Tíminn - 06.05.1986, Blaðsíða 5

Tíminn 5
Þriðjudagur 6. maí 1986
llllllllllllllllllllllllll ÚTLÖND illlllllllllllllllllllllllllllillllll
Öll eru þau í sviðsljósinu í Tokyo. Frá vinstri, Craxi forsætisráðherra
ítalíu, Mitterrand forseti Frakklands, Thatcher forsætisráð-
herra Bretlands, Kohl kanslari V-Þýskalans, Reagan Bandaríkja-
forseti, Nakasone forsætisráðherra Japans og Mulroney íorsætisráð-
herra Kanada.
JAPAN:
Hryðjuverk í
sviðsljósinu
Leiðtogarnir áfundinum í Tokyo samþykktu
að taka upp harðari stefnu gagnvart hryðju-
verkamönnum - Japanskur vinstri hópur
hótar annarri flugeldaárás
Tokyo-Reuter
Á leiðtogafundinum í Tokyo í gær
var ákveðið að taka upp harðari
stefnu gagnvart alþjóðlegum hryðju-
verkasamtökum og löndum sem
styddu við bakið á slíkum samtök-
um. Var Líbýa nefnd á nafn í þessu
sambandi.
Sovésk stjórnvöld voru einnig
gagnrýnd í Tokyo í gær. Leiðtogarn-
ir sjö gagnrýndu þau fyrir að liggja á
upplýsingum um slysið í Chemobyl
kjarnorkuverinu í Ukraínu.
Það var Margrét Thatcher forsæt-
isráðherra Bretlands og Ronald
Reagan Bandaríkjaforseti sem vom
fremst í flokki þeirra er vildu sam-
einast um ákveðna yfirlýsingu gegn
hryðjuverkum í heiminum.
f yfirlýsingunni samþykktu
leiðtogar áðurnefndra tveggja ríkja
sem og leiðtogar Japans, V-Þýska-
lands, Frakklands, Kanada og Italíu
að taka upp nánari samvinnu og
harðara eftirlit með hryðjuverka-
samtökum.
Einnig var ákveðið að hvetja til
vopnasölubanns á þær þjóðir er
styddu hryðjuverkamenn og einnig
að taka upp nánara eftirlit með
sendiráðsmönnum og sendiráðum
þessara þjóða.
Þetta var í fyrsta skipti sem þjóð-
imar sjö samþykktu slíka samvinnu
gegn alþjóðlegum hryðjuverka-
mönnum og einnig í fyrsta skipti sem
Líbýa er nefnd sérstaklega í þessu
sambandi. Árás Bandaríkjamanna á
Líbýu var hinsvegar hvorki fordæmd
né réttlætt í yfirlýsingunni.
Leiðtogarnir sjö hvöttu einnig
Sovétstjórnina til að birta allar upp-
lýsingar um Chernobyl kjarnorku-
slysið og gagnrýndu hana fyrir
þrjóska þögn um slysið.
Leiðtogafundinum lýkur í dag en í
gær hótaði harðasti vinstrihópurinn
í Japan (Chukaku-Ha samtökin) að
skjóta að leiðtogunum og hitta nú
beint í mark. Það var þessi hópur
sem stóð fyrir eldflaugaskotunum á
leiðtogahópinn rétt þegar fundur
þeirra hófst. Enginn meiddist þó
enda var hér um heimatilbúna flug-
elda að ræða.
Klukkur valda
rugli í Kína
Urumqi, Kínu-Rcutcr
Þegar klukkan er á hádegi í
póstskrifstofu Urumqiborgar í
Kína er hún 10 f.h. í versluninni
við hliðina og þegar bæjarbúar
halda að klukkan sé 10 að kvöldi
er hún 12 á miðnætti hjá ferða-
mönnum sem bæinn heimsækja.
Misskilningur þessi á líklega
eftir að verða áberandi næstu
dagana í Kína en þar í landi var í
gær tekinn upp sumartími í fyrsta
Ssinn.
