Atuagagdliutit - 26.08.1997, Qupperneq 5

Nr. 65 • 1997
5
/ttaa&a&c/é/a £/£
GRØNLANDSPOSTEN
Inuppalaarnerat tuppallernarpoq
KULLLORSUAQ(PM)
»Mattak uutaq kaarialerlugu
aamma kalaallit kaagiat ma-
marilluinnarpaat« taama AG-
mut kunngikkormiut pulaar-
nerat pillugit oqaluttuarpoq
Kullorsuarmiu Kitora Jensen
piniartup Nikolaj Jensen-ip
nulia.
Nikolaj Jensen-ip angutaa,
Vittus Jensen, Kullorsuarmik
nunaqarfittut tunngaviliivoq
aasakkut 1928-mi. Ullumik-
kut Nikolaj Jensen nunaseq-
qaartunit amiakkuulersima-
voq.
1928-mi Kullorsuarmut
peqqaamertik Nikolaj Jensen-
ip eqqaamavaa, naak taamaal-
laat ukiut pingajuat avillugu
pisoqaatigigaluarluni.
- Umiamik angallateqarpu-
gut aasaaneranilu tupeqarluta
amermik. Ulloq siulleq inuit
arfiniliinnaalluta tikikkatta
aqaguani allat takkummata
katilluta 16-inngporpugut.
Issuinnarnik illoqarpugut
1950-ikkut aallartinnerisa
tungaanut, aamma nunasiner-
put sioqqullugu Kullorsuaq
aasaanerani piniariarfiulluar-
tarsimagami assut illukoqar-
poq.
Taama Nikolaj Jensen Kul-
lorsuup nunaqarfittut tun-
ngavilerneqarneraniit, ulloq
manna tikillugu ineriartornera
aamma piniartutut inuunini
pillugit AG-mut oqaluttuami-
ni aallamerpaa. Taamatuttaaq
kunngikkormiut pulaartini
oqaluttuuppai.
Kunngikkormiut
soqutiginneqaat
- Prins Henrik apersomeru-
voq piniartutut inuunermut
tunngasinnaasut tamaasa so-
qutiginneqaluni apersuutiga-
lugit. Emera Joachim prinses-
se Alexandra-lu ilaatigut a-
peqquteqartarput, assullu nu-
annersumik isersimaaqati-
giippugut, Nikolaj Jensen
oqarpoq.
Nuliata ilanngullugu oqaa-
tigaa igaffeerartik assiliisunik
ulikkaarsimasoq silataanilu-
migooq aviisilortorpassuit
utaqqillutik.
Kunngikkormiut angalanis-
saat pilersaarusiorneqarmat
Kullorsuarmukartussanngor-
mata Nikolaj Jensen nulialu
Kitora pulaarfissatut piler-
saarusiortunit toqqameqarsi-
mapput. Tamanna uissuum-
missutissaanngilaq Nikolaj
Jensen-imi inuusuttunnguu-
nerminiit angalasinnaajun-
naamini tikillugu piniartutut
peqqissaartutut, uumasunik
pinngortitamillu eriaginneq-
qissaarluni aalaniarluarsima-
sutut tusaamasaavoq.
Nunatsinniinnaq tusaama-
saanngilaq, tassami ukiut i-
ngerlaneranni arlalissuarnik
pinngortitap uumasullu allan-
ngorarnerannik sulialinnik
oqaloqateqartarsimavoq siun-
nersuisarlunilu.
Norgimiup
kunngeertorpaa
- Taamaallunga Danmarkimi
suliaritikkiartorlunga 1986-
mi kalaallit illuanni norgemiu
naammattoorlugu aperaanga
Nikolaj Jensen-iusuoralunga.
Angeranni pingasoriarluni
pallorfigaanga Kullorsuullu
»Kunngianik« taagorlunga,
Nikolaj Jensen illarluni oqa-
luttuarpoq.
Inuttaami oqaluullugu im-
minut angisuutinngeqaaq.
