Fréttablaðið - 02.08.2007, Blaðsíða 4

Opið virka daga: 10-18, lau: 11-15 Reykjavík: Mörkin 4, s: 533 3500
Gæða sængur
og heilsukoddar.
Geysir Green Energy
(GGE) gekk í gær frá samningi við
Renewable Energy Resources,
dótturfélag fjárfestingarfélagsins
Atorku Group, um kaup á öllu
hlutafé í Jarðborunum hf. fyrir 14,3
milljarða króna, auk sextán
prósenta hlutar í Enex. Samhliða
sölunni keypti Atorka 32 prósenta
hlut í Geysi fyrir rúma sjö milljarða
og er með því orðinn
kjölfestufjárfestir í félaginu.
Fyrirtækið Björgun ehf., sem
meðal annars annast landfyllingar,
og lóðir Jarðborana að Eirhöfða
fylgja ekki í kaupunum. Samkvæmt
heimildum Fréttablaðsins hafa
kaupin staðið til í þó nokkurn tíma.
Hannes Smárason, forstjóri FL
Group, sem er stærsti hluthafinn í
Geysi, segir að kaupin á
Jarðborunum geri Geysi kleift að
sækja fram með nýtt fyrirtæki sem
hann telur að geti vaxið mjög mikið
á næstu árum. Jarðboranir séu
leiðandi borfyrirtæki á heimsvísu
og það sé markmiðið að fara með
félagið í mikla sókn á erlendum
mörkuðum. „Við höfum hugsað
okkur að Geysir verði leiðandi
fjárfestingarfélag í orkugeiranum.
Til að geta gert það er mikilvægt að
vera með mismunandi eignir sem
hægt er að nota til þess að fara með
í erlenda sókn.“
„Heildareignir Geysis nema um
40 milljörðum króna og er eigið fé
tæpir 20 milljarðar króna. Félagið
er því mjög fjárhagslega sterkt til
þess að takast á við frekari verkefni
á sviði endurnýjanlegrar orku,“
segir í tilkynningu frá FL Group.
Að því er fram kemur í tilkynn-
ingu frá Atorku er heildarverð-
mæti sölunnar 17,7 milljarðar
króna. Félagið hagnast um ellefu
milljarða króna á sölunni eftir
skatta og segir í tilkynningunni að
nota eigi féð í frekari fjárfestingar.
Segir í tilkynningunni að velta Jarð-
borana hafi fimmfaldast á fimm
árum, og að áætluð velta á árinu
2007 sé 6,5 milljarðar og átta millj-
arðar árið 2008.
Jarðboranir sérhæfa sig í nýtingu
jarðvarma og eru stærsta fyrir-
tækið á sínu sviði á alþjóða-
vettvangi. Í tilkynningunni segir að
Atorka muni fjárfesta áfram í verk-
efnum tengdum jarðvarmanýtingu
í gegnum eignarhald sitt í Geysi.
Haft er eftir Magnúsi Jónssyni,
forstjóra Atorku, í fréttatilkynn-
ingu að félagið sjái mikil tækifæri í
fjárfestingunni í Geysi. „Ljóst er
að uppbygging Jarðborana undir
forystu Atorku hefur gengið afar
vel og munum við áfram verða kjöl-
festuhluthafar í félaginu í gegnum
Geysi.“
Hagnast um ellefu
milljarða á sölunni
Fjárfestingarfélagið Atorka hefur selt Jarðboranir hf. til Geysis Green Energy fyrir
14,3 milljarða króna. Hagnaður af sölunni nemur ellefu milljörðum. Fyrirtækið
Björgun ehf. og lóðir Jarðborana að Eirhöfða fylgja ekki með í kaupunum.
Donald Rumsfeld,
fyrrverandi varnarmálaráð-
herra Bandaríkjanna, og aðrir
yfirmenn í
ráðuneytinu,
neita því að
hafa átt
nokkurn þátt í
að leyna því
að Pat
Tillman,
bandarískur
hermaður í
Afganistan,
hafi látist af
völdum skots frá bandarískum
félaga sínum vorið 2004.
