Atuagagdliutit - 26.11.1986, Qupperneq 14

14
ATUAGAGDLIUTIT/GRØNLANDSPOSTEN
NR. 48 1986
Saarullinniarneq 1990-ikkut
missaanni iluarsiumaarpoq
1984-imi 1985-imilu suffiat allanit amerlanerupput,
pisarinaveersaarneqartariaqarpulli,
tyskeq ilisimatooq oqarpoq
egav*-
pA-køb?
«måbK?
Hvorfor ikke en smuttur til København og købe gaver
til hele familien?
Eks.: fra:
NUUK/GODTHÅB
KUN
5.800,-
Ring til GRØNLANDS REJSEBUREAU
og få vores program.
KALAALLIT NUNAANNIANGALATITSIVIK
GRØNLANDS REJSEBUREAU
GREENLAND TRAVEL
Tlf. Nr: 2 12 05
Skibshavnsvej 31 • Box 330 • DK - 3900 Nuuk

Immat pissusiinik ilisimatooq Manfred Stein ilisimatuullu pisort aat dr. Jo-
achim Messdorff » Walther Herwig«-imi assilineqarsimapput.
Oceanograf Manfred Stein og videnskabelig direktør dr. Joachim Mes-
storfffotograferet om bord på »Walther Herwig«.
Kalaallit Nunaata imartaani saarul-
liit 1981-imiit 1984-imut ukiorluu-
sarsimanera anigoriartuaalerpaat.
1984-imi 1985-imilu suffiat pisar-
nermit amerlanerusimapput siunis-
samilu saarullissanut tunngavissiil-
luarsinnaallutik. Taamaattumik pi-
sarinaveersaaneqarallartariaqar-
put. 1990-ikkullu aaliartinnissaasa
tungaannut saarullinniarluni kili-
sannaveersaartoqartariaqarpoq.
Taamaanngippat tamarmik annaa-
neqassapput, tassami maannakkut
inersimasunik saarulleqannginga-
jalluinnarpoq.
Tyskit aalisakkanik misissuussi-
anni »Walther Herwig«-imi ilisi-
matuut ukiormanna Kalaallit Nu-
naata imartaani misissuereerlutik
nalunaarutaat tamakkua sooruna-
limi isumalluarnartoqarlutillu
aamma mianersoqqussutinik ila-
qarput. Misissuinermi ilisimatuu-
nut pisortaasoq dr. Joachim Mess-
dorff qulanngilluinnarpoq taman-
na pimoorullugu isigineqartaria-
qartoq:
— Qularnanngilluinnarpoq saa-
rulliit 1990-ikkut aallartisimaler-
nissaata tungaanut asattuunneqar-
pata saarulleqarlualeqqikkumaar-
toq. 1984-imili 1985-imilu suffiat
suli suffisinnaalinngitsut annertuu-
mik aalisartoqalissagaluarpat taa-
va saarulleerulluinnassaaq.
Imaq kiannerulerpoq
llisimatuut akornanni qularutigi-
neqanngilluinnarpoq suna pissuti-
galugu saarulleerussimanersoq.
1981-imiit 1984-imut ukiorlooru-
jussuartarpoq, imarlu nillerneru-
lermat suffiarineqartartuttaaq iki-
lerujussuarput. Taamaakkaluar-
torli aalisaneq millisinneqanngilaq,
taamaattumik ajorluinnartumik pi-
soqarpoq.
1984-illi kingornatigut allartor-
luinnaq pisoqalerpoq, Kalaallit
Nunaata eqqaani imaq kianneru-
lerpoq allaat pisarnermit kianneru-
lerluni. Ukiarmannalu Nuup ava-
taani Fyllas Bankimi uuttortaanik-
kut takuneqarsinnaavoq imaq pi-
sarnerminit gradi ataaseq sinnerlu-
guluunniit kiannerusoq. Tamanna-
lu mikinngitsumik pingaaruteqar-
poq.
Immat pissusiinik ilisimatooq
Manfred Stein »Walther Herwig«-
imut ilaalluni Kalaallit Nunaata eq-
qaani misissueqataavoq, taannalu
isumaqarpoq piffissaq aalajanger-
simasoq qaangiukkaangat taama-
tut issileriarujusuartartoq.
— Taamaattumik silaannaap al-
Ianngulerneri nakkutigineqartaria-
qarput, pisariaqalersillugu aalisar-
neq killilerneqartarniassammat, ili-
simatuut marluullutik taama AG-
mut oqarput.
Canadami iluatsippoq
Nillertittarnerit tamakkua assigiis-
sutigaat Atlantikup avannaani qis-
sallakkiartuaartuusamik malin-
naaffigineqarsinnaasaramik. Ka-
laallit Nunaanni issilernera New-
foundlandimi atuutereersimavoq,
taamatullu aamma saarulliit ikili-
nerannik kinguneqarsimalluni.
Canadamiulli piareersimaffigisi-
magamikku saarullinniarneq sak-
kortuumik killilersuiffigisimavaat.
Canadamiup namminneq aali-
sarnerat killilersuiffigineqarpoq,
nunamilu allamiut umiarsuaat nak-
kutilliisunit ikkivigineqartalerput
peqassutsimut naapertuuttuinnar-
nik pisaqartarnissaat eqqarsaatiga-
lugu.
— Taamaaliornerat iluaqutaa-
ngaaarsimavoq, taamalu maanna
Newfoundlandip eqqaani pisarner-
tut aalisagaqartigeqqilereerpoq,
Joachim Messdorff oqarpoq.
1986-imeersut amigaataapput
Saarulliit suffisarput upernaakkut,
»Walther Herwig«-ilu ukiakkut
Kalaallit Nunaanni misissuigaa-
ngat ukioq taanna tukertut ilan-
ngullugit pisaqarfigineqartarput.
Ukiormannalu tupaallaatigisi-
mavaat 1986-imeersunik pisaqan-
ngitsuuvissimagamik.
Taamalu imaassimassaaq saarul-
liit ukiormannattaaq suffinerliuvis-
simasut, aammali piffissaq misissu-
iffiusoq aammalu 1986-imi saarul-
leqarpiarsimannginnera pingaaru-
teqartunut ilaasimasinnaapput.
— Ukiormanna pisarnermit
qaammammik ataatsimik siusi-
naarluta misissuisimavugut, neri-
ussaagullu tamanna 1986-imeersu-
nik pisaqanngitsoornitsinnut pissu-
tasimassasoq, Joachim Messdorff
oqarpoq.
Tyskit ilisimatuut AG-mi oqalo-
qatigigatsigit »Walter Herwig« Nu-
nap Isuata eqqaaniit Nuup tungaa-
nut misissuinerminik naammassin-
neqqammerpoq. Tamaanilu misis-
suinissani sioqqutitsiarlugu Tunup
imartaani misissuisimavoq.