Tíminn - 16.10.1987, Blaðsíða 15
Föstudagur 16. október 1987
Tíminn .15
lllllllllllllllllllllll MINNING ... ... .. .. ... . .. mlr
Páll Hróar Jónsson
Fæddur 2. nóvember 1972
Dáinn 10. október 1987
Skrifað stendur „Þeir sem guðirnir
elska deyja ungir.
Lífshlaup tæplega fimmtán ára
drengs er ekki langt en lífshlaup
Palla var fagurt.
Páll Hróar Jónsson fæddist í
Reykjavík 2. nóvember 1972. Hann
var sonur Iðunnar Haraldsdóttur og
fyrri manns hennar Jóns Pálssonar.
Ég kynntist Palla vorið 1977. Þá
höfðu Eiríkur bróðir minn og Iðunn
tekið saman. Það ríkti mikil tilhlökk-
un á heimili mínu og foreldra minna
þegar Eiríkur sagðist vera að koma
í heimsókn með Iðunni og litla
drenginn. Ekki urðu það okkur
vonbrigði að kynnast þeim. Sumarið
1977 fluttu Eiríkur og Iðunn búferl-
um hingað til Neskaupstaðar með
börnin þrjú þau Palla, Þóru og Ellu.
Strax myndaðist mjög traust og gott
samband milli heimilanna og eignuð-
ust foreldrar mínir þarna góða vini
og sem ætíð litu á þau sem afa og
ömmu. Palli var vel gerður og góður
drengur. Var hann mjög félagslynd-
ur og hér eignaðist hann góða vini
og hefur sú vinátta haldist. Palli var
mikið fyrir íþróttir. Hann varð ungur
mikill fótboltaáhugamaður og þegar
aldur leyfði fór hann að æfa knatt-
spyrnu með Þrótti og þótti hann
mjög efnilegur leikmaður. Nokkur
sumur æfði hann sund með Sund-
deild Þróttar og þar gekk honum
einnig vel. Árin liðu í leik og starfi.
Á veturna var skólinn í algleymingi
en á sumrin íþróttir og annað tilfall-
andi.
S.l. vor urðu talsverð þáttaskil í
lífi Palla. Fjölskyldan tók sig upp og
flutti í Kópavog. Eignaðist Palli
áfram fallegt heimili en nú að Reyni-
grund 15. Eiríkur og Iðunn höfðu af
því áhyggjur að Palli eignaðist ekki
félaga strax þar sem skólar væru í
fríi. Enn einu sinni komu í ljós
vinsældir Palla og félagslyndi. Hann
fór að vinna í Vinnuskóla Kópavogs
og eignaðist fljótt félaga. Palli gerð-
ist félagi í Breiðabliki og fór að æfa
knattspyrnu með því og blak var
hann farinn að stunda með HK í
Kópavogi.
Seint í ágúst kom Palli í heimsókn
til okkar. Það urðu miklir fagnaðar-
fundir hjá börnum mínum og félög-
um hans að fá hann aftur. Það var
hress og glaður unglingur með mikl-
ar væntingar um lífið sem ég kvaddi
hér 3. september sl. en þá var Palli
að fara heim til að setjast á skóla-
bekk. Palli settist í Snælandsskóla
og líkaði honum þar vel.
Það er okkur huggun Palli minn
að þú þurftir ekki að berjast lengi
við þann sjúkdóm sem heltók þig
með ógnarhraða. Við sem eftir lifum
stöndum agndofa og ráðalaus og
spyrjum. „Hvaða tilgangi þjónar
það að hrifsa ungt og lífsglatt fólk í
burtu?“ En enginn getur svarað því.
Sár söknuður er nú hjá okkur
öllum. Við þökkum góðum dreng
samfylgdina.
Elsku Iðunn, Eiríkur, Þóra, Ella
og aðrir vandamenn, ég bið æðri
máttarvöld að veita ykkur styrk á
þessum erfiðum tímum.
Minningin um góðan dreng lifir og
veitir birtu og yl.
Far þú í friði, friður guðs þig
blessi. Hafðu þökk fyrir allt.
Ebbý og fjölskylda.
