Tíminn - 19.02.1984, Blaðsíða 2

2
SUNNUDAGUR 19. FF.BRÚAR 1984
■ Landkynningarstarfsemi hvers
konar er ávallt mikilvægur hluti af
starfi þeirra sem vinna að ferðamál-
um, hvort sem er hér á landi eða
erlendis. Hér var fyrir skömmu
staddur Þjóðverjinn Hanns P.
Nerger, yfirmaður þess hluta þýska
ferðamálaráðsins, sem starfar að
þýskri landkynningu i löndum
Norður-Evrópu. Nerger er með að-
setur sitt i Kaupmannahöfn, og hef-
ur haft það þar í mörg ár. Hann var
hér til þess að undirbúa þýska daga,
sem verða hér í Reykjavík, að Hótel
Loftleiðum þann 23. til 26. þessa
mánaðar. Ég notaði tækifærið, þeg-
ar ég hitti Nerger að máli og rabbaði
svolitið við hann um Þýskaland og
þýskan „túrisma"
- Eruð þið með umfangsmikla kynn-
ingarstarfsemi á Norðurlöndunum?
„Þýska ferðamálaráðið er með 25
skrifstofur víðsvegar um allan heim, í
þeim tilgangi að kynna Þýskaland og
ferðamöguleika þar. Miðstöð kynning-
arinnar sem fer fram í Norður-Evrópu
er í Kaupmannahöfn, þar sem ég starfa,
en auk þess höfum við tvær aðrar
skrifstofur á Norðurlöndum, eina í
Stokkhólmi og aðra í Osló.“
- Má þá segja að ísland heyri undir
þína skrifstofu?
„Já, það er rétt. Kynningarstarfsemi
og markaðsöflun fer fram í gegnum
okkar skrifstofu í Kaupmannahöfn, en
þó ekki eingöngu á okkar vegum, því við
störfum í mjög nánu samstarfi við Flug-
leiðir, hvað varðar alla starfsemi ráðsins
hér á landi. Við gerum yfir höfuð ekkert
hér á landi, án þess að gera það í
samvinnu við Flugleiðir."
- Nú ert þú hingað kominn til þess að
skipuleggja þýska daga - er það eini
tilgangurinn með komu þinni hingað?
„Ég er einnig hérna til þess að hitta
ferðamálafrömuði hér á landi að máli, til
þess að sýna þeim og kynna hvað til boða
stendur í Þýskalandi fyrir ferðamenn,
þegar þeir eru þangað komnir. Þá mun
■ Hans P. Nerger,
yfirmaður þýska ferða-
málaráðsins í Norður
Evrópu.
Tímamynd— Róbert
Gistinætur Islendinga í Þýska-
landi voru 21 þúsund á liðnu ári
ég fara með þessum söniu mönnum til
Þýskalands, og kynna þeim þar nokkra
ferðamannastaði, sem við viljum leggja
áherslu á nú.“
- Hafa markmið ykkar hvað varðar
„túrisma" breyst, eða eru þau hin sömu
og áður?
„Markmið okkar ráðast af markmið-
um þeirra sem sækja Þýskaland heim, og
markmiðin eru mjög mismunandi, eftir
því hvaðan ferðamennirnir eru. Ef við
lítum bara á Norðurlandabúa, þá eru
ferðaóskir þeirra, þegar þeir eru komnir
til Þýskalands mjög mismunandi.
Norðmenn, eins einkennilegt og það
kann að virðast, koma úr norskum
fjöllum, og ferðast mest upp í Alpana;
Danir, sem koma af flatneskjunni leita
einnig til fjallanna og þá væntanlega í
leit að andstæðu þess sem þeir eiga að
venjast; Svíar feröast mikið um Mósel-
dalinn og meðfram Rín og um norður-
hluta Þýskalands; íslendingar ferðast
mikið um Móseldalinn og meðfram Rín,
en þeir hópast einnig til Frankfurt og
næsta nágrennis þeirrar borgar."
- Hefur það farið í vöxt á liðnum árum
að íslendingar sæktu Þýskaland heim?
„Það er vægt til tekið að segja að það
hafi farið í vöxt, því aukningin hefur
verið veruleg. Til dæmis fjölgaði íslensk-
um gistinóttum í Þýskalandi á liðnu ári
unr'T0%, en gistinætur fslendinga á
liðnu ári voru um það bil 21 þúsund. Og
þessi fjöldi segir ekki allt, því þau
gistihús sem eru með 9 gistirúm eða
færri, þurfa ekki að gera grein fyrir
seldum gistinóttum, þannig að fjöldinn
er eitthvað meiri. Þar að auki eru ekki
innifaldar í þessari tölu, tölur um þá sem
gistu í tjöldum og tölur um þá sem gistu
á farfuglaheimilum. Það má því ætla að
gistináttafjöldi íslendinga í Þýskalandi á
liðnu ári sé nálægt- því að vera 30
þúsund."
-Mátti merkja einhver efnahagsleg
kreppuáhrif á ferðamannaiðnaðinum í
Þýskalandi sl. ár?
„Nci, það er í rauninni ekki hægt að
segja það. Seldar gistinætur hjá okkur í
fyrra voru fleiri en á árinu 1982. Við
erum hæstánægðir með árið í fyrra. Þá
jókst fjöldi ferðamanna í Þýskalandi frá
ákveðnum löndum eins og Frakklandi,
Bandaríkjunum og Japan og frá öðrum
löndum var fjöldinn svipaður og árin á
undan.“
- Þið sem vinnið fyrir þýska ferðamál-
aráðið utan Þýskalands, og vinnið að
kynningu á landi ykkar, hagið þið störf-
um ykkar á þann veg, að um náið
samstarf sé að ræða við ferðamálaráð
hvers héraðs í Þýskalandi sé að ræða?
