Tíminn - 12.04.1989, Blaðsíða 16

16 Tíminn
Miðvikudagur 12. apríl 1989
- Ég vona bara að þú þurfir ekki að
liggja lengi hérna..
-Hérna er bréf til mín, góða, má ég
opna það?
- María, hvað hefur gert við öll
herskipin mín?!
- Þú þarft ekki að koma, Anna mín,
ég er búinn að vinna þig aftur...
- Mamma, hvernig farið þið pabbi
að því aðrífast þegarég erbúinn að
læra að stafa?
- Nú skaltu bara slaka á og þá
finnurðu ekki fyrir sprautinni...
- Af hverju færðu aldrei „höfuðverk"
eins og annað kvenfólk..?
- Ég tapa heilmiklum peningum á
því að hafa ykkur tvíburasysturnar
við afgreiðslu á barnum: Kúnnarnir
halda að þeir séu þegar farnir að sjá
tvöfalt...
KVIKMYNDIR íllllllllllllllillllM
Regnboginn: Og svo kom regnið
Fín frönsk filma
Franska kvikmyndin „ Og svo
kom regnið", sem sýnd er þessa
dagana í Regnboganum kom
undirrituðum, sem til þessa hefur
ekki fundið mikið sér til skemmt-
unar í frönskum kvikmyndum,
mjög á óvart. Myndin cr hin ágæt-
asta skemmtun, ekki gallalaus, en
í henni er góður húmor.
Myndin fjallar um tvo bræður,
annan dálítið vangefinn, og konu
eina, dálítið létta á bárunni, sem
annar bróðirinn fékk í skiptum
fyrir kanínukjötstutlu. Móðir
þeirra bræðra er nýlátin og lét cftir
sig hús í litlum frönskum bæ.
Bræðurnir ásamt konunni góðu
hafa hugsað sér að búa þar og eiga
góða daga, en sitt hvoru megin við
húsið eru tvö verkstæði í eigu
Voke-bræðra og vilja þeir fyrir alla
muni eignast luisið til að opna þar
skyndibitastað. En bræðurnir neita
að selja og árekstrar milli hags-
munaaðila verða æ fleiri og reyna
Voke bræður með öllum ráðum að
ná í húsið og undir lok myndarinn-
ar dregur til tíðinda í þessu venju-
lega lokauppgjörsatriði.
Leikarinn Jacques Villeret, sem
leikur bróðurinn vangefna, fer
hreinlega á kostum í myndinni og
leikur frábærlega og er það ekki
ofsögum sagt. Með góðu látbragði,
eðlilegum svipbrigðum og hnyttn-
um tilsvörum heldur hann áhorf-
andanum við efnið og gerir mynd-
ina að hinni ágætustu skemmtun.
Aðrir leikarar í myndinni eiga
ekkert sérstakan dag, en skcmma
nú ekkert fyrir. En þó finnst undir-
rituðum klaufalegt hvernig brjóst
stúlkunnar greiðviknu og lögulegu
eru hvað eftir annað dregin í
sviösljósið við hin ýmsustu tæki-
færi, allt er gott í hófi.
Myndin var ágæt afþreying á
leiðinlegum sunnudags-rigningar-
eftirmiðdegi og fyrir það gef ég
myndinni tvær og hálfa stjörnu.
Pétur Sigurðsson
llllllllllll DAGBÓK '
Ljóðakvöld í Nýhöfn
I kvöld, miðvikud. 12. apríl kl. 20:30,
verður haldið Ijóðakvöld í listasal Ný-
hafnar að Hafnarstræti 18, en þar stendur
nú yfir sýning á lágmyndum cftir Ingi-
björgu Jónsdóttur. Að venju koma fram
bæði óþekkt skáld og önnur þekktari.
bau sem lesa úr verkum sínum eru Nína
Björk Árnadóttir, sem flytur þýðingar
sínar á verkum danskra höfunda. Þorgeir
Þorgeirsson, en hann mun m.a. lesa úr
þýðingum sínum á Federico Garcia
Lorca. Þá lesa ljóð sín: Hansína Ingólfs-
dóttir, Einar Már Guðmundsson, Friðrik
Guðni Þorleifsson, Gunnar Kristinsson,
Guðrún Guðlaugsdóttir, Björg Einars-
dóttir flytur áður óbirt ljóð cftir Oddnýju
Kristjánsdóttur í Ferjunesi og Elísabet
Jökulsdóttir. Kynnir er Ari Gísli Braga-
son. Kaffiveitingar eru í hléi.
