Tíminn - 05.09.1987, Qupperneq 15

Laugardagur 5. september 1987
Tíminn 15
LESENDUR SKRIFA
Hvað segir Garri nú?
8. júlí tók við ný ríkisstjórn eftir
um níu vikna stjórnarmyndunar til-
raunir. Þrír stærstu stjórnmálaflokk-
arnir styðja hana. Tíma Garri hefur
sitthvað um þetta að segja. Orðrétt
Miðað við allar aðstæður og
ástand flokkaskipunar og samsetn-
ingu Alþingis af alskonar upp-
lausnarliði og boðberum pólitískrar
sérvisku og eigingirni var aldrei vit í
öðru en að þrír stærstu elstu og
reyndustu flokkar landsins tækju
höndum saman um það að mynda
blokk raunsæisaflanna gegn sér-
viskuhópum og sundrungarliði, og
er Garri ekki einn um þá skoðun."
- Svo mörg voru þau orð. Flokkarnir
eru gamlir en tímarnir breytast og
mennirnir með. Hver vill líkja sam-
an flokki Jóns Baldvins og flokki
Jóns Baldvinssonar, hver vill líkja
saman Þorsteini Pálssyni og Ólafi
Thors. Þorsteinn Pálsson sótti eins
og Steingrímurog Jón B. Hannibals-
son eftir því að verða forsætisráð-
herra, aðeins einn gat orðið það í
einu. Steingrímur var forsætisráð-
herra og engin sýnileg ástæða fyrir
hann til að gefa það eftir, Þorsteinn
gaf út yfirlýsingu um að hann setti
það ekki sem skilyrði fyrir stjórnar-
samstarfi að hann fengi forsætisráð-
herraembættið en í staðinn vildi
hann fá 5 ráðherra en hinir tveir
flokkarnir til samans fengju aðra 5,
og ráðherrar Sjálfstæðisflokksins
áttu að verða alvöruráðherrar. Það
var eins og fréttamenn landsins yrðu
hálfklumsa, því nú fréttist fátt í
svipinn. Næsta frétt, ný stjórn svo til
fullmynduð. Þorsteinn Pálsson for-
sætisráðherra, Steingrímur utanrík-
isráðherra. Hvað hafði gerst? Hér
hafa fréttamenn brugðist. Hvaða
brögðum beitti Þorsteinn? Hvers-
vegna lét Steingrímur og hans lið þá
samsærismennina ekki eina um að
mynda stjórnina þegar þeim hafði
tekist að velta honum úr sessi og
Jónsliðið komið bæði með fjármálin
og bankamálin. Garri segir fleira.
Hann segist styðja nýju stjórnina
heils hugar, þótt hann hefði getað
hugsað sér hana öðruvísi. Garra
finnst til dæmis að Steingrímur og
Þorsteinn hefðu átt að býtta á ráðu-
neytum. Er ekki rétt að nefna ráðu-
neyti Þorsteins forsætis- og undir-
ferlisráðuneyti. Fáum vikum fyrir
kosningar hélt Sjálfstæðisflokkurinn
fjölmennt flokksþing, þar kom fram
mikill stuðningur flokksmanna við
flokksstjórnina og við atkvæða-
greiðslu um Þorstein formann kom í
Ijós 97-98% fylgi manna við for-
manninn. Stalín heitinn í Rússlandi
hefði jafnvel mátt vel við una.
Sjálfstæðisflokknum var almennt
spáð auknu fylgi, þeir bjartsýnustu
töldu líkur á að þeir fengju meiri-
hluta á Alþingi og gætu myndað
stjórn án aðstoðar annarra flokka.
Nú leið að þinglokum. Þorsteinn
formaður vildi hafa hreint mél í
pokahorninu. Albert var bersyndug-
ur, hann varð að víkja úr stjórn
Iandsins. Maður getur lengi á sig
blómunt bætt, sagði Tóta litla tindil-
fætt. Þorsteinn virðist hafa verið á
sama máli, því Iðnaðarráðuneytinu
bætti hann á sig. Enn átti að vera
hægt að nota Albert til að draga að
atkvæði Reykvíkinga, það fór ekki
milli mála að persónufylgi Alberts
var nteira í Reykjavík en annarra
frambjóðenda. Hér virðist Þorsteinn
hafa reiknað skakkt. Flokkur hans
klofnaði, þingmönnum Sjálfstæðis-
flokksins fækkaði til muna í stað
þess sem spáð hafði verið. Er ekki
hætt við slíkum axarsköftum hjá
honum sem forsætisráðherra og
skellurinn lendi á allri þjóðinni en
ekki aðeins á Sjálfstæðisflokknum,
og þetta styður Garri heilshugar.
