Tíminn - 11.09.1982, Blaðsíða 5
LAUGARDAGUR11. SEPTEMBER1982.
Italía:
■ Dalla Chiesta og kona hans voru myrt í þessum bfl. Átta menn, vopnaðir vélbyssum, þustu skyndilega að bflnum og
létu kúlnahríðina dynja á honum.
Glæpamenn myrða þá sem
berjast gegn spillingu
■ Morðið á Dalla Chiesa hershöfð-
ingja, sem framið var fyrir nokkrum
dögum á Sikiley, hefur beint augum
manna mjög að Mafíunni, en enginn vafi
leikur á að þessi öflugu samtök standa
að morðinu. Erindi hershöfðingjans til
Sikileyjar var að rannsaka tengsl
Mafíunnar við lögleg fjármálaumsvif í
Ítalíu. Chiesa starfaði á vegum fjármála-
ráðherrans og hafði yfir að ráða
sérþjálfuðum sveitum hermanna og
fjármálasérfræðinga sem heyra beint
undir fjármálaráðuneytið. Hershöfðing-
inn hafði undir höndum lista með
nöfnum 3200 fjármálaspekúlanta sem
grunaðir eru um að vera meðlimir í
Mafíunni eða í nánum tengslum við
hana.
Chiesa tók að sér í aprílmánuði s.l.
að stjórna herförinni gegn Mafíunni og
koma upp um gífurleg skattsvik.
Hvernig illa fengnum auði er komið fyrir
í löglegum fyrirtækjum og öðrum
eignum og færa fram sönnunargögn um
tengsl Mafíunnar við stjómmálamenn
og fjármálajöfra.
Sitthvað hefur gengið á meðan á
rannsókninni stóð. Á Sikiley hafa ekki
verið framin færri en 100 morð á s.l.
þrem mánuðum, sem bera þess öll merki
að Mafían hafi staðið að þeim.
Dalla Chiesa sagði, að augljóst væri að
Mafían ætti ítök í öllum helstu borgum
Ítalíu. Hefur hún fjárfest í byggingum,
alls konar fyrirtækjum og jafnvel í
stóriðnaðinum. Fjármagnið fær Mafían
með því að reka umfangsmikla glæpa-
starfsemi. Það er flutningur peninganna
milli glæpagróðans og inn í löglegt
fjármálakerfi landsins, sem hann hafði
einkum áhuga á. Hann ætlaði að komast
að því hverjir væru milliliðimir og hvaða
tögl og hagldir Mafían hefði í stjórnkerfi
landsins.
Það á að vera tiltölulega auðvelt að
rekja eignafærsluna. Fasteignir og hluta-
bréf hafa skipt um eigendur. Menn með
óflekkað mannorð og hreinar sakaskrár
eru skráðir fyrir eignunum, en þeir eru
leikbrúður Mafíunnar. En að baki
stendur Mafían og „svartir peningar"
hennar. og hún er smátt og smátt að
auka völd sín og áhrif í þjóðfélaginu
með því að seilast inn í fyrirtæki og
stofnanir sem starfa samkvæmt lögum.
Guardia di Finanza er heiti uppljóstr-
unar- og rannsóknardeildar og ijármála-
ráðuneytisins, sem Chiesa stjórnaði.
Hann lét liðsmenn sína safna gögnum
■ Hershöfðinginn hét því að ganga
milli bols og höfuðs á Mafíunni. Hann
var myrtur.
um 3200 grunsamlegar fjármunatilfærsl-
ur og rekja feril þeirra.
Á Sikiley er hættulegt að grúska í
svona málum. Þar kemur sér enginn upp
miklum eignum eða völdum, nema að
Mafían hafi velþóknun á viðkomandi.
Völd samtakanna eru mikil.
Undir lok síðari heimstyrjaldarinnar
virkjuðu Bandaríkjamenn Mafíuna til
að létta undir í baráttunni við fasista og
nasista. Síðan hefur Mafían litið á sig
sem andfasitísk samtök, sem beri
nokkra ábyrgð á stjórnarfari. Að
minnsta kosti láta það ekki afskiptalaust.
Mafíuleiðtogar fara ekki leynt með
það, að Kristilegi demókrataflokkurinn
er þeim þóknanlegur. Heiðarlegir
íhaldsmenn í flokknum líða önn fyrir
þessa afstöðu Mafíunnar og reyna hvað
þeir geta til að sverja hana af sér.
Á Sikiley eru ítök Mafíunnar svo
sterk, að ef hún beitir sér er auðvelt að
ráða öllum kosningum. Samtökin ráða
yfir miklu fjármagni og geta notað það
í áróðri eins og leiðtogunum þóknast.
Mörg dæmi eru um að stjórnmála-
menn á Sikiley, sem skipað hafa sér í
flokk Kristilegra demókrata, hafa verið
skotnir á færi þegar þeir hafa beitt sér
gegn hagsmunum Mafíunnar og áhrifa
hennar.
Leiðtogar kommúnista á Sikiley hafa
fengið sömu útreið, er þeir hugðust beita
sér gegn spillingu Mafíunnar. Að vonum
eru þeir stjórnmálamenn, sem látnir eru
í friði á Sikiley, ávallt grunaðir um að
vera handbendi samtakanna, eða að
minnsta kosti beita þeir sér ekki gegn
þeim nema í orði. Það er lífshættulegt
að reyna að grafast um of í spillingarvef-
inn. Það hafa margir blaðamenn mátt
reyna er þeir reyndu að rannsaka
starfsemi samtakanna. Margir þeirra
hafa verið myrtir.
Starfsemi Mafíunnar hefur breyst
nokkuð í tímanna rás. Áður höfðu
samtökin tekjur sínar af smygli, vændi
og „vernd“ fyrirtækja.
Nú er framleiðsla og dreifmg eitur-
lyfja ein aðaltekjulindin, en Mafían
annast m.a. framleiðslu og dreifingu á
heróíni. Vopnasala er mikil og góð
tekjulind glæpamannanna. Þegar búið
er að koma illa fengnum auði Mafíunnar
inn í löglega starfsemi er leikur einn að
ná fé úr opinberum sjóðum, svo sem
iðnaðar- og framleiðslustyrkjum af
ýmsu tagi. Til að þær fjáröflunarleiðir
gangi greiðlega er mikilvægt að eiga að
vinum menn, sem hafa áhrif og völd í
stjórnkerfinu, bæði stjórnmálamenn og
embættismenn.
Það eru einmitt þessi tengsl sem Dalla
Chiesa hershöfðingi ætlaði að koma upp
um. Þá var hann skotinn á götu í
Palermo. Mikil reiðialda greip um sig
um alla ftalíu vegna verknaðarins og
æðstu menn landsins mættu við jarðar-
för hershöfðingjans.
En rannsóknin heldur áfram, en það
gerir starfsemi Mafíunnar einnig.
5
laugardag
kl. 23.15
i Haskolabio.
Dávaldurinn sýndi og
sannaði hæfni sína
í gær við mikinn
fögnuð áhorfenda.
Skemmtun fyrir
unglinga og fólk
á öllum aldri.
Miðasala í Háskólabíó
frá kl. 16.00.
★ ★ ★ ★ ★ ★★★★★★★★★★★