Tíminn - 16.06.1982, Side 6

MIÐVIKUDAGUR 16. JÚNÍ 1982
stiittar fréttiri

■ Sigurvegarar i skólaskákmótinu ásamt skákstjóranum Gísla Gunnarssyni
fyrir aftan til vinstri og Skúla Jóhannssyni kennara til hægri. Mynd K.J.
Framkvæmdir hafnar við
II áfanga Grunnskólans
í Búðardal
Búðardalur: Nýlega eru hafnar
framkvæmdir við II áfanga Grunn-
skólans í Búðardal, sem er liðlega
700 fermetrar að stærð. Að sögn
Kristins Jónssonar, oddvita er stefnt
að þvi að hægt verði að taka hluta
hússins í notkun skólaárið 1983/84.
Fyrri áfangi, sem er 540 fermetrar,
var tekinn i notkun árið 1976. í vetur
stunduðu 95 nemendur nám við
skólann í 1.-8. bekk. Skótinn hefur
undanfarin ár starfað við gífurleg
þrengsli, sem m.a. má marka af þvi
að báðir áfangarnir, samtals um
1.240 fermetrar eru ætlaðir 105
nemendum.
Níundi bekkur hefur ekki verið
starfræktur við skólann til þessa, en
stefnt að þvi að hann taki til starfa
jafn skjótt og húsrými leyfir.
Foreldrar þeirra um 9 unglinga sem
hyggja á nám i 9. bekk á hausti
komanda hafa hins vegar lagt fram
eindregnar óskir um að 9. bekkur
verði starfræktur i Búðardal þegar i
haust ef mögulegt væri. Það mál
sagði Kristinn nú i athugun, en óljóst
hvort af því geti orðið.
Mikill skákáhugi ríkir hjá nemend-
um Grunnskólans í Búðardal.
í skólaskákmóti sem efnt var til
þar siðari hluta vetrar voru
keppendur 22, eða nær fjórðungur
nemenda. Keppt var í tveim
aldursflokkum: 10 ára og yngri og
11-14 ára. Sigurvegari i yngri
flokknum var Gunnar Sigurðsson og
í þeim eldri Sigurður Gunnarsson.
Fastir kennarar við Grunnskólann
i Búðardal eru 6 auk 3ja
stundakennara. Skólastjóri er
Þrúður Kristjánsdóttir.
-HEI
Hestaþing og
uppboð að
Murneyri
Ámessýsla: Hestamannafélögin
Sleipnir og Smári halda sitt árlega
hestaþing að Murneyri helgina 26. og
27. júní n.k. Þar hafa allir þekktustu
hlaupagarpar og vekringar landsins
mætt til leiks á undanförnum árum
og timar hafa orðið góðir hjá þeim,
enda völlurinn góður.
Þá hyggst Árnesdeild Hagsmuna-
félags hrossabænda á Suðurlandi
halda uppboð á hrossum laugardags-
kvöldið 26. júní á mótssvæðinu.
Þar verður keppt i A og B flokkum
gæðinga hjá báðum félögum.
í A flokki gæðinga hjá Sleipni er
keppt um farandskjöld, sem aldrei
vinnst til eignar og hefur verið keppt
um hann á hverju ári frá 1950, nema
árið 1955 að keppnin féll niður vegna
veðurs. Skjöldurinn er eftir Rikharð
Jónsson myndhöggvara og er
útskorinn hestur í tré.
{ A flokki gæðinga hjá Smára er
keppt um Hreppasvipuna. Árið 1944
gáfu gamlir smalar og hestastrákar úr
Hreppunum þessa merkilegu svipu,
en hún vinnst aldrei til eignar. Þessi
eftirsótti' verðlaunagripur er vönduð
smiði með gullstöfum á silfurstétt.
Á undanförnum árum hafa börn
og unglingar tekið þátt i keppni á
gæðingum sínum á þessum mótum
og er keppt i tveimur aldursflokkum,
12 ára og yngri og 13 til 15 ára.
í fyrra gáfu hjónin i Vestra-Geld-
ingaholti, þau Rosemarie Þorleifs-
dóttir og Sigfús Guðmundsson tvo
bikara, sem keppt er um í þessum
aldursflokkum hjá Smára, en hjónin
á Arnarstöðum Gunnar B. Gunnars-
son og Guðriður Valgeirsdóttir gáfu
bikara sem keppt er um hjá Sleipni.
Eru þeir fyrir stigahæstu unglinga i
hvcrt sinn. Þessir bikarar vinnast
aldrei til eignar.
Á þessu hestaþingi verða kapp-
reiðar og verður keppt i 150 m
skeiði, 250 m unghrossahlaupi, 350
m stökki, 800 m stökki og 800 m
brokki, og einnig verður keppt i 250 I
m skeiði.
Formaður hestamannafélagsins
Smára er Finnbogi Jóhannsson.
Stóra-Núpi, en formaður hesta-
mannafélagsins Sleipnis er Magnús
Hákonarson, Selfossi.
