Tíminn - 02.12.1982, Blaðsíða 15

FIMMTUDAGUR 2. DESEMBER 1982.
15
■ Ynrmatreiðslumennirnir í Hótel Sögu: Francois Fons og Sveinbjöm Friðjónsson. Tímamynd:
Róbert).
5. Eftirfarandi bl. í hakkið. Rjómi, sítrónusafí,
egg, pylsukrydd og salt, bl. í mixer eða hrært vel
saman þar til það verður ljóst og létt.
6. Blandaðu smáttskorinni tungunni í.
7. E.t.v. meira krydd.
8. Fóðraðu formið með spiksneiðunum.
9. Láttu farsið í formið og pressaðu örlítið.
10. Skerðu kjúklingalifrina í smábita og láttu
ofan á farsið.
11. Klæddu þétt yfir með spiksneiðum.
12. Láttu lárviðarlauf ofan á.
13. Pakkaðu yfír formið með álfilmu.
14. Sett í vatnsbað í ofni.
Bakað í um þ.b. 2 tíma á 175° eða þar til efsta
fitulag er orðið tært, þá er lárviðarlaufið tekið og
pakkað yfir með álfilmu og kælt.
GJjáður hamborgarhryggur
■ Hryggurinn er soðinn við vægan hita í 'A klst.
og látinn standa í soðinu góða stund. í>á er
hryggurinn færður upp úr og snyrtur. Ef spiklagið
er þykkt verður að skera nokkuð af fitunni af, áður
en hryggurinn er gljáður.
Hryggurinn er stráður sykri og brúnaður í vel
heitum ofni. Framreiddur með ýmsu grænmeti,
frystum pipparrótarrjóma og madeirasósu eða
rauðvínssósu. Gljáðan hamborgarhrygg má einnig
framreiða kaldan t.d. með grænmetissalati og
cumberland-sósu.
Innbakaður hamborgarhryggur
Utan um hamborgarhrygginn er látið rúgbrauðs-
deig sem lagað er úr rúgmjöli, vatni hnoðað og flatt
út svo það verði um 1 cm á þykkt. Hryggurinn er
steiktur í ofni í 1 klst. Þá er lok skorið af deiginu,
hryggurinn stráður sykri og gljáður á sama hátt og
áður er getið.
Hryggurinn er skorinn í sneiðar og látinn aftur í
deigið.
Framreiddur á sama hátt og gljáður hamborgar-
hryggur.
Hamborgarhryggur sem er matreiddur á þennan
hátt er mjög safaríkur og bragðgóður.
Hrísgrjónabúðingur með ávöxtum
150 gr. hrísgrjón eru skoluð í köldu vatni og
suðunni hleypt upp á þeim. Skoluð í köldu vatni
og sett yfir til suðu í 1 I. af mjólk, krydduð með
salti og soðin í ofninum í 'h klst. Kæld og 200 gr.
af smátt skornum niðursoðnum ávöxtum blandað í
þau. 12 eggjarauður eru þeyttar með sjóðandi
sykursýrópi, sem er lagað úr 200 gr. af sykri og 1
dl. af vatni. Þeytt unz eggin eru hæfdega stff og
köld. Þá eru 30 gr. af matarlími sett út í, bragðbætt
með vanillu. 1 1. af þeyttum rjóma blandað
gætilega út í hrísgrjónin. Síðan er búðingurinn
settur í form með hindberjahlaupi í botninum.
Áður en búðingnum er hvolft á fat er forminu dyfið
augnablik í volgt vatn. Búðingurinn er skreyttur
með þeyttum rjóma og niðursoðnum ávöxtum.
Hvítvínssósa eða aprikósusósa er borin með.
-A.K.B.
Ljósar piparkökur
250 g hveiti,
100 g smjör,
100 g sykur,
1/2-1 tsk, hvítur nýmalaður pipar.
3/4 dl rjómi
Smjörið er mulið í hveitinu og síðan hnoðað með
sykrinum, pipamum og bleytt í með rjómanum.
Deigið er strax hægt að hnoða í lengjur og úr þeim
litlar kúlur, sem eru svo bakaðar við 200 gráðu hita
í um 8 mínútur.
Jólahjörtu
125 g mjúkt smjör
50 g sykur,
2 matsk. hunang,
1 tsk. kanill,
50 g hakkaðar möndlur
200 g hveiti,
3/4 tsk. matarsódi.
