Fréttablaðið - 31.07.2006, Síða 56

28 31. júlí 2006 MÁNUDAGUR
sport@frettabladid.is
HVAÐ? HVENÆR? HVAR?
JÚLÍ
28 29 30 31 1 2 3
Mánudagur
■ ■ LEIKIR
 19.15 Tveir leikir í Landsbanka-
deild karla þegar Fylkir mætir KR og
Valur tekur á móti ÍBV.
 20.00 Keflavík og Grindavík mæt-
ast í Landsbankadeild karla.
■ ■ SJÓNVARP
 16.25 Helgarsportið á RÚV.
 16.40 Meistaramót Íslands í
frjálsum íþróttum á RÚV.
 19.45 Keflavík-Grindavík á Sýn.
 22.00 Landsbankamörkin á Sýn.
 23.10 Fótboltakvöld á RÚV.
FÓTBOLTI „Menn voru aðallega að
hlera mig þar sem ég var ekkert
búinn að vera að spila í sumar,“
sagði Ágúst Gylfason aðspurður
um fyrirspurnir annarra liða í
hans garð en hann er samnings-
bundinn KR-ingum út sumarið.
„En það var ekki vegna getuleysis
heldur vegna þeirra meiðsla sem
hafa verið að hrjá mig í allt
sumar,“ sagði hann í léttum dúr.
„Þetta hafa í raun verið 4-5 meiðsli
og ein löng sorgarsaga. Nú síðast
átti ég að fá að spreyta mig gegn
ÍBV en ég meiddist í upphituninni
og gat því ekki verið með. Þetta
var fyrir viku síðan og er ég enn
frá vegna þessara meiðsla.“
Ágúst finnur nú fyrir meiðslum
í mjóbaki en að öðru leyti er hann
í góðu standi. Hann var að vísu í
hópnum hjá KR í fyrsta leik sum-
arsins en síðan þá hefur hvert
óhappið rekið annað. Hefur hann
meðal annars gengist undir kvið-
slitsaðgerð í sumar.
„Ég fékk til að mynda frí til að
fara með fjölskyldunni til Spánar í
sumar og náði mér ágætlega þar
en svo kom þetta upp nú síðast.
Það hefði verið gott að geta notað
mig í leiknum gegn Fylki þar sem
við erum fáliðaðir á miðjunni
vegna leikbanna og meiðsla,“
sagði Ágúst. Indriði Sigurðsson
gekk um helgina til liðs við KR en
hann verður ekki orðinn gjald-
gengur fyrr en á morgun en KR
mætir Fylkismönnum í kvöld.
Ágúst segir að KR-ingar hafi
ekki verið reiðubúnir að sleppa
sér nú um mitt sumar þar sem
liðið þyrfti á öllum sínum mönn-
um að halda á lokasprettinum.
„Staðan er einfaldlega þannig að
KR er í þriðja neðsta sæti deildar-
innar og við þurfum alla sem við
höfum. Sérstaklega þekki ég botn-
baráttuna vel og ekki verra að
hafa einhvern með reynslu þar.
