Tíminn - 12.01.1984, Síða 8

8.
FIMMTUDAGUR 12. JANÚAR 1984
heimilistlminn
A SNFTBOKAMARKAÐNUM
■ „Skiptibókamarkaðnum hefur verið mjög vel
tekið af skolafolki,“ sagði Kristín Guðbjörnsdóttir,
deildarstjóri í Bókadeild Pennans í Hallarmúla,
þegar blaðamaður Heimilistímans hafði tal af
henni til að fræðast um skiptibókamarkað þann,
sem þar stendur nú yfir.
Á vegum Pennans var byrjað með skiptibóka-
markað í haust - fyrst allra bókabúða - og að sögn
Kristínar gekk það stórvel.
Nú eru nemendur að hefja nám aftur eftir jólafrí,
og því opnaði Penninn markaðinn á ný.
- Það hefur ekki verið eins mikil
aðsókn að markaðnum nú og í haust,
sagði Kristín, og þar kemur margt til. -
Bæði eru færri nemendur sem byrja nám
á vorönn en á haustönn, og svo hefur
veður og færð heldur dregið úr aðsókn-
inni.
Kristín sagði, að unga fólkið virtist
mjög ánægt með að geta notfært sér
þennan möguleika á hagkvæmari bóka-
kaupum. Námsfólkið kemur gjarnan
með bækur, sem hafa gegnt hlutverki
sínu, og velja sér svo nýjar fyrir andvirði
þeirra gömlu.
- Við fórum út í það að greiða
gamlar, vel með farnar bækur, út í
peningum, sagði deildarstjóri, en það
varð of yfirgripsmikið verkefni. Það
hefur líka komið á daginn, að flestir
nemendur vilja alveg eins fá innleggsnót-
ur og taka bækur, pappírsvörur og
ritföng út á upphæðina. Það eru geysi-
miklir fjármunir sem liggja í bóka- og
pappírsvörukaupum hjá nemendum.
- Eru bækurnar vel með farnar, sem
komið er með til ykkar?
- Það vildi nú í fyrstu bóla á því, að
ekki væru allar bækurnar nógu snyrtileg-
ar, en svo höfðu krakkarnir sjálfir orð á
því, að það borgaði sig sannarlega að
fara vcl með bækurnar fyrst hægt væri að
versla með þær á þennan hátt. Það út af
fyrir sig - að stuðla að betri meðferð á
bókum - er stórmál, því með þessu venst
unga fólkið á að umgangast bækur á
þann veg að þær haldi gildi sínu.
- Hvað gefið þið fyrir vel útlítandi
bækur?
- Viðtökumgóðar.snyrtilegarbækur
á 40% af upprunalegu verði þeirra.
Alagningin hjá okkur er 10%, svo nem-
endur fá þarna bækurnar á hálfvirði.
Langur listi yfir
bækurnar
Mikill og langur listi yfir námsbækur
er á staðnum, en höfð hefur verið
hliðsjón af bókaþörf nemenda í þeim
deildum og skólum, sem eru að byrja
störf núna, og teknar inn bækur sem
mest er eftirspurn eftir.
- Við höfum haft samráð við skólana
og farið eftir kennsluskrá þeirra við
bókavalið, sagði Kristín.
Hún var spurð hvort ekki væru ein-
hverjir skólar með líka starfsemi og
skiptibókamarkaðurinn.
- Jú, það eru nokkrir skólar, sem hafa
einhver bókaskipti, en þó hefur okkar
skiptimarkaði verið tekið sérlega vel.
Það má vera, að nemendum þyki líka
þægilegt, að geta alveg eins keypt papp-
írsvörur og ritföng og annað til skólans
ásamt námsbókunum.