SKRAUT: glassúr úr flórsykri og vatni, ávaxta-
litur (ef vill), sykraðar fjólur eða annað kökuskraut.
Smjör og sykur er hrært vel saman og hunangið
hrært saman við. Síðan er deigið hnoðað með
hveitinu, kanelnum, möndlunum og matarsódan-
um. Deigið er flatt út og hjörtu mótuð með
hjartalöguðu móti. Kökumar eru bakaðar við 175
gráðu hita í 12-15 mínútur.
Á þær er síðan settur glassúr, gjarnan áður en
þær eru orðnar alveg kaJdar og í glassúrinn fer ca.
200 g flórsykur og sjóðandi vatn, byrjið með lítið
vatn svo að glassúrinn verði ekki of þunnur. Áður
en glassúrinn stífnar er skrautið sett á. Þegar
glassúrinn er orðinn þornaður eru kökurnar settar
í kökukassa og smjörpappír hafður á milli þeirra.
Möndlukökur
100 g sykur,
100 g mjukt smjör,
1 lítil eggjarauða,
100 g hvelti,
ca. 100 g saxaðar möndlur.
Smjör og sykur er hrært saman og eggjarauðunni
og hveiti bætt við og deigið hnoðað létt saman.
Deigið er mjög mjúkt. Það er svo látið standa á
köldum stað smátíma og mótaðar úr því litlar
flatar kúlur, sem síðan er dyfíð í möndlurnar.
Kökumar eru settar á plötuna og haft langt á milli
þeirra, Bakaðar við 200 gráður í 8-10 mínútur.
Jólasamlokur
Möndlukökurnar (sjá uppskrift) em lagðar
saman með þeyttum rjóma og marsipankökum,
sem em skomar út úr marsipani í sömu stærð og
möndlukbkurnar. Skreytt með hálfri valhnetu.
Finnskt kaffíbrauð
3oo g hveiti,
200 g smjör,
100 g sykur,
3 matsk. sherry
SKRAUT: egg, sykur, möndlur.
Deigið er hnoðað vel saman og rúllað í
fingurþykkar lengjur sem eru penslaðar með
hrærðu eggi og dyfið í möndlur og sykur. Kökurnar
em bakaðar við góðan hita (200 gr.) í um 10
mínútur.
Eggjahvítukökur
375 g hveiti,
2 eggjarauður,
250 g mjúkt smjör,
2 matsk. rjómi.
MARENGS:
3 eggjahvítur,
150 g sykur,
11/2 tsk. edik,
75 g saxaðar möndlur.
Öllum efnunum í deigið er blandað saman og það
hnoðað. Látið síðan deigið bíða á köldum stað í
um hálftíma (gjaman lengur). Stífþeytið eggjahvít-
urnar og þeytið síðan edikið í, síðan sykurinn og
hökkuðu möndlurnar. Kökudeigið er flatt út eins
þunnt og hægt er og hver kaka síðan skorin undan
litlu glasi. Lítill marengstoppur er settur á hverja
köku. Kökurnar eru síðan bakaðar við 170-175
gráðu hita (celcius) í 8-10 mínútur. Kökumar eiga
eiga að vera ljósar og marengsinn ljósbrúnn.
Jólakrans
125 g smjör,
125 g ljós púðursykur,
1/4 dl hunang,
2 egg>
1/2 tsk. kanill,
1/4 tsk. negull,
II2 tsk. múskat,
rifinn börkur og safi úr 1/2 appelsínu og 1/2 sítrónu,
125 g ávextir í bitum, t.d. rúsínur, kokkteilber,
hnetukjamar, fíkjur og döðlur.
150 g hveiti,
3/4 tsk. lyfliduft.
Skreytt með sigtuðum flórsykri og marsipanblóm-
um.
Smjör, púðursykur og hunang er hrært vel saman
og eggin síðan hrærð saman við. t>á er bætt í
kryddinu og ávaxtasafanum og síðast ávöxtunum
til skiptis við hveitið og lyftiduftið, sem hefur verið
sigtað saman. Deigið er sett í vel smurt kringlótt
form og bakað við lítinn hita (160 gráður C) í
tæplega 1 klukkustund. ^
Jólahjörtu
og fleiri
kökur