Tíminn - 06.05.1986, Blaðsíða 2

2 Tíminn
Þriöjudagur 6. maí 1986
„Eurovision":
Tómur blús í
Gleðibankanum
Þetta var Kóreuleikurinn - segja bankastarfsmenn
t>að hefur víst farið framhjá fáum
að það var belgíska stúlkan Sandra
Kim sem bar sigurorð af öðrum kepp-
endum í „Eurovision" með laginu
„J’aime la vie“. Eins og í fyrri
„Eurovision“-keppnum töpuðu allir
aðrir því sigurvegarinn einn situr að
allri athyglinni eftir keppnina og
aðrir þátttakendur gleymast fljótt.
Sú staðreynd ætti að geta sefað
lslendinga sem hafa verið harmi
slegnir síðan á laugardaginn yfir að
Gleðibankinn skyldi ekki lenda ofar
en í 16. sæti.
Flestar spár í erlendum blöðum
höfðu ætlað laginu 6.-8. sæti, og
meðfæddur metnaður flestra íslend-
inga hafði þrýst því um nokkur sæti
uppá við.
Þegar Tíminn hringdi í nokkra af
íslensku sendinefndinni til að heyra
hljóðið í þeim að aflokinni keppni
Sakadómur Reykjavíkur:
Sjö ákærðir
í okurmálinu
í gær voru birtar sjö nýjar ákærur
í okurmálinu svokallaða, í Saka-
dómi Reykjavíkur.
Þeir sem voru ákærðir í gær
eru: Björn Jónsson, Eyjólfur
Halldórsson, Hilmar Sighvats-
son, Jóhann Guðnason, Sigurjón
Guðmundsson, Óskar Guð-
mundsson og Þórður Guðmann
Þórðarson.
Ingibjörg Benediktsdóttir, saka-
dómari, sem birti ákærurnar vildi
ekki gefa upp heimilisföng hinna
ákærðu, en sagði að þær upphæð-
ir sem um væri að ræða væru
svipaðar og heyrst höfðu í fyrri
ákærum, eða á bilinu 50-300 þús.
kr.
-gse
fannst þeim að vonum sárt að hafa
lent svona neðarlega, en sættu sig
við að þaðan virtust allar leiðir liggja
upp á við.
„Þetta var bara Kóreuleikurinn,"
sagði Egill Eðvaldsson, sem ásamt
Birni Björnssyni félaga sínum í Hug-
mynd hefur borið hitann og þungann
af undirbúningnum. „Og þrátt fyrir
að þjóðin hafi verið ansi niðurdregin
eftir þann leik þá stóð hún við bakið
á strákunum þegar næstu leikir fóru
betur. Við ættum því ekki að láta
deigan síga, heldur stefna að betri
árangri næst. Okkur hefur líka lærst
mikið af þátttökunni núna og sú
reynsla mun nýtast okkur. Það var
kannski ekki við því að búast að við
kæmum þarna í fyrsta skipti og
sigruðum þjóðir sem hafa staðið í
þessu í fjölda mörg ár,“ bætti Egill
við.
Hvort þorskurinn hrífst af frí-
merkjum er ekki alveg vitað - en hitt
er víst að 64 tonn af þorski frá
áramótum þykir nokkuð góður afli á
póstbátnum Anny frá Mjóafirði. Á
Anny, sem er 13 tonna plastbátur,
er aðeins 2ja manna áhöfn hvort sem
hann er að flytja póst eða draga fisk,
sem stundum mun hvortveggja gert
í sömu ferðinni. Póstinn flytur Anny
milli Mjóafjarðar og Neskaupstaðar
á mánudögum og íimmtudögum, en
aflann leggja þeir upp í frystihúsið í
Neskaupstað - ísaðan í kassa ef ekki
Magnús Eiríksson tók undir það
sem Egill hafði sagt, en bætti því við
að sér hefði komið á óvart hversu
hljómsveitin hafi verið léleg. Gunn-
ar Þórðarson, hljómsveitarstjóri,
sagði hinsvegar að í henni hafi verið
góðir hljómlistarmenn, en hljóð-
blöndunin hefði mátt vera betri.
Á næstu dögum mun Hugmynd
gefa skýrslu til ríkisútvarpsins um
alla tilhögun undirbúnings og loka-
keppninnar og í henni verða að
sögn Egils athugasemdir um margt
sem betur mætti fara, án þess að
hann teldi illa hafa verið staðið að
undirbúningnum af þeirra hálfu.
Ráðamenn sjónvarpsins munu
síðan meta þessa skýrslu og taka
ákvörðun um hvernig muni verða
staðið að áframhaldandi þátttöku
okkar í „Eurovision".
-gse
er landað samdægurs.
Að sögn Egils Stefánssonar t'
Mjóafirði, eiganda bátsins hefur
Anny verið á dragnót í vetur. Verði
þeir varir við lóðningar á leiðinni
með póstinn hefur komið fyrir að
þeir nái 1-2 hölum á leiðinni. Anny
hefur 120 tonna þorskkvóta. Aflinn
síðustu daga var t.d. rúm tvö tonn
s.l. laugardag og um 1,7 tonn á
sunnudag. Yfir sumarmánuðina
fiska þeir á Anny hins vegar aðallega
kola og steinbít.
