Tíminn - 11.12.1987, Blaðsíða 15

Tíminn 15
- Föstudagur 11. desember 1987
ílllllll MINNING llllllllllllllllllllllllllllll 111 lllllllllllllllllllllllllil! llllllllllllllilílllllÍlllllllllilííílíllÍlillllÉilíir -
Ingunn Ásgeirsdóttir
Fædd 15. apríl 1914.
Dáin 3. desember 1987.
Allt á andstæður sínar í heimi
hverfulleikans, ljós og myrkur, gleði
og sorg. Vorið með ólgandi lífskraft
í brumi og blómi vekur fögnuð og
eftirvæntingu. Haustið með fallandi
laufum, kvíða og trega. Mennirnir
eru afkvæmi ljóss og moldar eins og
blómin og lúta lögmáli lífs og dauða
eins og þau.
Kær vinkona er horfin af jarð-
neska sviðinu eftir langa og erfiða
sjúkdómsbaráttu.
Hún hét Ingunn Ásgeirsdóttir
vestfirsk að ætt, af góðu bergi brotin.
Ég kynntist henni þegar hún var í
blóma lífsins falleg og glæsileg.
Það var oftast margt um manninn
á heimili foreldra hennar Ásgeirs
Ingimars Ásgeirssonar og Þorbjarg-
ar Hannibalsdóttur. Þangað leituðu
Vestfirðingar sem áttu fárra kosta
völ í höfuðborginni. Ekki var alltaf
hátt til lofts né vítt til veggja í
húsakynnum þeirra hjóna en því
meira var hjartarúmið. Enginn fór
bónleiður af bæ. Öllum var fundinn
staður hverskyns vandamál leyst og
fyrirgreiðsla í té látin.
Ég var ein af þessum heppnu
ferðalöngum að vestan. Undi ég hag
mínum vel í glaðværa systkinahópn-
um og eignaðist mína góðu vinkonu
Ingu.
Ásgeir rak um þessar mundir litla
matvöruverslun og Inga veitti for-
stöðu hattabúð á Laugavegi 20. Hún
var lærð hattadama, dugleg og
smekkleg svo af bar.
Árin liðu og margt breyttist í lífi
ungu stúlkunnar. Hún kynntist sín-
um lífsförunaut Jóni Egilssyni út-
varpsvirkja. Gengu þau í hjónaband
og stofnuðu heimili á Kirkjuteigi 13.
Eignuðust þau tvo syni og eina
dóttur. Þau eru: Sveinn Þórir
sjónvarpsvirki kvæntur Sigríði Stef-
ánsdóttur, Þorgeir prentari kvæntur
Dröfn Björgvinsdóttur og Sigríður
Guðrún læknaritari gift Svavari Har-
aldssyni lækni. Barnabarnabörnin
eru ellefu.
Inga og Jón voru samhent í því að
gera heimili sitt fallegt og aðlaðandi.
Bæði höfðu haga hönd og næmt
fegurðarskyn.
Inga var afkastamikil og drífandi,
hangs var henni ekki að skapi. Sat
hún oft fram á nætur við að sauma á
lampaskerma, mála á postulín eða
fást við annað handverk. Gleymdist
þá stundum hið holla heilræði „Kapp
er best með forsjá“.
Þau hjón voru mjög gestrisin og
glöð í félagsskap góðra vina. Voru
þau jafnan fljót til að rétta hjálpar-
hönd og gera öðrum greiða hvar sem
því varð við komið.
Oft var gestkvæmt í sumarbú-
staðnum þeirra austur á Iðu. Þar
undi húsbóndinn sér við veiðar, en
húsmóðirin sá um rausnarlegar veit-
ingar, meðan kraftar leyfðu.
Inga sinnti búi og börnum þangað
til þau stofnuðu sín eigin heimili.
Éftir það vann hún um tíma við
ýmis störf, þar á meðal hjá Heimilis-
hjálpinni.
