Tíminn - 11.12.1987, Blaðsíða 10

10 Tíminn
Föstudagur 11. desember 1987.
Illlllllilllllllllllll ÍÞRÓTTIR IIIIIIIIIIIIIIIIIIIIIIIIM
Orð í Tíma töluð... orð i Tíma töluð... orð í Tíma töluð... orð í
Góður árangur eða
ekki góður árangur
Handboltalandsliðið var að keppa
við Júgóslava í fyrrakvöld, og tap-
aði. Kvöldið áður keppti handbolta-
landsliðið líka við Júgóslava, og
vann. Eftir fyrri leikinn voru menn
kátir, af því við unnum. Eftir þann
seinni voru flestir fúlir, af því við
töpuðum. Samt var miklu skemmti-
legra að horfa á seinni leikinn.
Leikirnir í þessari viku voru viður-
eignir númer fimm og sex við heims-
og Ólympíumeistara Júgóslava á
þessu ári. ísland hefur unnið þrjár
og heimsmeistararnir þrjár. ísland
hefur skorað einu marki meira
samtals. Það þrætir varla nokkur
maður fyrir að þetta er glæsilegur
árangur. Sigurinn á Júgóslövum á
þeirra eigin heimavelli í sumar (18-
15) er samt sá sætasti. Stærsti hand-
knattleikssigur fslendinga að margra
mati.
Gott og vel. í síðustu viku keppti
landsliðið á Pólar-cup. Þá töpuðu
þeir stórt fyrir Júgóslövum. Lélegt.
Pá töpuðu þeir fyrir Norðmönnum.
Síðasta sort. ísland lenti í þriðja sæti
á mótinu.
í næstu viku koma Suður-Kóreu-
menn í heimsókn. Þá verða leikirnir
þrír en ekki bara tveir eins og á móti
Júgóslövum og þá verða atvinnu-
mennirnir í V-Pýskalandi ekki með.
Sjálfir búast landsliðsmennirnir við
mjög erfiðum leikjum. „Þeir spila
þannig að maður er alveg búinn eftir
hálftíma" sagði einn landsliðsmann-
anna við blaðamann Tímans. Flestir
minnast ófaranna frá HM en síðast
þegar liðin kepptu, í Seoul í ágúst,
varð jafntefli. Þreytan sem situr í
íslensku landsliðsmönnunum kemur
að meiri sök gegn snöggum S-Kór-
eumönnum en á móti Júgóslövum
og satt að segja kæmi mér ekki á
óvart þó Kóreumenn kæmu betur út
úr þessum viðureignum.
Á milli jóla og nýárs keppir lands-
liðið á fjögurra liða móti í Dan-
mörku og um miðjan janúar á mjög
sterku móti f Svíþjóð sem er loka-
punkturinn í þessari törn. Svo kemur
landsleikjahlé, jafnvel fram í apríl.
íslenska landsliðið hefur með öðr-
um orðum verið og verður áfram
undir gífurlegu álagi. Auðvitað vilja
allir sigur, alltaf. Málið er bara það
að nú er verið að keyra á þreyttu liði,
gegn mörgum og mjög ólíkum lands-
liðum. Nú er verið að fá fram veiku
hliðarnar og skoða hvað má betur
fara. Nú er líka verið að þjálfa liðið
í að leika marga leiki á stuttum tíma.
Hver hefur árangurinn verið fram að
þessu. Góður? Ekki góður? Það
skiptir að mínu viti ekki höfuðmáli,
ekki núna. Auðvitað væri best að
landsliðið væri svo fullkomið að það
tapaði ekki, jafnvel þótt allir væru
þreyttir. Þannig er það bara ekki og
þess vegna er gott að veiku punkt-
arnir komi fram núna.
Framundan eru níu mánuðir til
uppbyggingar fram að Ólympíuleik-
um og það er þá, í Seoul, sem það
skiptir öllu máli hvort árangurinn
verður góður eða ekki góður.
Hjördís Árnadóttir.
