Tíminn - 10.02.1989, Blaðsíða 2

SS4-’ ,'H -S'.tss'isv:
Föstudagur 10. febrúar 1989
yrði 280
milljónir
2 Tíminn
Nokkrar umræður urðu um
alþjóðlegan flugvöll á Egilsstöð-
um í neðri cleild Alþingis í gær.
Sagði Steingrímur J. Sigfússon
samgöngumálaráðherra m.a. að
öll umræða um að gerður verði
alþjóðlegur flugvöllur á Austur-
landi lýsti vanþekkingu, því bæði
Egilsstaðaflugvöllur og Akureyr-
arflugvöllur væru alþjóðlegir
flugvellir.
Fram kom í máli ráðherrans að
fyrir dyruin stendur að lengja
flugbrautina á Egilsstaðaflugvelli
í allt að 2700 metra og mun
áætiað að það ásamt öðrum fram-
kvæmdum er bæta aðstöðu við
völlinn, kosti um 280 milljónir
króna. Einnig stendur til að hefja
ákveðnar framkvæmdir við Ak-
ureyrartlugvöll cr miða að því að
bæta aðstöðu farþega og auka
öryggi. Kostnaður við fram-
kvæmdirnar er áætlaður á milli 50
og 60 milljónir.
Þingmennirnir Guðmundur H.
Garðarsson og Egill Jónsson
fluttu þingsályktunartillögu er fól
ríkisstjórninni að hefja nú þegar
undirbúning að stækkun og breyt-
ingum á Egilsstaðaflugvelli þann-
ig að hann fullnægði þeim kröfum
er gerðar væru til alþjóðaflug-
valla. I svari sínu tók Steingrímur
J. Sigfússon fram að nauðsynlegt
væri að hann tæki flytjendurfyrir-
spurnarinnar í kennslustund um
ástand flugvalla á fslandi. Benti
ráðherrann á að samkvæmt hand-
bók íslenskra flugmanna væri al-
þjóðlegur flugvöllur á Egilsstöð-
um nú þegar. Orðrétt sagði
Steingrímur „að sér leiddist hvað
ntenn hefðu lengi röflað urn þessa
hluti á þess að nenna að afla sér
upplýsinga um þá,“ og hvatti
hann þá Egil og Guðmund H. til
að gera það.
Jón Kristjánsson alþingismað-
ur lýsti sig samþvkkan cfni þings-
ályktunartillögunnar og taldi
nauðsynlegt að haldið yrði áfram
þeim framkvæmdum er nú væru
þegar hafnar við Egilsstaðaflug-
völl. Nefndi hann sérstaklega
bættan snjóhreinsibúnað, bættar
brunavarnir, lengingu flugbraut-
arinnar og nauðsyn þess að gera
flugvöllinn að tolihöfn. - ág
Stefnt aö lengingu flugbraut-
arinnar á Egilsstööum ásamt
öörum verkefnum viö völlinn:
Asahláka var í höfuðborginni sem víðar í gær og safnaðist víða vatnsflaumur á göturnar. Tímamynd Pjetur.
Verulegar rafmagnstruflanir suðvestanlands vegna illviðris:
Of há spenna olli
skemmdum í tölvum
Talsverðar rafmagnstruflanir urðu í óveðrinu sem gekk yfir
í fyrrinótt og fór rafmagn af álverinu í Straumsvík að hluta,
áburðarverksmiðjunni í Gufunesi og málmblendiverksmiðj-
unni á Grundartanga.
Við að verksmiðjurnar duttu út
hækkaði spenna annars staðar á
rafkerfinu, meðal annars í Reykja-
vík og olli það skemmdum á vélbún-
aði Skýrsluvéla ríkisins og undir
kvöld í gærkvöldi var ekki búið að
gera við hann að fullu.
„Það varð truflun á spennunni í
nótt. Við reiknum fastlega með því
að við höfum fengið toppinn. Þegar
við reyndum að gangsetja tækin
aftur þá tókst það ekki og margt
virðist benda til þess að þessi toppur
hafi valdið bilun í stýringu á diski og
hún veldur okkur enn vandræðum,“
sagði Jón Þór Þórhallsson forstjóri
Skýrsluvéla ríkisins.
Jón Þór sagði að spennuhækkunin
hefði þegar valdið alvarlegum trufl-
unum. Um 2500 aðilar væru tengdir
SKÝRR og tengsl við þá hcfðu
rofnað. Meðal þeirra væru tollstjóra-
embættið, fógetaembættin, Gjald-
heimtan og fleiri.
Lán í óláni væri að ekki hefði
verið neinn stór gjalddagi í gær en
engu að síður hefði skapast alvarlegt
ástand. Jón Þór sagði að oft hefði
komið fyrir áður að rafmagn færi af
en vandræðaástand hefði ekki
skapast. Spennuhækkunin hefði or-
sakað slæma bilun sem erfiðlega
gengi að finna og gera við.
Vélbúnaðurinn sem bilaði í fyrri-
nótt er frá IBM og tæknimenn IBM
hófu leit að biluninni strax eftir að
rafmagnið var komið í lag snemma í
gærmorgun og höfðu ekki komist
fyrir hana þegar Tíminn fór í prent-
un í gærkvöldi.
Hjá Rafmagnsveitu Reykjavíkur
laust saman í veðurofsanum há-
spennuvírum í Korpúlfsstaðalínu,
Æsustaðalínu í Mosfellsdal sem
þjónar hitaveitu Reykjavíkur meðal
annars og í Gustlínu sem liggur um
Hnoðraholtið og þjónar einkum
Garðabæ.