Myndakvöld
Ferðafélags íslands
Miðvikudaginn 12. aprílverðurmynda-
kvöld á vegum F.í. í Sóknarsalnum,
Skipholti 50A, og hefst það kl. 20:30
stundvíslega.
Á dagskrá verður:
1) Sigurður G. Tómasson, útvarpsmað-
ur sýnir myndir og kort frá Reykjanes-
skaga og spjallar um fáfarnar slóðir.
Ferðafélagið skipuleggur dagsferðir um
Reykjanesskaga allt árið um kring.
2) Þorvaldur Örn Árnason og Jóhanna
B. Magnúsdóttir segja í máli og ntyndum
frá skíðagönguferð Ferðafélagsins um
síðustu páska. Ferðinni var heitið til
Landmannalauga, en vegna ófærðar var
snúið við og haldið til Þórsmerkur á
gönguskíðum.
Kaffiveitingar í hléi. Allir velkomnir,
félagar og aðrir (aðg. 150 kr.).
Ferðafélag íslands
Landmannalaugar
Skíðagönguferð 20.-23. apríl
Ekiö að Sigöldu og gengið þaðan á
skíðum til Landmannalauga (25 km).
Tveggja daga dvöl í Laugum. Gist í
sæluhúsi F. í. Ferðafélagið sér um flutning
á farangri til og frá Landmannalaugum.
Upplýsingar og farmiðasala á skrifstofu
Ferðafélagsins.
Ferðafélag íslands
írsk tónlist á
HÓTEL B0RG og í SJALLANUM
(rska hljómsveitin Kiarmuid 0‘Leary
& the BARDS heldur ferna tónleika hér
á landi á næstunni.
Miövikudaginn 12. apríl og sunnudag-
inn 16. apríl leikur hljómsveitin á Hótel
Borg í Reykjavík, en fímmtudaginn 13.
apríl og föstudaginn 14. apríl í Sjallanum
á Akureyri.
Diarmuid O'Leary & the BARDS
leikur þjóðlagatónlist með nútímalegu
ívafi. Hljómsveitin nýtur mikilla vinsælda
á írlandi og plötur hennar orðið söluhæstu
hljómplötur þar í landi.
Hljómsveitin hefur oft komið fram í
írsku og bresku sjónvarpi og hún farið í
margar hljómleikaferðir, m.a. til Banda-
ríkjanna og Kanada.
Digranessprestakall
Kirkjufélagsfundur verður annað kvöld
fimmtudag kl. 20:30 í safnaðarhcimilinu
við Bjarnhólastíg.
Hermann Lundholm les sögu, sem hann
hefur þýtt úr esperanto. Jóhanna Björns-
dóttir sýnir myndir. Kaffiveitingar. Helgi-
stund.
Lögfræðiaðstoð Orators
Orator, félag Iaganema veitir ókeypis
lögfræðiaöstoö á fimmtudögum frá kl.
19.30-22.00, í síma 1 10 12.
Félagsfundur
Kvenfélags Kópavogs
Kvenfélag Kópavogs heldur félagsfund
fimmtudaginn 13. apríl kl. 20:30 í Félags-
heimilinu. Gestur fundarinsverður Krist-
ín Gestsdóttir. Hún mun sýna smáveislu-
rétti. Konur mætið.
Tónleikar
Kammermúsíkklúbbsins
Fjórðu og fimmtu tónleikar á starfsár-
inu 1988-'89 Kammermúsíklúbbsins
verða mánudaginn 17. apríl og föstudag-
inn 21. apríl kl. 20:30 í Bústaðakirkju
Þar leikur Sinnhoffer-kvartettinn frá
Munchen. Hann leikur hér á landi í sjötta
sinn. Fyrst kom hann hingað 1977 á 150.
