Tíminn - 05.07.1988, Blaðsíða 3
. ,Þ(:iðjudagu(. {j.ijúlí-,1988
''Timínri* 3
Svartir júnídagar í peningaheimi Reykjavíkur:
60 milljónir króna
tapast við skiptalok
í Reykjavík urðu menn að horfa á eftir 60 milljónum króna án
þess að fá eyri af þvi út úr gjaldþrota búum og gerðist það á fjórum
dögum í júnímánuði. Skiptalok urðu í borginni á þessum þrotabúum
23 einstaklinga, eins einkafirma og 12 hlutafélaga. Urðu menn af 40
milljónum vegna gjaldþrota einstaklinganna og einkafirmans og um
20 milljónum króna vegna gjaldþrota hlutafélaganna. í tölum
þessum eru ekki taldir með þeir vextir né kostnaður sem fallið hefur
á kröfurnar síðan þeim var lýst í búið við upphaf gjaldþrotaskipta
fyrir mörgum mánuðum og jafnvel árum. Þetta eru því 60 milljónir
í nokkuð gömlum krónum.
Að sögn Steinunnar Guðbjarts-
dóttur, fulltrúa borgarfógeta, munu
ekki hafa verið eignir í búum þessum
til að koma til móts við lýstar kröfur.
í flestum tilfellum voru ekki til
neinar eignir þegar uppskrift eigna
fór fram við upphaf gjaldþrota-
skipta.
Þessi skiptaiok fóru fram hjá borg-
arfógeta dagana 6., 8., 13. og 16.
júní s.l. Stærsti hluti þessara skipta-
loka var framkvæmdur dagana 6. og
13. júní og má segja að það hafi
verið svartir dagar í peningaheimi
Reykjavíkur. Að sögn Steinunnar
var ekki talið að undanskot eigna
hafi átt sér stað áður en búin voru
tekin til skiptanna. Hins vegar mun
í mörgum tilfellunum hafa verið
búið að taka fjárnám í öllum eignum
fyrirtækjanna og einstaklinganna
áður en til gjaldþrotaskipta kom. í
öðrum tilfellum höfðu allar eignir
verið seldar eða gefnar fyrir gjald-
þrotaskipti eða þá að fyrirtæki höfðu
fyrir margt löngu verið búin að
leggja niður alla starfsemi.
Það sem kemur hvað einkennileg-
ast fyrir sjónir lesenda er að einstakl-
ingar hafi átt mun hærri kröfur á sig
en hlutafélög, sem þau ekki gátu
staðið undir. Einkafirmað sker sig
að verulegu leyti úr þessum hópi þar
sem það var eignalaust og með yfir
tólf milljóna króna ógreiddar kröfur
sem ekki fást greiddar.
Einstaklingarnir eru ekki nema 23
og námu lýstar kröfur í bú þeirra um
fjörutíu milljónum króna eins og að
framan segir. Er þá einkafirmað
talið með þar sem kröfum er lýst á
hendur einstaklingi. Sagði Steinunn
að hér væri ekki um sérstaklega háar
tölur að ræða þar sem þetta væri
nokkuð jafnt og þétt allt árið. Sagði
hún að e.t.v. ynni hún á eitthvað
annan hátt en aðrir sem stýrðu
gjaldþrotaskiptum. Hennar sjón-
armið væru hins vegar þau að ljúka
málum þar sem ljóst væri að engar
eignir væru í búi og þar með að ekki
væri nein von um að ná út fé til móts
við lýstar kröfur. Sagðist hún í raun
vera að hreinsa til á borði borgarfó-
getaembættisins eftir því sem kostur
væri.
Hlutafélögin sem ekki áttu neinar
eignir yoru Tréberg hf., Kjötbær
hf., ísey hf., Júlía hf., Formplast
hf., Svartfugl hf., Ræktin hf., Mynd-
ver hf., Altak hf., Nýsport hf.,
Hámúli hf. og See og Co hf. Alls
voru lýstar kröfur, sem ekki náðist í
eignir fyrir, um tuttugu milljónir
króna í þessi þrotabú hlutafélag-
anna. KB
Sól, sól
skín á mig
Sunnanlands sjáum við loks til
sólar. Júní var kaldur, dimmur og
blautur, og voru menn farnir að
velta fyrir sér hvort tímatalið væri
vitlaust útreiknað, það væri hrein-
lega ekki sumar, heldur vetur.
En tímatalið lætur ekki að sér hæða
og með nýjum mánuði fór sólin að
skína. Borgarbúar sýndu það í verki
um helgina að þeir eru sóldýrkendur
miklir og mátti sjá fáklædda kroppa
í sólböðum upp við hús og inni í
görðum.
í gær var sama veðurblíðan og var
gefið frí á nokkrum vinnustöðum
vegna veðurs. Það hafa því flestir
getað notið sólarinnar, jafnt verka-
menn sem húsmæður.
Hjá Veðurstofunni fengust þær
upplýsingar að hér sunnanlands
mætti búast við svipuðu veðri fram
eftir vikunni. „Við erum ekki með
neinar hrakspár", sagði veðurfræð-
ingurinn sem blaðamaður talaði við,
„Þetta er hæglátt veður, og við
spáum ekki miklum breytingum. En
það er hætta á skýjabökkum vestan-
lands og ef vindur verður vestlægur
gætu þeir borist hingað", sagði hann
að lokum.
Mikill fjöldi var í sundlaugum
borgarinnar og að sögn forráða-
manna sundstaðanna var aðsókn
ekki síðri í gær en um helgina. Fólk
virðist nýta sér sólbaðsaðstöðu laug-
anna, því eins og sjá má á myndun-
um voru fæstir komnir til að synda.
SH
Guð, hann er að taka mynd!
(Tímamynd: Pjetur)
Og ég skal segja þér það, að hann lét ekki þar við sitja, heldur...
(Tfmamynd: Pjetur)
Sumar sýndu meira að segja á sér betri hliðamar.
(Tfmamynd: Gunnar)
vx
ApP°
Vinningstölurnar 2. júlí 1988
Heildarvinningsupphæð: Kr. 8.220.558,-
1. vinningur var kr. 5.136.074,-
Aðeins einn þátttakandi var með fimm réttar tölur.
2. vinningur var kr. 925.848,-
og skiptist hann á 308 vinningshafa, kr. 3.006,- á mann.
3. vinningur var kr. 2.158.636,-
og skiptist á 9.902 vinningshafa, sem fá 218 krónur hver.
* Sölustaðirnir eru opnir frá
mánudegi til laugardags
og loka ekki fyrr en 15 mínútum
fyrir útdrátt.
Milljónir á hverjum laugardegi! Upplýsingasími: 685111