ÍÞRÓTTIR
UMSJÓN:
Hiördís V
Árnadóttir T
BLAÐAMAÐUR
Stjórn Körfuknattleikssambands
íslands ákvað á fundi stnum fyrir
skömmu að tilnefna Jón Kr. Gísla-
son ÍBK sem körfuknattleiksmann
ársins 1987, þ.e. fyrir síðari hluta
síðasta keppnistímabils og fyrri
hluta þess sem nú er að verða
hálfnað.
Jón Kr. er einn af máttarstólpum
ÍBK liðsins og hefur verið fyrirliði
liðsins undanfarin ár. Þá hefur hann
og verið fastamaður í íslenska lands-
liðinu undanfarin ár og leikið 61
A-landsleik fyrir íslands hönd.
- HÁ
Handboltahátíð SL
og HSÍ á Selfossi
íþróttaráð Samvinnuferða-
Landsýnar mun gangast fyrir mikil-
li handknattleikshátíð um hvíta-
sunnuna (20.-23. maí 1988) í sam-
vinnu við Selfossbæ og HSÍ. Aðal
dagskráratriði hátíðarinnar verður
stórmót 4. og 5. flokks karla en
einnig verður þjálfaranámskeið og
jafnvel A- landsleikur.
Búist er við að um 4-500 hand-
knattleiksmenn mæti á Sclfoss um
hvítasunnuna og verður þetta því
eitt umfangsmesta unglingamót á
íslandi, svipað að stærð og
Tommamótið sem haldið er í 6.
flokki knattspyrnumanna. Gist
verður í íþróttamiðstöðinni á Sel-
fossi og leikirnir fara fram í íþrótta-
húsi Selfoss. Margt fleira verður á
dagskrá, svo sem kvöldvökur,
myndbandasýningar og ýmsar upp-
ákomur. Landsliðsmenn í hand-
knattleik koma í heimsókn og leika
væntanlega landsleik eða pressu-
leik.
I tengslum við mótið verður
haldið námskeið fyrir unglinga-
þjálfara í handknattleik. Nám-
skeiðið er öllum þjálfurum opið,
bæði þeim sem eru með lið á
mótinu og öðrum áhugasömum.
Leiðbeinendur verða úr húpi best
menntuðu íslensku handknatt-
leiksþjálfaranna.
Hörður Hilmarsson og Þórir
Jónsson veita allar nánari upplýs-
ingar um hátíðina, í síma 622277
(söluskrifstofa SL á Hótel Sögu).
Jón Kr. Gíslason, körfuknattleiksmaður ársins 1987.
Jón Kr. valinn
körfuknattleiks
maður ársins
SMJÖRLÍKISGERÐ
SIMI 96-21400 ■ AKUREYRI
V'' /

WNBA
Fimm leikir voru í bandaríska
atvinnumannakörfuknattleikn-
um á miðvikudagskvöldið. Það
bar hclst til tíðinda að Boston
Celtics töpuðu fyrir Denvcr
Nuggets með 124 stigum gegn
119 í Boston Garden cn Los
Angeles Lakers urðu að lúta í
lægra haldi fyrir Washington Bul-
lets í höfuðborginni, í framlengd-
uin leik.
Úrslit lcikja á þriðjudags- og
miðvikudagskvöld urðu þessi
(heimalið talin á undan):
Detroit-Portland........ 127-117
Indianu-Milwaukee ...... 103-101
New York-Washington.......116-92
New Jerséy-LA Lakers.......81-98
Houston-Sacramento....... 106-97
San Antonio-Utah........ 105-100
Chicago-Philadclphia......96-109
Seattle-Cleveland ....... 107-96
LA Clippcrs-Atlanta .......79-90
Boston-Denver........... 119-124
Philadelphia-Portland......94-86
Washington-LA Lakers . 120-112 framl.
Dallas-Sacramento........ 125-98
Phoenix-Atlanta......... 117-105
Colden State-Cleveland .... 113-112
f kvöld veröur svo stórleikur í
deildinni þegar Boston Celtics og
Los Angeles Lakers mætast í
Boston Garden. Úrslit úr þeim
lcik berast því miður ekki fyrr en
undir morgun á laugardag, frem-
ur en önnur úrslit og verða því að
bíða þriðjudags. - HÁ/Reuter