Tíminn - 04.07.1989, Blaðsíða 20
AUGLYSINGASIMAR: 680001 —686300
RÍKISSKIP
NÚTÍMA FLUTNINGAR
Hafnorhúsinu v/Tryggvagötu,
S 28822
SAMVtMNUSANKl ISLANOS HF.
0,BtL ASv
°/a
ÞRttSTUR
685060
VANIR MENN
Sjötugur ofurhugi frá Bandaríkjunum á eins hreyfils flugvél:
FLOGIÐ YFIR NORÐUR-
PÓLINN í ANNAD SINN
Charles Mack, 69 ára Bandaríkjamaður af grískum
uppruna, kom til íslands um níu leytið í gærkvöldi frá
París, en þangað fór hann eftir að hafa flogið yfir
norðurpólinn í eins hreyfils Beachcraft Bonansa vél sinni
og varð þar með annar maðurinn sem afrekar það.
Fyrstur varð Dieter Schmitt, þýskur ævintýramaður sem
flaug samskonar eins hreyfils vél frá Ancorage í Alaska,
yfir pólinn, Bodö í Noregi og lenti loks í Munchen eftir
tæplega 33 klukkustunda flug. Það met er viðurkennt af
alþjóðasambandi flugmálafélaga.
Charles Mack flaug frá Alaska,
yfir pólinn og lenti loks í Finn-
landi. Ferðin tók hann um tuttugu
klukkustundir, og sagðist hann
hafa átt í miklum erfiðleikum með
að haldast á réttri stefnu, því
segulskekkjan olli því að hann bar
alltaf af réttri leið. Á tuttugu
mínútna fresti leiðrétti hann sig
um fimm gráður og notaði sólina
til að reikna út stefnuna til Hel-
sinki. Einnigátti hann í minnihátt-
ar erfiðleikum vegna ísingar.
Charles hafði nóg eldsneyti til
ferðarinnar og átti eftir um hundr-
að gallon af bensíni, auk þess sem
eldsneytistankar í vængjum voru
fullir.
Þetta er ekki eina afrek Charles,
því hann á met í að fljúga eins
hreyfils vél sömu leið og Lindberg
gerði forðum, eða frá New-York
til Parísar, en þá ferð fór hann í
fyrra og tók hún nítján klukku-
stundir. Bakaleiðin var hins vegar
tímafrekari. Charles sagði að í
samanburði við þá ferð hafi pól-
arflugið verið þrisvar sinnum crf-
iðara.
Óli B. Jónsson og fjölskylda
hans tók á móti kappanum við
komuna til íslands. Óli sagðist
hafa þekkt Charles í um fjörutíu
ár, en kona Óla og kona Charles
eru æskuvinkonur. Hann sagði að
Charles hefði verið orustuflug-
maður í stríðinu og verið staðsett-
ur á Tripoli-vellinum í Reykjavík,
sem er einmitt þar sem flugvöllur-
inn í Reykjavík er í dag. Þar
kenndi hann meðal annars flug.
Charles kynntist hér íslenskri
konu, Gyðu Breiðfjörð, og giftist
henni.
Eftir stríð hætti Charles að
mestu að fljúga og fór í verkfræði.
Hann varði doktorsritgerð og var
um skeið prófessor við amerískan
háskóla, en þess utan hefur hann
starfað fyrir ýmis einkafyrirtæki.
Hann sagði að pólarflugið væri
gamall draumur sem hefði fæðst
hér á íslandi í stríðinu þegar hann
flaug P-39 og P-40 vélunum, en
Óli B. Jónsson tekur á móti vini sínum Charles Mack, en Charles flaug nýverið yfir norðurpólinn frá Alaska
til Finnlands. Frá Finnlandi flaug hann til Parísar, og þaðan í einni lotu til íslands.
það var ekki fyrr en árið 1985 að
hann eignaðist flugvél, að hann
gat látið drauminn rætast. Hann
sagðist hafa íhugað að hafa ísland
sem lokaáfangastað í pólarflug-
inu, en hætt við það þar sem hann
hefði þá þurft að breyta stefnunni
talsvert við pólinn. Það hefði get-
að þýtt að einhverjir efuðust um
að hann hefði verið á réttri leið og
í raun flogið yfir norðurheim-
skautið. Hins vegar var Helsinki í
nær beinni línu frá brottfararstað
í Alaska.
Charles sagðist hafa komið til
íslands þrisvar sinnum eftir
stríðslok, og kynni hann ákaflega
vel við sig hér. Næsta afrek verður
hugsanlega að fljúga eins hreyfils
vélinni yfir suðurheimskautið í
einni Iotu, en hann sagðist ekki
vita til þess að það hafi verið gert
áður. Fjölskylda Charles í Banda-
ríkjunum er ekki ýkja hrifin af
glæfraferðum hans, en að sögn
Óla B. Jónssonar er hann mjög
ákveðinn og ekkert fær stöðvað
hann þegar hann fær einhverja
flugu í höfuðið. LDH-
Blasir greiðsluþrot
við Þjóðíeikhúsinu?
