Fréttablaðið - 23.02.2006, Blaðsíða 26

23. febrúar 2006 FIMMTUDAGUR26
BRÉF TIL BLAÐSINS
Aðalfundur Össurar hf.
Á dagskrá fundarins verða:
Reykjavík 10. febrúar 2006
Stjórn Össurar hf.
1. Venjuleg aðalfundarstörf samkvæmt grein 4.02 í samþykktum félagsins.
2. Tillaga til breytinga á 1. tl. í gr. 5.01 í samþykktum félagsins sem felst í því að fækka
stjórnarmönnum úr sjö í fimm.
3. Tillaga um að heimila stjórn að kaupa eigin bréf félagsins.
4. Tillaga um heimild til stjórnar um að auka hlutafé félagsins um allt að 10% án forgangsréttar.
5. Önnur mál sem eru löglega borin fram.
Dagskrá og endanlegar tillögur munu vera hluthöfum til sýnis á skrifstofu félagsins að
Grjóthálsi 5, Reykjavík, viku fyrir aðalfund og verða auk þess aðgengilegar á heimasíðu
félagsins, sem er www.ossur.com
Aðgöngumiðar, atkvæðaseðlar og önnur fundargögn verða afhent á fundarstað.
Hluthafar eru hvattir til að mæta tímanlega til að taka við fundargögnum.
Fundurinn hefst stundvíslega kl. 8:15
Aðalfundur Össurar hf. verður haldinn í fundarsal á 2. hæð á Nordica Hóteli,
Suðurlandsbraut 2, Reykjavík, föstudaginn 24. febrúar 2006 og hefst hann kl. 8:15
Vi› hjálpum fólki a› njóta sín til fulls
Það tekur fimm ár að umturna
heiminum, hugmyndafræðilega og
siðferðilega. Fimm ár. Heimsfrétt-
ir og fréttaskýringar eru nú gerðar
úr setningum sem hefðu verið allt
að því ósegjandi fyrir fimm árum
síðan. Það sem hefur, gróft á litið,
verið gert á þessum fimm árum er
að skipta heiminum í „okkur“ og
„þá“. Og við vitum öll hverjir þeir
eru. Og við vitum öll hvernig þeir
eru – börnin þeirra skera sig í höf-
uðkúpuna með rakhníf eins og
mátti á dögunum sjá í ljósmynda-
syrpu af daglegu lífi hér og hvar í
heiminum.
Hvernig gerðist þetta? Hvernig
var heiminum skipt upp í kvíar svo
snögglega? Með einfaldri tækni
sem var enduruppgötvuð í árdaga
kvikmyndarinnar og þá kölluð
„montage“-skeyting – en hafði áður
verið þekkt sem galdrar. Þannig
var aldrei sýnt í orði að Saddam
Hussein hefði haft hönd í bagga við
fall tvíburaturnanna í New York –
en það var gefið nógu oft til kynna
með myndmáli til að verða viðtekin
hugmynd í Bandaríkjunum. Sadd-
am, Bin Laden, 911. 911, Bin Laden,
Saddam. Það voru ekki bara dag-
blöð og sjónvarpsstöðvar sem
stunduðu þessa vel kunnu mynd-
sköpun, heldur og Bandaríkjaher
sjálfur, í skæslegri auglýsingaher-
ferð (auglýsingastofan Leo Bur-
nett hefur séð um markaðssetn-
ingu hersins upp á síðkastið. Meðal
annarra viðskiptavina hennar eru
Kellogg‘s, Visa, McDonalds, Coca-
Cola, Philip Morris og Walt Disney.
Betur má þó ef duga skal og verður
samningurinn boðinn út á næst-
unni. Sjá vefinn army.com.)
Saddam, Bin Laden, kallarnir á
spilastokknum (Bandaríkjaher
dreifði spilastokk á meðal her-
manna með fyrirmönnum í ríki
Saddams Hussein, í mikilvægis-
röð), Tsjetsjenar, Palestínumenn –
þetta liggur allt ljóst fyrir, þeir líta
allir eins út. Fimm ár, þetta var
auðvelt.
Og þá, þegar frjálslyndi lýðræð-
issinninn Egill Helgason og súr-
realistinn Sjón hafa fallið fyrir
myndunum, kalla Friedrich
Nietzsche til vitnis og hrópa „Lifi
málfrelsið – leyfum þeim að móðg-
ast“, „Birtum fleiri skopmyndir“
og „Hættum griðkaupum“ (þetta
eru fyrirsagnir á nýlegum pistlum
Egils Helgasonar á Vísi.is og eru
einkum merkilegar fyrir það hve
vandræðalaust hann beitir 1. og 3.
persónu fleirtölu) – þá er kominn
tími fyrir næsta fasa, segir Banda-
ríkjastjórn, og tilkynnir: Við eigum
ekki lengur í „stríði gegn hryðju-
verkum“. Við erum nú stödd í
„stríðinu langa“ – „the Long War“.
