Fréttablaðið - 06.09.2005, Side 40

Hver er Barði? sýnd á
Atlantic Film Festival.
Stuttmyndinni Who’s Barði?, eða
Hver er Barði?, eftir Ragnar
Bragason hefur verið boðið til
keppni á hinni virtu, alþjóðlegu
kvikmyndahátíð Atlantic Film
Festival, sem haldin er árlega í
Halifax í Nova Scotia. Að þessu
sinni stendur kvikmyndahátíðin
yfir frá 15. til 24. september, en
þar tekur myndin þátt í flokknum
International Perspectives, sem
sýnir það besta í alþjóðlegri kvik-
myndagerð síðastliðið ár.
Á síðustu árum hefur Atlantic
Film Festival orðið ein stærsta og
virtasta kvikmyndahátíð Norður-
Ameríku, en aðalmynd hátíðarinn-
ar í ár er nýjasta kvikmynd
sænska leikstjórans Lasse Hall-
ström, sem ber titilinn An Un-
finished Life og skartar þeim Ro-
bert Redford, Morgan Freeman og
Jennifer Lopez í aðalhlutverkum.
Myndin Who’s Barði? hefur
ferðast víða um heim undanfarin
misseri og vakið athygli á fjölda
kvikmyndahátíða; þeirra á meðal
Nordisk Panorama, Tekfestival
Rome og Paris Tout Court.
Who’s Barði? fjallar um tónlist-
armanninn Barða Jóhannsson
sem skipar hljómsveitina Bang
Gang. Hópur kvikmyndagerðar-
manna fylgir Barða eftir við upp-
tökur á nýrri plötu, þar sem tón-
listarmaðurinn gefur þá mynd af
sér að hann sé algjört heilsufrík
með óbilandi áhuga á andlegum
málefnum og íþróttum, en kvik-
myndagerðarmennina grunar
fljótt að ekki sé allt með felldu.
Þeir fara því að fylgjast með
Barða án hans vitneskju og upp-
götva heim sem er fullur af mót-
sögnum, sérvisku og undarlegri
notkun á mjólkurvörum.
Sjá nánar á http://www.atlant-
icfilm.com.
28 6. september 2005 ÞRIÐJUDAGUR
> Ekki missa af ...
...hinni
rammís-
lensku bíó-
mynd
Strákunum
okkar eftir
Róbert
Douglas.
Drepfyndið hommasport með grátbros-
legu ívafi.
...af sýningunni Meistari Kjarval 120
ára, sem opnaði í Gerðasafni á laugar-
daginn. Þar má sjá lífshlaup Kjarvals frá
1905 til 1966.
...Banners Bright eftir Malcolm Green
og Cosmosis-tauþrykki þeirra Godds,
Ómars Stefánssonar og Bjarna H. Þórar-
inssonar í Kling og Bang galleríi til 25.
september.
Frá því í ágúst árið 2002 hefur Hafnarborg, menningar-
og listastofnun Hafnarfjarðar, staðið fyrir hádegistónleik-
um einu sinni í mánuði. Nú á fimmtudaginn 8. ágúst
verða haldnir fyrstu tónleikarnir í hádegistónleikaröð
vetrarins, en tónleikarnir hefjast klukkan tólf og
standa yfir í hálfa klukkustund. Hádegistónleikarnir
eru sérstaklega hugsaðir sem tækifæri fyrir fólk sem
starfar í miðbæ Hafnarfjarðar til þess að njóta góðrar
tónlistar í hádegishléinu.
Að þessu tilefni hefur Hafnarborg fengið til samstarfs pí-
anóleikarann Antoníu Hevesi sem listrænan stjórnanda
tónleikaraðarinnar en Antonía er organisti við Hafnar-
fjarðarkirkju. Á tónleika septembermánaðar valdi Anton-
ía óperusöngkonuna Elínu Ósk Óskarsdóttur sem fyrsta
hádegissöngvarann, en tónleikarnir eru í boði Hafnar-
borgar, ókeypis og öllum opnir meðan húsrúm leyfir.
Fimmtudagskvöldið 8. september
verður opnuð sýning á verki myndlist-
armannsins Finns Arnars í Epal,
Skeifunni 6. Verkið „Stígur“ er inn-
setning en í því er gestum boðið í
stuttan göngutúr „úti í ósnortinni nátt-
úrunni“.
Samhliða myndlistinni hefur Finnur
starfað sem leikmynda- og sýninga-
hönnuður.
Sýningin er opin á opnunartíma versl-
unarinnar og stendur í þrjár vikur.
menning@frettabladid.is
Sko›a›i taflbor›
Fischers og Spasskís
Bandaríska söngkonan Patti
Smith var gerð að heiðursfélaga í
taflfélaginu Hróknum í gær eftir
mót sem félagið hélt henni til
heiðurs í Þjóðmenningarhúsinu.