Fjölskyldan var henni afar kær og
barnabörnin stolt hennar og gleði.
Naut hún ástar og virðingar barna
sinna og tengdabarna sem öll mátu
hana mikils og reyndust henni vel.
Það syrti í álinn þegar heilsan
bilaði. Jón átti einnig við vanheilsu
að stríða og gengur ekki heill til
skógar. Heimilishaldið fór úr bönd-
um og margskonar erfiðleikar steðj-
uðu að. Það er á fárra færi að greiða
úr flækjum lífsins og sjaldan sárs-
aukalaust.
Inga var æðrulaus í veikindum
sínum og lét engan bilbug á sér
finna. Hún hafði létta lund, var
spaugsöm og kát þegar af henni
bráði. Hún lét sér annt um útlit sitt
og klæðaburð. Það hjálpaði henni,
lyfti henni upp og gladdi hana. Það
hafði alltaf rofað til og komið stund
milli stríða. Hún missti því ekki
vonina.
Systkinin voru fimm og eru tvö
þeirra á lífi, Aðalbjörg og Baldvin.
Sýndu þau systur sinni mikla um-
hyggju og elskusemi í veikindum
hennar.
Um vinkonu mína og samveru
okkar á ég margar kærar minningar,
sem geymdar eru í handraða hugans
og verða skoðaðar á kyrrlátum
stundum.
Nú eru þau þáttaskil orðin í lífi
hennar, sem allra bíða. Megi birta
og fegurð jólanna umvefja hana í
nýjum heimkynnum.
Eftirlifandi eiginmanni hennar,
börnum og öðrum ástvinum votta ég
innilega samúð.
Gerður.
Framsóknarfólk um land allt athugið
Hin geysi fallegu jólakort Landssambands framsóknarkvenna eru
komin út.
Sendum hvert á land sem er, hafið samband við Margréti á
flokksskrifstofunni sími 91-24480, fyrir hádegi.
L.F.K.
B/EKUR
Styrkir úr vísindasjóði
Vísindaráð auglýsir eftir umsóknum um styrki
Vísindasjóðs árið 1988.
Umsóknareyðublöð fást hjá sendiráðum íslands
erlendis. Umsækjendur geta leitað upplýsinga hjá
Sveini Ingvarssyni líffræðingi (í s. 99-6551 eða
91-685140) vegna umsókna til Náttúruvísinda-
deildar og Líf- læknisfræðideildar, og hjá Þorleifi
Jónssyni bókaverði (í s. 91-671938 (heima),91-
16864 og 91-694328) vegna umsókna til Hug- og
félagsvísindadeildar.
Formenn deildarstjórna eru Þórir Kr. Þórðarson
prófessor (Hug- og félagsvísindadeild), Sigfús A.
Schopka fiskifræðingur (Náttúruvísindadeild) og
Gunnar Guðmundsson prófessor (Líf- og læknis-
fræðideild).
Umsóknarfrestur er til 1. febrúar, og skal skila
umsóknum merktum viðkomandi deild til Vísinda-
sjóðs, Menntamálaráðuneytinu, Hverfisgötu 4-6,
101 Reykjavík, fyrir þann tíma.
Vísindaráð
Nýbók
eftir
Stephen King
Frjálst fraxntak hf. hefur sent frá
sér bókina Eymd eftir bandaríska
rithöfundinn Stephen King. Er
þetta önnur bókin sem Frjálst
framtak hf. gefur út eftir þennan
höfund. í fyrra kom út bókin
Visnaðu!
Sagan Eymd fjallar um
rithöfund sem hefur öðlast miklar
vinsældir fyrir bókaflokk. Hann
ákveður að snúa sér að öðru
viðfangsefni en lendir í bflslysi og
verður fyrir alvarlegum meiðslum.