-Stjas
Kirkjuferð,
kaffisamsæti,
kveðlingar og
söngur í
Skagafirði
■ Mælifell: Á þrenningarhátíð kom
fjöldi fólks riðandi til kirkju á
Reykjum i Tungusveit í heitu
sumarveðri. Presturinn á Hólum,
síra Sighvatur Birgir Emilsson, flutti
stólræðu, en prestarnir á Miklabæ og
Mælifelli þjónuðu fyrir altari.
Kirkjukór Mælifellsprestakalls ann-
aðist söng undir stjórn Björns
Ólafssonar organista á Krithóli.
Eftir embætti bauð hrossaræktar-
deildin i Lýtingsstaðahreppi öllum
kirkjugestum til kaffisamsætis i
félagsheimilinu Árgarði og voru þar
margar ræður fluttar og frumorktir
kveðlingar, en undir liflegan söng
lék einn hestamanna, Einar Schwai-
ger tónlistarkennari í Varmahlið.
Á sl. vori riðu hestamenn
fjölmennir til messu á Miklabæ og i
ræaði er, að næsta vor verði þessum
nýja og skemmtilega sið fram haldið
með hópreið hestafólks til Glaum-
bæjarkirkju, en þátttakendur hafa
verið úr þessum þremur nágranna-
prestaköllum bæði í fyrra og nú.
-A.S.
■ Hluti nefndarmanna ásamt forystumönnum UMFÍ. f.v.:Pálmi Gíslason form.
UMFÍ, Finnur Ingvarsson starfsmaður verkefnisins, Þórarinn Gunnarsson skrífst.stj.
FII, Halldór Einarsson iðnrekandi, Skúli Oddsson starfsm. UMFÍ og Sigurður
Geirdal frkvstj. UMFÍ. Tímamynd:G.E.
Ungmennafélag íslands og Félag
íslenskra iðnrekenda taka
höndum saman:
„Eflum íslensktM
Aðalfundur
Kaupfélags
Skagfirðinga:
Heildar-
veltan
rúmlega
256 millj
■ Aðalfundur Kaupfélags Skagfirð-
inga var haldinn laugardaginn 12. júni.
Fimmtiu og átta kjörnir fulltrúar deilda
áttu rétt á setu á fundinum, auk
deildarstjóra, stjómar, endurskoðenda
og kaupfélagsstjóra, stjómar, endur-
skoðenda og kaupfélagsstjóra. Auk
þcirra sátu fundinn allmargir gestir, að
venju.
I upphafi fundar minntist stjómarfor-
maður, Jóhann Salberg Guðmundsson,
sýslumaður, þeirra félagsmanna, sem
látist höfðu frá siðasta aðalfundi.
Sérstaklega minntist hann þó forastu-
mannanna tveggja, þeirra Gísla Magn-
ússonar i Eyhildarholti og Helga Rafns
Traustasonar kaupfélagsstjóra, er báðir
létust á siðast liðnu ári.
Gisli átti sæti i stjórn félagsins
samfellt frá árinu 1937 til 1978, auk þess
sem hann var lengi varformaður stjórn-
arinnar og siðan formaður frá 1973 til
1978. Hann ritstýrði að auki félagstíð-
indum kaupfélagsins og var oft fundar-
stjóri á fundum þess.
Helgi Rafn Traustason var kaup-
félagsstjóri frá 1972 til dánardags. Áður
hafði hann verið fulltrúi kaupfélags-
stjóra frá árinu 1963. Fundarmenn
minntust látinna félagsmanna og for-
ustumanna með því að risa úr sætum.
í ræðu stjórnarformanns kom m.a.
fram að heildarfjárfestingar félagsins á
síðast liðnu ári námu tæplega 5,5
milljónum króna. Af einstökum fjárfest-
ingarverkefnum bar hæst nýbyggingu
félagsins við Ártorg á Sauðárkróki, sem
hýsa mun aðalstöðvar þess í framtiðinni.
Ekki hefur enn verið ákveðið hvenær
húsið verður tekið i notkun, en vonast
er til að það geti orðið síðari hluta næsta
árs.
í ræðu kaupfélagsstjóra, Ólafs Frið-
rikssonar, sem tók við störfum 1. júni
s.l., kom m.a. fram að starfsmenn
félagsins voru um áramótin 245. Félags-
menn voru þá 1460 og á framfæri þeirra
töldust vera 3.358 manns, að þeim
sjálfum meðtöldum. Heildarvelta kaup-
félagsins og dótturfyrirtækja þess, nam
alls kr. 256,3 milljónum, hafði aukistum
53,5% á fyrra ári. Afkoma félagsins
reyndist hinsvegar lakari heldur en oft
áður. Þegar bókfærðar höfðu verið
fyrningar og upphæð kr. 4.76 milljónir
og færð til gjalda verðbreytingafærsla og
upphæð kr. 138 þúsund, sýndi rekstrar-
uppgjör halla að upphæð 1,358 milljónir.
Ur stjórn gengu Jóhann Salberg
Guðmundsson og Marinó Sigurðsson á
Álfgeirsvöllum og gáfu ekki kost á sér
til endurkjörs.