í héraðinu Xinjiang sem er
vestast í Kína var staðartími
tekinn upp í febrúar - tveimur
tímum eftir Pekingtíma - en
síðustu tuttugu árin hafa íbúar
héraðsins verið neyddir til að fara
eftir sama tíma og gildir í Mið-
Kína.
Stjómvöld ákváðu hinsvegar að
Pekíngtími myndi ráða í póst-
skrifstofum, á jámbrautarstöðv-
um, flughöfnum og í öllum ferða-
mannahótelum héraðsins.
„Þetta er mjög ruglandi,“ sagði
Bandaríkjamaður einn sem býr í
Urumqi, höfðuborg Zinjianghér-
aðs.“ I hvert skipti sem naður
þarf að hitta einhvern þarf að
ákveða hvort farið sé eftir Pek-
íngtíma ellegar Xinjiangfíma,“
sagði sá bandaríski.
Eitthvað verður því líklega um
misskilning næstu daga í Kína því
nú hefur sumartími verið tekinn
upp alls staðar þar í landi, og
klukkan því færð fram um einn
tíma - nema á járnbrautarstöðv-
um og rútustöðvum.
' Slysið í Chernobyl
kjarnorkuverinu:
Geisla-
virkir
Úkraínu-
borgarar
í mestri
hættu
- segir sænskur
vísindamaður
Stokkholmur-Reuter
Sænskur vísindamaður sagði í gær
að allt upp í átta þúsund Evrópubúar
ættu á hættu að fá krabbamein vegna
geislunar þeirrar sem varð eftir
slysið í Chernobyl kjarnorkuverinu
í Úkraínu.
Gunnar Bengtsson, yfirmaður
sænsku geislavarnarstofnunarinnar,
sagði fyrstu útreikninga sýna að 80
upp í 8000 einstaklingar gætu átt á
hættu að fá krabbamein í kjölfar
kjarnorkuslyssins í Sovétríkjunum.
„Útreikningar okkar sýna að hvað
varðar geislun er slysið í Chernobyl
þúsund sinnum verra en slysið á
Þriggja mílna eyju í Bandaríkjunum
árið 1979,“ sagði Bengtsson á blaða-
mannafundi.
Bengtsson sagði þó Svía ekki
verða fyrir alvarlegum mannskaða
sökum útgeislunarinnar en spáði þó
að allt upp í átta manneskjur gætu
fengið alvarlegt krabbamein á næstu
fjörutíu árum og yrði það bein
afleiðingslyssins í Chernobylverinu.
Sænskir vísindamenn hafa bent á
að íbúum í nágrenni við kjarn-
orkuverið sé mikil hætta búin á
næstu árum vegna útgeislunarinnar
en Bengtsson vildi þó ekki segja
nokkuð ákveðið um mannskaða í
Úkraínu og nágrenni.
Bengtsson og samstarfsmenn
hans hafa reiknað út magn það af
geislavirkum efnum sem slapp út í
andrúmsloftið þegar kjarnakljúfur-
inn í Chernobylverinu brann og
segja það sarnsvara því að 30 mega-
tonna kjarnorkusprengja væri
sprengd ofanjarðar - sú sprengja er
meira en tvö þúsund sinnum kraft-
meiri en sú sem Bandaríkjamenn
vörpuðu á Hirosíma árið 1945.
Um helgina mældist geislavirkni á
austurströnd írlands örlítið fyrir
ofan eðlileg mörk en Didk Spring
orkumálaráðherra landsins sagði
geislun þessa varla munu stefna
heilsu manna í hættu.
Boris Yeltsin æðsti maður flokk-
ráðsins í Moskvuborg sagði í samtali
við fréttamann Reuters í gær að tekist
hefði að stöðva nær alla útgeislun frá
kjarnakljúfum í Chernobyl:
„Kjarnaskýið er byrjað að hverfa og
annað hefur ekki myndast,“ sagði
Yeltsin.
