Tíminn - 12.01.1988, Blaðsíða 3

Þriðjudagur 12. janúar 1988
Tíminn 3
Guðni Ágústsson Framsóknarflokki samþykkir ekki frumvarpið:
Breytt verkaskiptina
f ær mótbyr á Al þingi
Guðni Ágústsson, alþingismaður.
\
Einn stjórnarþingmanna Guðni
Ágústsson (F.Su.) gagnrýndi harð-
lega frumvarp ríkisstjórnarinnar
um breytta verkaskiptingu ríkis og
sveitarfélaga þegar það kom til
annarrar umræðu á Alþingi í gær.
Taldi hann frumvarpið illa unnið
og bæri að vísa því aftur til ríkis-
stjórnarinnar.
Sagði Guðni að frumvarpið
stefndi til frekari miðstýringar í
stað þess frelsis sem ríkisstjórnin
boðaði með samþykkt þess. Minnti
Guðni á í þessu sambandi að
félagsmálaráðherra hefði einhliða
tekið ákvörðun um útsvarsprós-
entu og því væri engin ástæða til að
efla völd félagsmálaráðherra
frekar. Ljóst væri orðið að stóru
sveitarfélögin réðu orðið öllu um
afstöðu Sambands íslenskra sveit-
arfélaga, en smærri sveitarfélögin
stæðu varnarlaus á meðan allt kapp
væri lagt á að þvinga þau til
sameiningar.
Þingmaðurinn sagði að skuld-
askil ríkissjóðs við sveitarfélögin á
lögbundnum framlögum væru til
skammar og mörkuðum tekju-
stofnum væri ítrekað rænt í ríkis-
sjóð. Til dæmis mætti nefna að
skerðingin á félagsheimilasjóð,
sem fengi sínar tekjur af skemmt-
anaskatti, hefði verið 56% árið
1987.
Guðni sagði að Albert Guð-
mundsson hefði þó gengið lengst í
skerðingunni meðan hann var
fjármálaráðherra en þá hefði 76%
af tekjum félagsheimilasjóðs runn-
ið í ríkiskassann. Félagsheimila-
sjóð yrði að trcysta en ekki varpa
honum fyrir róða.
Þá lýsti Guðni áhyggjum sfnum
með þá útreið sem Iþróttasjóður
fcngi og taldi að með þessu væru
íþróttalögin frá 1940 ónýt.
Þingmaðurinn gagnrýndi mörg
fleiri atriði frumvarpsins og sagði
að þar væri engin heildarstefnu-
mörkun í verkefnaskiptingu ríkis
og sveitarfélaga boðuð, reglugerðir
eða drög að þeim vantaði frá
ráðherra um dreifingu kostnaðar
til sveitarfélaga o.s.frv.
Formanni félagsmálanefndar
neðri deildar Alexander Stefáns-
syni gafst ekki tími til að svara
þeirri gagnrýni sem fram hafði
komið því fundi var frcstað vegna
þingflokksfunda. Hann furðaði sig
á að hvorugur þeirra ráðherra, sem
að rnálinu stæðu, þau Þorsteinn
Pálsson forsætisráðhcrra og Jó-
hanna Sigurðardóttir félagsmála-
ráðherra væru viðstaddir um-
ræðuna. Enn athyglisverðara væri
í Ijósi fyrri umræðna að cngin
stjórnarandstæðinga hefði krafist
að þessi ráðherrar væru viðstaddir.
Hann minnti á að hann hcfði
gagnrýnt lélega kynningu á frum-
varpinu meðal hagsmunaaðila við
fyrstu umræðu málsins sncmma í
desember. Breytingar til bóta
hefðu þó náðst, því verja ætti 450
m.kr. á næstu 4 árum til að gera
upp skuldir ríkissjóðs vegna fram-
kvæmda í sveitarfélögum. Hins
vegar væri þetta áratugagamalt
mál, sem hefði verið í mikilli og
stöðugri umræðu. Hver einasta
sveitarstjórn kynnt sér tillögur
verkaskiptinganefndanna tveggja á
sl. ári, en frumvarpið væri beint úr
þeirn tillögum.
Stjórnarandstæðingar gagn-
rýndu margir frumvarpið. Ólí Þ.
Guðbjartsson sagði að kynna hefði
átt öllum sveitarfélögum frumvarp-
ið. Þá gengi þetta frumvarp gegn
hagsmunum sveitarfélaga og væri í
raun í mótsögn við yfirlýst mark-
mið þess. að gera stjórn mála
skilvirkari og einfaldari.
Frumvarpiö verður aftur tekið
fyrir hjá félagsmálancfnd milli ann-
arrar og þriöju umræðu, en síðan
á það cftir að fara fyrir efri dcild.
þannig að fullvíst er að það verður
ekki afgreitt fyrir þinghléið, scm
hefst líklegast um næstu helgi.
Allt kapp er lagt á að afgreiða
lánsfjárlög fyrir árið 1988, en vonir
stóðu til að það yrði afgreitt úr
ncfnd fyrir hádegi í dag. ÞÆÓ
Landlæknir segir þau 3 mál sem verið er að kanna vegna reikningsskila
lækna ekki til komin vegna breytts eftirlits:
Ekki aeilt um reikn-
ingsnald lækna
„Það er litlu við grein mína í
fréttabréfi lækna um þagnarskyldu
heilbrigðisstéttarinnar að bæta, en
það virðist vera áhugi fyrir því að
fara ekki að lögum í þessu máli.