Það er nefnilega oft sem góðir
knattspyrnumenn ná ekki að tak-
ast vel á við þrýstinginn sem fylg-
ir því að vera í fallslag. Þar skiptir
reynslan miklu máli.“
Samningur Ágústs við KR renn-
ur út í haust og er óvíst hvað tekur
við. En eitt er víst að hann ætlar
að halda áfram. „Ég er ekki tilbú-
inn til að hætta alveg strax. Menn
hafa verið að athuga að fá mig í
þjálfun en maður getur alltaf
þjálfað, þess vegna langt fram á
eftirlaunaaldur. En ég ætla að
reyna allt sem ég get til að halda
áfram sem leikmaður og tel mig
eiga fullt erindi í efstu deild í 2-3
ár til viðbótar. Meiðslin geta vitan-
lega stoppað mann eins og þau
hafa gert í sumar en ég ætla að
láta reyna á þetta.“
Ágúst hefur aldrei orðið
Íslandsmeistari með meistara-
flokki en þrívegis bikarmeistari,
ávallt með Val. „Það hefur auðvit-
að alltaf verið draumurinn að
verða Íslandsmeistari og ekki
útséð um það enn. En hvað þetta
tímabil varðar ætla ég nú að sjá til
hvort ég lagist ekki í bakinu fljót-
lega og komi sterkur inn, til dæmis
í bikarúrslitaleikinn,“ sagði hann
og hló. eirikur.asgeirsson@frettabladid.is
ÁGÚST GYLFASON Hefur ekkert náð að spila í sumar vegna meiðsla en vonast til að geta
verið með KR á lokasprettinum í sumar. FRÉTTABLAÐIÐ
Hef ekki sagt mitt síðasta
Ágúst Gylfason hefur ekkert spilað með KR-ingum í sumar vegna þrálátra
meiðsla. Hann var næstum genginn til liðs við annað félag nú fyrir skömmu en
KR þarf á öllum sínum mönnum að halda á lokasprettinum.
FÓTBOLTI Tólftu umferð Lands-
bankadeildarinnar lýkur í kvöld
en þá fara fram þrír athyglisverð-
ir leikir. Fréttablaðið fékk Ásgeir
Elíasson, þjálfara Fram, til að spá
fyrir um úrslit þessara leikja en
Framarar eru langefstir í fyrstu
deildinni og fátt sem getur komið í
veg fyrir það að þeir spili í Lands-
bankadeildinni á næsta ári.
Á Laugardalsvellinum mætast
Valur og ÍBV í kvöld klukkan
19:15. Valsmenn hafa ekki tapað
deildarleik síðan í fimmtu umferð
en hafa reyndar verið mjög dug-
legir við að gera jafntefli. „Ég sá
Eyjamenn ekki gegn KR en skilst
að þeir hafi spilað alveg ágætlega
í þeim leik. Þeir munu berjast
fyrir lífi sínu og er mikilvægt
fyrir þá að fara að ná inn fleiri
stigum. Ég held samt að Valsmenn
muni ná að vinna þennan leik, þeir
eru á heimavelli og ná naumum
sigri,“ sagði Ásgeir.
ÍBV er í neðsta sæti deildarinn-
ar en það verður þó að horfa til
þess að aðeins sex stig eru upp í
annað sætið. Valsmenn gerðu góða
ferð til Vestmannaeyja í þriðju
umferð og unnu 3-0 útisigur. Sam-
kvæmt því ættu þeir að taka þenn-
an leik í kvöld en þeir verða þó án
Garðars Gunnlaugssonar sem er
kominn til Svíþjóðar en hann skor-
aði tvö mörk í Eyjum.
Á sama tíma mætast Reykja-
víkurliðin Fylkir og KR í Árbæn-
um. „Fylkismenn töpuðu á KR-
vellinum í fyrri umferðinni og
voru hundsvekktir eftir þann leik,
töldu sig hafa verið betra liðið í
leiknum. Ég held að þeir muni
núna ná að koma fram hefndum og
vinni á heimavelli sínum,“ sagði
Ásgeir en KR vann 1-0 í Vestur-
bænum þar sem Tryggvi Bjarna-
son skoraði eina markið. Þetta
verður tíundi deildarleikur Fylkis
og KR á Fylkisvelli, heimamenn
hafa sigrað í fjórum leikjum,
tvisvar hafa félögin gert jafntefli
en KR hefur sigrað þrisvar.
Klukkan 20 verður síðan
athyglisverður grannaslagur
þegar Keflavík tekur á móti
Grindavík en leikurinn verður
sýndur í beinni útsendingu á Sýn.
Þetta verður ellefti leikur liðanna
á Keflavíkurvelli í efstu deild.
