Atuagagdliutit - 13.02.1991, Síða 18

Ajutoornissaagaluit
pinngitsoorneqarsinnaapput
Aningaasatigut ajornartorsiulernerit pilersarput pissusivinngortunut nutaanut
sullivik piuttorsarsimanngikkaangat Malinnaaneq aqqutissaavoq.
Ajutoornissaagaluit pinngitsoorneqarsinnaapput aqutsilluarnikkut.
Kriser imødegås med god styring.
Sullivik nalaatsinerliorsinnaasarpoq
nammineq ilumini pissutsit avataanil-
luunniit sunniinerit pissutigalugit -
imaluunniit soorunami taakku marluk
ataatsimuulersimagaangata.
Aalisarnerup tungaatigut avataaniit
sunniisut tassaasinnaapput aalisaagaa-
rukkiartornera imaluunniit akit ap-
parneri, pisassanik killilersuineq,
imaluunniit nunami inuussutissarsior-
fiit nalingixmaasumik aningaasaqar-
nikkut killiliisimaneri. Aammali pis-
sutaasinnaapput erniat annertussusiisa
allanngorneri, oliap akiata qaffannera
il.il.
Sulliviup iluani ajornartorsiortitsi-
lersarput sullivimmi namminerpiaq
pissutsit - soorlu assersuutigalugit aal-
lartinnerliorneq aningaasanik naam-
mattunik pigisaqannginnermik patsi-
seqartoq, periarfissaasinnaasunik
kukkusumik naliliisimanerit imaluun-
niit pissusissaatuunngitsumik malin-
naasimaneq. Sulliviup iluani ajornar-
torsiutit pilersarput kukkunerit allallu
aaqqinniagassaagaluartut nassueruti-
ginagit nipangiutiinnarneqarsimasa-
raangata. Amerlaqaammi kukkuner-
nik ajornartorsiutinillu paasinnereera-
luarlutik nipangiussiinnartartut. Taa-
maaliortarnerulli ajomartorsiutit
qaangertinneq ajorpai. Akerlerluin-
naanik pisoqartarpoq.
Aningaasanik
atugassaaruteriataameq
Ajoraluartumik nalinginnaavallaarpoq
sulliviit aningaasanik tigoriagassaa-
rukkaangata aatsaat paasinnilersoqar-
tarnera. Tassanngaannavik akileraa-
rutigititanut A-nut akiliutissaagaluit
akissaarunneqartarput, imaluunniit
atortussanik uniimgasuutissanik pisi-
nissaagaluaq akissaarunneqartarluni.
Aamma tamatigut ilimagisaria-
qanngilaq ajornartorsiutaalersut ani-
ngaaseriviup sioqqutsisumik paasisa-
rumaarnerai. Taannaanngilarmi ullut
tamaasa naatsorsuutinik ingerlatsisar-
toq; sussaarutilivinnermilu aatsaat
ajornartorsiulerneq paasisimagaanni
namminersuutigiinnarlugit aaqqeriar-
neqarsinnaasanngillat. Aningaaseri-
viup ikiortiserinissaa ajornakusoorto-
rujussuussaaq, taassumami ilisimaru-
suttarmagu sullivik piuttuinnarsin-
naassanersoq - sulilu ajornarnerulis-
salluni qularnaallineqarsimappat
aningaasatigut aqutsisoqarsimanngit-
soq.
Qularnaatsumik tunngavissaqan-
ngitsumik tassanngaannarlu aningaa-
sanik ajornartooriataarneq tatiginnin-
nerulersitsisanngilaq, tamannarpiaa-
vorlu aallarniutaasinnaasoq pilertor-
pallaamik sapilernissamut.
Malinnaaneq
Tamakku pinaveersaartinniassagaanni
sullivimmut tunngasut suugaluit ta-
maasa malittareqqissaarneqartaria-
qarput. Naatsorsuutit ullut tamaasa
isumagisariaqarput, nakkutigeqqis-
saarniarlugu budgeti maleruarneqar-
nersoq aamma soorlu assersuutigalu-
git ukioq kingulleq qanoq pisoqarsi-
manera. Ukiup ilaanoortumik naat-
sorsuusiorallartarneq pisariaqartar-
poq, taamaalilluni takulertorneqarsin-
naassammata qanoq ilisukkulluunniit
pisariaqartitsilernikkut.
