Fréttablaðið - 04.06.2008, Side 14

MARKAÐURINN 4. JÚNÍ 2008 MIÐVIKUDAGUR14
F Y R S T O G S Í Ð A S T
7.00 Vöknum litla fjölskyldan á Laufásveginum. Hefðbundnar samn-
ingaviðræður um val á morgunverði og í hverju á að vera í dag við
átta ára dóttur mína.
8.15 Ég keyri hana í Ísaksskóla og skil hana þar eftir sæla og glaða
enda stór dagur fram undan – það á að kveðja Guðrúnu kennara sem
er að flytja til Brussel.
8.30 Flyt stutta tölu fyrir eftirlaunaþega bankans sem eru á leið í
sína árlegu vorferð. Fer aðeins yfir stöðuna á fjármálamörkuðum og
fyrsta ársfjórðungsuppgjör bankans.
9.00 Fyrsti fundur dagsins snýst um uppgjör fyrir viðskiptabankann
á Íslandi. Gott fólk að skila góðum árangri þar.
10.00 Tek frammistöðusamtal við mannauðsstjórann minn. Það er
skemmtilegt verkefni enda frábær maður. Það kom honum á óvart
hvað ég var vel undirbúin!
11.00 Tökum símafund við Noreg um markaðsmál sem Bjarney
Harðardóttir, markaðsgúrú bankans, stjórnar.
12.00 Framkvæmdastjórafundur með Lárusi Welding – ég gef ekkert
upp hvað var rætt – ber við bankaleynd!
14.00 Sest niður með Unu sem stjórnar útibúanetinu hjá mér – förum
yfir teikningar af breytingum á útibúinu á Kirkjusandi. Þetta lítur vel
út – verður frábær aðstaða fyrir viðskiptavini og starfsfólk.
15.00 Hleyp og fæ mér köku í tilefni af kveðjuhófi eins starfsmanns.
Læt slíkar veitingar aldrei framhjá mér fara.
15.30 Hitti upplýsingafulltrúa bankans, Má Másson, förum yfir
helstu bankamál sem eru í fjölmiðlum þessa dagana. Það er alltaf af
nógu að taka.
16.00 Sinni tölvupóstum og tek fullt af símtölum.
16.30 Sest niður með nýjum framkvæmdastjóra Glitnis fjármögnun-
ar, Ingvari Stefánssyni. Við förum yfir helstu verkefni sem hann þarf
að „henda sér í“ – þeir segja það mínir samstarfsmenn að ég noti það
orðatiltæki mikið.
17.30 Mæti á kveðjubekkjarkvöldið í Ísaksskóla. Sit þar stolt móðir
og horfi á mína sýna ballett ásamt vinkonu sinni. Gúffa í mig mikið
af veitingum sem myndarlegar mæður bera á hlaðborð.
19.30 Þá komum við heim fjölskyldan og hættum við fyrirhugaðan
hjólatúr en setjumst aðeins niður og spjöllum um daginn.
20.30 Tek nokkur vinnusímtöl og svara tölvupóstum og kíki á sjón-
varpsfréttirnar á netinu. Kasta svo í eina þvottavél.
22.30 Ég er kvöldsvæf og fer snemma að sofa. Les aðeins í Fölskum
fugli eftir Mikael Torfason – ári er hún dónaleg bókin!
23.00 Sofna og hugsa um hvað ég ætli að borða rosalega lítið á
morgun!
D A G U R Í L Í F I …
Birnu Einarsdóttur, framkvæmdastjóra viðskiptabankasviðs Glitnis
HÁDEGISVERÐUR Birna Einarsdóttir, framkvæmdastjóri viðskiptabankasviðs Glitnis,
gefur sér tíma fyrir snæðing. FRÉTTABLAÐIÐ/ANTON
„Þegar kemur að frístundum er
af mörgu að taka en fyrst verð
ég að nefna hlaupin. Ég byrj-
aði fyrst að hlaupa þegar ég
var í námi í London árið 2005.
Nú á ég eitt heilt og nokkur
hálf maraþon að baki. Stefnan
er tekin á að bæta tímann í hálfu
maraþoni nú í haust í Bretlandi,“
segir Þóra Helgadóttir hagfræð-
ingur, sem nú starfar hjá Singer
og Friedlander í Lundúnum.
Hún segist njóta þess að vakna
snemma á morgnana og hlaupa
niður að Thames. „Það er upp-
örvandi að fylgjast með Lund-
únaborg vakna til lífsins, hvort
sem það eru róðrarklúbbarnir að
þeysast upp ána eða vallarstarfs-
menn Fulham að undirbúa dag-
inn. Útsýnið af Hammersmith-
brúnni er ekki af verri endanum.
Á miðvikudögum hleyp ég hins
vegar með strákunum hjá Kaup-
þingi London í Hyde Park í há-
deginu. Þar er keppt við klukk-
una en þrátt fyrir að hafa leyft
stelpu að ganga í hópinn hefur
ekki hægt á okkur.