Keflavík hefur unnið fjóra leiki,
þrír hafa endað með jafntefli og
Grindavík hefur unnið þrjá leiki.
„Þetta verður hörkuslagur eins og
alltaf þegar þessi tvö lið mætast.
Það er erfitt að spá fyrir um úrslit-
in í þessum leik og ég hallast því
bara að jafntefli,“ sagði Ásgeir
Elíasson, en leikur liðanna í
Grindavík fyrr í sumar endaði
með 1-1 jafntefli.
- egm
Ásgeir Elíasson, þjálfari Fram sem er í toppsæti 1. deildar, spáir í leiki kvöldsins í Landsbankadeild karla:
Spáir jafntefli í Suðurnesjaslagnum
REYKJAVÍKURSLAGUR Hér eigast Páll Einarsson og Gunnlaugur Jónsson við í fyrri viðureign
Fylkis og KR í sumar. FRÉTTABLAÐIÐ/STEFÁN
FÓTBOLTI Fleiri en eitt lið í Lands-
bankadeildinni gerðu tilraun til að
fá Helga Sigurðsson, sóknarmann
Fram, lánaðan út tímabilið. Fram-
arar eru með örugga forystu í 1.
deildinni og staðfesti Ásgeir Elías-
son, þjálfari Fram, að nokkur lið
hefðu sýnt áhuga á að fá Helga að
láni seinni hluta tímabilsins. Helgi
kom heim úr atvinnumennskunni
fyrir tímabilið og er hann marka-
hæstur í 1. deildinni með átta
mörk. Ásgeir sagði þó að það væri
alveg ljóst að Helgi myndi spila í
búningi Fram út þetta tímabil.
- egm
Markakóngur 1. deildar:
Lið vildu fá
Helga lánaðan
HELGI SIGURÐSSON Hefur skorað mikið að
undanförnu.
HANDBOLTI Handknattleiksdeild ÍR
er þessa dagana að ganga frá leik-
mannamálum sínum fyrir næsta
vetur en liðið mun spila í úrvals-
deildinni. Línumaðurinn Jón Heið-
ar Gunnarsson skrifaði um helg-
ina undir samning við ÍR en hann
kemur til félagsins úr röðum HK.
Honum er ætlað að fylla skarð
bróður síns, Karls Jóhanns Gunn-
arssonar, sem er farinn til Dan-
merkur ásamt Hafsteini Ingasyni
og Tryggva Haraldssyni.
Miklar breytingar verða því á
leikmannahópi ÍR en liðið hefur
fengið þá Hjörleif Þórðarson frá
FH og hornamanninn Ólaf Sigur-
geirsson frá KA. Auk þess hefur
Brynjar Steinarsson snúið aftur
frá Danmörku. - egm
ÍR-ingar eru að safna liði:
Jón fyllir skarð
bróður síns
KÖRFUBOLTI Íslenska kvennalands-
liðið í körfubolta skipað leikmönn-
um átján ára og yngri lauk í gær
keppni í B-deild Evrópumótsins
sem fór fram á Ítalíu. Liðið lék í
lokaleik sínum gegn Írum og tap-
aði, 71-63, og féll því niður í 11.
sæti keppninnar. María Ben
Erlingsdóttir var stigahæst í
íslenska liðinu með 22 stig en
Helena Sverrisdóttir kom næst
með sautján. - esá
U-18 lið Íslands í körfu:
Í 11. sæti á EM
eftir tap í gær
FÓTBOLTI Hjálmar Þórarinsson,
leikmaður Hearts í Skotlandi,
mun í dag eða á morgun halda til
Álasunds í Noregi þar sem hann
verður til reynslu hjá norska 1.