Taamatut malinnaasimagaanni pis-
sutsit malinnaaffigilertorneq ajornar-
tanngillat; suliffimmimmi pigisaqarsi-
magaanni pisortaaffeqarsimagaanni-
luunniit akisussaaffigisamik kingumut
qiviarneq pinngitsoorneqarsinnaa-
sanngilaq, soorunalimi siunissartaaq
puigunngilluinnarlugu. Ukiup ilaani
takussutissiaasimasut tusaatissatut ti-
guneqartariaqarput aamma aaqqitas-
sat aaqqillugit.
Kontot tamarmiusut nakkutigiuar-
nerisiguttaaq akiitsoqarfigisat malitta-
rineqarsinnaalertarput. Silatusaarne-
rusarporlu qularnaallissallugit sulliviit
inuillu akiitsortitat akiliisinnaassuse-
qarnersut. Tamakku nalugaanni ani-
ngaaserivik ikiortiseriniartariaqarpoq,
aammalu pisariaqanngitsumik akiit-
sortitsivallaartoqartariaqanngilaq.
Malinnaagit
Tamatigut ajunngeqqinnaartarpoq
suut tamarluinnaasa malinnaaffiginis-
saat. Ingerlatamut assingusunik
ingerlatsiviit alaatsinaattariaqarput,
malinnaaffigalugit, taamatuttaaq
inuussutissarsiornermi inuiaqatigiin-
nilu ingerlatsinerit tamarmiusut. Poli-
tikikkut qanoq pisoqarpa? Nunarsu-
armi qanoq pisoqarpa sullivimmut
sunniussinnaasunik?
Maani nunatsinni qangaanerusoq
nunarsuarmi allami pisartut toqqam-
maviginiarpallaarneq ajorsimavagut.
T aamanikkummi piorsaaneq aallarte-
ruttorsimavoq unitsitassaajunnaarlu-
ni. Maannali pissutsit allarujussuan-
ngorsimapput. Inuiaqatigiinnguit ike-
qisut piuj unnaarsimapput, ikinnguti-
giinnerlu aqqutigiinnarlugu ingerla-
neq sapilersimavugut, tassa kiap kial-
lu akiitsoqarfigineraatigut alanngaar-
sinnaajunnaarsimavarput. Maanna
aningaasatigut inuussutissarsiuteqa-
vissutut aallartissimavugut, aningaa-
satigullu eqqortumik aqutsinissaq
samminerulersimallutigu. Ingiinnar-
luta pissutsit aaqqinnissaat utaqqisin-
naanngilarput.
Avataaniit sunniisartut
Avataaniit sunnertinngitsoorneq ajor-
naqaaq. Tamakkorpiaappullumi
ukiuni kingullerni malugillualersima-
savut. Taamaakkaluartorli maanna
nammineernerulersinnaalersimavu-
gut. Siullermik sulliviutivut aqussin-
naalersimavagut, pissusiviusut tu-
ngaasigut aningaasartuutivut uisimaf-
figiniarsinnaalersimallutigik. Taa-
maakkaluartorli alaatsinaattariaqarpa-
vuttaaq periarfissat suuneri avammut
nittarsaaffigisinnaasavut, soorlu pit-
saanerusumik pilerisaarisinnaanerput,
nioqqusiornitsinnik nutarterisinnaa-
nerput imaluunniit immaqa nutaavin-
nik nioqqusiorsinnaanerput. Sooruna-
lumi periarfissat aalajangersimasuin-
naat atugariniarsinnaavagut paasisi-
magutsigik atorluarneqarsinnaasut.
Kisianni tamatigut sulliviup iluani
pisut tamarluinnaasa malinnaaffigisa-
riaqarpavut. Immitsinnut isuman-
naallisartariaqarpugut, sillimmateqar-
tariaqarlutalu ukiunut ajornernut
imaluunniit sullivik iluanaaruteqarne-
russappat aningaasaliiffigisassanut nu-
taanut.
Aningaasanik uninngasuutaaruteriataamissaq pinngitsoorniarlugu sullivimmut tunngasut suu-
galuit tamaasa malittareqqissaarneqartariaqarput.
For at undgå likviditetsproblemer, må man have en ordentlig opfølgning i alle virksomhedens
forhold.
LISBET LY AGER FOTO