Fréttablaðið - 26.03.2008, Blaðsíða 4
MARKAÐURINN 26. MARS 2008 MIÐVIKUDAGUR4
F R É T T I R
Óli Kristján Ármannsson
skrifar
Meðan hér er einn ólöglegur Apple iPhone-farsími
í notkun á hverja 196 íbúa eru 685 Danir um hvern
slíkan síma. Samkvæmt upplýsingum Markaðar-
ins frá stærstu fjarskiptafyrirtækjum landsins eru
hér um það bil 1.600 iPhone-símar í notkun. Í Dan-
mörku eru þeir um 8.000 talsins, samkvæmt nýrri
frétt Berlingske Tidende.
Sala Apple iPhone-síma var lengi vel óheimil utan
Bandaríkjanna vegna einkaréttarsamninga Apple
við símafyrirtæki þar í landi. Þá höfðu símtæk-
in fyrsta kastið ekki fengið löggilta CE-merkingu
líkt og fjarskiptatæki á Evrópska efnahagssvæð-
inu þurfa að fá. Eftir að samningar náðust um sölu
og dreifingu símanna hjá völdum símfyrirtækjum í
Bretlandi og Frakklandi fengu þeir hins vegar slíka
merkingu. Apple hefur hins vegar haldið sig við
að selja símana ekki öðruvísi en í gegnum áskrift-
arsamninga símfyrirtækja. Til þess að nota hér
iPhone-síma sem keyptur hefur verið í Bandaríkj-
unum, Englandi eða Frakkalandi þarf að breyta
hugbúnaði símans þannig að hann sé ekki lengur
læstur inni á kerfi viðkomandi símfyrirtækis. Þá
eru enn seldir í Bandaríkjunum símar án CE-merk-
ingar, en þeir eru ólögleg fjarskiptatæki hér.
Ekki þarf mikla tækniþekkingu til að breyta
símum þannig að þeir gagnist notendum hér, en
hugbúnaður til þess og leiðbeiningar eru fljótfund-
in á netinu. Samkvæmt heimildum Markaðarins
hafa nokkrir einstaklingar engu að síður haft af því
tekjur að breyta símum fyrir fólk og hafa þá rukk-
að nokkur þúsund krónur fyrir viðvikið.
Ljóst er að hér á landi hefur orðið sprenging í
fjölda iPhone-síma í notkun. Síðasta haust var frá
því greint á vef Vísis að samkvæmt heimildum
væru um 40 „óskráðir og ólöglegir“ iPhone-símar í
notkun hér á landi, en þá höfðu tækin ekki enn feng-
ið CE-merkingu. Fjölgunin nemur 3.000 prósentum.
Símarnir eru nokkuð vinsælir enda þykja þeir
ekki dýrir miðað við jafn tæknivætt tæki með svip-
aða möguleika, en á vef Apple er tækinu lýst sem
„breiðtjalds-iPod með snertiskjá og framúrskar-
andi internet samskiptatæki með tölvupósti, vafra,
leit og kortum“. Á móti kemur að iPhone styð-
ur ekki net þriðju kynslóðar farsímatækni, auk
þess sem til skamms tíma hefur skort stuðning við
Micro soft Exchange, en slíkur stuðningur er for-
senda þess að samtengja megi tækið tölvupóstfor-
ritum Windows-stýrikerfisins.
Í frétt Berlingske er bent á að iPhone hafi verið
í sölu frá því í júní í fyrra, en í janúar hafi Apple
upplýst að fjórar milljónir tækja hafi verið seldar.
Apple hefur staðið í nokkrum slag við kaupendur
sem aflæst hafa símtækjunum. Þannig gaf Apple
fyrir áramót út hugbúnaðaruppfærslu sem varð til
þess að símar læstust aftur. Ekki liðu hins vegar
nema nokkrir dagar þar til „tölvuþrjótar“ höfðu
brotið þá læsingu á bak aftur líka.
FLOTTHEIT FRÁ APPLE iPhone-símarnir eru ekki með takka heldur
snertiskjá. Síminn er augnayndi og ekki að undra að þeir sem á
annað borð eru áhugasamir um nýjustu tækni láti sig langa í slíkan
grip.
Um 1.600 iPhone-
símar í notkun hér
iPhone-símum frá Apple hefur fjölgað mikið hérlendis frá því
síðasta haust. Þá voru hér 40 tæki í notkun. Íslendingur er
fjórum sinnum líklegri en Dani til að eiga iPhone.
