Fréttablaðið - 24.10.2005, Qupperneq 86

24. október 2005 MÁNUDAGUR38
1
6 7 8
10
13
119
12
15
16
18
21
20
17
14
19
2 3 4 5
LÁRÉTT 2 slátra 6 samþykki 8 besti
árangur 9 þrá 11 guð 12 ófriður 14
rákir 16 ætíð 17 flýti 18 flana 20 í röð
21 þekkja leið.
LÓÐRÉTT 1 útihús 3 hljóm 4 skeði 5
óhreinka 7 áköf þrá 10 knæpa 13
kæla 15 glufa 16 haf 19 bardagi.
Lausn.
Leigubílstjórinn og tónlistar-
áhugamaðurinn Bárður Bárðar-
son er einn af þeim sem áttu veg
og vanda að endurútgáfunum á
Bubbaplötunum Ísbjarnarblús og
Konu sem komu út fyrir skömmu.
Bárður hefur verið hálfgerð-
ur skrásetjari ferils Bubba síðan
samnefnd bók um tónlistarmann-
inn kom út. „Þetta byrjaði 1990
þegar ég vann listana í bókina
hennar Silju [Aðalsteinsdóttur].
Þetta hófst þannig og síðan hef
ég verið að halda utan um ferilinn
hans. Silja narraði mig í þetta því
hún vissi að ég átti þessar plötur
og síðan leiddi eitt af öðru,“ segir
Bárður.
Hefur hann meðal annars gert
klárar til útgáfu safnplötu Utan-
garðsmanna og Sögu-safnplöturn-
ar sem Bubbi sendi frá sér fyrir
nokkrum árum. Að auki sér Bárð-
ur um heimasíðu Bubba en þess
utan hefur hann gert hljóðritaskrá
fyrir útgáfu á íslenskum plötum
sem hann afritaði síðan fyrir tón-
listarsíðuna vinsælu tonlist.is.
Hann segist ekki vera aðdáandi
Bubba sem slíks, þótt hann eigi
allt sem hann hefur gefið út. „Ég
hef verið aðdáandi tónlistarinnar
miklu frekar. Ég hef aldrei getað
hengt mig sem einhvern Bubba-
aðdáanda. Ég er miklu frekar tón-
listaraðdáandi. Ég get ekki pers-
ónugert aðdáun, mér finnst það
voða hallærislegt,“ segir hann.
Auk þess að eiga gríðarlegt
safn af Bubba-plötum á Bárður
eitt stærsta David Bowie-safn
landsins, sem telur hundruð
platna. Nær því tónlistaráhugi
hans lengra en bara til Bubba.
Á meðal þess sem ekki var haft
með á endurútgáfu Ísbjarnarblúss
voru upptökur frá Ríkisútvarpinu.
„Það er meðal annars út af þessu
sem ég er hlynntur því að Ríkisút-
varpið verði áfram því það geym-
ir allar upptökur sínar. Bylgjan
eyðir til dæmis öllum upptökum
eftir þrjá mánuði,“ segir Bárður.
Næst á dagskrá hjá Bárði er
útgáfa á plötunni Geislavirkir
með Utangarðsmönnum í sam-
starfi við Senu. Hann segist ekki
ætla að leggja árar í bát eftir þá
plötu. „Ég er að halda í þá von að
það verði áframhald á þessum
útgáfum og að á næsta ári komi út
fleiri plötur. Síðan er ég að safna
íslenskum textum í textagagna-
banka,“ segir skrásetjarinn ógur-
legi, Bárður Bárðarson.
freyr@frettabladid.is
BÁRÐUR BÁRÐARSON SKRÁSETUR FERIL BUBBA MORTHENS:
Enginn aðdáandi Bubba
BÁRÐUR BÁRÐARSON Bárður hefur skrásett feril Bubba Morthens síðan 1990. MYND/E.ÓL
Ofurtala
6 13 21 33 35
2 6 12 19 28 42
31 32 21
2 3 8 9 7
1 3 2 0 3
22.10. 2005
19.10. 2005
Tvöfaldur 1. vinningur
næsta laugardag
Einfaldur
1. vinningur næsta
miðvikudag
Fyrsti vinningur gekk ekki út.
Fyrsti vinningur gekk ekki út.