Tveir hagsmunaaðilar gerðu með
sér samning um að fulltrúar þeirra
eigi óheftan aðgang að sjúklingabók-
haldi. Það stangast á við lög,“ sagði
Ólafur Ólafsson, landlæknir, í gær.
Hann hefur verið erlendis að undan-
förnu, en ritaði grein í Læknablaðið,
fréttabréf lækna, sem hefur valdið
talsverðu fjaðrafoki. Ólafur Ólafs-
son óttast að í framhaldi af samningi
Tryggingastofnunar ríkisins og
Læknafélags íslands verði trúnaðar-
brestur milli lækna og þeirra sem
leita til þeirra.
Ef fallast eigi á samninginn verður
Alþingi að breyta sínum lögum um
þagnarskyldu lækna, sagði Ólafur.
„Um þetta snýst deilan. Hún snýst
ekki um að fara ofan í reikningshald
lækna. Það hefur alltaf verið gert.“
Þrjú mál varðandi reikningsskil
lækna eru til rannsóknar nú og
nefndi landlæknir að það væri af-
rakstur hins venjubundna eftirlits,
sem alltaf hefur verið og reynst
ágætlega. Breyting á því eftirliti
vegur ekki upp á móti þeim hliðar-
verkunum sem hinn nýgerði samn-
ingur veldur, sem þegur hefur tekið
gildi. Hvort læknar yrðu að hlíta
þeim samningi svaraði Ólafur, að
læknar yrðu líkt og aðrir að fara að
landslögum. „Deilan snýst um hvort
tveir hagsmunaaðilar geti gert með
sér samning sem veitir þeim óheftan
aðgang að sjúklingabókhaldi cða
ekki.“
Frumvarp til læknalaga cr á
dagskrá Alþingis. Þar eru cngar
breytingar á lögum um þagnarskyldu
nefndar. „Síður en svo. Við teljum
að á tölvuöld sé síst ástæða til að
rýmka eitthvað lögin um þagnar-
skyldu. Það er frekar ástæða til að
herða þau. En í frumvarpinu eru
þau óbreytt.
Menn hafa verið að tala um það
að viðkomandi tryggingalæknir, sem
fengi að skoða sjúklingabókhaldið,
sé einnig undir þagnarskyldu og að
það veiti honum heimild til að fara
yfir gögn annarra. Það cr náttúrlega
alveg út í hött. Ef þetta ákvæði gildir
þýðir það í raun og veru að læknir
verður að segja sjúklingi að allt sem
hann segi og fer í sjúkraskrá geti
farið fyrir eftirlitsnefnd. “
Landlæknir sagði að hugsanlega
gæti einhver óskað eftir
úrskurði dómara vegna þessa máls,
en hann sæi ekki að landlæknisemb-
ættið sem slíkt hefði ástæðu til þess.
„Það yrði að vcra einhver annar.
Alþingi verður að eiga síðasta orðið
í þessu." þj
Ólafur Ólafsson, landlæknir.
Minningarskjöldur
um Hreðavatnshjón
Minningarskjöldur um hjónin að i- , 7——„ • ..
Hreðavatni í Norðurárdal, Sigur-
laugu Daníelsdóttur og Kristján
Gestsson, var fyrir nokkru afhjúpað-
ur við heimreiðina að Samvinnu-
skólanum á Bifröst. Skjöldurinn er
þakklætisvottur fyrir land Sam-
vinnuskólans er erfingjar þeirra
hjóna gáfu Samvinnuskólanum fyrir
nokkrum árum.
Skjöldurinn er mótaður eftir birki-
laufi sem tekið var á skólalóðinni sl.
sumar og var honum komið fyrir á
hraunkletti einum sem skagar fram í
heimreiðinni eins og meðfylgjandi
mynd sýnir. Um leið vitna lögun og
staður skjaldarins um ást þeirra
hjóna á landinu sem skólanum var
gefið í minningu þeirra og um fegurð
þess.
Nýjar reglur um Staðlaráð íslands:
Byggingarstaðlaráði
hleypt af stokkunum
í lok mánaðarins, nánar tiltekið
29. janúar kl. 10.00 í húsakynnum
Iðntæknistofnunar íslands, verður
stofnað svokallað Byggingarstaðla-
ráð sem ætlað er að vera vettvangur
stöðlunar í byggingariðnaði. Ráðið
mun starfa samkvæmt nýsettum
reglum um Staðlaráð fslands.
Til þessa hefur stjórn Iðntækni-
stofnunar fslands samþykkt staðla
og numið þá úr gildi.
Auk þessarar tilfærslu, eða
skipulagsbreytingar, hefur ríkis-
stjórnin ákveðið að fsland gerist
aðili að CEN og CENELEC, sent
er samstarfsvettvangur V-Evrópu-
ríkja um stöðlun. Þetta hefur í för
með sér fjölgun á útgáfu staðla, en
jafnframt fá íslendingar tækifæri
til að fylgjast með og hafa áhrif á
gerð staðla.
Þeir sem hafa áhuga á að gerast
aðilar að Byggingarstaðlaráðinu,
og ekki hefur áður verið haft
samband við, er bent á að snúa sér
til Jóhannesar Þorsteinssonar,
deildarstjóra Staðladeildar Iðn-
tæknistofnunar í síma 687000, fyrir
15. janúar n.k. óþh