Fréttablaðið - 18.06.2005, Blaðsíða 44

24 18. júní 2005 LAUGARDAGUR
Þetta er hluti af vinnunni
Kvikmyndafyrirtæki› Saga Film a›sto›a›i kvikmyndatökuli› Batman
Begins flegar fla› kom hinga› til lands. Finnur Jóhannsson leyf›i Frey
Gígju Gunnarssyni a› skyggnast á bak vi› tjöldin.
LEITIN HAFIN Áður en hafist er handa við að taka upp kvikmynd
á borð við Batman Begins þurfa menn að vera hundrað prósent vissir
um að tökustaðirnir henti fullkomlega. Aðstandendur myndarinnar
eyddu drjúgum tíma í að skoða staði á Íslandi og ákváðu að
Svínafellsjökull væri heppilegastur.
MÁLIN RÆDD Hér eru þeir
Liam Neeson og Chris Nolan að
bera saman bækur sínar. Fyrir
atriðið á svellinu þurfti að bora
og ganga úr skugga um að ísinn
væri nógu þéttur. Hlýnað hafði
nokkuð í veðri á þessum tíma og
daginn eftir að tökum lauk var
ísinn horfinn.
ERFIÐAR AÐSTÆÐUR Menn þurftu að leggja
mikið á sig til þess að koma upp búðunum sem nota
átti fyrir myndina. Ekki mátti fara með neinar vinnuvélar
inn á svæðið þannig að smiðirnir þurftu að bera upp
timbrið eftir snæviþaktri og grýttri leið. Finnur sagði það
þó vera þess virði. „Fylgir bara vinnunni.“
ÍSLENSKI VETURINN Oft var mjög kalt og
stundum lá hvítt yfir öllu. Menn létu það þó ekki á
sig fá heldur börðu í sig hita.
JÓN ÞÓR OG FINNUR JÓHANNSSON Eins og sjá má á klæðnaði þeirra félaga var ekkert allt of hlýtt í
námunda við jökulinn. Að sögn þeirra kom það mjög á óvart hversu mikið af landinu er notað í myndinni. „Þeir
voru hér við tökur í sex daga og þegar ég sá myndina fannst mér eins og þeir hefðu notað nánast allt,“ sagði Jón
Þór. Finnur var sömuleiðis mjög hrifinn af því sem hann sá og sagðist vera stoltur af sinni þátttöku enda ekki oft
sem kvikmyndir teknar á íslandi fengju jafn mikla athygli.
ÓVEÐUR Eins og gefur að skilja í námunda við jökul geta
veður oft verið válynd. Það gerðist einn daginn að mikill
stormur brast á. Hann feykti risastóru tjaldi að þessum
tveimur gámum. Þeir feyktust upp í loft, skullu saman og
lentu ofan á hluta af leikmyndinni.
AFLEIÐINGARNAR Eins og sjá má fylgdi töluverð
eyðilegging veðrinu. Finnur var þó furðu rólegur þegar hann
sagði blaðamanni frá þessu veðri. ,,Það þýddi ekkert annað
en að bíta á jaxlinn og halda áfram.“
ÁNÆGÐIR Á ÍSLANDI Eins og komið hefur fram í
viðtölum eru aðstandendur myndarinnar mjög ánægðir
með hvernig til tókst. Þeir hafa einnig hrósað tökunum á
Íslandi en útsýnið er ósvikið.
NOSTRAÐ VIÐ HÚSIN Húsin komu til landsins í einingum. Þegar
tökum var lokið mátti ekki rífa þau niður heldur voru þau tekin í sundur
og send vestur um haf til þess að nota í öðrum tökum. Töluverð vinna
var því eftir þrátt fyrir að kvikmyndatökuliðið væri farið. Að þeirri vinnu
lokinni voru hvergi ummerki um Leðurblökumanninn.