ártíð Beethovens til þess að taka þátt í
hcildarflutningi á strengjakvartettum
hans.
( Bústaðakirkju 17. apríl flytur Sinn-
hoffer-kvartettinn Strengjakvartett eftir
Robert Schmann (1810-1856) og Ingo
Sinnhoffer (f. 1936). Síðast á efnisskrá er
svo Strengjakvartett eftir Ludwig van
Beethoven(1770-1827).
í Bústaðakirkju 21. apríl er á cfnisskrá
strengjakvartett nr. 1 eftir Leos Janácék
(1854-1928), strengjakvartett í As-dúr
eftir Antonin Dvorák (1841-1904) og
síðast strengjakvartett í f-moll eftir Beet-
hoven.
Petri Sakari hljómsvcitarstjóri
Sinfóníuhljómsveit íslands:
TÓNLIST FYRIR H0RN
13. áskriftartónleikar Sinfóníuhljóm-
sveitar íslands verða haldnir í Háskóla-
bíói fimmtud. 13. apríl og hefjast kl.
20:30. Einleikari verður breski horn-
leikarinn Ifor James og hljómsveitarstjóri
Petri Sakari. aðalstjórnandi Sinfóníu-
hljómsvcitarinnar.
Á efnisskrá verða þessi verk: Sinfónía
nr. 35 „Haffner" eftir Mozart, Konsert
fyrir piccolohorn eftir Neruda, Horn-
konsert eftir Gordon Jacob og Bachianas
Brasileiras nr. 2 eftir Villa-Lobos.
Ifor James hornleikari fæddist 1931 í
Carlisle á Englandi. Faðir hans var hljóð-
færaleikari en móðir hans söngkona.
Aðeins fjögurra ára gamall hóf hann að
spila á horn í lúðrasveit, en þrentur árum
síðar spilaði hann í leikhúsi. Um skeið
var hann organisti dómkirkjunnar í Car-
lisle, en um tvítugt tók hann aftur til við
að spila á horn. Hann hefur spilað í
kammersveitum, fílharmóníuhljómsveit-
um og og veriö prófessor við tónlistarhá-
skóla, nú síðast við Tónlistarháskólann í
Freiburg í Þýskalandi. Á meðan á dvöl
hans stendur hér mun hann halda „mast-
erclass" fyrir nokkra hornleikara hérlend-
is. Ifor James er einnig tónskáld og hefur
samið verk bæði fyrir horn og önnur
hljóðfæri.
Petri Sakaria er þrítugur og hefur á
stuttum ferli sínunt getið sér gott orð.
Hann nam hljómsveitarstjórn hjá Jorma
Panula við Síbelíusar-akademíuna í Hels-
inki. Einnig er Petri Sakari fiðluleikari og
lék sem slíkur um tíma með Útvarps-
hljómsveitinni í Helsinki. Hann hefur í
vetur auk starfa sinna hér stjórnað sinfón-
íuhljómsveitum á Norðurlöndum og farið
í tónleikaferðir með kammersveitum.
Ásgrímssafn
Safn Ásgríms Jónssonar, Bergstaöa-
stræti 74 er opið á sunnudögum, þriöju-
dögum, fimmtudögum og laugardögum
kl. 13:30- 16:00.
Pennavinur:
Franskur námsmaður óskar
eftir sumarvist á íslandi
Borist hefur bréf frá frönskum náms-
manni, sem hefur áætlað að ferðast til
íslands í júlí eða ágúst á komandi sumri.
Hann Richard, sem er 20 ára, langar til
að fá sumarvist (n.k. au pair-vist) hjá
íslenskri fjölskyldu, annað hvort í sveit
eða í bæ.
Richard vonast eftir bréfi frá einhverj-
um á íslandi sem vildi taka hann f
einhvern tíma í sumar. Utanáskrift til
hans er:
Richard Olivier
8 RUE DES LUTINS
17300 ROCHEFORT
FRANCE