Hjúkrunarkona með vafasama
fortíð tekur hann upp á arma sína
og hefjast þá raunir
rithöfundarins fyrir alvöru.
Hjúkrunarkonan skipar honum að
vekja aftur þær söguhetjur sem
hann hafði kastað fyrir róða og
staða höfundarins er þannig að
hann á einskis úrkosta.
Áveiðislóðum
— ný bók um veiðiskap
og veiðimenn eftir
Guðmund Guðjónsson
Á veiðislóðum nefnist bók eftir
Guðmund Guðjónsson
blaðamann sem Frjálst framtak
hf. hefur gefið út. Undirtitill
bókarinnar er: Viðtöl og
veiðisögur. Eins og nafn
bókarinnar gefur til kynna er í
henni fjallað um veiðiskap og þá
einkum laxveiðar og
silungsveiðar.
í bókinni eru fjölmargar
veiðisögur úr ýmsum áttum. Þar
segir frá hrakförum í veiðiskap,
baráttu við stórlaxa, snautlegri
veiðiferð á sumardaginnfyrsta, og
rómantískri veiðiferð í Langá.
Kafh í bókinni fjallar um
„ Klakmenn íslands “ - hóp manna
sem fer í Laxá í Aðaldal haust
hvert og veiðir þar laxa sem settir
eru í klak. Slóst höfundur í för með
„klakmönnunum" s.l. haust og
segir frá þeirri för í lifandi og
skemmtilegri frásögn.
Handbók urn Ijósmyndatækní,
búnaö, aóferóir og val
myndefnis Yfir 1250 myndir
John Hedgecoe
Ljósmynda-
bókin
Bókaútgáfan Setberg hefur
sent frá sér Ljósmyndabókina
sem verið hefur ófáanleg um 2 ára
skeið.
Hún er handbók um
ljósmyndatækni, búnað, aðferðir
og val myndefnis.
Hér er að finna vitneskju um
flest það er ljósmyndari -
áhugamaður jafnt sem
atvinnumaður — þarf að vita um
myndavélar, tæknibúnað og
filmur, um myndatökur við hvers
kyns aðstæður, um framköllun,
frágang og varðveislu myndanna,
í svarthvítu eða lit. Með hjálp
liðlega 1250 ljósmynda,
skýringarteikninga, línurita og
taflna eru mörg fræðihugtök skýrð
á auðskilinn hátt, jafnvel hin
flóknustu tækniatriði eru þannig
sýnd og skýrð að byrjendur átta
sig á þeim. Samt er hér ýmislegt
að finna sem kemur reyndustu
atvinnuljósmyndurum að gagni.
Hún er 350 blaðsíður.
t Konan mín, móðir okkar, tengdamóðir og Ingunn J. Ásgeirsdóttir Kirkjuteigi 13 amma
er andaðist 3. desember, verður jarðsungin frá Laugarneskirkju föstudaginn 11. desember kl. 13.30. Jón Egilsson
Sveinn Jónsson Sigríður Stefándóttir
Þorgeir Jónsson Dröfn Björgvinsdóttir
Sigríður Jónsdóttir og barnabörn Svavar Haraldsson
t
Fóstra mín
Steinunn Emilsdóttir
frá Berghyl, Langeyrarvegi 14
lést á St. Jósefsspítala Hafnarfiröi 8. desember.
F.h. vandamanna
Bára Kjartansdóttir.
t
Við þökkum hjartanlega auðsýnda samúð og aðstoð vegna fráfalls
og jarðarfarar
Jóhanns Halldórs Pálssonar
og
Hróðnýjar Sigurðardóttur
Dalbæ, Hrunamannahreppi
Sigurður Ingi Jóhannsson Anna Ásmundsdóttir
Nanna Rún Sigurðardóttir
Arnfríður Jóhannsdóttir
Páll Jóhannsson
Margrét Jóhannsdóttir
foreldrar, systkini og fjölskyldur þeirra._____________