Tíminn - 24.07.1986, Blaðsíða 2
2 Tíminn
Fimmtudagur 24. júlí 1986
Viðræður við
ASÍ-félögin
Forystumenn fjögurra verkalýðs-
félaga innan ASÍ standa þessa dag-
ana í viðræðum við forráðamenn í
bæjarstjórn Hafnarfjarðar um
kjaramál. Þau Guðríður Elíasdóttir,
frá Framtíðinni, Sigurður T. Sig-
urðsson, frá Hlíf, Grétar Þorieifsson
frá Félagi byggingariðnaðarmanna
og Guðjón Jónsson, frá Málm- og
skipasmiðasambandinu ræddu við
Guðmund Árna Stefánsson, bæjar-
stjóra og Gunnar Rafn Sigurbjörns-
son, bæjarritara á fundi í fyrradagog
er annar fundur fyrirhugaður á
morgun.
Tvö mái voru til umræðu á fundin-
um, annars vegar leiðrétting á kjör-
um ASÍ-félaga með hliðsjón af þeim
sérkjarasamningum sent Hafnar-
fjarðarbær gerði við Starfsmannafé-
lag Hafnarfjarðar og hins vegar voru
ræddir möguleikar á gerð ramma-
samnings milli ASÍ félaganna og
bæjarfélagsins.
„Við viljum vita hvort við getum
fengið einhverja leiðréttingu íyrir
lægsta fólkið hjá okkur," sagði
Guðríður Elíasdóttir, formaður
Verkakvennafélagsins Framtíðar.
„Andrúmsloftið á fundinum var gott
en engin loforð gefin."
Gunnar Rafn Sigurbjörnsson,
taldi að fundurinn hefði verið mjög
gagnlegur. Hann sagði að það ASl-
fólk sem hér væri um að ræða væri á
bilinu 70-80 manns. Hann kvað eðli-
legt að ASÍ-félögin vildu taka mið af
Starfsmannafélagssamningunum, en
fjárhagsáætlun væri þegar ákveðin
og framkvæmdir í fullum gangi
þannig að svigrúm væri frekar tak-
markað. Hann vildi hins vegar leggja
áherslu á að góður andi hefði ríkt á
fundinum.
Guðjón Jónsson taldi að ramma-
samningur eins og hér væri til um-
ræðu vera til hagsbóta fyrir alla
aðila, en taldi að gerð hans yrði ekki
lokið fyrr en um áramótin.
phh
Þjófavörn í
Miklagaröi
Sett hefur verið upp þjófavarnar-
kerfi í Miklagarði. Mikligarður er
fyrsti stórmarkaðurinn sem tckur upp
þessa vörn gegn sívaxandi búðar-
hnupli.
„Þetta er alvara lífsins. Maður
getur ekki bæði haldið niðri vöru-
verði og látið fólk ganga út með
vörur sem það ekki greiðir fyrir. Við
hyggjumst nú stoppa þetta. Vörur í
búðinni verða merktar og hafi fólk
ekki greitt fyrir þær þá láta þar til
gerðar súlur við útidyrnar vita af
því,“ sagði Jón Sigurðsson forstjóri
Miklagarðs í samtali við Tímann í
gær.
Margar verslanir við Laugaveg
hafa komið sér upp slíkri þjófavörn,
og þá einkum tískuverslanir.
Jón Sigurðsson sagði að þetta væri
fyrst og fremst gert fyrir viðskipta-
vininn. „Fetta er hluti af lífinu, því
miður. Það er andskoti hart að þurfa
að leggja út í þennan kostnað til þess
að geta haldið niðri vöruverði, en
þetta verður að gerast," sagði Jón.
Kerfið var sett upp í fyrradag, og
var lokið við merkingar á vörum í
gær. Súlurnar sem eru í útidyrunum
skynja merki sem sett eru á vöruna
og hafi afgreiðslufólk ekki fjarlægt
merkin, við borgun, þá skynja súlurn-
ar merkin og láta tafarlaust vita til
umsjónarmanns.
-ES
Þjófavarnarkerfíð við útidyr Mikiagarðs. Ef einhver fer með vöru út, sem
ekki er búið að greiða fyrir, verður þess vart. Vonast er til að kerfi þetta geti
orðið til þess að lækka vöruverð, því óeðlilega mikil afföll halda vöruverði
uppi. Tímamynd: Sverrir.
AIIKLIG4RDUR
MIKIÐ FYRIR LfTIÐ