í stað þeirra voru kosnir í stjórn þeir
Stefán Guðmundsson alþingismaður og
Sigurður Sigurðsson bóndi á Brúna-
stöðum. GÓ/SV.
Dansk-íslenski
sjódurinn:
Styrkir að
upphæð
16300
d. kr.
■ Dansk-íslenski sjóðurinn hefur á-
kveðið að veita styrki að upphæð 16.300
d.kr. til styrktar menningar- og visinda-
samstarfi á milli íslands og Danmerkur
i ár.
Þeir sem styrkina hljóta að þessu sinni
eru Alexander Pálsson stud. tech. 400
kr., Sigurður Einarsson stud. mag. 2.000
kr., Mette Bendixen lektor 3.000 kr.
Juliana Gottskálksdóttir arkitektsstúd-
ent 1.000 kr., Sigurður Steingrimsson
900 kr., retsvidenskabelige institut 4.000
Lr. og Stofnun Árna Magnússonar.
■ Ungmennafélag íslands er 75 ára á
þessu ári og Félag ísl. iðnrekenda 50 ára
á því næsta. Af því tilefni hafa þessi
félagasamtök ákveðið að efna til
kynningarherferðar undir kjörorðinu
„Eflum íslenskt“ nú í sumar.
Tilgangurinn er að vekja athygli á
íslenskri framleiðslu og hvetja fólk til að
taka íslenska framleiðslu fram yfir
erlenda.
■ Til þess að ná athygli almennings
verður hjólað hringinn í kringum
landið, og eru það 3300 km á 17 dögum
frá 25. júni til 11. júlí. Hjólað verður á
3 hjólum sem eru framleidd að mestu
leyti hér á landi, og er það Fálkinn sem
gefur hjólin, en þar er nýbyrjað á þessari
framleiðslu.
í samstarfsnefnd um verkefnið eru:
Eyjólfur Ámi Rafnsson, Halldór Einars-
son, Skúli Oddsson, Þórarinn Gunnars-
son, Arnar Bjamason og Finnur
Ingólfsson sem jafnframt er starfsmaður
nefndarinnar.
Félagar í ungmennafélagshreyfing-
unni munuhjóla um landið og er gert ráð
fyrir að um 5-6 þús. manns muni taka
þátt í hringferðinni.
Ýmislegt verður gert á leiðinni og við
upphaf og endi og má i þvi sambandi
nefna tískusýningar, opnun iðnfyrir-
tækja til sýnis fyrir almenning, dansleiki
og margt fleira.
Framkvæmd þessa verkefnis er mjög
kostnaðarsöm, því var leitað til ýmissa
aðilja með styrk, og munu Félag
islenskra iðnrekenda, Iðnaðarráðuneyt-
ið, SlS, Fálkinn og fleiri aðilar styrkja
verkefnið.
SVJ
veiðihornið
' - ' 'Q\

■ Rennt fyrir lax í Elliðaánum, en hætta er á að ámar stórskemmist vegna
mikils urriða í þeim. Timamynd Sigurjón
Urriði um allar Elliðaár:
Hætta á að áin
stórskemmist
|— sem laxveiðiá, þar sem
urriðinn étur niðurgöngu-
seiðin grimmt
■ Litið hefur veiðst af laxi i
Elliðaánum hingað til, aðeins 3 laxar
komnir á land þar sem er með
eindæmum léleg veiði þótt ekki sé
hún einsdæmi. Hinsvegar veiðist
mikið af urriða út um alla ána og
er það miður þvi urriðinn étur
laxaseiðin grimmt og því er hætta á
að hann stórskemmi ánna sem
laxveiðiá.
Friðrik Stefánsson framkvæmda-
stjóri SVFR sagði í samtali við
Veiðihomið að honum hefði verið
gefinn einn urriði úr ánum fyrir
skömmu. Honum fannst tungan í
honum vera óvenju stór en þegar
betur var að gáð reyndist þetta vera
haus á laxaseiði 16 sm löngu sem
urriðinn hafði verið að reyna að
sporðrenna. Enginn vafi er á að
þarna var um niðurgönguseiði að
ræða og síðan reyndust fleiri laxa-
seiði vera í maganum á honum.
„Það er ekkert vafamál að urrið-
inn étur laxaseiðin grimmt“ sagði
Friðrik.
Aðspurður um aðgerðir gagnvart
þessari hættu sagði Friðrik að Ijóst
væri að eitthvað þyrfti að gera, draga
fyrir í ánni eða eitthvað á þeim
línum, því Ijóst væri að urriðinn gæti
stórskemmt ánna.
21 lax úr Laxá á Ásum
21 lax var kominn á land úr Laxá á
Ásum i fýrradag. Hér er yfirleitt um
væna laxa að ræða því meðalþyngdin
er um 11 pund, og er stærsti laxinn
sem komið hefur á land 18 punda
hrygna. Mest af laxinum hefur veiðst
á maðk neðan til í ánni.
-FRI