Og það mun vara í áratugi, spáir
varnarmálaráðuneytið í skýrslu
sem það sendi frá sér í síðustu viku
(Quadrannial Defense Review
Report). Meðal atriða sem skýrsl-
an tiltekur í slagorðakenndri
sundurliðun þróunarinnar eru:
Frá takti friðartíma – til tíma-
skeiðs hins óvænta og óvissa.
[From a peacetime tempo – to an
era of surprise and uncertainty.]
Frá viðbrögðum eftir að neyð-
arástand skapast – til fyrirbyggj-
andi aðgerða svo vandamál verði
ekki að neyðarástandi. [From
responding after a crisis starts
(reactive) – to preventive actions
so problems do not become crises
(proactive).]
Frá herjum hæfum til orrustu
(friði) – til herja sem hafa harðnað
í orrustum (stríðs). [From a battle-
ready force (peace) – to battle-
hardened forces (war).]
Ennfremur gerir skýrslan ljóst
að bardagar í Afganistan og Írak
séu aðeins upphafið á stríði sem
verði langtum víðfeðmara, og lang-
vinnara, en þessar fyrstu lotur. Nú
eru þetta ekki tíðindi fyrir alla.
Donald Rumsfeld, varnarmálaráð-
herra, sem skrifar undir skýrsl-
una, er meðlimur í samtökum sem
kalla sig Project for the New
American Century. Samtökin voru
stofnuð árið 1997 og hafa að mark-
miði að tryggja hnattlæg yfirráð
Bandaríkjanna á 21. öldinni. Aðrir
meðlimir eru m.a. Dick Cheney, og
hugsuðurinn Francis Fukuyama
sem í lok síðustu aldar lýsti yfir
endalokum sögunnar.
Á heimasíðu samtakanna – www.
newamericancentury.org – má lesa
stefnuyfirlýsingu og greinar um
einstakar aðgerðir, nauðsynlegar
til að „byggja á þeim árangri sem
náðist á síðustu öld og tryggja
öryggi okkar og mikilleik á þeirri
næstu“: Stríð í Írak. Stríð í Íran.
Stríð í Kóreu. Og svo framvegis,
þar til meðlimum samtakanna
þykir einsýnt að Bandaríkin munu
þurfa að sýna Kína styrk sinn.
Þannig er hugmyndin um „stríð-
ið langa“ ekki ný eða óvænt: En
framsetningin er það. Að ríkis-
stjórnin, sem reyndi að draga dul á
raunverulegar hvatir til innrásar í
Írak fyrir þremur og fjórum árum
síðan, telji nú hina hugmynda-
fræðilegu nýsköpun nógu langt
komna til að tala svo purrkunar-
laust um langtímaásetning sinn.
Egill Helgason, Sjón og aðrir
sem telja brýnna að sýna Múslim-
um hvar Vesturlönd keyptu mál-
frelsið en sýna þeim sömu mann-
virðingu og Egill Helgason heimtaði
nokkrum vikum fyrr af DV, þá í
garð innfædds Íslendings, sem
áreiðanlega var frjálslyndur, lýð-
ræðissinnaður og kristinn – eru til
marks um árangur Bandaríkja-
stjórnar í baráttunni um hug og
hjörtu.
Egill: Þegar þú þarft að vitna í
Nietzsche til að verja frjálslyndi
og lýðræði, þá er eitthvað skrítið
að ske. ■
Siðferðisvísitalan
Egill Helgason
UMRÆÐAN
STRÍÐIÐ LANGA
HAUKUR MÁR HELGASON
HEIMSPEKINGUR
Hvernig gerðist þetta? Hvernig
var heiminum skipt upp í kvíar
svo snögglega? Með einfaldri
tækni sem var enduruppgötvuð
í árdaga kvikmyndarinnar og
þá kölluð „montage“-skeyting
– en hafði áður verið þekkt
sem galdrar.
Mig langar í þessum orðum að leið-
rétta og auka þekkingu Sigrúnar
Elsu Smáradóttur sem ritaði pistil
í Fréttablaðið 9. febrúar 2006.
Þekking Sigrúnar á þörfum
ungra barna og daggæslu almennt
virðist vera ákaflega sorgleg. Að
slík skrif skuli berast frá konu sem
þá var í prófkjöri, þar sem hún
rakkar niður heila stétt dagfor-
eldra í Reykjavík er bara með ein-
dæmum. Ef þetta er stefna Sam-
fylkingarinnar, þá munum við
dagforeldrar hugsa okkur vel um
áður en við kjósum.
Flestir vita að daggæsla í
heimahúsi fer fram hjá einu dag-
foreldri sem sinnir fimm börnum
yfir daginn, oftast á heimili sínu,
úti sem inni. Ung börn dafna betur
þar sem ekki eru tíð mannaskipti
heldur sami aðili sem sinnir þeim,
svo að börnin nái að tengjast við-
komandi. Á leikskólum eru oft tíð
mannaskipti, ungt reynslulaust
fólk, sumarafleysingar og meiri ys
og hávaði. Sigrún talar um að það
séu tveir starfsmenn með barni
eða barnahópi? Hvort heldur er
það? Ég veit það. Ekki tveir starfs-
menn á barn, svo mikið er víst. Á
mörgum leikskólum er ein mann-
eskja sem skilar börnum síðasta
klukkutímann. Þá ekki sama mann-
eskja og sú sem sinnir þeim yfir
daginn. Flest ung börn veikjast
oftar og þurfa lyf. Þau eru gefin
hjá okkur, sjaldan á leikskólum.