Þegar ég vil algjörlega gleyma
stað og stund veit ég fátt betra
en að detta inn í Dance Works í
London og skella mér í modern
jazz-tíma. Ég stundaði dansnám
og kenndi síðar hja JSB í mörg
ár og því er dansinn mér alltaf
kær,“ segir Þóra.
Auk þess segist hún hafa
gaman af lestri góðra bóka og
segir smekkinn á því sviði mjög
fjölbreyttan. „Það má ósjaldan
finna mig á kaffihúsum borgar-
innar þegar ég hef tíma aflögu
með nokkrar bækur og blöð mér
við hlið. Ég hef einnig gaman
af því að munda pennann sjálf.
Hingað til hafa skrif mín aðal-
lega tengst fjármálum og hag-
fræði. Í vetur skellti ég mér hins
vegar á námskeið í skapandi
skrifum hjá City University.
Það var virkilega ánægjuleg
lífsreynsla og kynntist ég þar
mjög áhugaverðu fólki. Ég hef
nú einhverjar efasemdir um að
ég og skáldagyðjan séum í takt
en það má búast við að skúffu-
verkum fjölgi á næstunni.“
Með rísandi sól stefnir Þóra að
því að taka sér nýja hluti fyrir
hendur og segir hún að af mörgu
sé að taka. „Þar sem ég bý nú við
hliðina á tennisklúbbi hennar há-
tignar ætla ég að reyna að taka
upp tennisspaða í sumar og ef til
vill skrá mig á námskeið. Nýju
gönguskórnir mínir standa líka
ónotaðir inni í herbergi og er
ég að bíða eftir rétta tækifær-
inu til að vígja þá,“ segir Þóra
að lokum.
Hlaup, dans og skrif
ÞÓRA HELGADÓTTIR
Segir að þegar hún eigi
tíma aflögu megi ósjaldan
finna sig á kaffihúsum
Lundúna með nokkrar
bækur og blöð sér við hlið.
FRÉTTABLAÐIÐ/RÓSA
F R Í S T U N D I N
U
pphaflega markmiðið með útgáfu Gjald-
eyrismála var að bæta upplýsingaflæðið
varðandi fjármálamarkaðinn og sérstak-
lega gjaldeyrismarkaðinn í ljósi þess að
miklar breytingar voru að verða á mark-
aðsaðstæðum vegna samningsins um evrópska
efnahagssvæðið og aukins frjálsræðis í gjaldeyris-
málum. Mér fannst vera þörf fyrir að koma fram
með vandað upplýsingaflæði til að markaðs aðilar
gætu mótað sína afstöðu með skynsamlegum hætti,“
segir Yngvi Harðarson, stofnandi og fyrsti ritstjóri
Gjaldeyrismála.
Ákveðin tímamót eru í útgáfu Gjaldeyrismála
um þessar mundir. Blaðið sem gefið hefur verið út
sleitulaust frá 1993 verður frá og með þriðjudeg-
inum 3. júní aðgengilegt á netinu á vefsíðu Aska
Capital, www.askar.is. Gjaldeyrismál kemur nú út
vikulega og verður sent út í tölvupósti og aðgengi-
legt á vefnum en þess má geta að allt þar til á síð-
asta ári var það gefið út daglega. Öll fyrri rit Gjald-
eyrismála verða sett á netið og gerð aðgengileg.
Slíkt ætti meðal annars að styðja við rannsóknar-
vinnu á sviði gjaldeyrismála. Einnig hefur verið
ákveðið að breyta útliti blaðsins og verður það nú
sent út í HTML-formi í stað Abrocat.
Yngvi segir að efnistök blaðsins hafi verið
áþekk allt frá upphafi en þó hafi á undanförnum
árum verið lögð aukin áhersla á tæknigreiningu
á fjármála- og gjaldeyrismörkuðum. „Við höfum
stundum verið gagnrýndir fyrir íhaldssemi í fram-
setningu en við sjáum nú að hún hefur borgað sig.“
Yngvi segir að helsti markhópur blaðsins hafi allt
frá upphafi verið fagaðilar á markaði, stofnana-
fjárfestar, stærri fyrirtæki og aðrir fagfjárfestar.
Allt fram á síðasta ár voru Gjaldeyrismál seld í
áskrift en er nú dreift sem „fríblaði“ í takt við
tíðar andann.
Núverandi ritstjóri Gjaldeyrismála er Sigurður
Sævar Gunnarsson sem tók við af Yngva Harðar-
syni um mitt ár 2007 eftir fjórtán ára setu í rit-
stjórastóli. Sigurður segir að ritið muni enn um
sinn koma út í óbreyttu formi en hugsanlega muni
verða lögð aukin áhersla á greiningar þegar fram
líða stundir. bjornthor@markadurinn.is
Gjaldeyrismál 15 ára – nú á vefnum
Tímaritið Gjaldeyrismál hefur verið gefið út frá 1993 og frá og með 3.
júní verður allt gagnasafn blaðsins aðgengilegt á vefsíðu Aska Capital.
YNGVI HARÐARSON Stofnandi Gjaldeyrismála, fréttarits um gjaldeyrismál. Ritið kemur út vikulega og er skrifað af gjaldeyrissérfræðing-
um Aska Capital. MARKAÐURINN/VALLI