Fræðslustörf á
viðskiptasviðum
Nokkur kennslustörf við Samvinnuskólann á Bif-
röst eru laus til umsóknar, - í viðskipta- og
hagfræðigreinum, stærðfræði, tölvufræði o.fl. og
einnig í starfsfræðslu í tengslum við atvinnulífið.
Nýtt fjölskylduhúsnæði ásamt orku o.þ.h. fylgir
starfi. Störf og aðstaða geta hentað hjónum mjög
vel saman. Einnig aðrir atvinnumöguleikar fyrir
maka.
Tiltölulega sjálfstæð störf með sveigjanlegum
vinnutíma og löngum leyfum á hverju ári. Aukastörf
eftir samkomulagi.
Störf hefjast í byrjun næsta skólaárs.
Auk menntunar, einkum á háskólastigi eða þ.u.l.,
er mjög æskilegt að umsækjandi hafi starfsreynslu
í viðskipta- og atvinnulífinu.
Umsóknir með upplýsingum um menntun og fyrri
störf o.s.frv. sendist skólastjóra Samvinnuskólans
(póstfang: Bifröst, 311 Borgarnes) hið allrafyrsta,
og hann veitir upplýsingar (sími: 93-5001).
Enn fremur vantar næsta vetur stundakennara í
viðskiptagreinum o.fl. við Framhaldsdeild Sam-
vinnuskólans í Reykjavík. Upplýsingar veitir yfir-
kennari (sími: 91-39220).
Útboð
Innkaupastofnun Reykjavíkurborgar fyrir hönd
gatnamálastjórans í Reykjavík óskar eftirtilboðum
í viðgerðir á hellulögðum gangstéttum víðs vegar
í Reykjavík.
Úboðsgögn eru afhent á skrifstofu vorri Fríkirkju-
vegi 3, Reykjavík, gegn kr. 5.000 skilatryggingu.
Tilboðin verða opnuð á sama stað miðvikudaginn
14. maí n.k. kl. 11.00.
INNKAUPASTOFNUN REYKIaVÍKURBORGAR
Fríkwkjuv«gi 3 — Simi 25800
Laus staða
Laus er til umsóknar hlutastaða (50%) sérfræöings I erfðafræði við
Líffræðistofnun Háskólans.
Umsækjendur skulu hafa lokið meistaraprófi eða tilsvarandi háskóla-
námi á sviði erfðafræði og starfað minnst eitt ár við rannsóknir.
Ráðið verður í stöðuna til þriggja ára
Laun samkvæmt launakerfi starfsmanna ríkisins.
Umsóknir ásamt rækilegri skýrslu um vísindastörf, rannsóknir og
ritsmíðar, svo og námsferil og störf skulu sendar menntamálaráðu-
neytinu fyrir 2. júní 1986.
Menntamálaráðuneytið
5. maí 1986.
Lausar stöður
Við Æfinga- og tilraunaskóla Kennaraháskóla íslands er laus til
umsóknar staða íþróttakennara (2/3). Einnig er fyrirhugað að ráða
fáeina kennara til eins árs í forföllum fastráðinna kennara við skólann.
Um er að ræða byrjendakennslu og kennslu í 7. bekk, svo og starf
smíðakennara.
Laun samkvæmt launakerfi starfsmanna ríkisins. Umsóknir, ásamt
ýtarlegum upplýsingum um námsferil og störf, skulu hafa borist
menntamálaráðuneytinu, Hverfisgötu 6, 101 Reykjavík, fyrir 9. mai
nk.
Menntamálaráðuneytið
1. maí 1986
Xil leigu
Efri hæð hússins Snorrabraut 54 er til leigu. Hús-
næðið er um 315 fermetrar að stærð og er innréttað
sem skrifstofuhúsnæði.
Frábær staður - góð bílastæði.
Tilboð óskast send skrifstofu vorri fyrir 30. apríl n.k.
Osta- og smjörsalan sf.
Bitruhálsi 2,
110 Reykjavík.