Póstbáturinn Anny frá Mjóafiröi:
Landarí pósthús-
ið og frystihúsið
Stranglega er bannað að mynda haförninn fyrr en unginn er
kominn á legg.
Menntamálaráöuneytiö setur reglur:
Bannað að mynda
sjaldgæfa fugla
- meðan á varptíma stendur
„Dvöl manna við hreiður sjald-
gæfra fugla, svo og myndataka, er
óheimil nema með leyfi mennta-
málaráðuneytisins. Þær tegundir
sem hér er átt við eru: Haförn,
fálki, snæugla og haftyrðill“.
Nú þegar varptími fer í hönd vill
fuglafriðunarnefnd og mennta-
málaráðuneytið vekja athygli
manna á þessu, því truflun þessara
tegunda um varptímann getur
beinlínis orðið til þess að fuglarnir
hætti að verpa hér. Haftyrðill er
t.d. nær útdauður hér á landi sem
varpfugl og snæugla hefur ekki
valið sér ísland sem varpland svo
vitað sé í 10-15 ár.
Samkvæmt upplýsingum mennta-
málaráðuneytisins, eru leyfi til
myndatöku aðeins veitt í undan-
tekningartilfellum, t.d. ef menn
eru að sinna rannsóknarstörfum í
opinbera þágu. Haförninn má þó
aídrei mynda fyrr en unginn er
kominn á legg.
Kópavogsvaka:
Alltfrá Bach
til Ellington
-tónleikar í kirkjunni í.kvöld
Kópavogsvaka stendur nú yfir í
Kópavogi en að vökunni standa þær
stofnanir og nefndir bæjarins sem
einkum vinna að menningarmálum.
Vakan hófst s.l. laugardag og henni
lýkur sunnudaginn 11. maí, sem
jafnframt er afmælisdagur Kópa-
vogs.
í kvöld verður sérstök dagskrá í
Kópavogskirkju þar sem Tónlistar-
skóli Kópavogs heldur tónleika. Þar
er á efnisskrá mjög fjölbreytt tónlist,
allt frá sónötu í D-dúr BMW 1039
fyrir 2 flautur, selló og sembal eftir
J.S. Bach, að útsetningu Þórhalls
Birgissonar á In a sentimental mood
eftir Duke Ellington. Tónleikarnir
hefjast kl. 20.30.
Annað kvöld verður dagskrá í
Hjáleigunni, Fannborg 2, með Matt-
híasi Jóhannessyni skáldi, sem hefst
kl. 20.30, á fimmtudagskvöldið verð-
ur skemmtidagskrá á sama stað og
tíma, á laugardaginn verða útitón-
leikar í garðinum milli Útvegsbanka,
pósthúss og bókasafns kl. 15.00, og
þar koma fram helstu unglinga-
hljómsveitir Kópavogs.
Kópavogsvökunni lýkur sunnu-
daginn 11. maí með dagskrá í Félags-
heimili Kópavogs um Gerði Helga-
dóttur.
Að Kópavogsvökunni standa
Bókasafnið, Leikfélagið, Lista- og
menningarsjóður, Náttúrufræðistof-
an, Skólaskrifstofan og Tónlistar-
skólinn.
Oddur Ólafsson
Eggert Skúlason
Eysteinn Sigurðsson
Breytingar á ritstjórn Tímans
Breytingar hafa verið gerðar á
ritstjórn Tímans. Oddur Ólafsson
er nú aðstoðarritstjóri. Eggert
Skúlason hefur verið ráðinn að-
stöðarfréttastjóri og Eysteinn Sig-
urðsson hefur ráðist til starfa á
blaðinu og mun m.a. fjalla um
menningarmál og málefni sem
tengjast samvinnuhreyfingunni.
Oddur Ólafsson er fæddur 1933
og hóf blaðamennskuferil hjá Al-
þýðublaðinu en hefur starfað á
Tímanum frá 1967 og gegnt þar
flestum störfum sem blaða-
mennsku tengjast. Síðustu árin
hafði hann umsjón með öllum
síðum blaðsins öðrum en þeim sem
að fréttum lúta.
Eggert Skúlason er fæddur 1963.
Hann hóf störf hjá NT árið 1984 og
færðist yfir á ritstjórn Tímans um
s.l. áramót. Eggert hefur ávallt
unnið að innlendri fréttaöflun og
skrifað um fréttatengt efni.
Eysteinn Sigurðsson er fæddur
1939 og lauk prófi í íslenskum
fræðum frá Háskóla Islands og
varði síðar doktorsritgerð í bók-
menntum við Lundúnaháskóla.
Hann starfaði hjá Fræðsludeild
SlS í nærfellt 20 ár og hefur skrifað
mikið um samvinnuhreyfinguna.
Hann hefur einnig skrifað mikið
um bókmenntaleg efni, m.a. rit-
dóma hér í blaðinu.
Tíminn býður þessa menn vel-
komna til starfa og væntir þess að
þeir muni styrkja blaðið og efla.