Atuagagdliutit - 22.07.1997, Qupperneq 13

Nr. 55 • 1997
13
GRØNLANDSPOSTEN
Nunatta Katersugaasivia Allagaateqarfialu pisussaaffeqarqpiq eqqumiitsulianik
katersinissamut. Taamaattumik katersugaasiviup toqqorsivia eqqumiitsulianik ulikkaarpoq,
assersuutigalugu ukkusissamit qiperukkat suli toqqomeqarsimanngitsut.
Grønlands Nationalmuseum og Arkiv er forpligtet til at indsamle kunst. Derfor har museet
et lager fyldt med kunstgenstande, som for eksempel disse fedtstensfigurer, som endnu ikke
er arkiveret.
Eqqumiitsuliat kateisomeqaannartoq
Eqqumiitsuliat pisiortorneqarput Nunattalu Katersugaasiviani toqqorterneqarlutik. Maannakkut eqqummitsuliat
1996-imi pisiarineqarsimasut tiguneqarsimasullu saqqummersinneqarput
NUUK (LRH) - Nunatta Ka-
tersugaasiviani Allagaateqar-
fianilu pisussaaffittut sulias-
sat ilaanni piumasarineqarpoq
katersugaasiviup Kalaallit
Nunaanni eqqumiitsuliome-
rup ineriartornerata malin-
naaffiginissaa. Taamaattumik
katersugaasiviup eqqumiitsu-
liat Kalaallit Nunaannut suk-
kulluunniit attuumassuteqar-
tut pisiarisassavai. Nunatta
Katersugaasivia Allagaate-
qarfialu eqqumiitsulianik pi-
sinissaminut aningaasaliiffi-
gineqameq ajorami, katersu-
gaasivik ukiut tamaasa eqqu-
miitsulianik pisinissaminut
aningaasanik katersisarpoq.
Aammali katersugaasivik i-
laannikkut tunissutisisarpoq.
Nunatta Katersugaasiviani
inimi minnermi maannakkut
10. augustillu tungaanut eq-
qumiitsuliat 1996-imi pisiari-
neqarsimasut tiguneqarsima-
sullu saqqummersinneqarput.
Inimili minnermi inissaq
naammanngimmat eqqumiit-
suliat 1996-imi pisiarineqar-
simasut tiguneqarsimasullu
ataatsikkut saqqummersin-
neqarsinnaanngillat. Eqqu-
miitsuliat sinneri katersugaa-
siviup toqqorsivianut toqqor-
neqarsimapput, ukiut ingerla-
neranni pisiarineqartartut ti-
guneqartartullu ilagalugit.
Assigiinngitsut
Naak saanemik sanalukkat,
qalipakkat, ikaartitikkat qi-
summillu qiperukkat Ineeq-
qami saqqummersinneqartut
soqutiginaraluartut assigiin-
ngiiaaraluartullu, taamaattoq
sumik tunngaveqarpiamersut
takujuminaappoq. Taamaat-
tumik katersugaasivimmi pi-
sortaagallartoq Joel Berglund
AG-mit aperineqarpoq, Nu-
natta Katersugaasivianut Al-
lagaateqarfianullu eqqumiit-
suliat pisiarineqartartut sunga
tunngavigalugu toqqameqar-
tamersut.
- Katersugaasivik eqqumii-
tsulianik pisisarlunilu tunissu-
tisisarpoq. Katersugaasiviup
eqqumiitsulianik pisinerani
Kalaallit Nunaannut tunngas-
suteqartut pisiarineqartarput.
Taamaattumik eqqumiitsuliat
Kalaallit Nunaanni kalaalli-
nit, kalaallinit nunani allami-
unit, Kalaallit Nunaanni ka-
laaliunngitsunit eqqumiitsuli-
arineqarsimasut aamma Ka-
laallit Nunaat pillugu eqqu-
miitsuliaasimasut pisiarisar-
pavut. Taamaattumik eqqu-
miitsuliat assigiinngitsorpas-
suupput, Joel Berglund oqar-
poq.
AG: - Saqqummersitani
assersuutigalugu takuneqar-
sinnaapput qalipakkat mar-
lussuit nunani allamiunit qa-
lipanneqarsimasut. Qalipak-
kallu Kalaallit Nunaannut
attuumassuteqannginnguatsi-
arput?
- Aap. Katersugaasivimmi
periaaseraarput eqqumiitsuli-
ortut katersugaasivimmi saq-
qummersitsisimasut suliaan-
nik pisisarluta. Eusebio To-
pooco indianeruvoq katersu-
gaasivimmi maani saqqum-
mersitsisimasoq. Taamaattu-
mik qalipagaasa ilaannik pi-
sisimavugut. Ravi Butalia
indiamiuuvoq, Eqqumiitsuli-
omermullu Ilinniarfimmi ilin-
niartitsisuusimalluni. Eqqu-
miitsuliaat Kalaallit Nunaan-
nut tunngassuteqartutut taa-
neqarsinnaangikkaluarput, ta-
kutitsisuullutilli kalaallinut
eqqumiitsuliortunut eqqumii-
tsuliomissamik piumassu-se-
qalemissamik.
Pitsaassuseq
AG: - Eqqumiitsuliallu assi-
giinngitsut qanoq pisoqaati-
gineri imminnut ataqatigiin-
ngillat. Ilaat ullutsinneer-
suupput, ilaalli pisoqaane-
rujussuit?
- Eqqumiitsuliat nassaari-
sinnaasavut ingerlaavartumik
katersortarpavut. Eqqumiitsu-
liat pisiatta takutissavaat ka-
laallit eqqumiitsuliortamerata
ineriartomera. Soorunami pit-
saassusiat oqallisigineqarsin-
naavoq. Assersuutigalugu eq-
qumiitsuliaateqarpugut nuna-
siaanerup nalaani inuussutis-
sarsiutiginagu qalipaasartunit
eqqumiitsuliarineqarsimasut.
