Fréttablaðið - 18.06.2005, Blaðsíða 30
8 18. júní 2005 LAUGARDAGUR
www.bilaattan.is
ALLT Á EINUM STAÐ!
Verslun · Smurstöð · Bílaverkstæði · Dekkjaverkstæði
Íslandsmeistaramótið í
rallakstri er farið af stað og
þykir Subaru-liðið sigur-
stranglegt að þessu sinni.
Jón Bergsson er aðstoðarökumað-
ur Subaru-liðsins í rallakstri, sem
er talið sigurstranglegt í sumar.
„Ég hef keyrt með Guðmundi
Guðmundssyni í þrjú ár, hann sem
bílstjóri en ég sem aðstoðaröku-
maður. Það hefur gengið vel hjá
okkur og sumarið leggst vel í
okkur,“ segir Jón. Þegar hafa
farið fram tvær keppnir af sex á
Íslandsmeistaramótinu, sem
stendur yfir í allt sumar. Fimmtán
lið taka þátt að þessu sinni og
segir Jón að töluverður samdrátt-
ur hafi orðið í sportinu.
„Það verður stöðugt erfiðara
að stunda þessa íþrótt. Sportið
hefur fengið litla umfjöllun og þar
af leiðandi er orðið erfitt að fá
styrktaraðila og starfsfólk til að
vinna á mótum. Mér finnst að við
séum komin svona fimmtán ár
aftur í tímann og mér sýnist að
þetta sé eina íþróttin innan mótor-
sportsins sem verður áfram í
sumar,“ segir Jón.
Guðmundur og Jón aka á
Subaru Impreza RS sem er
tveggja dyra bíll, árgerð 1995.
„Það er búið að breyta bílnum
gríðarlega mikið, setja í hann öfl-
ugri bremsur og gírkassa sem
kostaði yfir milljón,“ segir Jón en
rallið er dýrt sport eins og flest
mótorsport. Í fyrrasumar veltu
þeir félagar bílnum og þurftu að
smíða nýjan bíl á hálfum mánuði
til að detta ekki út úr keppninni.
Jón segir að það hafi verið ansi
strembið en hafi tekist með hjálp
góðra manna. Þeir mættu svo til
keppni á nýjum bíl sem varla var
búið að prófa enda lítið um
æfingasvæði fyrir rallbíla. „Það
eru ekki til nein æfingasvæði
fyrir þetta sport og það gerir
okkur erfiðara fyrir. Mótorhjóla-
strákarnir hafa sína braut, kvart-
mílan líka og svo eru víða brautir
fyrir gokart-bíla. Við þurfum hins
vegar að stelast til að æfa okkur
einhvers staðar sem við megum
eiginlega ekki vera og það er
kannski ein ástæðan fyrir fækk-
uninni í sportinu,“ segir Jón.
„Keppnisbrautir eru líka af skorn-
um skammti en þegar við keppum
fáum við Vegagerðina og sýslu-
menn í lið með okkur og vegum er
lokað fyrir umferð svo við getum
keppt. Oftast eru þetta fáfarnir
vegir hér á suðvesturhorninu en
stundum förum við út á land, til
dæmis til Sauðárkróks eða Húsa-
víkur, en næsta keppni fer einmitt
fram þar um næstu mánaðamót.“
Jón segir að rallið sé góð útrás
og gríðarlega skemmtilegt sport.
„Ég keyri varlega úti í umferðinni
og get fengið útrás í rallinu án
þess að stofna neinum í hættu.
Það mættu alveg fleiri fá útrás
fyrir hraðaksturinn annars staðar
en á götum bæjarins,“ segir Jón.
Fimm manna hópur jap-
anskra áhugamanna um nýt-
ingu hreinnar orku lagði af
stað í hringferð um landið síð-
asta laugardag á harla
óvenjulegu farartæki. Þeir
ferðast um á svokölluðum
vetnislunda, hydrogen puffin,
sem er þríhjól sem gengur
fyrir vetni.