19�
Í dag er kvennafrídagurinn endurtekinn, en að baki
þeim fyrri sem haldinn var hátíðlegur 24. október
1975 stóð Rauðsokkuhreyfingin. Kristín Ástgeirsdótt-
ir sagnfræðingur var ein rauðsokkanna, sem ekki
eru lengur til.
„Rauðsokkuhreyfingin kom fyrst fram á sjónarsviðið
1. maí 1970 þegar konur voru hvattar til að mæta í
kröfugöngu undir slagorðinu: „Konur í rauðum sokk-
um; hittumst á Hlemmi“. Þetta vakti mikla athygli
og í kjölfarið var Rauðsokkuhreyfingin stofnuð,“
segir Kristín, en rauðsokkur þóttu afar róttækar.
„Rauðsokkuhreyfingin lagði áherslu á jafnan rétt
kvenna og karla á öllum sviðum. Þær töluðu máli
hinna útivinnandi kvenna og mæðra, og lögðu
mikla áherslu á dagvistunarmál, launajafnrétti,
baráttu gegn kvenfyrirlitningu og ekki síst frjálsum
fóstureyðingum sem voru afar takmarkaðar á þeim
tíma. Þetta vakti feikna athygli og náðist breið
kvennasamstaða um málið sem skilaði sér í nýrri
löggjöf árið 1975,“ segir Kristín, en einmitt sama ár
kviknaði hugmyndin um kvennafríið.
„Kvennafrídagurinn var fyrst ræddur formlega á
láglaunaráðstefnu Rauðsokkuhreyfingarinnar í janúar
og síðar samþykktur á ráðstefnu um sumarið. Það
má segja að blómatímabil rauðsokkanna hafi verið
frá 1970 til 1975, en þá fór að halla undan fæti og
miklar deilur sem spruttu upp milli róttækra hópa.
Þegar umræðan um kvennaframboð og Kvennalist-
ann kom til sögunnar lognaðist Rauðsokkuhreyfing-
in út af og margar rauðsokkanna gengu til liðs við
Kvennalistann,“ segir Kristín og kann sögu um hvern-
ig hugmyndin um Rauðsokkuhreyfinguna vatt upp á
sig.
„Sagt er að Vilborg Dagbjartsdóttir skáld og Helga
Gunnarsdóttir tónlistarkennari, sem báðar voru
kennarar við Austurbæjarskóla, hafi heyrt í útvarpinu
frétt um aðgerðir
hollenskra kven-
rét t indakvenna.
Helga hafi þá
sagt: „Ef við
gætum nú gert eitt-
hvað svona“. Þegar
Vilborg kom svo heim
að vinnudegi loknum
og hafði hugsað um orð
Helgu lagðist hún
í símann og
hringdi og
hringdi. Það
þurfti ekki
meira til.
Þetta lá í
loftinu.“
LÁRÉTT: 2 lóga, 6 já, 8 met, 9 ósk, 11
ra, 12 stríð, 14 rásir, 16 sí, 17 asa, 18
æða, 20 tu, 21 rata.
LÓÐRÉTT: 1 fjós, 3 óm, 4 gerðist, 5 ata,
7 ástríða, 10 krá, 13 ísa, 15 rauf, 16 sær,
19 at.
SÉRFRÆÐINGURINN > KRISTÍN ÁSTGEIRSDÓTTIR SAGNFRÆÐINGUR
Konur í rauðum sokkum; hittumst á Hlemmi
HRÓSIÐ
... fær Íþróttaálfurinn fyrir að
skemmta ungum sem öldnum á
Latabæjarhátíðinni á laugardag.
Rithöfundurinn Kristjón Kormákur Guðjóns-
son byggir nýja skáldsögu sína, Frægasti
maður í heimi, að hluta til á raunveruleg-
um tölvupóstssamskiptum sem hann lét
aðalpersónu sína, Tómas Jónsson, standa
í við þjóðþekkta
Íslendinga. Þeir
sem urðu fyrir
barðinu á
Tómasi/Kristj-
óni gerðu sér
ekki grein fyrir
því að þeir
væru að skrifast
á við skáld-
sagnapersónu
en Dr. Gunni
er einn þeirra
sem stendur
nú óvænt uppi
sem persóna í skáldverki Kristjóns. Dr. Gunni
fjallar um þetta á heimasíðu sinni þar sem
hann segir meðal annars: „Ég hafði verið
blekktur svona líka illilega! Enginn Tómas var
til heldur var þetta Kristjón allan
tímann í einhverju
raunveruleika-skáld-
sögu-stuði með mig
og eitthvað annað lið.“
Gunni viðurkennir einnig
að sér hafi alveg verið hætt að
lítast á blikuna og talið að hann
væri kominn með einhvern geð-
sjúkling á bakið eftir því sem póstar
Tómasar urðu undarlegri. Hann hefur
því sent Kristjóni bréf þar sem hann
segist glaður að eiga ekki „á hættu fram-
ar að fá email frá Tómasi Jónssyni.“
Tímaritið Grapevine gaf út dagleg blöð um
Airwaves-hátíðina á meðan hún stóð yfir.
