Fréttablaðið - 05.03.2008, Blaðsíða 4

MARKAÐURINN 5. MARS 2008 MIÐVIKUDAGUR
F R É T T I R
Claude Bébéar, stjórnarformaður
franska tryggingarisans
Axa, ætlar að yfirgefa stól-
inn í lok næsta mánaðar. Bé-
béar hefur ýmist verið kallað-
ur guðfaðir fransks kapítalisma
eða Krókódíla-Claude vegna yfir-
töku- og útrásargleði hans síðast-
liðinn aldarfjórðung.
Guðfaðirinn hóf störf hjá litla
tryggingafyrirtækinu Ancienne
Mutuelle árið 1958 og settist í
forstjórastólinn árið 1975. Viða-
miklar yfirtökur á smærri trygg-
ingafyrirtækjum gengu í gegn
í kjölfarið og var Axa stofn-
að sem samstæða um reksturinn
árið 1985. Það er nú eitt af þrem-
ur stærstu tryggingafyrirtækj-
um Evrópu.
Bébéar sat í forstjórastóli Axa
til ársins 2000 og skipti þá yfir í
stjórnarformannssstólinn.
Breska dagblaðið Financ-
ial Times segir um brotthvarf
Bébéars, sem fagnar 73 ára af-
mæli á árinu, að ólíklegt verði að
hann sitji kyrr í kjölfarið. Bébéar
hefur unnið mikið á bak við tjöld-
in síðastliðin þrjátíu ár. Þá fái
hann meiri tíma fyrir áhugamál
sín: veiðar og mannréttindamál,
sem þó verði stunduð hvort í sínu
lagi. - jab
CLAUDE BÉBÉAR Fráfarandi stjórnarfor-
maður tryggingarisans Axa ætlar að hverfa
á braut frá samstæðunni í lok apríl.
MARKAÐURINN/AFP
Bandaríska verðbréfafyrirtækið
MF Global, eitt það stærsta í
heimi sem sérhæfir sig í kaup-
um og sölu á verðbréfum tengd-
um hrávörumarkaði, greindi frá
því í síðustu viku að einum verð-
bréfamiðlara fyrirtækisins hefði
verið vikið úr starfi vegna grófra
verðbréfagjörninga.
Verðbréfamiðlarinn veðjaði
gegn verðhækkun á hveitiverði,
sem hefur sveiflast mikið upp á
síðkastið og stendur í methæð-
um. Að sögn breska dagblaðsins
Financial Times tapaði miðlarinn
141,5 milljónum Bandaríkjadala,
jafnvirði 9,3 milljarða íslenskra
króna, á viðskiptunum. Þetta er
langt umfram þær heimildir sem
verðbréfamiðlarar fyrirtækisins
hafa.
Málið tengist miklum sveifl-
um á heimsmarkaðsverði á hveiti
upp á síðkastið og rauk í met-
hæðir á miðvikudag eftir miklar
sveiflur. Ekki er loku fyrir það
skotið að mikil verðbréfavið-
skipti miðlarans skýri sveifluna,
að sögn blaðsins.
MF Global sagði í tilkynningu
í vikulokin að tölvukerfi fyrir-
tækisins hefði brugðist. Kerfið
vistar upplýsingar um viðskipti
einstakra miðlara og talið er að
það hefði getað svipt hulunni af
gjörningunum fyrr en ella. - jab
KORNÞRESKIVÉL Á ÞORVALDSEYRI
Heimsmarkaðsverð á korni hefur sveiflast
mikið upp á síðkastið og er ekki loku fyrir
það skotið að verðbréfaskúrkar hafi þrýst
því upp.
Hveitiskúrkur tapar stórfé
Bandaríski auðkýfingurinn
Warren Buffett, sem um áraraðir
hefur verið í öðru sæti á lista
yfir ríkustu menn heims, segir
samdráttarskeið hafið í Banda-
ríkjunum.
Samkvæmt bókum hagfræð-
inga þarf landsframleiðsla að
hafa dregist saman tvo ársfjórð-
unga í röð áður en hægt er að
segja til um hvort samdráttar-
skeið sé runnið upp. Sú er enn
ekki raunin. Hagvöxtur jókst um
0,6 prósent á síðasta ársfjórð-
ungi í Bandaríkjunum í fyrra
samanborið við 4,9 prósenta hag-
vöxt á þriðja ársfjórðungi.
Buffett benti á í samtali við
sjónvarpsstöðina CNBC um
helgina að mjög hafi hægt á um-
svifum þeirra fyrirtækja sem
fjárfestingafélag hans eigi hlut
í og því ljóst að samdráttarskeið
sé hafið. Hann vildi þó ekki spá
fyrir um hversu lengi það muni
standa.
Félag Buffetts heitir Berk shire
Hathaway og nam hagnaður
þess 2,2 milljörð-
um dala, jafnvirði
146 milljörðum
króna, á síðasta
ári. Það er þrjú
hundruð milljón-
um dala minna
en í hitteð-
fyrra.