Það vita allir, að það er ekkert smá-
ræði sem skólafólk þarf að kaupa af
bókum. Meðan Kristín var að tala við
blaðamann kom t.d. ung stúlka að
kaupa sér algebrubók. Ef hún hefði
keypt hana nýja, hefði hún þurft að
borga 570 krónur fyrir hana, en nú fékk
hún bókina á hálfvirði og var heldur
betur ánægð.
Töluverð fyrirhöfn
- en ánægjuleg vinna
- Það er ekki enn ákveðið hjá okkur
hvað þessi skiptimarkaður stendur lengi,
sagði Kristín, er hún var spurð hvort
lokun stæði fyrir dyrum.
Það verður ekki lokað nærri strax, því
að eftirspurnin sýnir, að það er mikil
þörf fyrir þessi viðskipti. Og þó að mikið
berist í viðbót af námsbókum, þá erum
við örugg með að það gengur út næsta
haust.
Það er töluverð fyrirhöfn að koma
svona markaði á fót, en það er vel þess
virði - og ánægjulegt að vinna við hann,
því þetta kemur sér vel fyrir alla aðila.
Penninn er fyrsta bókabúðin, sem
byrjar slíkan skiptibókamarkað, og
Kristín sagðist ekki eiga von á öðru en
því starfi yrði haldið áfram í framtíðinni.
■ Kristín Guðbjörnsdóttir, deildar-
stjóri í Bókadeild Pennans í Hallarmúia,
kveður mikla þörf hafa verið fyrir skipti-
bókamarkað á skólabókum.
(Tímamynd Árni Sæberg)
Heitar grænmetissúpur
— eru hollar í skammdeginu
■ Við meguni ekki gleyma því að
borða grænmeti, þó ekki sé eins mikið
framboð á því um háveturinn og á
öðrum árstímum. Hér koma tvær upp-
skriftir að grænmetissúpum, sem eru
bæði hollar og ljúffengar.
Grænmetissúpa nr. 1
1 stór pórra
1 stór gulrót - eða tvær minni
2 stórar kartöflur
1 lítill hvítkálshaus (eða 1/2 stærri)
75 g Bacon
2 tómatar (má bragðbæta með tómat-
mauki eða sósu, ef tómatar eru ekki
fáanlegir)
1 laukur
2 msk söxuð steinselja
2 I soð eða vatn
salt
2 msk smjörlíki
Grænmeti hreinsað og skorið í litlar
ræmur. Smjörlíkið brætt í mátulega
stórum potti, baconið og laukurinn látið
krauma í því smástund. Vatnið (eða
soðið) er nú sett í pottinn og síðan allt
grænmetið. Þetta er látið malla í 1 klst.
Þá er súpan tilbúin, bragðbætið eftir
smekk með salti og kjötkrafti ef með
þarf.
Grænmetissúpa nr. 2.
1/2 laukur
2 gulrætur
1 græn paprika
1 púrra
1 gulrófa
smjörvi
■ Heitar og matarmiklar grænmetissúpur með grófu brauði og rifnum osti geta verið heil máltíð út af fyrir sig.
jurtakrydd
Vi dl. ertur
Vi 1 vatn og 2 tesk jurtakraftur (eða
súputen).
'/’ I léttmjólk og 2 matsk. heilhveiti
1- 2 dl. maískorn
2- 3 matsk. steinselja - fínskorin (eða
þurrkuð)
Laukurin er skorinn og gulrætur, gul-
rófa og papríka brytjaðar í litla bita, en
púrran sneidd í hringi. Látið malla í 10
mín. í smjörvanum án þess að brúnast.
Bragðbætt með jurtakryddi og Vz tesk.
karrý.
Nú skal bæta við ertum, vatni og
jurtakrafti (eða súputen.) og allt soðið í
3 mínútur. Þá skal bianda saman við
mjólkinni með heilhveiti og þykkja súp-
una. Síðan er soðið í 4-6 mínútur. Loks
er maiskorni og steinselju bætt í. Borið
fram með rifnum osti. Gróft brauð er
gott með báðum þessum grænmetissúp-
um.