Tíminn - 26.11.1988, Síða 4

4 Tíminn
Laugardagur 26. nóvember 1988
Kennarafélag íslands segir upp samningum frá 15. febrúar 1989:
Kennarar krefjast
verðtryggðra launa
Kjarasamningum kennara í --
KÍ hefur verið sagt upp frá 15.
febrúar á næsta ári. Jafnframt
hafa þeir sett fram sína hefð-
bundnu kröfugerð sem felst í því
að kennsluskyldan minnki og
launin verði hækkuð verulega,
auk þess sem þeir fara fram á aö
laun verði verðtryggð. Indriði
H. Þorláksson, hagsýslustjóri og
verðandi samningamaður fyrir
hönd ríkisins, segir að þeir í
fjármálaráðuneytinu muni ekki
taka afstöðu til erindis kennara
fyrr en að því kemur að fjalla um
samningana á næsta ári.
Fjármálaráðherra var tilkynnt
um þessa ákvörðun kennara sem
tekin var á stjórnarfundi KÍ 28.
október sl. Jafnframt var tekið
fram að kröfugerðin væri sett
fram með fyrirvara um viðbótar-
kröfur, breytingar og nánari út-
færslu á meginkröfum. Eru þetta
svipðar kröfur og oft áður þrátt
fyrir að nú hefur því verið spáð
að litlar sem engar launahækk-
anir geti orðið við samningagerð
á fyrri hluta næsta árs. Hafa orð
verið látin falla í þessa átt af
forsvarsmönnum atvinnurek-
enda, en þó einkum meðal
þeirra sem starfa við vinnslu
sjávarafurða.
Þær spurningar vakna hvort
nauðsynlegt sé að segja upp
Kennarar hafa sett fram kröfur sínar.
kjarasamningum þegar samn-
ingarétturinn er ekki í gildi
vegna bráðabirgðalaga ríkis-
stjórnarinnar. Svar við þessari
spurningu liggur ekki á lausu
þar sem samningamenn af hálfu
ríkisins ætla ekki að fjalla um
erindi sem þetta fyrr en líða fer
að því að samningsréttur kemst
aftur í gildi. Erindi kennara
verður því ekki tekið fyrir á
næstunni.
Indriði H. Þorláksson sagði í
viðtali við Tímann að sér sýndist
þessi kröfugerð vera svipuð og
undanfarin ár, en hann vildi
ekki tjá sig frekar um hana að
sinni. KB
INDRIÐABOKI
TILEFNIAF 80
ÁRA AFMÆLI
Komin er Indriðabók, gefin út í
tilefni af áttræðisafmæli Indriða
Indriðasonar, rithöfundar, en hann
varð áttræður 17. apríl s.l.
í Indriðabók er margvíslegt efni
frá hendi Indriða Indriðasonar og
má þar nefna drög að ævisögu
Indriða á Fjalli, föður höfundar,
hugleiðingu um gildi ættfræði rann-
sókna og aldarminningu um Jón
Árnason. Fjöldi annarra greina og
ljóða eru í Indriðabók, sem er hið
fallegasta verk, 231 bls. að stærð
og gefin út af Sögusteini. Útgáfu-
nefnd skipuðu Grímur M. Helga-
son, Indriði G. Þorsteinsson, Ólaf-
ur Haukur Árnason, Snær Jóhann-
esson og Þorsteinn Jónsson.
Tolli
sýnir í
Óperunni
Þorlákur Kristinsson -Tolli, sýnir
myndir sínar í íslensku Óperunni frá
27. nóvembertil 18. desember næst-
komandi.
Tolli stundaði nám við Myndlista-
og handíðaskóla íslands á árunum
1977-1983 og við Myndlistarskólann
í Berlín 1983-1984. Hann hefur vak-
ið mikla athygli fyrir málverk sín
jafnt hér heima sem erlendis. Tolli
hefur víða haldið bæði einka- og
samsýningar til dæmis í Þýskalandi,
Frakklandi, Danmörku og Kóreu.