Ó L Ö G L E G I R I P H O N E - S Í M A R
Land Símtæki Íbúafjöldi
Danmörk 8.000 5.476.000
Ísland 1.600 313.000
A
u
g
lý
si
n
g
as
ím
i
– Mest lesið
Mike Ashley, eigandi enska úr-
valsdeildarliðsins Newcastle og
stjórnarformaður íþróttavöru-
verslunarinnar Sports Direct, er
sagður hafa tapað tugmilljónum
punda á fjárfestingu sinni í skoska
bankanum Halifax Bank of Scot-
land (HBOS). Gengi bréfa í bank-
anum féll um tæp tuttugu prósent
í síðustu viku.
Sports Direct er einn helsti
keppinautur íþróttavöruverslunar-
innar JJB Sports í Bretlandi, sem
Exista ræður að stórum hluta.
Fjármálasérfræðingar í Bret-
landi telja að spákaupmenn hafi
skortselt bréf bankans, skellt
miklu magni þeirra á markað sam-
fara því að koma slæmum frétt-
um af lausafjárstöðu hans á kreik
í því skyni að fella gengið og
græða. Talið er að einn verðbréfa-
sali hafi hagnast um 100 milljón-
ir punda, jafnvirði fimmtán millj-
arða króna, á athæfinu.
Breska fjármálaeftirlitið hefur
málið til skoðunar, að sögn breska
blaðsins Times. Bankinn brást við
í vikubyrjun og hóf að kaupa eigin
bréf. Það skilaði sér í vænni hækk-
un, tæpum fjórtán prósentum, um
hádegisbil í gær. - jab
MIKE ASHLEY HVETUR SÍNA MENN
Eigandi Newcastle er sagður hafa tapað
jafnvirði nokkurra milljarða íslenskra króna
á falli skoska bankans HBOS í síðustu viku.
MARKAÐURINN/AFP
Eigandi Newcastle tapar á bankadýfu
Jeroen Drost var í gær ráð-
inn forstjóri hollenska bankans
NIBC. Hann tekur við starfinu
1. maí næstkomandi.
Michael Enthoven, fyrrver-
andi forstjóri, sagði starfi sínu
lausu skömmu eftir að Kaup-
þing hætti við yfirtöku á bank-
anum í enda janúar síðastlið-
ins og tók uppsögnin gildi 20.
mars.
NIBC hefur ekki farið var-
hluta af lausafjárkreppunni.
Hagnaður hans í fyrra nam 235
milljónum evra, sem er um sex-
tíu prósenta samdráttur á milli
ára.
Drost var áður forstjóri hol-
lenska bankans ABN Amro í
Asíu. - jab
MICHAEL ENTHOVEN Nýr forstjóri hefur
verið ráðinn yfir hollenska bankann NIBC.
MARKAÐURINN/HÖRÐUR
Nýr forstjóri NIBC
Bandaríski bankinn JP Morgan hækkaði á
mánudag tilboð sitt í fjárfestingarbankann
Bear Stearns úr tveimur dölum á hlut í tíu.
Þetta er fimmfalt hærra boð en bankinn gerði á
dögunum, sem taldist brunaútsöluverð.
Fjármálamarkaðurinn, sem hafði tekið dýfu
eftir að JP Morgan lagði fram sitt fyrra boð í
bankann, tók nýja tilboðinu fagnandi. Þá rauk
gengi Bear Stearns upp um tæp níutíu prósent.
Þetta er engu að síður fremur lágur verðmiði,
sem fór hæst í 172,6 dali á hlut í fyrra.
Bandaríski seðlabankinn hefur stutt við sölu-
ferlið á Bear Stearns, meðal annars með fjár-
mögnun kaupanna auk þess sem hann hefur sett
á laggirnar fyrirtæki sem mun hafa það hlut-
verk eitt að selja eignir fjárfestingarbankans.
Aðgerðir bankans hafa hins vegar verið
gagnrýndar harðlega ekki síst þar sem svo
virðist sem seðlabankinn muni um tíma sinna
hlutverki almenns fjárfestingarbanka. Slíkt
sé fjarri hlutverki hans, að sögn fréttaveitu
Bloomberg. - jab
Betra tilboð í fjárfestingarbankann
VIÐ HÖFUÐSTÖÐVAR BEAR STEARNS JP Morgan hefur lagt fram
fimmfalt hærra verð í fjárfestingarbankann Bear Stearns. Fréttirnar fóru
vel í bandaríska fjárfesta. MARKAÐURINN/AP
F
A
B
R
I
K
A
N