Auglýsingar í sérblöðunum tengdust vit-
askuld fyrst og fremst næturlífinu, tónlist og
Airwaves. Auglýsingar frá Kaffi Sólon í blað-
inu hafa vakið
nokkra kátínu en
yfirskrift þeirra er
„Airway‘s menu“,
eða „flugmat-
seðill“. Hér hefur
væntanlega verið
átt við sérstakan
Airwaves-matseðil
en eins og flestir
sem hafa eitthvað
flogið að ráði er
flugvélamatur
síður en svo
eftirsóknarverður
og vart hafður á
boðstólum fínna
veitingahúsa.
FRÉTTIR AF FÓLKI
Ný húfa og plata í farteskinu
„Ég er búinn að fá mér nýja húfu,“
segir Guðjón Rúdolf Guðmundsson
tónlistarmaður spurður hvað hafi
drifið á daga hans síðan hann sló
í gegn með laginu Hvar er húfan
mín. „Ég hef ekki týnt henni ennþá,
en hver veit hvað gerist hérna á
Íslandi.“
Guðjón býr í Árósum í Danmörku
og er staddur hér á landi til að
kynna nýju plötuna sína, Þjóðsöng,
sem kom í verslanir fyrir helgi.
Þetta er önnur platan sem Guðjón
vinnur í samstarfi við Þorkel Atla-
son, en gáfu út plötuna Minimaníu
fyrir röskum tveimur árum. „Við
vorum tilnefndir til verðlauna fyrir
Minmaníu og fengum styrki frá
Árósarborg og fleirum til að gera
þennan disk. Samstarfið er hálfgerð
úrvinnsla; ég legg til melódíur og lög
sem ég hef legið á en Þorkell bætir
melódíum við, útsetur og tekur upp.
Hann er verksmiðjan ef ég get verið
hráefnið,“ segir Guðjón og hlær.
Þjóðsöngur eru öllu tregafyllri
smíð en Minimanía og ákaflege ein-
lægur að sögn Guðjóns. „Stundum
titra ég yfir þaví. Þetta eru tilfinn-
ingar manns sem er kominn inn á
miðjuna á því ferli sem þetta lífs-
hlaup er og þá rifja ég upp gamlar
ástir, söknuð og fleira.“
Auk þess að gefa út eigin tónlist er
Guðjón í dönsku víkingabandi og
eru félagar hans úr því með honum
í för. „Við voru fyrir vestan og héld-
um tónleika á Ísafirði, Bolungarvík
og Þingeyri. En aðaltilgangur ferð-
arinnar vr að taka upp í Bjarnafirði.
Þar er besta stúdíó landsins og engir
farsímar og slíkt að trufla mann.“
Víkingabandið segir Guðjón njóta
nokkurra vinsælda og víkingahátíð-
um sem eru aðallega á sumrin og því
er veturinn hálfdauður tími.
Til að eiga fyrir salti í grautinn
vinnur Guðjón sem garðyrkjustjóri
á elliheimili í Árósum og unir hag
sínum vel. „Ég ræð mér nokkurn
veginn sjálfur og svo þarf ég ekki
að nota hausinn mikið í vinnunni
þannig að hann er alltaf fullur af
músík.“
GUÐJÓN RÚDOLF Var í Bjarnarfirði með dönskum félögum sínum að taka upp víkingatónlist.
FRÉTTABLAÐIÐ/STEFÁN
[ VEISTU SVARIÐ ]
Svör við spurningum á bls. 8
1. Framkvæmdastjóri banka og
verðbréfa fyrirtækja
2. Hallgrím Pétursson
3. Rannveig Guðmundsdóttir