- áma
Ingi Björn Albertsson á ársfundi þingmannasamtaka NATO:
Breyta þarf ímvnd NATO
í ræðu sem Ingi Björn Albertsson fulltrúi Borgaraflokksins
flutti þann 18. þessa mánaðar á ársfundi þingmannasamtaka
NATO lagði hann mikla áherslu á að ímynd Atlantshafs-
bandalagsins þyrfti að breytast. Hann lýsti áhyggjum sínum
yfir því hversu vel Gorbachev Sovétleiðtoga hefði tekist að
reka áróður sinn á Vesturlöndum og nú væri tími til kominn
að NATO gerði slíkt hið sama.
Hann sagði að í hugum fólks væri
bandalagið fyrst og fremst fráhrind-
' andi og kuldalegt hernaðarbanda-
lag. Því þyrfti að breyta. NATO yrði
að vakna af dvala sínum og sýna á
sér aðrar og betri hliðar. Það þyrfti
að sinna betur málum á borð við
umhverfisvernd, auk þéss sent það
ætti að hafa frumkvæði og forystu
um umræður um frið, samstöðu og
öryggi þjóða heims, sem og að
hvetja fólk til jákvæðrar og upp-
byggjandi hugsunar.
Ingi Björn vitnaði í ræður þeirra
Kohl kanslara og Manfred Wörner,
framkvæmdastjóra NATO. Báðir
sögðu þeir í ræðum sínum að það
væri skoðun þeirra að banna ætti
efnavopn um heim allan. Ingi Björn
sagðist ekki efast um að allir þeir
sem sætu þingið væru þeim sammála
en hinsvegar þætti sér það ekki
koma heim og saman, að leggja til
bann við svo skelfilegum vopnum
sem efnavopnin eru, en á sama tíma
að beita sér fyrir tilvist kjarnorku-
vopna. Lokatakmarkið hlyti að vera
bann við báðum tegundum þessara
vopna. Slíkt bann væri ef til vill ekki
tímabært nú um stundir, en Nato
ætti þrátt fyrir það að lýsa þeim
skoðunum sínum. Á þann hátt væri
hægt að svara Gorbachev og snúa
þar með vörn í sókn.
Ingi Björn sagði einnig að hann
vildi leggja mikla áherslu á að ísland
héldi áfram að vera kjarnorku-
vopnalaust svæði. Varðandi aukin
peningaútgjöld aðildarríkja NATO
til bandalagsins, sem rædd voru á
fundinum skírskotaði hann til þeirr-
ar aðstöðu sem bandalagið hefur á
Keflavíkurflugvelli og sagðist álíta
hana mikilvægari en svo að gildi
hennar yrði metið í peningum og
mæti það svo að ísland legði með
henni fyllilega sinn skerf að mörkum
til NATO.
Um breytt viðhorf í Sovétríkjun-
um sagði Ingi Björn m.a. að Gorba-
chev hefði vissulega tekist að breyta
starfsumhverfi Atlantshafsbanda-
lagsins, því honum hefði m.a. tekist
að breyta skoðunum almennings á
sér og stefnumiðum sínum. Ingi
Björn brýndi það fyrir mönnum að
almenningsálit yrði að vera í háveg-
um haft og þeir yrðu að vakna til
vitundar um það. Orðrétt sagði
hann: „Við erum í viðskiptum og
viðskiptavinir okkar er almenningur
víða um heim. Söluvaran er sameig-
inlegt markmið okkar allra, friður
og velsæld. Við skulum gera gang-
skör að því að auka söluna á þeirri
vöru. Sá sem við keppum við er
þegar fárinn af stað og það veldur
mér áhyggjum hversu vel honunt
gengur sölustarfið. Við verðum að
bregðast við því“. - áma
ÞINGPALLI
STUTTAR
ÞING-
FRÉTTIR
Unnur Stefánsdóttir, sem nú
situr á þingi í fjarveru Jóns Helga-
sonar, mælti i vikunni fyrir þings-
ályktunartillögu sinni um eflingu
atvinnu fyrir konur í dreifbýii.
