Fréttablaðið - 28.03.2007, Qupperneq 10

28. MARS 2007 MIÐVIKUDAGUR2 fréttablaðið íslenskur iðnaður
Íslandsmeistarakeppni í
hárgreiðslu, snyrtingu og
förðun hefur ekki verið haldin
í tíu ár. Meistarafélög þessara
iðngreina hafa haft áhuga á að
endurvekja keppni sem þessa
og við því verður orðið í sept-
ember í samvinnu við Samtök
iðnaðarins. Undirbúningur er
þegar hafinn.
Samtök iðnaðarins og aðildarfélög
efna í haust til Íslandsmeistara-
móts þjónustuiðngreina. Um er að
ræða stórviðburð þar sem keppt
verður á sýningu í margvíslegum
greinum. Undirbúningur er þegar
hafinn, enda að mörgu að hyggja.
Þessa dagana er verið að kynna
sýninguna fagfólki í iðngreinum,
auk fyrirtækja og stofnana sem
þeim tengjast.
Brynjar Ragnarsson, mark-
aðsstjóri hjá Samtökum iðnaðar-
ins, hefur veg og vanda af undir-
búningi bæði sýningar og keppni.
Hann segir að sýningarhald sem
þetta hafi tíðkast áður fyrr, en nú
standi til að endurvekja það með
miklum glæsibrag og hafa eftir-
leiðis árvissan viðburð. „Þannig er
þetta víðast hvar erlendis, í mjög
föstu formi og eftir hefðum á
hverjum stað,“ segir hann og býst
við að keppnin hér veki töluverða
athygli. Aukinheldur veitir sigur
hér heima þátttakendum keppn-
isrétt á mótum þjónustuiðngreina
í útlöndum. „Svo er það nú bara
þannig að í Evrópu er oft horft
hingað heim eftir nýjungum, sér-
staklega í þessum tískugreinum.
Við þykjum nefnilega svo fersk og
ný í okkar framsetningu.“
Íslandsmeistarakeppni í hár-
greiðslu, snyrtingu og förðun
hefur legið niðri síðan árið 1997. Í
stefnumótun Meistarafélags í hár-
greiðslu og Félags íslenskra snyrti-
fræðinga hafa hins vegar komið
fram skýrar óskir um að félögin,
í samvinnu við Samtök iðnaðar-
ins, efni til árlegrar landskeppni
af þessu tagi sem jafnframt verði
í tengslum við norrænar, evrópsk-
ar og alþjóðlegar keppnir og félög
á þessu sviði. Brynjar segir að í
kjölfar þessara óska hafi samtök-
in unnið að undirbúningi nýrrar
Íslandsmeistarakeppni sem haldin
verði árlega í samvinnu við flest-
ar greinar í þjónustuiðnaði innan
Samtaka iðnaðarins. Félögin sem
að keppninni koma eru Meist-
arafélag í hárgreiðslu, Félag ís-
lenskra snyrtifræðinga, Klæð-
skera- og kjólameistarafélagið,
Félag íslenskra gullsmiða og Ljós-
myndarafélag Íslands.
Félögin eru ólík og því vanda-
verk að koma saman bæði keppni
og sýningu. Þannig verður í haust
keppt á staðnum í hárgreiðslu,
snyrtingu og förðun þar sem bæði
erlendir og innlendir fagmenn eru
fengnir til að dæma afraksturinn.
Í vor og sumar efna hins vegar
félög klæðskera- og kjólameist-
ara, gullsmiða og ljósmyndara til
samkeppna meðal félagsmanna
sinna og verður útkoman sýnd og
dæmd á mótinu.
Á Íslandsmeistaramótinu ber
svo „Tískuteymi-SI“ hitann og
þungann af hönnunar- og tískusýn-
ingu, en auk fagkeppnanna verður
efnt til fjölbreyttra viðburða og
sýningar í nýju Íþrótta- og sýning-
arhöllinni í Laugardalnum.
Brynjar hefur annars verið
á kafi í vinnu við sambærilega
keppni þar sem nemendur í iðn-
greinum hafa keppt og sýnt verk
sín í Kringlunni, en í sumar og
haust eru það meistarar og svein-
ar sem keppa í sínu fagi, bæði ný-
útskrifaðir og þeir sem reynd-
ari eru. „Það er full þörf á keppni
sem þessari, bæði til að vekja at-
hygli á greininni og því sem vel er
gert. Með því má sýna nemendum
og öðrum fram á að fagmennsk-
an skiptir meira máli en magn-
ið, ef svo mætti segja.“ Þá standa
vonir til þess að með keppnum á
borð við þessa megi auka veg og
vanda þjónustuiðngreina en iðn-
nám hefur þótt standa nokkuð
höllum fæti við hlið bóknáms.
- óká
Brynjar Ragnarsson, markaðsstjóri hjá Samtökum iðnaðarins, stillir sér upp á sýn-
ingu iðnnema í Kringlunni fyrir helgi. FRÉTTABLAÐIÐ/HEIÐA
Íslandsmót þjónustuiðn-
greina endurvakin í haust
„Félag íslenskra gullsmiða kemur
að þessum viðburði sem fagfélag
og við lítum á það sem ákveð-
ið tækifæri til að vekja athygli
á okkur þótt raunar eigi eftir að
útfæra aðkomu okkar nánar og
kynna meðal félagsmanna,“ segir
Haukur Valdimarsson, formaður
Félags íslenskra gullsmiða.
