Fréttablaðið - 02.08.2007, Page 12

„Það hefði gífurleg
samfélagsleg áhrif ef til dæmis
Kópavogsgjáin myndi hrynja í
jarðskjálfta,“ segir Böðvar
Tómasson, verkfræðingur hjá
Línuhönnun, sem vinnur að grein-
ingu á helstu hnútpunktunum í
umferðinni, til að varpa ljósi á
hversu mikið álag vegakerfið
þolir.
„Við reiknum líkurnar á því að
það verði eitthvert slys eða óhapp
svo að hnútpunkturinn detti út og
umferð stöðvist í einhverja daga.
Við viljum vita hversu mikil áhrif
slysið hefði á umferðarkerfið og
umferðarhegðun, því við vitum
að þol kerfisins er tiltölulega
lítið. Smáslys í Ártúnsbrekkunni
hafa skapað miklar tafir, sem
hafa mikinn samfélagslegan
kostnað í för með sér,“ segir
Böðvar.
Rýmingaráætlun, eða áætlun
um flóttaleiðir úr borginni, hefur
ekki verið unnin fyrir Reykjavík,
að öðru leyti en því að lögreglan
getur brugðist við hamförum
með því að breyta umferðar-
stefnu þannig að allar akreinar
stefni í eina átt; út úr borginni.
„En með þessu verkefni fáum
við ákveðna hugmynd um þessa
þætti. Það væri því mjög eðlilegt
framhald að gera rýmingaráætl-
un,“ segir Böðvar. „Niðurstaða
greiningarinnar á að leiða í ljós
hverjir eru hættulegustu hnút-
punktarnir og hvernig mætti
auka áfallaþol,“ segir hann og
tekur sem dæmi göng gegnum
Öskjuhlíð, sem myndu minnka
álagið á Miklubrautina.
Böðvar bendir á að ekki einung-
is umferð bíla raskist í hugsanleg-
um hamförum, heldur séu innviðir
borgarinnar samtvinnaðir.
„Infrastrúktúrinn er að miklu
leyti samtengdur. Í brúm liggja til
dæmis rafmagnsleiðslur og óhöpp
gætu því haft víðtæk áhrif.“
Þannig gæti löskuð brú slökkt
umferðarljós á mun stærra svæði
og haft margfeldisáhrif.
Vegagerðin styrkir verkefnið
og slökkviliðið á höfuðborgar-
svæðinu hefur sýnt áhuga á sam-
starfi því tengdu til að geta
stjórnað flæði umferðar út úr
borginni við neyðaraðstæður.
Nýting vegakerfisins er enda
mikil nú þegar og lítið svigrúm
til staðar, komi eitthvað upp á.
„Það er mjög mikilvægt að
setja ekki öll eggin í sömu
körfuna og því eru þetta nauð-
synlegar viðbótarupplýsingar til
að byggja upp vegakerfið á
höfuðborgarsvæðinu.“
Athugað hvort veg-
akerfið virki í neyð
Verkfræðistofan Línuhönnun vinnur nú að áhættugreiningu á umferðinni í
Reykjavík. Helstu hnútpunktar í umferðinni verða skilgreindir og áhrif þess ef
þeir stífluðust, til dæmis vegna hamfara. Tillögur að úrbótum munu fylgja.
Ráðherra í ríkis-
stjórn Malasíu segir ekkert
athugavert við að refsa brota-
mönnum með því að hýða þá.
Hann segir það ekkert stórmál
þótt sex mínútna löngu mynd-
bandi, þar sem hýðing er sýnd,
hafi verið lekið á netið.
Lögmannaráð Malasíu hefur
mótmælt hýðingu og vakti
athygli á myndbandinu á
vefsíðum sínum til að sýna fram
á hve óhugnanleg refsing þar er
á ferðinni. Fanginn á mynd-
bandinu var óhikað barinn
áfram þótt húðin væri orðin
alblóðug og sundurtætt.
Fu Ah Kiow, aðstoðarinnan-
ríkisráðherra, segir mynd-
bandið hafa verið tekið upp
fyrir nokkrum árum og sé notað
í uppfræðingarskyni.
Segir hýðingu
réttlætanlega
Þórólfur Þórlinds-
son hefur verið settur forstjóri
Lýðheilsustöðvar til eins árs af
Guðlaugi Þór Þórðarsyni heilbrigð-
is- og trygginga-
málaráðherra.
Þórólfur tekur
við starfinu af
Önnu Elísabetu
Ólafsdóttur sem
hefur gegnt
starfinu í fjögur ár.
Þórólfur hefur
gegnt starfi
prófessors við
félagsvísindadeild
Háskóla Íslands. Þar hefur hann
sinnt rannsóknum á hegðan
ungmenna og birt niðurstöðurnar í
alþjóðlegum tímaritum ásamt því
að rita bækur um efnið, segir í
tilkynningu frá heilbrigðisráðu-
neytinu.
Nýr forstjóri
Lýðheilsustöðvar
Vísindamenn hafa í fyrsta
skipti uppgötvað gen sem virðist
auka líkur á að fólk verði örvhent.
Genið LRRTM1 virðist gegna
lykilhlutverki í að stjórna því hvaða
hluti heilans stýrir starfsemi á borð
við mál og tilfinningar samkvæmt
rannsókninni. Hjá rétthentu fólki
stjórnar vinstra heilahvelið yfirleitt
máli og tungumálakunnáttu og
hægra heilahvelið stjórnar til-
finningum. Hjá örvhentu fólki er
þessu hins vegar oft öfugt farið og
vísindamennirnir telja að LRRTM1
sé orsökin. Þá telja þeir að genið
geti aukið lítillega hættu á geðklofa
sem talið er að tengist óeðlilegu
jafnvægi í heilastarfsemi.
Vísindamenn frá Oxford-
háskóla leiddu rannsóknarstarfið
og birtust niðurstöðurnar í
tímaritinu Molecular Psychiatry.
Fréttavefur BBC greindi frá
þessu.
Í kringum tíu prósent fólks eru
örvhent. Ýmsar rannsóknir benda
til þess að munur sé á örvhentum
og rétthentum. Samkvæmt ástr-
alskri rannsókn sem birtist í fyrra
geta örvhentir hugsað hraðar en
rétthentir þegar þeir takast á við
verkefni eins og að spila tölvuleik
eða við íþróttir. Franskir
vísindamenn fundu út að það að
vera örvhentur geti verið kostur
þegar til handalögmála kemur.
Sumar rannsóknir benda til þess að
örvhentir geti verið í meiri áhættu
við að fá suma sjúkdóma og að
lenda í slysum.
Gen örvhentra líklega fundið
Brotist var inn í
fyrirtæki í Mosfellsbæ
aðfaranótt þriðjudags. Að sögn
lögreglu hafði útidyrahurð
fyrirtækisins verið spennt upp
og náðu þjófarnir að hafa þaðan
á brott með sér fjóra tölvuskjái
og eina fartölvu.
Þá var brotist inn í bátaskýli
við Meðalfellsvatn þessa sömu
nótt. Líklega hefur þjófurinn
verið í veiðihug því hann stal
utanborðsmótor og tveimur
veiðistöngum.
Ekki er vitað hver eða hverjir
voru þarna á ferð og eru málin í
rannsókn.
Veiðistöngum
og mótor stolið
Stimpla
ðu þig
inn í sum
arið!
F
í
t
o
n
/
S
Í
A

F
I
0
2
1
8
9
0