„Hjólið er byggt upp eins og þrí-
hjól. Það var upprunalega með
hjálparmótor en Japanarnir settu
vetni í staðinn. Þeir sem sagt tóku
rafgeyminn af og settu vetnis-
geymslu í hans stað. Það er fót-
stigið en getur líka gengið fyrir
vetni og kemst auðvitað hraðar ef
bæði fótaaflið og vetnið er notað,“
segir Jón Björn Skúlason, fram-
kvæmdastjóri NýOrku.
Japanarnir lögðu af stað á hjól-
inu á laugardaginn fyrir viku
síðan og settu sér það markmið að
vera tíu daga. „Þeir eru á undan
áætlun og veðrið hefur leikið við
þá þannig að það er aldrei að vita
nema þeir komi fyrr heim. Það
getur bara einn hjólað í einu á
vetnishjólinu en hinir fylgja
honum í bíl. Þeir eru með tvær
flöskur fullar af vetni með sér frá
Ísaga sem eru á stærð við hefð-
bundnar gasflöskur,“ segir Jón en
þessi ferð Japananna er miklu
ódýrari og margfalt umhverfis-
vænni en að ferðast um landið á
bensínbíl.
Hringferðin er samstarf inn-
lendra aðila, NýOrku, Sendiráðs
Íslands í Japan og Ísaga. En
hvernig byrjaði þetta allt saman?
„Japanarnir sendu mér tölvupóst
þegar ég var á Kastrup af öllum
stöðum, á leiðinni til Tókýó. Ég
hitti þá í Tókýó næsta dag og við
ræddum um verkefnið. Þeir höfðu
heyrt mikið um vetnisumræðuna
á Íslandi og stefnu íslenskra
stjórnvalda um vetni og fannst til-
valið að hjóla hringinn í kringum
Ísland á vetnishjóli,“ segir Jón en
aðalmaðurinn í hópnum er svo
sannarlega ævintýramaður. „Já,
hann hefur flogið í sólknúinni
flugvél og labbað yfir Norður-
pólinn.“
„Þessi ferð hefur gríðarlega
góð áhrif á ferðamennsku hér á
landi. Japanarnir hafa haldið
marga blaðamannafundi í Japan
um verkefnið og vakið mikla at-
hygli. Vetni er ekki ódýrt í dag en
með meiri umfjöllun og notkun
mun það verða mun ódýrara en
bensín í framtíðinni,“ segir Jón en
Ísland hefur sýnt frumkvæði í
nýtingu vetnis með vetnisstrætis-
vögnunum.
Vetnishjólið var til sýnis við
Perluna fyrir viku þegar hópurinn
lagði af stað í hringferðina. Eftir
hringferðina fara Japanarnir með
hjólið til Japan og verður það til
sýnis á Íslandsdeginum á Expo-
sýningunni þar í landi. „Það getur
vel verið að það verði líka til sýn-
is hér á landi áður en það fer til
Japan. Við værum líka til í að fá
það aftur til Íslands eftir sýning-
una en það kemur allt í ljós.“
lilja@frettabladid.is
Erfiðara að stunda sportið en áður
Guðmundur og Jón við Imprezuna sína. Guðmundur er ökumaður en Jón er að-
stoðarökumaður og segir Guðmundi hvað er fram undan. Rallakstur byggir á gagn-
kvæmu trausti ökumanns og aðstoðarökumanns og samvinnan verður að vera góð.
FR
ÉT
TA
B
LA
Ð
IÐ
/H
AR
I
Japanarnir hafa verið mjög heppnir með veður.
Hjólað í kringum landið á
vetnislunda
Steinunn Valdís Óskarsdóttir borgarstjóri
fékk að prófa hjólið áður en hópurinn
lagði af stað frá Perlunni.
Hér er stór vörubíll nýbúinn að keyra
framhjá og þyrlar aldeilis upp ryki yfir einn
af Japönunum.
Íslenska sauðkindin veit ekki hvaðan á sig
stendur veðrið þegar vetnishjólið fer fram-
hjá henni.