Tíminn - 14.08.1982, Blaðsíða 3
LAUGARDAGUR 14. ÁGÚST 1982
3
f réttir
Stór samningur um sölu á fersku hrossakjöti til Frakklands:
■ Samningar hafa nýlega tekist um
sölu á 86 tonnum af fersku hrossakjöti
(um 500-600 hross) til Frakklands á
mjög háu verði, eða um 90% af því verði
sem gildir hér innanlands, sem einstakt
má telja með útflutning á íslenskum
búvörum. Samningurinn er milli Sam-
bands ísl. samvinnufélaga og fransks
kjötkaupmanns sem vill kaupa 13 tonn
af kjöti af fullorðnum hrossum vikulega
og á fyrsta sendingin af fara út 20. ágúst
n.k. Verður kjötið sent út með
flugvélum, ferskt en vel kæll.
„Verðið sem hinn franski kaupandi
greiðir er um 24 kr. fyrir kílóið af Hr.
I, eða um 90% af væntanlegu grundvall-
arverði til framleiðenda og greiðir
Frakkinn kjötið einum mánuði eftir
móttöku“, sagði Magnús Finnbogason,
form. Hagsmunafélags hrossabænda í
Rangárvallasýslu. „Hér er því um mjög
stórt hagasmunamál hrossabænda að
ræða, þar sem fyrir liggur að í iandinu
eru til miklar birgðir af kjöti af
fullorðnum hrossum sem verulegir
erfiðleikar eru á að koma í verð. Er því
augljóst að reikna má með að greiðslur
fyrir kjöt af fullorðnum hrossum á
innlendum markaði muni í framtíðinni
lækka hlutfallslega frá því sem nú er,
auk þess sem sala dregst og greiðslur
berast þá seinna takist ekki að létta
verulega á þessum markaði," sagði
Magnús.
Hann kvað því nauðsynlegt að
hrossaeigendur bregðist fljótt og vel við
og láti þetta tækifæri ekki úr greipum
sér ganga. Áhugasamir sunnlendingar
geta snúið sér beint til Halldórs
Guðntundssonar sláturhússtjóra hjá
Sláturfélagi Suðurlands á Selfossi sem
annast móttöku og slátrun hrossanna á
Suðurlandi, en á Norðurlandi eru
kaupfélögin umboðsmenn Sambandsins.
Mat á kjötinu sagði Magnús fara eftir
gildandi matsreglum, þ.e. fitumat, en
óháð aldri hrossanna. Útflutningshæft
sé kjöt sem flokkast í Hr. I og Hr. II.
Slátrun í fyrstu sendinguna verður n.k.
mánudag. _ j|j?j
Öll þjónusta í
innanlands-
flugi Arnar-
flugs, nú
undir eitt
þak
■ Arnarflug hefur nú bætt þjónustu
sína við farþega í innanlandsflugi, þar
sem húsnæði Arnarflugs á Reykjávíkur-
flugvelli hefur verið stórbætt, og
farþegaafgreiðsla og vörumóttaka nú
undir sama þaki.
Afgreiðslan er opin frá 7 til 23 meðan
sumaráætlunin er í gildi, og starfa þar
að jafnaði 5-6 manns á hvorri vakt.
Vaktstjórar eru Jón Kristinsson og
-Sigurjón Alfreðsson.
Flugáætlun er með svipuðu sniði og
áður, nema hvað hafið verður flug að
nýju til Grundarfjarðar er vetrar-
áætlunin tekur gildi. í sumar var lokið
við gerð 800 m. langrar flugbrautar í
Grundarfirði. ■ Nú fer hver að verða síðastur að ná sér í brúnan lit á kroppinn þar sem dagana fer að stytta úr hófi fram á næstunni. Veðurguðirnir brosa þó blítt við kvenmanninum á
-SVJ myndinni og við skulum vona að þeir geri slíkt hið sama áfrain um stund. Tímamynd ARI
■ Böðvar Valgeirsson eigandi Atlantic ferðaskrifstofunnar.
íslendingum boðið
í skemmtisiglingu
— með skemmtiferðaskipinu
Maxim Gorki frá Reykjavík
til Bremerhaven
■ „Þctta er í fyrsta sinn hjá okkur sem
ferð af þessu tagi býðst héðan, það er
stigið cr um borð í Reykjavík, en áður
höfum við ávallt flogið með farþegana í
veg fyrir skipin“ sagði Böðvar Valgeirs-
son eigandi ferðaskrifstofunnar Atlantic
sem í lok mánaðarins býður íslendinguni
upp á siglingu með skemmtiferðaskipinu
Maxim Gorki.