Taamanikkut qalipaasarneq
qaammarsagaanermut ilaa-
voq. Inuussutissarsiutiginagu
qalipaasartut qalipaagaanga-
mik suut tamaasa ilanngunni-
artarpaat. Taamaalilluni qali-
pakkani illoqarfiup assiliar-
taanut ilaasarsimasut maan-
nakkulli tammarsimasut ilan-
ngunneqartarput. Taamaalil-
luni qalipakkat qanganisaati-
nut ilannguttarput, Joel Berg-
lund nassuiaavoq.
- Aappaatigut eqqumiitsuli-
aateqarpugut ullutsinneersu-
nik, eqqumiitsuliomerup ine-
riartomera malinnaaffigisari-
aqaratsigu.
- Eqqumiitsuliat ima amer-
latigaat, sorliit pisiarissaner-
lugit ajomakusoortarluni. Eq-
qumiitsulianik pisiniartartutut
taaneqarsinnaanngilagut. So-
qutiginartunik tusagaqaraa-
ngatta pisiniarsinnaasarpugut.
- Ajuusaamartumilli Dan-
mark-imi eqqumiitsulianik
Kalaallit Nunaannut tunngas-
suteqartunik akitsorterussiso-
qaraangat malinnaasinnaaneq
ajorpugut. Eqqumiitsuliat Ka-
laallit Nunaannut tunngassu-
teqartut ima akisutigilersar-
put, allaat akissaqartissinnaa-
samagit, Joel Berglund nassu-
iaavoq, nassuerutigalugulu a-
jomakusoortomjussuusoq eq-
qumiitsuliat sorliit pisiariniar-
lugit toqqaanissami.
- Ilaannikkulli toqqaanissaq
ajornarneq ajorpoq. Asser-
suutigalugu saqqummersita-
nut ilaapput Eigil Knuth-ip
qalipagai imilertakkanik qali-
pannearsimasut. Siullermik
eqqumiitsuliaapput kusanar-
luinnartut, aammali arlalitsi-
gut Kalaallit Nunaannut tun-
ngassuteqarlutik, qalipakkallu
imilertakkat assigiingitsunik
takussutissiipput.
Qiperukkat
Nunatta Katersugaasiviata
Allagaateqarfiatalu eqqumiit-
sulianik pisinissamut ukiumut
100.000 aamma 150.000 ko-
ruunit akomanni amerlatigi-
sut atortarpai, eqqumiitsulial-
lu qalipagaannaanngillat. A-
ningaasat pingaartumik pis-
sarsiarineqartarput aningaa-
saateqarfinnit, tassanilu
Windstedt-ip eqqaassutissaa-
nut aningaasaateqarfik taper-
taalluartarpoq.
Katersugaasiviup ineeraani
saqqummersitat qalipakkat,
imilertakkanik qalipakkat tit-
artakkallu eqqumiitsuliarine-
qarsimasut Frederik »Kun-
ngi« Kristensen-imit, Otto
Sandgreen-imit, Jafet Ly-
berth-imit, Anne-Lise Løv-
strøm-imit, Karl Rosing-imil-
lu saniatigut aamma taku-
neqarsinnaapput ikaartiterlu-
git assilialiat Helle Raffnsøe-
mit suliarineqarsimasut.
Taakku saniatigut saanemik
qipemkkat Aron Kleist-imit,
Rasmus Thomassen-imit
aamma Cecilie Kleist-imit
suliarineqarsimasut takune-
qarsinnaapput, ilaallutillu kii-
narpaat kusanarluinnartut Tu-
numeersut.
Saqqummersitsineq 10. au-
gustip tungaanut ingerlas-
saaq, mannalu tikillugu taku-
niameqarluarsimalluni, Joel
Berglund oqaluttuarpoq. Eq-
qumiitsulialli qanoq pineqas-
sappat saqqummersitsinemp
kingoma?
- Toqqorsivimmut toqqor-
neqassapput, Joel Berglund
oqarpoq, katersugaasivimmi
pisortaq Emil Rosing isuma-
qatigalugu kissaateqartoq Ka-
laallit Nunaanni Eqqumiitsu-
lianut Katersugaasiveqaler-
nissamik.
Atukkiisameq
Nunatta Katersugaasivia Al-
lagaateqarfialu toqqorsive-
qarpoq saqqummersitsiviu-
sartup eqqaani. Toqqorsivik
nalilippassuamik toqqorsiviu-
voq, toqqorsivillu »Magasin
1« AG-p aallartitaanut taku-
tinneqarmat qimakkuminaat-
sippaa. Qujanartumik toqqor-
taatit tamarmik uninngatiin-
narneqarneq ajorput. Ilaan-
nikkut eqqumiitsuliat suliffe-
qarfinnut atukkiunneqartarput
imaluunniit nunani allani saq-
qummersinneqartarlutik.
- Katersugaatitta ilaat unga-
sinngitsukkut Island-imi saq-
qummersinneqarput. Taassu-
ma saniatigut Finland-imi,
Sverige-mi Norge-milu saq-
qummersitsisarpugut. Asser-
suutigalugu suliffeqarfinnut
qalipakkanik atukkiigaangat-
ta atukkiussassat qanoq amer-
latiginerat nalilemiartarpar-
put. Amerlavallaammi ataat-
sikkut atukkiuttariaqanngin-
natsigit, Joel Berglund oqar-
poq.
ASS./ FOTO: LOUISE-INGER KORDON