„Þá fyrst skiljum við dauðann er
hann leggur hönd sína á einhvern
sem við unnum.“
Þegar sú harmafregn barst okkur
að hann Palli vinur okkar væri
dáinn, honum hefði svo að segja
verið kippt héðan og við stöndum
andspænis svo grimmum örlögum,
þá spyrjum við um tilgang þessa alls
og um réttlætið en við fáum engin
svör og stöndum eftir í orðvana
spurn.
En á hugann Ieita minningarnar
um allt það góða sem við áttum með
Palla, allar gleðistundirnar í leik, í
skólanum og frá íþróttunum.
Palli var traustur og góður félagi,
glaðvær og hress í góðra vina hópi.
Hann átti heima hér í Neskaupstað
frá barnæsku en fluttist suður í vor.
Þrátt fyrir það héldum við góðu
sambandi okkar í milli og lagt var á
ráðin um það sem gera ætti er við
hittumst næst.
í haust þegar Palli kom í heimsókn
var þráðurinn tekinn upp að nýju og
ekki annað að sjá en allt væri með
felldu.
Við minnumst líka fermingarinnar
fyrir rúmu ári og umræðna um
dauðann þegar við gengum til
prestsins. Þá óraði engan fyrir því að
hann ætti eftir að heimsækja eitt-
hvert okkar svo fljótt.
En minningin um góðan vin lifir.
Við sendum fjölskyldu Palla og
öllum ættingjum innilegar samúðar-
kveðjur.
Danni og Maggi
Við áttum saman góðar stundir,
ég og „krakkarnir mínir“, í sumar-
búðum W.P. í DDR sumarið 1986.
Palli var einn þeirra. Við urðum öll
skemmtilega náin þetta sumar, við
eins og eignuðumst öll pínulítið
hvert í öðru. Páll var íþróttahetjan í
hópnum, vann medalíur á „Litlu
Olympíuleikunum", og var sá eini
sem spilaði fótbolta í hópnum. Mér
kemur í huga allt það sem við
brölluðum saman þetta sumar, allar
þær stundir er við hlógum saman og
líka þær stundir er við grétum
saman. Og ég græt í dag.
Það er sárt til þess að hugsa
stundum, hvað allt er í heiminum
hverfult, en ég gleðst í hjarta mínu
yfir því að hafa verið partur af þér,
Palli, og ég trúi því, að þegar ég held
af stað yfir móðuna miklu, þá verðir
þú þar, til að rétta mér hönd.
Samúðarkveðjur sendi ég af öllu
hjarta til foreldra, vina og allra
vandamanna.
Freyja Þorsteinsdóttir.
Hvað er líf og hvad er heimur?
Klæddur þoku draumageimur,
er lifna, deyja og blika um skeið.
Hvað er frægð og hreysti manna?
Hvað er snilli spekinganna?
Það er af vindi vakin alda,
er verður til og deyr um leið
K.J.
Á morgni lífsins er yndislegur
drengur hrifinn burt úr þessum
heimi. Þannig er fallvelti jarðvistar-
innar. Mannlífið eins og brothætt
stundagler, svo skammt er milli lífs
og dauða. Þann beiska bikar mega
harmi slegnir ástvinirnir teyga. Við
stöndum ráðþrota, og leitum svars
við lífsgátunni miklu. Einhver hlýtur
tilgangurinn að vera, en hver? Átti
kannski einmitt Palli litli aðeins að
mála bjarta liti og koma sem sólarg-
eisli í líf ástvina sinna, stutta stund,
og lifa eingöngu vorið og birtuna?
Því fögur vakir minningin um
æskumanninn, sem aðeins sakleysið
geymdi. Óflekkuð mynd hans verður
áfram ljósgeisli, þeim er unnu
honum. Palli átti ljúfa bernsku.
Hann ólst upp við ástríki og öryggi,
og lék sér áhyggjulaus í frjálsri
náttúrinni austur á fjörðum. Við
kveðjum þig ungi vinur hinsta sinni.
„Far þú í friði,
friður Guðs þig blessi.“
Kæm vinir, þið sem syrgið.
Við deilum með ykkur sorginni,
og biðjum Guð
ao styrkja ykkur og blessa.
Sorgin er gríma gleðinnar.