Vikum saman stóðu ættingjar
Tillmans og almenningur í
Bandaríkjunum í þeirri trú að
hann hefði fallið fyrir óvina-
skoti. Hermálayfirvöld hafa
verið sökuð um að halda
málsatvikum leyndum til að
skaða ekki málstað bandarísku
stjórnarinnar.
Rumsfeld var yfirheyrður í
gær hjá eftirlitsnefnd neðri
deildar Bandaríkjaþings í gær,
sem rannsakar málið.
Rumsfeld neit-
ar allri ábyrgð
Lögregla mun fyrir
helgi ljúka rannsókn á morðinu
sem átti sér stað á Sæbraut á
sunnudag. Niðurstöður verða
tilkynntar á næstu dögum, en
málið telst upplýst.
Tæknideild lögreglunnar
rannsakar nú sönnunargögn af
vettvangi glæpsins. Lögregla
hefur enn ekkert gefið upp um
hvort morðinginn hafi elt
fórnarlambið uppi eða valdið
skaða á dekkjum bílsins, sem hafi
orðið til þess að hann þurfti að
stoppa á Sæbraut.
Að sögn lögreglu á eftir að
útskýra nokkur atriði, þó að sekt
morðingjans hafi verið sönnuð
strax á sunnudaginn.
Rannsókn lýk-
ur fyrir helgi
Prýðileg laxveiði er víða
á landinu. Veiðst hafa yfir 200
laxar í Hítará á Mýrum en yfir
þrjátíu laxar höfðu veiðst þar um
miðjan dag í gær.
Lítillega hefur hækkað í
Norðurá í Borgarfirði eftir að
vatnshæð þar var í sögulegu
lágmarki. Veiðin þar hefur tekið
kipp. Norðlingafljót í Borgarfirði
var formlega opnað í fyrradag og
hefur veiðin verið mjög góð. Tíu
til tólf punda laxar hafa veiðst
svo að þar ekki er eingöngu
smálax að finna. Búist er við að
veiðin í Norðlingafljóti verði góð
út sumarið og enn eru lausar
stangir í lok september.
Tekur kipp
eftir rigingar
Tveir voru fluttir á sjúkra-
húsið á Blönduósi til skoðunar
eftir harðan árekstur jeppa og
vörubíls í Langadal á þriðju-
dagskvöld.
Slysið varð á mótum Norður-
landsvegar og Svínvetninga-
brautar. Jeppinn var kyrr-
stæður þegar vörubíllinn kom
aðvífandi og ók aftan á jeppann
með þeim afleiðingum að hann
kastaðist út af veginum og valt.
Þrennt var í jeppanum og
slösuðust tveir minniháttar en
fengu að fara heim að lokinni
skoðun. Bíllinn er mikið
skemmdur.
Vörubíll ók
aftan á jeppa
Varðstjóri hjá lögregl-
unni á höfuðborgarsvæðinu hefur
verið ákærður fyrir brot í opin-
beru starfi. Hann er sakaður um
að hafa misnotað stöðu sína þegar
hann nýtti sér mannafla lögreglu
og bifreið í eigin þágu, en hann lét
aka sér í forgangsakstri í lög-
reglubíl frá Reykjavík út á Kefla-
víkurflugvöll. Hann var þá á leið í
flug til útlanda í einkaerindum og
var að verða of seinn.
Atvikið átti sér stað í júní
síðastliðnum. Svokallað tetra-
kerfi er notað til að fylgjast með
akstri lögreglubíla, meðal annars
hraða þeirra, og fari bílarnir upp
fyrir vissan hraða þarf ökumaður
að gera grein fyrir ástæðunni.
Þegar vart varð við forgangs-
akstur langt umfram hámarks-
hraða að því er virtist án tilefnis
í þessu tilviki vaknaði grunur um
brot.
Að því er fram kemur í
tilkynningu frá lögreglu var
málið sent Ríkissaksóknara til
meðferðar og hefur ákæra nú
verið gefin út. Varðstjórinn hefur
verið leystur frá störfum á meðan
málið er til meðferðar.
Jón H.B. Snorrason, aðstoðar-
lögreglustjóri á höfuðborgar-
svæðinu, sagði málið vera tekið
alvarlega innan lögreglunnar, en
vildi að öðru leyti ekki tjá sig um
það á meðan það væri til með-
ferðar.