Að sögn Björns J. Haraldssonar
hjá Rafmagnsveitu Reykjavíkur má
búast við að Ioftlínur sláist saman
þegar veður verða jafnill og var í
fyrrinótt. í aðveitustöðvunum er
öryggisbúnaður sem slær straumnum
frá þegar þetta gerist til að varna því
að línurnar hreinlega bráðni í
sundur.
Björn sagði að við það að rafmagn
fór af verksmiðjunum þrem sem
allar nota gríðarlega mikið rafmagn,
hafi spennan á kerfinu hækkað unt
10-11% fram yfir það sem hún er
venjulega. Hann sagðist þó ekki
hafa heyrt um skemntdir á vélum
eða tækjum umfram það sent talað
var um hjá SKÝRR.
Björn sagði að eðlileg spenna værí
220 volt og að leitast væri við að
halda henni sem stöðugastri þar en
eðlileg fráviksmörk væru talin plús
eða mínus 5%.
f dag er spáð kólnandi veðri. Djúp
lægð er vestur af landinu á norður-
leið og búast má við hvassviðri og
rigningu eða skúrum um mest allt
land. 1 kvöld snýst hann í vestanátt
með hvössum éljum og hiti um
frostmark.
f dag er stórstreymt, loftþrýsting-
ur er lágur og búast má við hvassri
vestanátt. Tíminn spurði Sigurð
Skarphéðinsson aðstoðargatnamála-
stjóra hvort búast mætti við flóðunt
ogvandræðum,t.d. ígamlamiðbæn-
um sem stendur lágt.
Hann sagði að áður fyrr hefði
holræsakerfi miðbæjarins verið tengt
út í Lækinn sem Lækjargata er
kennd við. Áður en Lækurinn tengd-
ist nýju dælustöðinni við Ingólfsgarð
gætti sjávarfalla í Læknum og fyrir
kom við skilyrði eins og voru í gær
og í dag, að sjór kæmi upp úr
niðurföllum í kjöllurum, en það væri
nú úr sögunni.
Með nýju dælustöðvunum hefði
verið skorið á tengsl sjávar og sjávar-
falla við holræsakerfið. Við skilyrði
eins og nú gæti auðvitað gengið sjór
upp á land en menn sæju ekki fyrir
nein stórvægileg vandræði, síður en
svo. -sá
Kvenfélagið Vorhvöt telur
líkur á matarskatti á blýanta:
Blýantsnagarar
í bráðri hættu
Kvenfélagið Vorhvöt ræddi
hugsanlegar álögur matarskatts á
blýanta á l'undi félagsins nýverið.
í fréttabréfi kvenfélagsins er
inælst til að úttekt verði gerð á
heildarneyslu blýanta og heilsu-
farslegar afleiðingar neyslunnar
huglciddar.
Bent er á að blýantar séu trefja-
ríkir og gætu því í fljótu bragði
virst góðir fyrir meltinguna. Sá
bögguil fylgir þó skammrifi að
óhófleg neysla, átta klukkustundir
á dag, viku cftir viku, árið um
kring leiðir að lokuiti til doða og
sinnuleysis.
Einnig er minnst á annan ieiðan
fylgifisk blýantsnags, það er að
segja blýeitrun. Helstu einkenni
eru sögð vera blámi kring um
munn auk heila- og tauga-
skemmda. Kvenfélagið segir að
engum þurfi að blandast hugur um
hverjar afleiðingar það hefði fyrir
þjóðarbúið ef starfsmenn heístu
lykilstofnana landsins yrðu blýeitr-
un að bráð og nefnir að ef til vill
hafi þjóðin þegar orðið að gjalda
þessarar eitrunar. jkb
Guðrún Helgadóttir forseti sameinaðs þings samþykkir að
Ólafur Ragnar Grímsson fjármálaráðherra megi ekki tala um þingsköp:
Þingritarinn leiddi
þingforseta í villu
Síðastliðinn miðvikudag fór fram
í sameinuðu þingi, umræða um þing-
sköp sem var að mörgu leyti fróðleg.
Ekki hvað síst fyrir þá sök að forseti
sameinaðs Alþingis varð uppvís að
því að kunna ekki reglur um þing-
sköp Aiþingis.
Eins og áður hefur verið greint frá
í Tímanum var hálftímalöng um-
ræða utan dagskrár á miðvikudaginn
um ummæli fjármálaráðherra varð-
andi vinnubrögð og blýantanag í
Seðlabankanum. Sá tími dugði þing-
mönnum ekki og þess vegna var
gripið til þess ráðs, sem oft er gert á
þingi að taka til máls um þingsköp
og tala um allt annað en þingsköp.
Ólafur Ragnar Grímsson fjármála-
ráðherra leiddi umræðurnar og tal-
aði fyrstur. Á eftir honum kom upp
Hreggviður Jónsson ritari í samein-
uðu þingi og alþingismaður Borgara-
flokksins og lýsti því yfir að Ólafur
hefði ekki mátt ræða um fundarregl-
ur Alþingis þar sem hann væri ekki
kjörinn alþingismaður. Þingforseti
Guðrún Helgadóttir tók undir þetta
og sagðist ekki hafa áttað sig á
þessum mistökum fyrr en Ólafur
Grímsson var byrjaður að tala úr
púltinu.
Hið rétta í þessu máli er hins
vegar að sem ráðherra hefur Ólafur
; Grímsson sama rétt og alþingismenn
til að tjá sig í deildum þingsins og
jafnvel öllu meiri rétt en þeir; reglur
um fundarsköp á Alþingi gera ráð-
herrum heimilt að koma oftar í púlt
en óbreyttum þingmönnum. - ág