Fréttablaðið - 28.10.2005, Blaðsíða 21

28. október 2005 FÖSTUDAGUR20
fréttir og fróðleikur
SAFNAÐI LÍKA
BARNAKLÁMI
OG ER Á LEIÐ Í
TVEGGJA ÁRA
FANGELSI
Ólafur Eggert Ólafsson
vann á Club Clinton og
bjó með súludansara –
en það var ekki nóg...
Níddist á
barnapíunum
DV2x15 - lesið 27.10.2005 20:25 Page 1
HJÓNAVÍGSLUR Á HVERJA ÞÚSUND ÍBÚA
1951-1955
8,3
1961-1965
7,9
1971-1975
8,2
1981-1985
5,7
1991-1995
4,7
Umræðan um lagningu
Sundabrautar hefur að
undanförnu legið nokkuð í
skugga flugvallarumræð-
unnar. Þrjár lausnir hafa
verið kannaðar á fyrsta
áfanganum, sem er þverun
Kleppsvíkur frá Gufunes-
höfða. Þær eru í fyrsta lagi
hábrú sem kæmi niður við
Sæbraut, í öðru lagi göng
undir sundið og í þriðja lagi
innri leið, nær Elliðaárdal,
með lágbrú.
Ríkisstjórnin ákvað í byrjun sept-
ember að leggja átta milljarða af
söluandvirði Símans til verksins á
árunum 2007 til 2010. Í framhaldi
af því var ákveðið í borgarstjórn
að fara innri leið sem jafnframt
er ódýrust. Sú ákvörðun er þó háð
samþykki umhverfisráðherra og
íbúa í grennd við framkvæmda-
svæðið. Seinni áfanginn er svo
þverun Kollafjarðar með brú en
þar er deilt um hvort viðunandi sé
að fjármagna þá framkvæmd með
veggjöldum.
Júlíus Vífill Ingvarsson, borg-
arfulltrúi Sjálfstæðisflokksins,
er ekki sáttur við þessa ákvörð-
un borgarstjórnar og segir að
skynsamlegast væri að leggja
þessar þrjár lausnir í dóm borg-
arbúa.
Dæmigert mál til að leysa með
íbúa lýðræði
„Seltirningar fóru þá leið snemm-
sumars þegar taka þurfti mjög
mikilvægar skipulagslegar ákvarð-
anir um framtíð miðbæjarins að
leggja tvo kosti í dóm kjósenda og
láta svo bæjarstjórn vera bundna
af þeirri niðurstöðu sem íbúarnir
kæmust að. Fyrir þær kosningar
var allt útlit fyrir að mikið fjaðra-
fok yrði vegna málsins en síðan
að íbúar hafa kveðið upp sinn dóm
er málið fallið í ljúfa löð og allir
virðast sætta sig við mat fólksins,“
segir Júlíus Vífill.
„Það væri hrein vantrú á borg-
arbúa að halda að þeir geti ekki
komist að skynsamlegri niður-
stöðu í þessu máli. Svo er það nú
einu sinni þannig að lýðræðið er
ekkert stabílt fyrirkomulag sem
engum breytingum tekur, það er
í þróun eins og allt annað og þró-
unin er í þá átt að í mikilvægum
málum sem þessum eigi fólkið
sjálft að ráða.“
Þrír kostir vænstir
Þessar þrjár lausnir sem sett-
ar voru fram í upphafi hafa ekki
verið fyrirferðarmiklar í almennri
umræðu.
Nokkrir hafa þó talað um það
hve tilkomumikil hábrúin yrði en
hún er nær helmingi dýrari en
lágbrúin enda yrði hún að vera
48 metra há svo hún hamlaði ekki
skipaumferð. Lágbrúin gerir ráð
fyrir því að eyja sé mynduð úti
á miðju sundi en síðan brúað til
beggja stranda og þykir mörgum
sú lausn nokkuð rúmfrek.
Tvær útfærslur á göngum hafa
verið kannaðar en það eru jarð-
göng, líkt og Hvalfjarðargöng, og
svo botngöng sem lægju á sjávar-
botni. Sú útfærsla er sú dýrasta af
öllum en áætlað er að hún myndi
kosta rúmlega fjórtán milljarða.
Að hækka Vesturlandsskattinn
Jóhann Ársælsson, sem og fleiri
þingmenn, hefur bent á það að
Vestfirðingum, Vest- og Norðlend-
ingum myndi reynast dýr ferðin í
höfuðstaðinn ef ætlunin yrði að
fjármagna seinni áfanga Sunda-
brautar, brú yfir Kollafjörð, með
veggjaldi. Þeir sem koma að vest-
an þyrftu þá tvisvar að grípa til
buddunnar á leiðinni frá Borgar-
nesi til Reykjavíkur, þar sem ekki
er útlit fyrir að veggjöld í Hval-
fjarðargöng verði lögð af næstu
tuttugu árin.