- jab
WARREN
BUFFETT
Buffett segir samdráttarskeið hafið
„Guðfaðirinn“ hverfur á braut
Jón Aðalsteinn Bergsveinsson
skrifar
Ísland hefur fallið um sjö sæti niður í það ell-
efta af 130 yfir þau lönd sem flagga hæstu
samkeppnis vísitölu í ferðaþjónustu (e. Travel
and Tourism Competitiveness Index, skammstaf-
að TTCI) í ár. Niðurstöður könnunarinnar voru
birtar í gær. Umhverfismál og hömlur á eignar-
haldi erlendra aðila draga Ísland niður á listan-
um en hreinlæti, heilbrigðismál og samgöngur
halda því uppi.
Ísland var í fjórða sæti á listanum í fyrra. Sviss
skipar fyrsta sætið og er því leiðandi á sviði
ferðaþjónustu. Austurríki
er í öðru sæti og Þýskaland
í þriðja og er það óbreytt
staða á milli ára. Ástralía,
Frakkland, Spánn og Sví-
þjóð koma ný inn á listann
meðal landanna í tíu efstu
sætunum. Ásamt Íslandi
falla Hong Kong, Lúxem-
borg og Síngapúr út af list-
anum. Afríkuríkin Tsjad og
Lesótó eru í tveimur neðstu
sætunum í ár.
Alþjóðaefnahagsráðið
(World Economic Forum)
hefur tekið listann saman
ár hvert síðastliðin 29 ár
og er Nýsköpunarmiðstöð
samstarfsaðili ráðsins hér á landi.
Fram kemur í skýrslu um málið að breytingar
hafi verið gerðar á samsetningu vísitölunnar frá í
fyrra og skýri það fallið að nokkru leyti. Að sama
skapi gerir það samanburð á milli ára að nokkru
leyti ómarktækan.
Nú er stuðst við fjórtán stoðir í stað þrettán
og undirflokkum bætti við. Áhersla á sjálfbærni
og umhverfisvernd hefur verið aukin sem mik-
ilvæg atriði fyrir samkeppnishæfni í ferðaþjón-
ustu. Þar á meðal er ein breytan losun koltvísýr-
ings en þar lendir Ísland í 90. sæti. Auk þess lend-
ir Ísland í 101. sæti yfir heimildir erlendra aðila
til fjárfestinga hér á landi og í því 114. yfir fjölda
flugfélaga sem starfi hér.
Góðu fréttirnar eru þær að Ísland lendir í
fyrsta sæti yfir gott aðgengi að hreinu drykkjar-
vatni og góðum samgöngum og þykir standa sig
vel gagnvart útbreiðslu alnæmis, svo fátt eitt sé
nefnt. Þá skorar landið hátt á listanum yfir gott
atvinnuöryggi og viðhorf til útlendinga. Í síðast-
talda flokknum lendir Ísland í áttunda sæti.
Ísland dottið af lista
Ísland fellur um sjö sæti á lista Alþjóðaefnahagsráðsins á milli
ára. Umhverfismál og hindranir á fjárfestingar draga landið niður.
KOMIÐ TIL LANDSINS FRÁ LEIFSSTÖÐ Ísland er í ellefta sæti af
130 á lista Alþjóðaefnahagsráðsins yfir þau lönd sem eru leiðandi
á sviði ferðaþjónustu. MARKAÐURINN/GVA
T Í U E F S T U
L Ö N D I N *
Land Stig
1. Sviss 5.63
2. Austurríki 5.43
3. Þýskaland 5.41
4. Ástralía 5.34
5. Spánn 5.30
6. Bretland 5.28
7. Bandaríkin 5.28
8. Svíþjóð 5.27
9. Kanada 5.26
10. Frakkland 5.23
* Heimild: World Economic Forum
Hagstæðara verð
Aðra leið
Tíðar flugferðir
Hægt að fljúga til eins áfangastaðar og heim frá öðrum
Auðvelt að breyta bókunum
Finnum hótel við hæfi
Í boði að velja sæti 
Engin sunnudagaregla
Engin hámarksdvöl
Aðstoðum við bókanir á framhaldsflugi erlendra flugfélaga
Fjórtán áfangastaðir í sumar
Hagstæðir fyrirtækjasamningar í boði
Kostirnir eru ótvíræðir:
Hafðu samband í síma 5 500 600 eða sendu okkur línu á
vidskiptaferdir@icelandexpress.is – Saman leggjum við
grunninn að vel heppnaðri viðskiptaferð!

Einkaþotur
eru svo
2007...
London
Köben
11 x í viku
10 x í viku
Með fyrirtækjasamningi við Iceland Express
tryggirðu fyrirtækinu hagstæðara verð
og sparar fyrirhöfn.
með ánægju