Tíminn - 16.08.1989, Side 3

Míðvikudagur'16v ágíist’i'98’9’
Tíminn 3
Þreifuðu á guili
unair arfabeðju
Þýfí fannst grafið í jörðu í Kirkjugarðinum við Suðurgötu
um þrjú leytið í gær. Verðmæti þýfísins er talið skipta
hundruðum þúsunda, en hér er um að ræða skartgripi, mest
gull, en einnig silfur og verðmæta steina. Ostaðfestar
heimildir Tímans herma, að þýfið sé frá innbroti í skartgripa-
verslun Þorgríms Jónssonar á Laugavegi snemma í vor, en
þaðan var miklu magni af skartgripum stolið. Lögreglan náði
aldrei að komast til botns í því máli, en nú er þýfíð að öllum
líkindum fundið.
Málsatvik voru þau, að tvær stúlk-
ur í vinnuflokki Kirkjugarða
Reykjavikur, voru að reita arfa á
leiði. Eftir nokkurn tíma urðu þær
varar við plastpoka, sem var grafinn
í leiðið, grunnt í jörðu. t>ær grófu
hann upp og komust í raun um, að
hann var svo til fullur af skartgrip-
um. Pokinn, sem hér um ræðir, var
innkaupapoki af smærri gerð, en
ofan í honum voru tveir aðrir gagn-
sæir pokar, fullir af skartgripum.
Stúlkurnar hlupu með pokann inn í
vinnuskúr og hringdu þaðan í lög-
regluna, en tilkynning barst þangað
klukkan 15:22.
Að sögn Lögreglunnar í Reykja-
vík voru margir af gripunum merktir
með handskrifuðum verðmiða.
Verðið var yfirleitt frá þremur þús-
undum upp í átta þúsund, en inn á
milli grillti þó í verðmætari hluti.
Ljóst er, að í heild skiptir söluverðið
mörg hundruð þúsundum.
„Þetta er eins og í gömlu ævintýr-
unum - fjársjóður í kirkjugarðin-
um,“ sagði starfsmaður við Kirkju-
garðinn við Suðurgötu í samtali við
Tímann. Varla hefur þó fúlskeggjað-
ur sjóræningi með krók, staurfót og
lepp grafið skartið í leiðið, heldur
innbrotsþjófur, sem hefur að öllum
líkindum ætlað að vitja þýfisins
seinna. Rannsóknarlögregla ríkisins
vinnur nú að rannsókn málsins.
GS
Seyðisfjörður:
Tjónið metið
í næstu viku
Ekki verður unnt að meta
hversu mikið tjón varð vegna
aurskriðnanna á Seyðisfirði fyrr
en eftir nokkra daga þegar búið
verður að hreinsa frá skemmdun-
um.
Fulltrúar frá Viðlagatryggingu
íslands komu til Seyðisfjarðar á
mánudaginn til að kanna aðstæð-
ur og ræða við eigendur fasteigna
sem urðu fyrir tjóni. Á bæjar-
skrifstofunum á Seyðisfirði feng-
ust þær upplýsingar í gær að enn
lægi ekki fyrir hversu mikið tjón
varð í krónum talið en í næstu
viku munu menn frá Viðlaga-
tryggingu halda aftur til Seyðis-
fjarðar og leggja endanlegt mat á
skemmdirnar.
Atvinnustarfsemi í bænum hef-
ur orðið fyrir litlum truflunum þó
svo að húsnæði sumra helstu
atvinnufyrirtækjanna hafi
skemmst. SSH
Þriggja ára drengur týndist:
Grátandi í
læstu húsi
Lögreglan í Ólafsvík lýsti í gær
eftir þriggja ára dreng. Drengsins
var saknað af foreldrunum um
klukkan ellefu í gær, en hann hafði
verið úti að leika sér einn síns liðs.
Um þrjúleytið, eftir nokkra leit,
heyrði vegfarandi barnsgrát í húsi í
nágrenni við heimili barnsins. Við
nánari eftirgrennslan kom í ljós að
gráturinn barst frá baðherberginu,
þar sem drengurinn sat og beið. í
húsinu býr fólk sem drengurinn
kannast við og var það ekki heima
við í gær.
Lögreglunni er ráðgáta hvernig
barnið komst inn í húsið, þar sem
ekki var vitað betur en það hefði
verið harðlæst. Þó eru getgátur uppi
um það, að útidyrahurðin hafi verið
kviklæst, barnið hafi stuggað við
henni og hún opnast. Þá hafi barnið
í forvitni sinni farið inn og það eða
vindurinn skellt hurðinni. GS
Garðyrkjuskólinn að Reykjum:
Grænirfingur
í fimmtíu ár
Laugardaginn 19. ágúst nk. mun
Garðyrkjuskóli ríkisins að Reykjum
í Ölfusi fagna hálfrar aldar afmæli
sínu með veglegri samkundu að
Reykjum. Um leið verður opnuð
sérstök garðyrkjusýning er öll fé-
laga- og sölusamtök í garðyrkju hafa
sameinast um og verður hún opin
dagana 20. til 27. ágúst.
