Fréttablaðið - 24.10.2005, Page 88

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
AUGL†SINGASÍMI
550 5000
FYLGIR FRÉTTABLA‹INU ALLA MI‹VIKUDAGA
BAKÞANKAR
ÞRÁINS BERTELSSONAR
�
�
�
��
��
��
���
�
����������������������������������������������������
Það er skuggaleg tilhugsun að rúmur helmingur þjóðarinn-
ar skuli telja það nauðsynlegt að
fara í verkfall til að minna hinn
helminginn á að enn þá skort-
ir bæði margt og mikið upp á
að báðir hinir jafnnauðsynlegu
helmingar þjóðarinnar njóti
réttlátra helmingaskipta. Í dag
fara konur í skyndiverkfall til
að árétta það sameiginlega verk-
efni okkar allra að gæta þess að
við eigum öll að njóta þess að
hafa jafnan aðgang að lífsins
gæðum.
ÞAÐ er dónaskapur í sam-
kvæmum að leggjast á eina sort.
Sömuleiðis eru þeir ekki sam-
kvæmishæfir sem eru svo gráð-
ugir að þeir aféta þá félaga sína
sem eru pastursminni og ekki
jafnhandfljótir að moka á disk-
inn sinn. Það eru margar sort-
ir á boðstólum á hinu íslenska
veisluborði: Innan um girnileg-
asta bakkelsið má sjá frægð
með glassúr, peninga með þeytt-
um rjóma, völd með sultutaui,
stöður, embætti, titla, sambönd
og fleira góðgæti. Því miður er
það nú svo að við þennan enda
veisluborðsins er troðningurinn
mestur og sumir sýna græðgis-
lega og jafnvel ógnandi tilburði
við að raða í sig kræsingum og
skeyta því engu þótt hinir sein-
færari renni hýru auga til krás-
anna og séu jafnvel farnir að
hafa áhyggjur af því að borð-
ið verði hroðið áður en röðin
kemur að þeim að fá að smakka
góðgætið.
EKKI svo að skilja að nokkur
þurfi að vera svangur í sam-
kvæminu. Í augnablikinu er
nóg fram borið til að seðja alla
viðstadda. Þarna er holl og góð
menntun, en það eru ekki allir
nógu vel tenntir til að vinna á
þeim ólseiga undirstöðurétti.
Þarna er líka nóg vinna sem
að sjálfsögðu er seðjandi, en
þó hvorki nógu bragðsterk né
spennandi til að geta talist til
hinna skrautlegu rétta.
GESTGJAFINN hefur í örlæti
sínu sagt gestunum að gjöra svo
vel, og svo brugðið sér sjálfur
upp á efri hæðina til að fá sér
síðdegisblund. Maður vonar að
samkvæmið fari ekki úr bönd-
unum meðan hann sefur, en ef
þetta á ekki allt að fara í bál og
brand, verða allir veislugestir að
sýna hver öðrum kurteisi, tillits-
semi og umhyggju. Annars verð-
ur þetta óskemmtileg samkoma
og viðbúið að einhver fari heim
með glóðarauga.
Um mannasiði
í veislum
VIÐ SEGJUM FRÉTTIR SMÁAUGLÝSINGASÍMINN ER 550 5000