Jón Sigurðsson er enn lítið þekktur
sem stjórnmálamaður. Ég held að
flestir trúi því enn að hann sé maður
sem ekki vill vamm sitt vita. Nú er
hann í erfiðri aðstöðu í hinu alræmda
Útvegsbankamáli. Eins og flestir
venjulegir íslendingar mun hann
telja að Sambandsmenn eigi allan
rétt þegar þeir kontu nteð sín kaup-
tilboð, sem í einu og öllu munu hafa
fullnægt settum skilyrðum. Á eftir
komu ýmsir fjáratlamenn, sem for-
sætisráðherra telur til sinna sérstöku
uppáhalds stuðningsmanna með sín
tilboð. Og því heimtar Þorsteinn af
Jóni að taka þeirra boði enn ekki
Sambandsmanna, hvað sem lögum
og reglum líður. Annars verði
stjórnarslit. Steingrímur og hans lið
á hér að sýna þann manndóm að sitja
ekki stundinni lengur í stjórninni ef
Þorsteini tekst að kúga Jón.
Porsteinn feldi fimm sexmenn
frækna af sínu liði.
Pessum fjanda fylgir enn
fýla, heyft og sviði.
Þorsteinn Daníelsson
Guttormshaga 31/8 ’87
PÓST- OG SiMA
MÁLASTOFNUNIN
Akureyri
Umdæmi III
Lausar stöður.
1 staða rafeindavirkja.
1 staða rafeindavirkja til afleysinga í eitt ár.
2 stöður línumanna/símsmiða/símsmiða-
meistara.
Upplýsingar veitir umdæmistæknifræðingur
Pósts- og síma á Akureyri í síma 96-26000.
SAMVINNU
TRYGGINGAR
ARMOLA 3 108 REYKJAVIK SIMI (91)681411
Skrifstofustarf
Óskum að ráða skrifstofumann í fjármáladeild.
Starfið felst í almennum skrifstofustörfum m.a.
útsendingu tryggingaskírteina, viðhaldi skulda-
bréfa- og víxlaskrár.
Umsóknareyðublöð og upplýsingar hjá starfs-
mannahaldi Ármúla 3 sími 681411
Samvinnutrygginar g.t.
Bóklegt einkaflugmanns-
námskeið mun hefjast um
miðjan september.
Sérfræðingur kennir hverja grein.
Væntanlegir nemendur hafi samband við skólann
í síma 91-12900.
FLUGSKÓLINN FREYR
við skýli 3, Reykjavíkurflugvelli
Innritun
í kvöldnám prófadeilda Námsflokka Reykjavík-
ur.
Grunnskólastig: a) aðfaranám hliðstætt 7. & 8.
bekk.
b) fornám hliðstætt 9. bekk.
Kennslugreinar: íslenska, danska, enska, stærð-
fræði.
Framhaldsskólastig: a) heilsugæslubraut = for-
skóli sjúkraliða.
b) viðskiptabraut, hagnýt
verslunar- og skrifstofu-
starfadeild.
Einnig er hægt að velja kjarnanám án sér-
brauta.
Sænska og norska til prófs. Sjá auglýsingar í
dagbl. sl. föstudag.
Innritun fer fram mánudaginn 7. og þriðjudag-
inn 8. september í Miðbæjarskóla,Fríkirkjuvegi
1, klukkan 17-21.
Upplýsingar í símum 12992 og 14106 síðdegis.
Námsflokkar Reykjavíkur.
Framandi menning
í framandi landi
- Ert þú fædd/ur 1970 eða 1971?
- Viltu auka þekkingu þína á umheiminum?
- Viltu kynnast lifnaðarháttum annarra þjóða?
- Viltu búa eitt ár í framandi landi?
- Viltu verða skiptinemi?
Umsóknarfrestur er til12. okt. Opið daglega milli
kl. 14 og 17.
Ef svarið er já, hafðu samband við:
áíslandi
- alþjóðleg fræðsla og samskipti -
Hverfisgötu 39, P.O. Box 121 Reykjavík sími
25450.
^IRARIK
RAFMAGNSVEITUR RÍKISINS
Skrifstofumaður
Rafmagnsveitur ríkisins auglýsa lausttil umsóknar
starf skrifstofumanns.
Starfið felst að mestu leyti í sendiferðum auk
almennra skrifstofustarfa. Þarf að hafa bílpróf.
Laun eru samkvæmt kjarasamningum B.S.R.B.
og ríkisins.
Upplýsingar um starfið eru veittar hjá deildarstjóra
starfsmannahalds.
Rafmagnsveitur ríkisins
Laugavegi118
105 Reykjavík
íbúð óskast
Nú erum við að leita okkur að samastað fyrir
veturinn og ef einhver vildi vera svo vænn, eða
væn, að leigja út 2-3ja herb. íbúð undir okkur
hjónin, blaðamann og námsmann, á sanngjörnu
verði, þá erum við tilbúin að heita stakri reglusemi
og afar góðri umgengni.
Svörin beinist inn á ritstjórn Tímans, sími 686300,
að Kristjáni Björnssyni, eða í heimasíma 641757.