„Ég hef lagt fram fyrirspurn til
samgönguráðherra um það hvern-
ig hann hyggist fjármagna þetta
en mér þykir það alveg út í hött
að fólki frá vissum landshlutum
reynist dýrt að fara til Reykjavík-
ur en öðrum ekki,“ segir Jóhann
og minnir á að engin veggjöld
hindri menn sem komi að sunnan
og austan.
Dagur B. Eggertsson, formað-
ur skipulagsráðs, segir að í ljósi
þess að veggjöld í Hvalfjarðar-
göng séu stundum kölluð Vestur-
landsskattur sé það varhugavert
að höggva tvisvar í sama knérunn
með því að leggja enn meiri veg-
gjöld á leiðina til Reykjavíkur frá
Vesturlandi.
Sturla Böðvarsson samgöngu-
ráðherra hefur enn engin svör
veitt við fyrirspurn Jóhanns um
veggjöld á Sundabraut.
Tvískattlagt á leið til Reykjavíkur
Þing Norðurlandaráðs samþykkti á
miðvikudag tillögu þar sem þeim
tilmælum er beint til norrænna
stjórnvalda að þau hafi frumkvæði að
rannsóknum sem upplýst geti hverjir
standi á bak við mansal vegna kynlífs-
þrælkunar.
Hvert er markmið tillögunnar?
Okkur langaði til að búa til einhvers
konar stofnun sem myndi bæði reyna
að leita lausna hvernig við getum
komið fórnarlömbunum til hjálpar, og
hvernig við getum, með hjálp fórnar-
lambanna, haft upp á þeim sem sem
skipuleggja þessa glæpi.
Hvers vegna er þörf á formlegri
tillögu?
Við teljum að þær aðgerðir sem lög-
reglan og yfirvöld eru að nota í dag
skili ekki árangri, því það eina sem
gert er þegar konur eru uppgötvaðar
ólöglegar í landinu, þá eru þær bara
sendar aftur til baka til þess lands
sem þær komu frá.
SPURT OG SVARAÐ
AÐGERÐIR GEGN MANSALI
KOLBRÚN HALLDÓRSDÓTTIR
Fulltrúi á Norðurlandaráðsþingi.
LAUSN 1 HÁBRÚ Reiknað var með að hábrúin yrði 48 metra há
og næði frá Gufuneshöfða og kæmi niður við Sæbraut. Kostnaður
hefur verið áætlaður um 12,5 milljarðar.
LAUSN 2 GÖNG Tvær gangalausnir koma til greina; botngögn sem
er áætluð að myndu kosta 14,2 milljarða og jarðgöng sem áætlað er
að myndu kosta 10,4 milljarða.
LAUSN 3 INNRI LEIÐ MEÐ LÁGBRÚ Þessi mynd sýnir innri leið, en á henni má sjá landfyllingar sem fallið hefur verið frá. Þess í stað er
áætlað að þessi leið verði brúuð með lágbrú. Áætlaður kostnaður er 7,8 milljarðar.
FRÉTTASKÝRING
JÓN SIGURÐUR EYJÓLFSSON
jse@frettabladid.is
Hjálpa fórn-
arlömbunum
Heilsugæslustöðvar og vinnustaðir eru farin að bjóða upp á inflúensu-
bólusetningar, en búast má við inflúensufaraldri í vetur sem fyrr.
Hvað er inflúensa?
Inflúensa er bráð veirusýking, oftast með hita, sem orsakast af inflúensu
A- og B-veirum og veldur faraldri nánast á hverjum vetri. Hlutfall þeirra
sem smitast og veikjast í faraldri er tíu til fjörutíu prósent og vara faraldrar
gjarnan í fimm til tíu vikur. Inflúensa A er algengari en inflúensa B en báðar
tegundir geta greinst í faraldri.
Hvernig er hægt að fyrirbyggja hana?
Landlæknir mælir með inflúensubólusetningu hjá öllum eldri en sextíu ára
og börnum og fullorðnum sem þjást af langvinnum hjarta-, lungna-, nýrna-
og lifrarsjúdómum, sykursýki, illkynja sjúkdómum og öðrum ónæmisbæl-
andi veikindum.
Bóluefni til varnar inflúensu hefur verið í notkun um árabil. Í því eru dauðar
inflúensu A- og B-veirur. Bóluefnið hefur litlar aukaverkanir í för með sér
en má ekki gefa þeim sem hafa ofnæmi fyrir eggjum. Það veldur ónæm-
issvörun í líkamanum sem minnkar líkur á eða kemur í veg fyrir að fólk
veikist. Einnig dregur það úr veikindum hjá eldra fólki og lækkar jafnframt
dánartíðni af völdum inflúensu og lungnafylgikvilla hennar.
Hversu oft á að bólusetja?
Mælt er með bólusetningu gegn inflúensu árlega þar sem breytingar eiga
sér stað á inflúensustofnum frá ári til árs.
FBL GREINING: INFLÚENSUSPRAUTA
Bólusetja þarf árlega