Gullsmiðir eru meðal þeirra
sem þátt taka í Íslandsmeistara-
móti Samtaka iðnaðarins og þjón-
ustugreina í haust, en þar keppa
meistarar og sveinar.
Keppni meðal gullsmiða verð-
ur haldin fyrir sýninguna sjálfa,
annað hvort í sumar eða vor.
Haukur segir ljóst að í hverju sem
verði á endanum keppt verði klár-
lega til sýnis munir á sýningunni
sjálfri. „Þá verður smíðað út frá
einhverju þema eða haldin sam-
keppni. Munir verða svo til sýnis
og dæmdir þannig að uppi standi
einn verðlaunagripur.“
Haukur segir keppnina litna
mjög jákvæðum augum enda veki
hún athygli á gullsmiðum sem fag-
félagi. „Og við látum vita af okkur
meira, að við séum nútímafagfé-
lag. Það vill nefnilega brenna við
að menn líti á gullsmíði sem eitt-
hvað rótgróið sem ekkert breytist.
En þetta er félag í stöðugri þróun
og sífellt að koma með nýjungar í
skartgripum og öðru slíku.“
Þá segir Haukur að þótt enn sé
verið að nota í gullsmíði verkfæri
sem í grunninn hafi verið óbreytt
áratugum saman hafi tæknin
einnig haldið innreið sína á marg-
víslegan máta. „Tölvutæknin er
komin í þetta fag eins og annað.
Þannig er hægt að nota ákveðin
forrit til að hanna skartgripi sem
síðan eru framleiddir í vaxi áður
en til þess kemur að búa til mót til
að steypa.“ Með þessu móti segir
hann hægt að útfæra nýja gripi
án mikillar vinnu og tilkostnaðar
áður en að sjálfri smíðinni kemur.
Á næstu vikum segir Haukur
svo að muni skýrast nánar hvaða
fyrirkomulag verði á keppninni
þar sem verða upp á sitt besta
gullsmíðameistarar og -sveinar í
faginu hér heima.
- óká
Haukur Valdimarsson, formaður Félags íslenskra gullsmiða, í verslun sinni.
FRÉTTABLAÐIÐ/VILHELM
Gullið tækifæri til
að vekja athygli
Meistarafélag í hárgreiðslu mun
standa fyrir ýmiss konar uppá-
komum á Íslandsmóti meistara
og sveina í þjónustuiðngreinum
í byrjun september. Meðal ann-
ars er nú í fullum gangi undir-
búningur á samnorrænni keppni
undir nafninu „The Nordic Youth
Skills“. Keppnin er ætluð ungu
fólki sem vill ná árangri í sínu
fagi. Jónína Sóley Snorradóttir,
formaður Meistarafélags í hár-
greiðslu, vonast til þess að þátt-
taka ungs fólks á Íslandi verði
góð. Hún segir endanlega út-
færslu keppninnar ekki enn ljósa.
Það sem liggur þó ljóst fyrir er að
þátttakendur verða að vera undir
24 ára. Auk íslenskra keppenda
mun að minnsta einn keppandi
frá hverju hinna Norðurlandanna
spreyta sig í keppninni. Alþjóð-
legir dómarar munu svo skera úr
um hver stendur sig best.
Auk þess að sjá um skipulagn-
ingu keppninnar er Meistara-
félagið í hárgreiðslu nú í óðaönn
við skipulagningu annarra við-
burða og sýninga á Íslandsmót-
inu. Líklega munu hárvörubirgj-
ar líka leggja sitt af mörkum. Enn
er þó ekki komin endanleg mynd
á með hvaða hætti það verður.
Íslandsmótinu lýkur svo með
glæsilegu galakvöldi hinn 2.
september. Það kvöld mun hefj-
ast með því að valinn verður hár-
greiðslumaður ársins, nýliði árs-
ins, „avant garde“ ársins og fyr-
irtæki ársins. Þá er líklegt að sá
meistari sem ber ábyrgð á þeim
nema sem útskrifast með hæsta
einkunn fái viðurkenningu.
Jónína telur að viðburður á
borð við Íslandsmótið sé gríðar-
lega mikilvægur hárgreiðslu-
fólki. „Það er heilmikið að gerast
í hárgreiðslubransanum. Þetta er
til þess fallið að fagfólk og annað
áhugafólk um hárgreiðslu vakni
og taki eftir því.“
Samnorræn keppni ungs fólks
Jónína Sóley Snorradóttir, formaður Meistarafélags í hárgreiðslu. FRÉTTABLAÐIÐ/HEIÐA
PGV ehf. ı Bæjarhrauni 6 ı 220 Hafnafjörður ı Sími: 564 6080 ı Fax: 564 6081 ı www.pgv.is
GLUGGI TIL FRAMTÍÐAR …
• ENGIN MÁLNINGAVINNA
• HVORKI FÚI NÉ RYÐ
• FRÁBÆR HITA OG HLJÓÐEINANGRUN
• FALLEGT ÚTLIT
• MARGIR OPNUNARMÖGULEIKAR
• ÖRUGG VIND- OG VATNSÞÉTTING