„Á vissan hátt störfum við í nánu
samstarfi með „lokal-ferðamálaráðun-
um“ í Þýskalandi, en þó skarast verksvið
okkar ekki svo mikið, þar sem okkar
verkefni eru öll unnin utan Þýskalands
en þeirra verkefni að mestu leyti í
Þýskalandi. Auðvitað þurfum við að
leita til „Iokal-ferðamálaráðanna“ og
öfugt, þegar um skipulagningu á ferðum
og kynningu er að ræða.“
- Hvað ráðleggið þið íslendingi að
leggja höfuðáherslu á, þegar hann
heimsækir Þýskaland í fyrsta sinn sem
ferðamaður?
„Það er auðvitað ýmislegt sem við
viljum að ferðamenn sjái, skoði eða
njóti, þegar þeir sækja Þýskaland heim
í fyrsta sin~, og ef það tekst ekki að gera
allt, þá mælum við bara með því að þeir
komi aftur síðar og taki upp þráðinn þar
sem þeir hurfu frá. Við bendum ferða-
mönnum á hin vinalegu, þægilegu,
gömlu hótel, þar sem þeir geta notið
vingjarnlegrar gestrisni og þægilegs and-
rúmslofts. Þá leggjum við áherslu á það
er við kynnum land okkar, að í Þýska-
landi getur þú borðað góðan mat fyrir
lítinn pening, þú getur drukkið góð vín
fyrir lítinn pening og þú getur drukkið
góðan bjór fyrir lítinn pening. Við
leggjum sem sagt áherslu á að þú getur
notið lífsins á skemmtilegan hátt, án
þess að eyða í það miklum fjárupphæð-
um. Þetta er þýðingarmikið atriði í
augum margra, og ég hugsa íslendinga
einnig. Þá bendum við ferðamönnum á,
að Þjóðverjar eru mjög gestrisnir, þegar
erlendir ferðamenn eru annars vegar.
Það eru oft sagðar sögur af því að
Suður-Þjóðverji og Norður-Þjóðverji
séu eitthvað alveg ólíkt, og þá er það
meint í þeim skilningi að þeir sem eru
fyrir sunnan séu hlýlegir og vingjarnleg-
ir, en þeir aftur sem búi norður frá, séu
kaldir, fjarrænir og jafnvel fráhrindandi.
í vissum skilningi hefur þessi einföldun
eitthvað til síns máls, en bara ekki hvað
erlenda ferðamenn varðar, þvíÞjóðverj-
ar eru yfir höfuð kurteisir og vingjarnleg-
ir við erlenda ferðamenn og vilja aðstoða
þá á hvern þann hátt sem þeim kann að
koma vel. Ef þú ert erlendur ferðamað-
ur, þá skiptir ekki máli hvar í Þýskalandi
þú ert á ferð - þú færð góða þjónustu og
þér mætir vingjarnleiki. Þá bendum við
auðvitað á þátt í þjóðlífi okkar, sem
hlýtur að höfða sérstaklega til íslendinga
sem lengi hafa búið einangrað, - í
Þýskalandi getur þú upplifað sögule?
augnablik - þú þarft ekki annað en ráfa
um gömul hellulögð stræti, skoða eina
eða tvær nokkurra alda gamlar bygging-
ar, fara og skoða gamla vinnustaði, þá
Rætl við
Hanns P.
Nerger,
yfirmann
þýska ferða-
málaráðsins
í Norður-
Evrópu
getur þú strax haft það á tilfinningunni
að þú sért komin í nánari snertingu við
mannkynsöguna, en þú varst áður.
Mér skilst einnig að íslendingar hafi
mjög gaman af því að versla þegar þeir
eru komnir til annarra landa, og á því
sviði getum við einnig boðið ykkur upp
á allt milli himins og jarðar. Ég veit ekki
hvað ég á að nefna þér úr menningarlífi
okkar, því að vissu leyti er það undir
þýskukunnáttu hvers og eins komið
hvo.rt hann getur notið þess að fara í
leikhús eða sjá þýskar kvikmyndir. Tón-
leikar og óperur munu í öllu falli geta
höfðað til tónlistarunnenda, alveg burt-
séð frá því hvort þeir skilja þýsku eða
ekki.“
- Er það markmið ykkar að auka til
muna ferðamannafjölda þann sem kem-
ur til Þýskalands á ári hverju, eða reynið
þið aðeins að ástunda stöðuga landkynn-
ingu með það fyrir augum að viðhalda
þeim fjölda, sem nú þegar sækir Þýska-
land heim?
„Þýskaland verður aldrei massaferða-
mannaland, ef það er það sem þú ert að
höggva eftir. Þjóðverjar eru einu sinni
þannig gerðir, að þeir geta ekki stefnt að
því að drekkja sjálfum sér í ómældum
ferðamannafjölda. Ef við lítum á seldar
gistinætur 1982 í öllu Þýskalandi, þá
voru í allt 196 milljónir, og þar af voru
gistinætur Þjóðverja 175 milljónir, en
útlendinga aðeins 21 milljón, þannig að
Þýskaland er fyrst og fremst ferða-
mannáland Þjóðverja sjálfra, þó að
útlendingar séu að sjálfsögðu velkomnir
til okkar.“
- Þar með kveð ég Nerger, enda er
hann víst orðinn áfjáður í að halda
áfram undirbúningi þýsku daganna sem
hefjast að Hótel Loftleiðum.