Tíminn - 29.12.1988, Blaðsíða 3

Fimmtudagur 29. desember 1988
Tímjnni 3
Frjálsar útvarpsstöðvar horfa í
kostnað við útsendingar á Akureyri:
ÍHUGA AD
HÆTTAÚT-
SENDINGU
Dregið á morgun, föstudag!
Samkvæmt heimildum Tíinans mun útvarpsstöðin Stjarnan
hætta útsendingum til Akureyrar á gamlársdag klukkan
17.00. Ástæöan er sögð mikill kostnaöur og lítil hlustun á
þessu svæði. Þá hefur nafn Bylgjunnar einnig verið nefnt í
þessu sambandi.
Ólafur Hauksson útvarpsstjóri á
Stjörnunni sagði að ekkert hefði
verið ákveðið hvort útsendingum
yrði hætt. Aðspurður sagði hann að
það hefði oft komið til tals, allt frá
því að útsendingar hófust þangað.
„Mjög nýlega höfum við kannað
sérstaklega hvaða sparnaður væri
fólginn í því að hætta að senda út til
Akureyrar og kannski þess vegna
hefur breiðst út að við ætluðum að
hætta,“ sagði Ólafur.
Ef Stjarnan hættir útsendingum til
Akureyrar þá sparast 4 milljónir
samkvæmt upplýsingum Tímans.
Aðspurður hvort kostnaðurinn við
útsendingar fyrir norðan væri of
mikill miðað við innkomu, sagði
Ólafur að þeir hefðu aldrei reiknað
dæmið þannig út. „Það kostar okkur
2,6 milljónir á ári að senda út til
Akureyrar, þ.e. línugjöld, leiga á
sendi á Akureyri og STEF gjöld. í
staðinn fáum við þakkláta hlustend-
ur og auglýsendur sem sjá sér hag í
því að við skulum ná til Akureyrar,"
sagði Ólafur.
Jón Ólafsson stjórnarformaður
Bylgjunnar sagði að það lægi síður
en svo fyrir að þeir hygðust hætta að
senda út til Akureyrar og alfarið úr
lausu lofti gripið. „Það hefur heyrst
rödd frá okkur um það að við erum
mjög óhressir með að á einu ári hafi
Póstur og sími hækkað sín gjöld um
45%. Vissulega gerir það þann vilja
að senda út til annarra en bara
höfuðborgarsvæðisins erfiðan. Það
vaknar því sú spurning hvort þeir
séu að verðleggja sig þannig að
stöðvarnar fari af landsbyggðinni,"
sagði Jón.
Gustav Arnar hjá Pósti og síma
sagði aðspurður að það væri ekki
þeirra að gefa upp hvort erindi
hefðu borist frá útvarpsstöðvunum
um að þær hygðust hætta að senda
út á Akureyri.
„Kostun “. Nýtt hugtak í íslensku, jafngamalt Stöð 2:
Nafnorðastíllinn
vinnur stöðugt á
í frétt á baksíðu Tímans fyrir
skömmu um Stöð 2 kom orðið
„kostun" fyrir í máli Jóns Óttars
Ragnarssonar og er þýðing enska
orðsins „sponsorship".
Orðið kostun nær í fréttinni yfir
þann verknað að kosta gerð sjón-
varpsþátta að einhverju eða öllu
leyti fyrir sjónvarpsstöðvar.
Tíminn hafði samband við ís-
lenska málstöð og þar sögðu starfs-
menn að helsta einkenni íslensks
máls væri sagnorðanotkun og því
væri nær að tala um að kosta sjón-
varpsþættina og um þá sem kosta þá
kostnaðarmenn eða þá sem tækju
þátt í kostnaðinum.
Málstöðvarmenn sögðu að út af
fyrir sig væri orðið kostun engan
veginn á skjön við íslenska beyginga-
fræði þótt segja mætti það ankanna-
legt. Ástæða þess væri vafalítið sú
hversu nýtt það væri í málinu, varla
eldra en Stöð 2.
Sjálfsagt er það fyrir áhrif frá
erlendum málum að stöðugt færist í
vöxt að nota nafnorð í stað sagnorða
og þeir sem starfa að verslun, þjón-
ustu og í opinbera stjórnkerfinu eru
ansi hallir undir nafnorðastílinn og
algengt að talað sé um að fram-
kvæma könnun í stað þess að kanna,
gera átak í stað þess að taka á þótt
enn sé ekki talað um að framkvæma
bifreiðaakstur. -sá
ÆSKULYDSMAL
ENDURSKODUÐ
Menntamálaráðherra hefur skip-
að nefnd til að kanna áhrif og
mikilvægi íþrótta-, æskulýðs- og
tómstundastarfs fyrir landsmenn. Er
þetta gert vegna tillögu til þings-
ályktunar sem samþykkt var á Ai-
þingi í maí s.l. í framhaldi af því
mun nefndin gera tillögu að stefnu-
mótun í þessum málaflokkum til
ársins 2000. Jafnframt mun nefndin
hafa það hlutverk að endurskoða lög
um æskulýðsmál.
Gert er ráð fyrir að nefndin muni
leita samstarfs við þau félög og
samtök sem starfa að íþrótta-
æskulýðs- og tómstundamálum.
Nefndin mun einnig hafa sérstakt
samráð við íþróttahreyfinguna sem
nú vinnur að mótun íþróttastefnu til
ársins 2000.
Ætlast er til að nefndin skili áliti
sínu sem allra fyrst. SSH
Leiörétting:
VÍSITALA
í frétt Tímans í gær um gildistöku
gengisvísitölu var í fyrirsögninni
ranglega hermt að tilkoma gengis-
vísitölunnar væri til bráðabirgða.
Hið rétta er, eins og kemur fram í
fréttinni sjálfri, að frá og með ára-
mótunum geta menn valið um hvort
þeir miða verðtryggingu fjárskuld-
bindinga við gengi eða lánskjaravísi-
tölu.