Naqissusertarpaa inuunermini
aalaniarluamermigut aamma
peqqissaarluni piniarnermigut
angusaqarluartarluni.
- Qulingiluanik ukioqarlu-
nga ataataga nangiartunngor-
poq annertunerusumillu pini-
assaarluni. Taamaammat taa-
mani 13-inik ukioqarlunga a-
persortitinneqarpunga piniar-
tutut sungiusamissara siuner-
taralugu. Ataataga qaannamik
angalaqatigisinnaalerakku
qujanartumik nangiarunnaar-
poq, nangialeqqaaramimi as-
sut nallinnartarami aallalaa-
ginnarluni minutsit qulit qaa-
ngiutinngitsut utertaraaq ka-
najunnguarsimalluni.
- 14-nik ukioqarlunga qila-
lugaqqaarpunga uiaq pisari-
gakku. Taassuma kingorna
18-inik ukioqarlunga pinga-
soraarpunga ukiullu ingerla-
neranni qilalugannguit ilan-
ngallattaarpakka. Taamatut-
taaq ukiut ingerlaneranni qi-
lalukkat ingerlaartameri ma-
linnaavigisarpakka, uumasu-
nillu ilisimatuut paasisannik
nassuiaattarlugit.
Oqaluttuamini nangillugu
oqarpoq 19-inik ukioqarluni
piniarluartunngorsimalluni,
20-nillu ukioqalerami nuna-
qarfimmi oqartussaasunut i-
laalersimalluni. Tassa piniar-
tuulluartut eqiasuillutillu aa-
laniartut aqutsisunut toqqar-
neqartarmata.
Qimusseriarsuaq
Nikolaj Jensen-ip aamma
nannunniartarnini tusaama-
saassutigaa. Oqaluttuarpoq
meeraallunili Knud Rasmus-
sen-ip Thule-mi Akilinermilu
angalasameri pillugit allaase-
risartagai assut nuannaralugit
atuartarsimallugit. Asulu ila-
qutaasa ilaat marluk Knud
Rasmussen-imik angalaqate-
qarsimallutik.
- Taamanili Qimusseriarsu-
aq pillugu atuarama assut
angalaarfissattut pilerigilersi-
mavara, siullermillu angalla-
vigaara 1962-mi Savissivim-
mut nuliara, meeqqakka anaa-
nagalu ilagalugit ukiiartorat-
ta. Taassuma kingoma ukiut
tamakkiusavillugit angallavi-
gisarpara aamma nannunniar-
ftgisarlugu. 1995-ip tungaa-
nut katillugu 59-eriarlunga
Qimusseriarsuaq angallavi-
gaara, qimussimik, pujortu-
leeqqamik ataasiarlungalu he-
likopterimik. Avanersuarmut
killeqarfia tikillugulu taava-
miusullu oqalulerlunga, Ni-
kolaj Jensen illarluni oqalut-
tuarpoq.
Siomatigut inuunertik eq-
qarsaatigalugu ullumikkumut
ineriartorsimaneq qanoq isu-
maqarfigineraa Nikolaj Jen-
sen aperineqarami oqarpoq
ilaatigut emumassuteqartarlu-
ni.
- Ullumikkut qallikkut a-
tukkatigut pisuunerulersima-
galuarluta isumaqarpunga
inuiaqatigiit anersaakkut piit-
sunnguallassimasut. Inuit ine-
riartornerat sillimanartun-
ngorsimavoq assullu ajuu-
saamartunik tusagaqartalerlu-
ta. Isumaga naapertorlugu ul-
lumikkut atuarfinni kristumi-
ussuseq pillugu atuartitsineq
annikippallaarujussuaqaaq.
Sunngiffimmi atuartitsigaa-
ngama piniartuunermik ilin-
niartitakka kristumiussutsip
pingaassusianik oqaluttuut-
tarpakka. Piniartuullunimi na-
laattakkat tunngavigalugit
saaffissaqarnissamik aamma
pisariaqartitsinarpoq.