Hlaut tillagan mjög góðar undir-
tektir og lýstu fulltrúar Kvenna-
lista, Sjálfstæöisflokks og Borg-
araflokks eindrcgnum stuðningi
sínunt við hana. Einu mótmælin
við tillögunni komu frá Eiði
Guðnasyni, en hann taldi að
þama væri á ferðinni stolin hug-
mynd úr stjórnarsáttmáia ríkis-
stjórnarinnar.
•
Á fundi í sameinuðu Alþingi á
flmmtudaginn var Geir Gunnars-
son kosinn í stjórnarnefnd ríkis-
spitalanna í stað Svavars Gests-
sonar menntamálaráðherra.
Á sama fundi tók lngi Bjöm
Albertsson til máls um fundar-
sköp. Tilefhið var fyrirspurn hans
varðandi innflutning á hunduni
sem greint var frá í Tímanum
fyrir stuttu. Hann kvartaði yflr
því við foseta sameinaðs þings að
fyrirspurninni hefði ekki verið
svarað eins og beðið var um. Það
er aö segja að í svari landbúnaö-
arráðhcrra hefðu ekki komið
fram nöfn þeirra sem fengu að
flytja inn hunda á síðastliðnum
tíu árum og rökstuðningur fyrir
því hvers vegna þeir fengu það.
Guðrún Helgadóttir forseti
sameinaðs Alþingis féllst á
kvörtunina og niðurstaðan varð
sú að Steingrími Sigfússyni var
gert að svara fyrirspurninni að
nýju og að birta nöfn hundacig-
endanna ef honum reyndist það
rétt og skylt.
Guðni Ágústsson mælti nýlega
fyrir þingsályktunartillögu sinni
um starfslok og starfsréttindi.
Þar er lagt til að Alþingi skori á
ríkisstjómina að skipa nefnd er
fái það hlutverk að móta reglur
um sveigjanlegri starfslok, t.d. á
aldursbilinu 64-74 ára.
Guðni benti á í ræðu sinni að
samkvæmt vísindalegum rann-
sóknum fer heilsu fólks í mörgum
tilfelluin ört hrakandi eftir að það
hefur látið af störfum og hefur
lítið við að vera. Jafnhliða því að
sjálfstraust þess minnkar, eykst
notkun lyfja. Hann taldi ekki
ólíklegt að með því að heimila
þeim sem hafa getu og löngun til
að vinna lengur en núverandi
reglur um starfslok og starfsrétt-
indi gera ráð fyrir, mætti spara
veruleg útgjöld í heilbrigðiskerf-
inu, samfara því að viðkomandi
einstaklingar væra sátfari við sinn
hlut.
•
Þá hefur Guðni beint þeirri
fyrirspurn til landbúnaðarráð-
herra hversu mikið íslendingar
seldu af landbúnaðarafurðum til
varnarliðsins í Keflavík á síðast-
liðnum þremur árum, þ.e. ’85,
’87 og ’88. Og jafnframt, hversu
mikið af kjötvöram og öðrum
landbúnaðarafurðum fékk vam-
arliðið að flytja inn á umræddum
árarn. ^
Guðmundur Ágústsson spurði
fjármálaráðherra í sameinuðu
nngi á flmmtudaginn hvort stæði
til að breyta gjalddaga söluskatts,
>annig að hann bæri upp á sama
dag og útborgun greiðslukorta.
En eins og kunnugt er þurfa
kaupmenn að greiða söluskatt af
vöram tiu dögum áður en þeir fá
greiðslukortanótur grciddar. í
svari Ólafs Ragnars kom fram að
unnið er að tillögum til úrbóta í
icssu máli, en ætti ríkissjóður að
frcsta innheimtu söluskatts um
>essa tíu daga mundi það kosta
hundrað milljóna, aðallega vegna
vaxtatckna er mundu tapast.