Fréttablaðið - 02.08.2007, Page 78

1
6 7 8
10
13
119
12
15
16
18
21
20
17
14
19
2 3 4 5
„Ég reyni oft að vera duglegur
og elda mér hafragraut. Annars
fæ ég mér bara Cheerios eða
ristað brauð. Stundum gleymi
ég reyndar alveg að borða.
Ég reyni líka að byrja daginn
á að fá mér eins nýkreistan
appelsínusafa og hægt er, það
tekst samt ekki alltaf.“
Tónlistarmaðurinn Mugison er að leggja lokahönd á
næstu plötu sína og þar verður meðal annars að finna
lagið George Harrison, sem er tileinkað Bítlinum
sáluga.
„Þetta er eldgömul hugmynd og ég ákvað bara að
klára hana,“ segir Mugison, sem hefur lengi verið
aðdáandi Harrisons. „Ég ætlaði að vera kvöldstund
að klára það en var hálfan mánuð. Ég var orðinn svo
þunglyndur að ég byrjaði að reykja aftur en er hætt-
ur núna. Það er svolítið fyndin kaldhæðni að ég skyldi
falla í fjögurra ára reykingabindindi vegna lags um
mann sem dó úr lungnakrabbameini vegna reyk-
inga,“ segir hann.
Mugison lenti einnig í miklum vandræðum með
upptökur á öðru lagi þar sem hann þurfti að taka upp
fimmtán mismunandi millilög. „Þetta er aktívista-lag
og millilagið virkaði í kassagítarútgáfu. Svo þegar
það var komin „pródúksjón“ í kringum þetta hljómaði
það eins og blanda af Boney M og Iron Maiden,“ segir
hann og hlær.
Nýja platan er væntanleg í lok september eða byrj-
un október en vinna við hana hófst skömmu eftir að
Mugison lauk við gerð Mugimama is this Monkey-
music? Kappinn stefnir á að fljúga til Memphis í
Bandaríkjunum á næstunni til að taka upp það sem á
vantar á plötuna og dvelja þar í eina viku.
Samdi lag um George Harrison
„Þegar Lalli biður um greiða
bregst ég við,“ segir Halldór Ein-
arsson, betur þekktur sem Hall-
dór í Henson. Halldór útvegaði
Hrottunum, knattspyrnufélagi
fanga á Litla-Hrauni, nýja bún-
inga eftir að hafa fengið beiðni um
slíkt frá sjálfum Lalla Johns sem
situr inni sem stendur.
„Fyrir fjölda ára fórum við
Hemmi Gunn, Rúnni Júl, Ómar
Ragnarsson og fleiri oft upp á
Litla-Hraun til að spila við fang-
ana. Ég man meira að segja eftir
því þegar Ómar lenti flugvélinni í
miðjum fangelsisgarðinum,“ segir
Halldór hlæjandi þegar hann rifj-
ar upp þessa gömlu tíma. „Við
tókum líka eitt sinn ameríkana
með okkur upp eftir. Honum
fannst það mikið sport að spila í
„the state prison“. Honum brá nú
samt meira þegar boltinn fór yfir
girðinguna, sem þá var einföld, og
út fyrir fangelsið. Einn fanginn
vippaði sér bara yfir, sótti boltann
og kom aftur yfir,“ segir Halldór
og skellir upp úr.
Þetta er ekki í fyrsta sinn sem
Halldór bregst við beiðni fang-
anna um nýja búninga. „Búning-
arnir eru ekki þverröndóttir,
svartir og hvítir,“ segir Halldór,
sem sendi öllum Hrottunum ljós-
bláa búninga, ekki ólíka Chelsea-
búningunum, nema Lalla sjálfum.
„Hann fékk rauðan búning,“ segir
Halldór. Bláu búningarnir munu
vafalaust koma sér vel enda þykja
Hrottarnir ansi liðtækir knatt-
spyrnumenn.
Óperusöngvarinn Garðar Thor
Cortes söng í gærkvöldi á Old
Trafford, heimavelli enska knatt-
spyrnustórveldisins Manchester
United. Englandsmeistararnir
léku þá vináttuleik gegn Ítalíu-
meisturum Inter Milan og söng
íslenski sjarmörinn fyrir tugþús-
undir gesta sem mættu á völlinn.
Leikurinn var að auki sýndur í
beinni útsendingu í sjónvarpi víða
um heim, meðal annars á sjón-
varpsstöð Manchester United.
Garðar Thor hefur notið mikilla
vinsælda í Bretlandi síðustu mán-
uðina eftir að fyrsta plata hans
kom út þar í landi. Þetta er til að
mynda í þriðja skiptið sem hann
syngur á stórum fótboltaleik þar í
landi. Fyrst var það úrslitaleikur
fyrstudeildarliða um sæti í Úrvals-
deildinni og síðar söng hann á
heimavelli Íslendingaliðsins West
Ham United.
Samkvæmt upplýsingum
Fréttablaðsins hefur Garðar Thor
einnig verið bókaður til að syngja
á úrslitaleik bikarkeppninnar í
breskum ruðningi 25. ágúst næst-
komandi. Leikurinn fer fram á
Wembley og nær sjónvarps-
útsending frá honum til 200
milljóna áhorfenda víða um heim.
Garðar Thor Cortes söng á Old Trafford