Maxim Gorki er sovéskt skip, upphaf-
lega byggt fyrir þýska aðila og hét þá
Hamburg, með fullkominni aðstöðu unt
borð en skipið tekur nær 700 farþega og
áhöfnin telur nær 500 manns. Böðvar
sagði að einsetið væri í mat í skipinu,
enda er það búið þremur veitingahúsum
en þetta er talinn mikill kostur.
Ferð Maxim Gorki héðan er fyrst til
Þrándheims í Noregi en síðan verður
siglt suður með Noregsströndum og
stoppað víða þar til komið er til Bergen.
Frá Bergen er síðan siglt til Bremer-
haven í Þýskalandi þar sem íslensku
farþegarnir fara í rútu til Luxemborgar
og eftir viðdvöl þar er flogið heim.
„Það er aðeins eitt farrými á Maxim
Gorki þannig að verð á káetum fer eftir
staðsetningu þeirra. Okkar farþegar eru
staðsettir á besta stað á skipinu og hefur
hver káeta glugga" sagði Böðvar.
Hann sagði að skemmtisiglingar af
þessu tagi væru vinsælar hjá íslendingum
og mundi Atlantic í framtíðinni auka við
slíkt hjá sér en sem dæmi um það þá
hefur Maxim Gorki yfirleitt komið
hingað 3 sinnum á sumri en í náfnni
framtíð kemur það 4 sinnum hingað.
- FRI
Erlendar skuldir í 50%
af þjódarframleiðslu
— og greiðsfiubyrðin af þeim allt upp í 33%
af útflutningstekjum
■ Erlendar skuldir eru nú aö nálgast
það aö verða 50% af þjóðarframleiðslu.
Og haldi viðskiptahallinn áfram næsta
ár fara erlendar skuldir yfir það mark að
verða meira en helmingur af þjóðarfram-
leiðslu, samkvæmt nýjustu athugunum
Seðlabankans á ástandinu framundan,
sem kynnt var ráðherrum í gær og þeir
síðan kynntu í þingflokksfundum sínum
í gær.
Scðlabankinn hefur jafnframt reiknað
út að greiðslubyrðin af þessum skuldum
geti nálgast það að verða 1/3 af
útflutningstekjum þjóðarinnar á. árinu
1986 þó svo að ekki verði tckin erlend
lán umfram þau sem greidd eru, sem
þýðir miklu minni lántökuren undanfar-
in ár.
„Hver maður sem horfir fram á þetta
getur ekki annað en barið í borðið og
heimtað róttækar aðgerðir", sagði einn
af þingmönnum Framsóknar í gær. Á
þingflokksfundinum kom fram að þolin-
mæði ýmissa þar er alveg að verða á
þrotum í biðinni eftir því að Alþýðu-
bandalagið þori að taka á málunum.
- HEI.
Samningur ASI hafð-
ur að leiðarljósi
— í samningi farmanna og skipafélaganna
■ „ASÍ samningurinn er hafður að
leiðarijósi, en svo fengust yfirlýsingar
sem menn sættu sig við vcgna lífeyris-
mála, góðar og fullnægjandi, og eitthvað
fékkst vegna fækkunar um borð.“
Þannig lýsti Bolli Héðinsson hagfræð-
ingur Farmanna- og flskimannasam-
bandsins samningnum sem gerður var í
farmannadeilunni, í stuttu máli.
Bolli sagði að erfitt væri að leggja mat
á hvað þetta „eitthvað" gilti mikið í
peningum. Vinnutímastytting fékkst
einnig fram, og kemur fram í auknum
frítíma.
Sáttasemjari lagði fram sáttatillögu í
deilunni og hófust fundir um hana
klukkan fjögur á fimmtudaginn. Far-
menn samþykktu tillöguna strax, en
útgerðarmennirnir þurftu um fjóra tíma
til að taka afstöðu, en samþykktu þá
einnig tillöguna, óbreytta.
-Fjórir tímar eru ekki langur tími í
vinnudeilum,“ sagði Guðjón Ármann
Einarsson, sem var fulltrúi VSÍ í
deilunni, „það er sennilega með alstysta
tíma sem þekkist. Sáttatillagan tók á
þessum atriðum, sem ágreiningur stóð
um og við urðum að meta hvernig það
kemur út í heildarmyndinni, ásamt og
með því, sem þegar var frágengið. Allt
sem við samþykkjum yfir okkur veldur
útgjaldaaukningu og því verðum við að
skoða þau mál vel, svo að menn væru
ekki að hoppa í einhverja hluti, sem þeir
vissu svo ekki fyrr en eftir á hverjir
væru,“ sagði Guðjón Ármann.