deildarfélaginu þar að sögn Ólafs
Garðarssonar umboðsmanns
hans. Hjálmar var fyrir skömmu
til reynslu hjá AIK í Stokkhólmi
en félagið kaus að semja ekki við
hann þá. Hjálmar fékk að vita
fyrr í sumar að hann væri ekki
hluti af framtíðaráætlunum þjálf-
ara liðsins. Með Álasundi leikur
Keflvíkingurinn Haraldur Freyr
Guðmundsson. - esá
Hjálmar Þórarinsson:
Til Álasunds
á reynslu
Heiðar Davíð öflugur
Kylfingurinn úr Mosfellsbæ, Heiðar
Davíð Bragason, lék vel á móti í sænsku
mótaröðinni sem fór fram í Eistlandi um
helgina. Heiðar lék í gær á 67 höggum,
fimm undir pari vallarins, og var samtals
sjö undir pari að mótinu loknu. Varð
hann í 11.-13. sæti og átta höggum á
eftir efsta manni.
> Birgir og Ólöf neðarlega
Atvinnukylfingarnir Birgir Leifur
Hafþórsson og Ólöf María Jónsdóttir
luku keppni á mótum sínum í gær.
Birgir Leifur á
Áskorenda-
móti í Wales
en í
gær lék
hann á fjórum
höggum yfir pari
og varð í 54.-59.
sæti á átta yfir
pari. Ólöf María
Jónsdóttir slapp
naumlega í gegn-
um niðurskurðinn
á næstsíðasta degi
mótsins en í gær lék
hún, eins og Birgir,
á fjórum yfir pari og
samtals tólf yfir. Varð
hún í 31.-34. sæti.
Það var mikið um dýrðir á Borgar-
firði eystri um helgina í tengslum við
tónleika Emilíönu Torrini og skosku
hljómsveitarinnar Belle & Sebastian
í Bræðslunni á laugardagskvöldið.
Íbúafjöldi bæjarins margfaldaðist um
helgina og knattspyrnulið bæjarins, UMF
Borgarfjörður, fékk óvæntan liðsstyrk í
leik sínum gegn Hetti B í hinni svoköll-
uðu Malarvinnslubikarkeppni.
„Hann var með lausan samning
og við tókum hann á staðnum,“
sagði Ásgrímur Ingi Arngrímsson,
formaður UMFB, í samtali við
Fréttablaðið, um Stuart Murdoch,
aðalsöngvara Belle & Sebastian,
sem spilaði með liðinu í gær.
„Hann reyndist vera liðtækur
leikmaður,“ bætti hann við
en var ekki jafn ánægður með annan
leikmann sem þeir fengu úr fylgdarliði
hljómsveitarinnar. „Nei, hann stóð ekki
undir væntingum,“ sagði hann og hló.
Höttur B fór þrátt fyrir þetta með
öruggan sigur af hólmi, samtals 9-5, en
leikið var í bikarkeppni UÍA. „Þetta er
utandeildarkeppni sem hefur verið á
dagskrá hér fyrir austan í fjöldamörg ár.“
Ásgrímur segir að óvenju margir
áhorfendur hafi verið á
leiknum án þess
að hafa verið að
fylgjast nákvæm-
lega með hversu
margir komu. „En
það var fleira
sem trekkti
að, til að
mynda var Njáll Eiðsson þjálfari með í
liðinu og var enginn á vellinum í betra
formi en hann, sem er nú 48 ára gamall.
Svo var einnig gestaþjálfari sem sá um
að halda ræðu í hálfleik og endurskipu-
lagði leik liðsins,“ sagði Ásgrímur og átti
þar við Guðlaug Baldursson, þjálfara
ÍBV, en bæði hann og Njáll eru gamlir
Borgfirðingar.
„Þetta var mikil
hátíðarstemn-
ing og ekki
skemmdu
tónleikarnir um
kvöldið fyrir,
þeir voru hreint
frábærir.“
SÖNGVARI BELLE & SEBASTIAN: SPILAÐI MEÐ UMF BORGARFIRÐI EYSTRI Á LAUGARDAG
Nokkuð liðtækur knattspyrnumaður