Kullorsuit marluk
Nikolaj Jensen-ip nuliatalu
Kitorap dronning Margrethe-
mik tikeraarteqamissartik as-
sut qilanaarisimagaluarpaat.
Ajoraluartumillu seeqquni
pissutigalugu angerlaannarta-
riaqarsimammat ilassinngit-
soorlugu. Kunngikkormiut ti-
keraarnissaat tusaannarlugu
Nikolaj Jensen tunissutissa-
minik suliaqalereersimavoq.
Dronning Margrethe-mut
alutornarluinnartumik meq-
qutaasiviliorsimavoq tuttup
kanaavanik suliamik. Meeq-
qutinik, qilalukkat ujaluinik,
ujalussianik tikermillu tuu-
gaamik sanaamik meqqutaa-
sivik imaqartippaa.
- Taanna prins Henrik-mut
tunniukkakku ukuaaraata i-
ngerlaannaq tiguaa assut alu-
torigunarlugu, Nikolaj Jensen
oqarpoq.
Kitora Jensen-ip Alexan-
drap ujamissai inuttaanut tun-
niuppai. Uiata aamma taanna
suliaraa Kullorsuartut ilusiler-
lugu tuugaaminermut qiperu-
gaq ataani nannup kukianik
nivingasulerlugu.
- Tunniukkakku ingerlaan-
naq ativaa, Kitora Jensen un-
nersiorpoq, assut nuannerpoq
taama ataqqinartigisut assut
inuppalaartut pulaartigalugit.
Prins Henrik emeralu Joa-
chim aamma tunissuteqarfigi-
neqarput.
<2 fiEH

Kunngikkormiut Kullorsuarmi Nikolaj Jensen-ikkunni Kongefamilien var på besøg hos Nikolaj Jensens hus i en
akunneq ataatsip missaanik sivisussusilimmik pulaarput times tid, og fik orientering om fangerlivet,
piniartuunerullu atugarititaanik paasiniaaqqissaarlutik.
Kunngikkormiunik tikeraarteqaleramik illumik silataa
paarnaqutinik pinnersaasersorpaat. Nikolaakkut ernertik
Aron taassumalu ernera Moses illumi silataani
assiliseqatigaat.
Før kongefamiliens besøg blev pladsen foran huset pyntet
med lyng. Nikolaj og konen blev fotograferet sammen med
sønnen Aron og sønnesønnen Moses.
Vi søger personale til Aaqa
1 afdelingsleder på Optræning, 1
1. assistent og antal af assistenter
Vi søger ansvarsbevidste, dygtige pædagoger, som vil
prøve kræfter med en afdelingslederstilling.
Vi søger personale til optræningsafdeling og langtidsaf-
deling.
Afdelingslederen har til opgave udover almindelig pæ-
dagogiske arbejde, at være en del af ledergruppen, lave
skema, og afdelingens budget m.m.
Aaqa er:
En landsdækkende socialpædagogisk døgninstitut, der
modtager voksne med psykiatriske problemer.
Institutionen har 3 afdelinger.
• Langtidsafdeling for personer med brug for
længerevarende ophold.
• Optræningsafdeling er korte observations- og
optræningsophold.
• »Alloriarfik« værstedsafdeling, der er beskæftigelse,
optræning og arbejdsprøvning.
Vi forventer:
• Har du relevant uddannelse.
• Er dobbeltsproget.
• Er i besiddelse af humor og tolerance.
• Har gode samarbejdsevner.
Vi tilbyder dig:
• En arbejdsplads i udvikling.
• Gode kollegaer.
• Kurser.
• Et spændende job med mulighed for faglig udvikling.
Ansøgningsfrist: 10. september 1997.
Tiltrædelse efter aftale.
Der kan stilles bolig til rådighed.
Løn og ansættelse efter gældende overindskomst.
Yderligere oplysninger fås ved henvendelse til 22088
lokal 1 eller 2.
Aaqa
Adolf Jensensvej 22
Box 391
3900 Nuuk.
ASS./ FOTO: AG