Og linán, sem er uppspretta gleðinnar,
var oft full af tárum.
Þegarþú ert sorgmæddur, skoðaðu þá aftur
huga þinn, og þú munt sjá, að þú grætur
vegna þess, sem vargleði þín.
Kahlil Gihran.
„Svo Ifða tregar sem tíðir".
Til eru harmar svo stríðir,
að allra þeir kraftanna krefjast.
- / kraftinum sálirnar hefjast.
Gildið, sem gullið, má reyna
glöggvast í loganum hreina.
„Svo líða tregar sem tíðir“.
Til eru dagar svo blíðir,
að liðnir þeir laufgast á vorin,
létt verða minningasporin.
Fegurðin gleymzt aldrei getur,
hún grær-eins og björk eftir vetur.
Hulda
Sigga, Svenni og börn.
Effco þurrkan læknar ekki kvef
En það er óneitanlega gott að snýta sér í hana
Hún er svo stór og mjúk og
særir nebbann ekki neitt. Svo þegar
kvefið er batnað getur þú notað
afganginn af rúllunni til annarra
hluta, eins og t.d. til að þrífa bílinn,
bátinn, sumarbústaðinn og svo
getur þú að sjálfsögðu notað hana
til algengustu heimilisstarfa.
Það er eitthvað annað að þrífa
með Effco þurrkunni. Hún gerir
heimilisstörfin, sem áður virtust
óyfirstíganleg, að skemmtilegum
leik. Óhreinindin bókstaflega leggja
á flótta þegar Effco þurrkan er á
lofti.
Heíldsal
Effco-þurrkan fæst á betri bensínstöðvum
. oq verslunum.
Hóggdeyfir — EFFCO
ími 73233
Akranes
Aðalfundur Framsóknarfélags Akraness verður haldinn að Sunnu-
braut 21, mánudaginn 19. október kl. 20.30.
Dagskrá:
Venjuleg aðalfundarstörf.
Önnur mál.
Stjórnin.
Byrjendanamskeið - Framhaldsnámskeið
Landssamband framsóknarkvenna í samvinnu við Samband ungra
framsóknarmanna býður hér með upp á hin vinsælu námskeið í
sjálfsstyrkingu, fundarsköpum, fundarhaldi og framkomu í sjónvarpi.
Alls 5 kvöld eða 1 helgi.
Einnig framhaldsnámskeið 4 kvöld eða helgi þar sem boðið verður
upp á leikræna tjáningu, framsögn, ræðumennsku og sjónvarpsfram-
komu. Reyndir hressir leiðbeinendur taka að sér leiðsögnina.
Ef þið hafið áhuga þá hringið sem fyrst í síma 91-24480 og pantið
námskeið. Góð fjárfesting fyrir gott verð.
LFK og SUF
Verzlunarmannafélag
Reykjavíkur
Framboðs-
frestur
Ákveðið hefur verið að viðhafa allsherjar atkvæða-
greiðslu í Verzlunarmannafélagi Reykjavíkur um
kjör fulltrúa á 16. þing Landssambands íslenskra
verslunarmanna.
Kjörnir verða 88 fulltrúar og jafn margir til vara.
Listar þurfa að hafa borist kjörstjórn á skrifstofu
Verzlunarmannafélags Reykjavíkur, Húsi verslun-
arinnar, fyrir kl. 12 mánudaginn 19. október n.k.
Kjörstjórnin
WÉEMS&
wAnusmHF
Járnhálsi 2 Sími 83266 110 Rvk
Pósthólf 10180
■
I
BÍLALEIGA
Útibú i kringum landið
REYKJAVIK:.. 91-31815/686915
AKUREYRI:.... 96-21715/23515
B0RGARNES:.......... 93-7618
BLÖNDUÓS:...... 95-4350/4568
SAUÐARKROKUR: . 95-5913/5969
SIGLUFJÖRÐUR:...... 96-71489
HUSAVÍK: .... 96-41940/41594
EGILSSTAÐIR: ....... 97-1550
VOPNAFJÖRÐUR: . 97-3145/3121
FASKRUÐSFJÖRÐUR: .97-5366/5166
HÖFN HORNAFIRÐI: ... 97-8303
interRent