Fréttablaðið - 02.08.2007, Blaðsíða 31

Á Íslandi geta menn verið skipstjórar eða bændur mann fram af manni en
í borginni Grasse í Suður-Frakklandi eru menn ilmvatnsgerðarmenn í
marga ættliði. Grasse er mekka ilmvatnsframleiðslu. Þar eru tíndar
óteljandi tegundir blóma og jurta og helstu ilmvatnsframleiðendur hafa
þar flestir aðsetur. Kannski er því ekkert skrítið að ilmvatnsgerð gangi
þar í erfðir sem ævistarf eins og í Maubert-fjölskyldunni, sem hefur
helgað sig þessari grein síðan Jean-Baptiste Maubert skapaði Robertet-
ilmvatnsgerðina árið 1850.
Í framleiðsludeildinni er að finna um hundrað mismunandi náttúrulega
ilmgjafa, rætur af ýmsum plöntum, við, blóm og laufblöð sem bíða þess að
breytast í ómetanlegan elixír sem verður undirstaða í höfugum ilmi eða
síðasti dropinn sem öllu breytir.
Í dag er fjórði ættliðurinn við störf hjá fyrirtækinu, sem er stjórnað af
Jean Maubert, sonarsyni stofnandans, og sonum hans. Í fyrstu voru
eingöngu unnin blóm úr nágrenninu og verksmiðjan sem hönnuð var af
verkfræðingnum Eiffel 1895, þeim sama og Eiffel-turninn er kenndur við,
er enn í notkun. Olíurnar eru geymdar í læstum hvelfingum þar til þær
eru notaðar og viðskiptavinirnir eru ekki af verri endanum eins og
Chanel, Dior, Guerlain, Gucci og l´Oréal.
Eftir seinni heimsstyrjöldina var ilmvatnsframleiðslan í Grasse í lægð.
Á þeim tíma kom Jean Maubert til starfa og byrjaði að skapa sín eigin ilm-
vötn fyrir Robertet, opnaði útibú í Bandaríkjunum og hóf sömuleiðis að
framleiða bragðefni til matvælagerðar. Það er nefnilega stórmunur á
gervibragðefnum og náttúrulegum hágæðaefnum, til dæmis vanillu sem
er notuð í ís, konfekt eða kökugerð þar sem allt er ekta. Og þá erum við
ekki að tala um vanilludropa úr Ríkinu! Þetta skilaði svo sannarlega
árangri þar sem að nú starfa 1.200 manns hjá fyrirtækinu um víða veröld
og 75% af veltunni eru sköpuð erlendis.
Þó að fjöl- skyldan sé við stjórnvölinn eru örfáir utanaðkomandi
sem fá að taka þátt í sköpuninni. Michel Almairac
er líklega það sem kalla mætti ilmvatnsfræðingur
eða „nef“ eins og það er kallað innan greinarinn-
ar. Michel hefur skapað ekki ómerkilegri ilmvötn
en Dior Addict 2, Gucci Rush og Gucci pour
Homme. Þannig fetar ilmvatnsgerð Robertet
veginn milli eigin framleiðslu og samstarfs
við stóru nöfnin í tískuheiminum.
Barnabörnin í fimmta ættlið fjölskyld-
unnar eru 13. Sum þeirra eru nú þegar
farin að að læra réttu handtökin við
ilmvatnsframleiðslu og búa sig undir að
ganga inn í fjölskyldufyrirtækið þegar
þar að kemur. Sagan heldur áfram og
kannski það laumist stelpa í hópinn.
®
Allt það nýjasta frá
London
París
Amsterdam
Mílanó
Haustvörurnar
komnar