Starfsfólk á leikskólum veikist
líka. Ef börnin veikjast ekki að
sama skapi og mannekla er, hvað
er þá gert? Hvað er gert ef fólk
fæst ekki til starfans? Hvað er
gert ef verkfall starfsfólks er? Það
eru fjórir starfsdagar á ári, hvar
eru þau þá? Þau eru send heim! Á
það minnist Sigrún ekki.
Dagforeldrar eru flestir for-
eldrar sjálfir, með reynslu, mennt-
un og þroska til umönnunar barna.
Þeir sækja námskeið, slysavarnar-
námskeið á 3 ára fresti, fá læknis-
vottorð og sakavottorð fyrir sig og
heimilisfólk sitt eldra en 18 ára.
Það er óboðað eftirlit þrisvar á ári,
en ein heimsókn á leikskóla, boðuð
með mánaðar fyrirvara. Sakavott-
orðs er ekki krafist í umsókn um
starf á leikskóla.
Hvað er gert ef barn slasast hjá
dagforeldrum og leikskólum? Það
er hringt í foreldra eða 112. Slys á
börnum á leikskólum eru mun
fleiri en hjá dagforeldrum, aldurs-
hópurinn líka breiðari. Hæfni í
starfi, þekking á umönnun barna
og að meta hvað skal gera ef slys
ber að, lærist okkur sem öðrum.
Það er hægt að ná í okkur að kvöldi
og um helgar ef þörf er á vegna
upplýsinga. Starfsemi dagforeldra
á Norðurlöndum er víða blómleg
og margir kjósa umhverfi dagfor-
eldra þar, frekar en stofnanir. Á
það minnist Sigrún ekki. Metnaður
í starfi, gott skipulag og yfirsýn,
þarf til að sinna þessu starfi. Því
meiri metnaður, því betra starf og
það skiptir máli, þar sem atvinna
helst þá stöðug hjá viðkomandi.
Börn eiga að taka sumarfrí að
lágmarki einn mánuð á ári. Á
sumum leikskólum er ekkert val
um tíma. Oftast er um að ræða
sama tíma ár hvert og getur verið
bagalegt að biðja alltaf um frí á
sama tíma ár hvert á vinnustað,
þar sem ætlast er til að fríin rúlli á
milli manna.
Ég vil minna Sigrúnu á, að ung
börn eru ekki heybaggar sem
planta skal í hlöðu yfir veturinn.
Þau eru málleysingjar sem taka
skal tillit til og oft er stofnun ekki
besti valkostur fyrir ung börn. Því
verður sú þjónusta sem við veit-
um, aldrei sambærileg við leik-
skóla. Hjá mér eru þessa stundina
börn í gæslu á aldrinum 14 mánaða
til 2 ára og fara ekki í leikskóla
fyrr en í vor eða haust. Þar fór 18
mánaða viðmiðið!
Við þökkum Sigrúnu fyrir grein,
sem sýnir svo ekki verður um
flúið, hennar annmarka við mat á
starfi heillar starfsstéttar. Það
væri nær fyrir þig og kollega þína
að stuðla að fleiri veikindadögum
handa foreldrum barna, enda kom-
inn tími til. Þar erum við
Íslendingar aftarlega á merinni.
Höfundur er fimm barna móðir í
Reykjavík og hefur starfað sem
dagforeldri til margra ára. ■
Þekkingarleysi á
þörfum ungra barna
Ályktun fundar SPOEX, haldinn á
Akureyri 14. febrúar 2006.
Samtök Psoriasis og exemsjúklinga
– SPOEX, krefjast þess að að stjórn FSA
gefi skýr svör til húðsjúklinga á Norð-
urlandi um úrbætur og tímasetningu á
væntanlegri göngudeild fyrir psoriasis-
og exemsjúklinga. Óviðunandi er að í
stærsta byggðarlagi landsbyggðarinnar
séu engin úrræði á vegum FSA. Ljóst er
að á næstu vikum og mánuðum, munu
húðsjúklingar neyðast til að flykkjast
suður í meðferð á kostnað hins opin-
bera, af þessum sökum.
F.H. SPOEX
Valgerður Auðunsdóttir, formaður
SPOEX.
UMRÆÐAN
DAGFORELDRAR
KOLBRÚN H. GUNNARSDÓTTIR
Ég vil minna Sigrúnu á, að ung
börn eru ekki heybaggar sem
planta skal í hlöðu yfir vet-
urinn. Þau eru málleysingjar
sem taka skal tillit til og oft er
stofnun ekki besti valkostur
fyrir ung börn. Því verður sú
þjónusta sem við veitum, aldrei
sambærileg við leikskóla.
NFS ER Á VISIR.IS
Bein útsending á VefTV og
upptökur þegar þér hentar