Ýmislegt bendir nú til að
sjóðir Þjóðleikhússins séu
þurrir eða því sem næst og
hefur blaðið heimildir fyrir
því að eftir að greidd hafa
verið laun nú um mánaða-
mótin standi fjárhagur
stofnunarinnar afar tæpt.
Aðeins séu eftir innan við
20 milljónir af fjárveiting-
unni.
í yfirlýsingu frá Þjóðleikhús-
stjóra sem birtist í Tímanum og
fleiri blöðum fyrir helgina segir að
þegar fjárlög séu samþykkt, líði
oftast aðeins tíu til fjórtán dagar
þar til leikhúsið verður að fara að
vinna eftir lögunum, þá búið að
skuldbinda sig til alls ársins sex til
tíu mánuðum áður. Vegna þessa
hafi ævinlega þurft að koma til
aukafjárvcitinga til leikhússins á
hverju hausti þegar sýnt hefur
verið að fjárveitingar á fjárlögum
myndu ekki duga út árið. Þessar
aukafjárveitingar heiti nú skulda-
söfnun við ríkissjóð.
Þjóðleikhússtjóri sagði við Tím-
ann í síðustu viku að allt benti til
að sama yrði upp á teningnum nú,
og að fjárveiting fjárlaga yrði upp
urin á haustmánuðum.
Tíminn bar í gær undir fjármála-
stjóra Þjóðlcikhússins hvort fjár-
veiting ársins væri búin. Hann
sagðist ekki geta svarað því og
vísaði til Þjóðleikhússtjóra.
„Ég er ekki alveg klár á því, en
það er líklegt að hún verði búin á
haustmánuðum, í byrjun október
eða í októbermánuði," sagði Gísli
Alfreðsson Þjóðleikhússtjóri tgær.
Gísli sagðist ekki vita nákvæm-
lega hversu mikið væri eftir af
fjárveitingunni en vísaði aftur á
fjármálastjóra leikhússins.
- En er eftir af fjárveitingunni
innan við tuttugu milljónir, jafnvel
innan við fimmtán milljónir nú
eftir mánaðamótin og húsið í raun
að komast í greiðsluþrot?
„Ég verð að leita til fjármála-
stjórans til að svara því," sagði
Þjóðleikhússtjóri. „Hann gerði hér
spá nýlega og samkvæmt henni er
sagt að stefni í að fjárveitingin sé
búin í október, þannig að þetta
getur varla verið,“ sagði Gísli Al-
freðsson.
Tíntinn reyndi ítrekað að bera
„greiðsluþrot" Þjóðleikhússins
undir fjármálaráðherra og aðra þá
sem kanna nú fjármál og stjórn
Þjóðleikhússins í umboði hans,
meðal annars formann sérstakrar
Þjóðleikhússnefndar, Hauk Ingi-
bergsson, en í engan þeirra náðist.
-sá
Sprenging í verk-
smiðju í Njarðvík
Mesta mildi var að enginn slasað-
ist þegar gashylki við Vélsmiðjuna
Kópa í Njarðvík sprakk. Við spreng-
inguna þeyttist hylkið upp í loft og
hafnaði um 200 metrum frá húsinu.
Skömmu áður höfðu menn verið að
vinna með tæki fyrir utan vélsmiðj-
una, en allir voru farnir frá þegar
hylkið sprakk. -ABÓ
Túnþökur með heil-
brigðisvottorð
Spænsku konungshjónin koma í
opinbera heimsókn í vikunni. Þau
heimsækja Vestmannaeyjar á
fimmtudaginn og munu meðal ann-
ars skoða Hraðfrystistöð Vest-
mannaeyja, sem verkar saltfisk fyrir
Spánarmarkað. í tilefni heimsóknar-
innar var ákveðið að fegra umhverfi
Hraðfrystistöðvarinnar lítið eitt og
voru pantaðar túnþökur að sunnan í
þeim tilgangi. Það gengur hins vegar
ekki þrautalaust fyrir sig og sagði
Áki Haraldsson á bæjarskrifstofu
Vestmannaeyja að til þess að flytja
inn gras í hvaða formi sem væri,
þyrfti að fá leyfi og stimpil frá
yfirdýralæknisembættinu, um að það
væri ekki haldið neinum bakteríum
eða sýkingum sem þykja óæskilegar
í Eyjum. Túnþökurnar þurftu sem
sagt að fá heilbrigðisvottorð áður en
þær komust til Eyja, þar sem þær
eiga að prýða jörðina sem Spánar-
konungur stígur á. LDH-