Fréttablaðið - 13.02.2008, Blaðsíða 12

MARKAÐURINN 13. FEBRÚAR 2008 MIÐVIKUDAGUR12
H É Ð A N O G Þ A Ð A N
L A N D B Ú N A Ð U R
„Á einstaka stöðum eru þau ívið
léttari en í hittifyrra,“ segir Jón
Viðar Jónmundsson, ráðunaut-
ur í sauðfjárrækt hjá Bænda-
samtökunum.
Samkvæmt skýrsluhaldi sauð-
fjárræktarinnar fyrir árið 2007
er kjötmagn eftir hverja kind
minna en árið áður. Breyting-
arnar eru þó mismunandi eftir
landsvæðum, að því er fram
kemur á vefsíðu Bændasam-
takanna.
„Á heildina er kannski ekki
að sjá mikinn mun milli ára,
en til dæmis í Norður-Þingeyj-
arsýslu er töluverður munur,“
segir Jón Viðar. „Þetta skýrist
örugglega af miklum þurrkum
í sumar. Við höfum séð þetta
áður á þessu svæði.“
Fram kemur á heimasíðu
Bændasamtakanna að gæði
lambakjötsins séu, þrátt fyrir
minni fallþunga, metin meiri en
nokkru sinni fyrr. - ikh
Lömbin ívið léttari
ÚR GRÍMSSTAÐARÉTT Þurrkar síðasta sumar virðast vera meginskýringin á því að
lömbin norðan heiða eru léttari en oft áður.
„Talmálið er framtíðin,“ segir
Eric Figueras, spænskættað-
ur frumkvöðull, sem með þeim
Birki Marteinssyni og Arnari
Gestssyni hefur komið á fót upp-
lýsingatækni- og farsímafyrir-
tækinu AmiVox. Þeir hafa þróað
og eru með í prófunum búnað í
farsíma sem þeir binda vonir við
að geti orðið smáskilaboðaþjón-
usta framtíðarinnar.
„Fólk losnar við innsláttinn
og sendir raddupptökur. Það er
fljótlegra, þægilegra og per-
sónulegra,“ segir Eric stoltur,
en blaðamaður getur vottað um
þægindi þjónustunnar sem hann
fékk að kynna sér sjálfur. „Svo
erum við lausir við vandann sem
kenndur hefur verið við fyrsta
faxtækið, því með hugbúnaði
okkar er hægt að senda skilaboð
í síma sem ekki eru með búnað-
inn,“ bætir Birkir við.
AmiVox-menn kynna nýjan
skilaboðaþjón sinn á alþjóðlegu
farsímaráðstefnunni Mobile
World Congress, sem hófst á
mánudag og lýkur á morgun, í
Barcelona á Spáni. Virkni búnað-
arins verður helst líkt við blöndu
SMS og MSN-skilaboðaþjónustu
netsins, þar sem áherslan er þó
á talmálið. Þá felur tæknin í sér
lægri símakostnað þar sem sam-
skipti notanda eru við efnisveitu
innanlands, sem svo sendir skila-
boðin áfram yfir netið. „Við telj-
um að í þessu felist hagnaður
fyrir alla, notendur jafnt sem
símafyrirtæki, því með þessu
kemur inn viðbótarþjónusta,“
segir Birkir.
AmiVox fékk nýverið styrk
frá Tækniþróunarsjóði og segja
forsvarsmenn fyrirtækisins það
mikla viðurkenningu á gæðum
hugmyndarinnar.
Í umfjöllun sjóðsins er kerfi
AmiVox sagt munu valda bylt-
ingu fyrir efnisveitur í að koma
efni sínu á framfæri. „Kerfið
opnar nýjar dreifileiðir fyrir efni,
opnar fyrir sendingar á efni sem
ekki hefur verið hægt að senda
í farsíma áður, lækkar tækni-
þröskuld fyrir allar efnisveitur
verulega og getur sparað efn-
isveitum verulegar upphæð-
ir. Kerfið mun auka verulega
möguleika fyrir íslenskar efn-
isveitur á að koma sínu efni á
framfæri erlendis, og fyrir ís-
lensk farsímafyrirtæki að keppa
á alþjóðamarkaði um ódýra skil-
boðalúkningu.“
Í Barcelona segir Eric fyrst
og fremst verið að kynna hug-
myndina efnisveitum, en í mars
verði opnað fyrir almenna notk-
un á kerfinu, sem enn er í próf-
unum. Grunnvirkni forrits-
ins verður ókeypis, en svo geta
notendur skráð sig fyrir fyrir-
framgreiddri viðbótarþjónustu
kjósi þeir það. Þá geta þeir sem
nota búnað AmiVox sent félög-
um sínum hlekk í niðurhal á
búnaðinum í eigin síma. Ekki
er því loku fyrir það skotið að
vöxtur verði nokkuð hraður hjá
AmiVox nái skilaboðaþjónusta
þeirra að slá í gegn. - óká
U P P L Ý S I N G A T Æ K N I I Ð N A Ð U R
Skilaboðaþjónn framtíðar kynntur
STOLTIR FRUMKVÖÐLAR Eric Figueras
og Birkir Marteinsson, tveir stofnenda
AmiVox, hafa unnið að því hörðum hönd-
um að búa til verðugan arftaka sms-skila-
boða sem samskiptaleið um farsíma. Á
myndina vantar þriðja frumkvöðulinn, en
að fyrirtækinu stendur líka Arnar Gestsson.
MARKAÐURINN/ANTON