasut
Nunani Issittuni naggueqatigiittut
imminut aqulluta napatillutalu, ti-
mikkut anersaakkullu,
inuusimanitsinni napatitsisuusi-
masut pingaaruteqarluartut ittui.
PHILIPS
EL-APPARATER
OMFATTER
□ husholdningsapparater
□ støvsugere
□ shavere
□ solarier
□ hvidevarer
□ ure
Skriv efter specialbrochure og vi
anviser nærmeste forhandler.
RADIOGROS A/S, 9270 Klarup
4?KTIS
KXPORT - IMPORT
CHRISTIAN ASCHER
H.J. RINKSVEJ 23
DK 3900 GODTHÅB
tlf. 2 49 44
SKIND - HUSFLID - SOUVENIRS
Man.-tors......... kl. 12.00-17.30
Fredag............ kl. 12.00-18.00
Lørdag.............kl. 10.00-13.00
Søndag............kl. 14.00-16.00
20 NR. 50 1984
ATUAGAGDLIUT1T