Afráðið hefur verið að varðveita
gamla skólahúsið og gera það að
safni að sögu Reykja, íslenskrar
garðyrkju og nýtingu jarðhita. Er
unnið að þessu verkefni nú um
stundir, jafnframt því sem stefnt er
að útgáfu skólasögu og kennaratals
á næsta ári.
Þá verður haldið garðyrkjuþing,
er stendur 21. og 22. ágúst og ætlað
er öllum greinum garðyrkjunnar. Til
þings þessa hefur mjög verið vandað
og innlendum og erlendum fyrirles-
urum og gestum boðið til leiks. Mun
staða og framtíð íslenskrar garð-
Biluðum bílum
\
UUMFERÐAR
RÁÐ
yrkju verða þar efst á baugi. Þingið
er helgað minningu Unnsteins Ólafs-
sonar, fyrsta skólastjóra Garðyrkju-
skólans, er jafnframt var fyrsti ís-
lendingurinn er lauk háskólaprófi í
garðyrkju.
Gróskumikil starfsemi þrífst nú á
hinu forna bóli þeirra Gissurar jarls
Þorvaldssonar og Odds Gottskálks-
sonar. Jarðir skólans eru vel í sveit
settar, hafa gnægð jarðhita, vel bún-
ar tilrauna-gróðurhúsum og góðri
aðstöðu til útiræktunar á að skipa. Á
Reykjum gefst nemendum, er lokið
hafa grunnskóla, kostur á þriggja
ára námi er skiptist í 20 mánaða
verknám og 16 mánaða bóknám.
Námsbrautir eru fjórar: Garð-
plöntubraut, skrúðgarðyrkja, yl- og
útimatjurtaræktun auk umhverfis-
brautar. Hin síðasttalda mun vera
hin fyrsta sinnar tegundar á landi
hér. Einnig er í ráði að bæta við
svonefndri blófnaskreytinga- og
markaðsbraut. Þessu til viðbótar
beitir skólinn sér fyrir endurmennt-
un í formi fræðslufunda og nám-
skeiða.
Á hálfrar aldar ferli hefur Garð-
yrkjuskóli ríkisins útskrifað á
fimmta hundrað nemendur og munu
75% þeirra, er útskrifaðir voru fram
til 1982, hafa verið starfandi í grein-
jnni, samkvæmt könnun er þá var
gerð.
Nemendur síðasta skólaárs voru
35 talsins. Skólastjóri er Grétar J.
Unnsteinsson og hefur hann tekið
saman stutt yfirlit um skólann, í
tilefni tímamótanna.
Gísli Kristján á strandstað í gær. í baksýn má sjá lóðsinn frá Vestmannaeyjum sem togaði Gísla út á flóðinu í gærdag.
Tímamynd: Sigurgeir
Sigldi upp í fjöru
í spegilsiéttum sjó
Lóðsinn frá Vestmannaeyjum náði
Gísla Kristjáni ÁR 35 á flot um tvö
leytið í gær. Gísli Kristján strandaði
austast á Holtsfjöru í Eyjafjalla-
hreppi um klukkan hálf sjö í gær-
morgun. Þá var hið besta veður á
strandstað og spegilsléttur sjór. Á
Stórhöfða var norðan fjögur
vindstig. Fjórir menn voru um borð
og amaði ekkert að þeim því lending
var mjúk í fjörusandinum.
Skipstjórinn á Gísla Kristjáni
hafði samband við lóðsinn í Vest-
mannaeyjum sem fór strax á
strandstað ásamt slöngubát björgun-
arsveitarinnar í Vestmannaeyjum.
Slysavarnardeildin Bróðurhöndin í
Landeyjum fór einnig á strandstað.
Háflóð var þegar Gísli Kristján
strandaði 'og mjög stórstreymt. Bát-
urinn endaði því á þurru þegar
fjaraði út. Beðið var eftir flóði til kl.
tvö en þá hafði tekist að koma línu
á milli skipanna. Báturinn losnaði
strax auðveldlega af strandstað og
lóðsinn togaði í hann enda voru
aðstæður góðar.
Heimir Gíslason skipstjóri sagði í
samtali við Tímann í gær að báturinn
væri óskemmdur og skipshöfn væri í
góðu skapi þrátt fyrir óhappið.
Heimir vildi ekkert segja um orsakir
strandsins fyrr en að loknum sjópróf-
um. Líklegt er þó talið að rekjamegi
óhappið til þess að skipstjórnandi
hafi sofnað eða að sjálfstýring hafi
bilað nema hvort tveggja sé. Óvíst
er hvenær sjópróf fara fram. Bátur-
inn Gísli Kristján er 31 tonn smíðað-
ur í Svíþjóð 1984 og kom hingað til
lands fyrir rúmu ári. Hann er gerður
út frá Þorlákshöfn. Skipið fór strax
til línuveiða eftir þetta sjö tíma
stopp. -EÓ