Að sögn Hrafns Jökulssonar,
formanns Hróksins, er Smith,
sem heldur tónleika á Nasa í
kvöld, mikil skákáhugakona.
Hafði hún óskað eftir því við tón-
leikahaldara að sjá taflborðið sem
Bobby Fischer og Boris Spasskí
notuðu í heimsmeistaraeinvígi
sínu hér á landi árið 1972. Í fram-
haldi af því ákvað Hrafn að slá
upp stuttu móti fyrir unga skák-
menn í lestrarsal Þjóðmenningar-
hússins, þar sem taflið er geymt.
Einnig voru Patti sýndar myndir
frá Grænlandsferð Hróksins sem
var farin á dögunum auk þess sem
Andrea Gylfadóttir sæmdi hana
Silfurhróknum, sem gerir söng-
konuna þar með að heiðursfélaga í
Hróknum.
„Hún var stórhrifin af þessu
öllu. Henni fannst gaman að sjá
borðið og tók myndir af því í bak og
fyrir,“ segir Hrafn. „Henni fannst
æðislegt að hitta krakkana líka og
síðan ákvað hún að koma í næstu
Grænlandsferð með okkur. Hún er
greinilega mjög áhugasöm um
skák og þekkir vel til skáklistarinn-
ar. Hún talaði um hvað skákin væri
góð fyrir rökhugsun, ímyndunar-
aflið og sköpunargáfuna.“
Patti fékk einnig forláta tafl-
borð að gjöf frá Hróknum svo að
hún gæti þjálfað sig fyrir Græn-
landsferðina, en að sögn Hrafns
er hún mjög hógvær þegar kemur
að eigin taflmennsku. Alls tóku
fimmtán krakkar þátt í mótinu og
urðu þær Júlía Rós Hafþórsdóttir
og Sigríður B. Helgadóttir jafnar í
efsta sætinu.
Patti Smith er talinn einn
áhrifamesti kvenrokkari og texta-
smiður allra tíma. Á meðal fræg-
ustu laga hennar er dúettinn
Because the Night sem hún söng
með Bruce Springsteen og
Dancing Barefoot sem hljóm-
sveitin U2 setti á lagalista sinn um
miðjan síðasta áratug við miklar
vinsældir. freyr@frettabladid.is
!
ELÍN ÓSK ÓSKARSDÓTTIR ÓPERUSÖNG-
KONA Elín verður fyrsti gestasöngvari Hafnarborg-
ar á hádegistónleikum septembermánaðar.
Menningar- og listastofnun Hafn-
arfjarðar í Hafnarborg opnaði
sýningu á málverkum Eiríks
Smith 27. ágúst, í tilefni áttræðis-
afmælis Eiríks 9. ágúst síðastlið-
inn. Á sýningunni eru ný verk eft-
ir listamanninn, bæði olíu- og
vatnslitamálverk.
Ferill Eiríks sem listmálara
spannar meira en hálfa öld og í
verkum hans speglast mörg
helstu viðfangsefni í listasögu
þess tíma, enda hefur Eiríkur
aldrei verið hræddur við að feta
nýjar slóðir í list sinni.
Í sýningarskrá segir Aðal-
steinn Ingólfsson listfræðingur
meðal annars: „Myndlist Eiríks
hefur alla tíð verið trú þeim mark-
miðum sem flestir góðir lista-
menn setja sér, leynt eða ljóst,
nefnilega að brjóta til mergjar
grundvallaratriði á borð við tilvist
manns í síbreytilegum heimi,
samskipti hans við náttúruna,
hlutverk tilfinningalífsins í öllu
því tilvistar-og samskiptamynstri
og síðast en ekki síst tæpir lista-
maðurinn óhræddur á helsta
feimnismáli samtímamyndlistar,
eilífðarspursmálinu.“
Safnið er opið alla daga nema
þriðjudaga frá kl. 11 til 17 og sýn-
ingunni lýkur 26. september.
Fetar n‡jar sló›ir
EIRÍKUR SMITH Ferill hans sem listmálara spannar meira en hálfa öld.
FR
ÉT
TA
B
LA
Ð
IÐ
/H
EI
Ð
A
VIÐ TAFLBORÐIÐ Söngkonan goðsagn-
akennda hafði gaman af heimsókn sinni í
Þjóðmenningarhúsið í gær.
HVER ER HANN EIGINLEGA ÞESSI BARÐI? Myndin er fengin að láni úr kvikmynd
Ragnars Bragasonar, Who’s Barði, sem sýnd verður á hinni virtu Atlantic Film Festival síðar
í mánuðinum. Í myndinni eru sýndar óvæntar senur úr lífi hins dularfulla Barða.
FR
ÉT
TA
B
LA
Ð
IÐ
/R
AG
N
AR
B
R
AG
AS
O
N
Fullur af mótsögnum
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/S
TE
IN
U
N
N
Hádegissprengja í Hafnarborg