Tíminn - 22.09.1989, Blaðsíða 5

Föstudagur 22. september 1989
Tíminn 5
Prestur Þjóðkirkjunnar í biblíuskóla hjá leikmönnum.
Biskupsritari metur það sem eins konar framhaldsnám. Prófastur Þingeyinga:
Ekki í þingeyskum anda
Húsvíkingar hafa nú orðið að sögn heimamanna, að sjá
á bak presti sínum næstu þrjá mánuði því að hann er sestur
á skólabekk til að læra að lesa biblíuna sína. Fyrir nokkru
síðan tók presturinn þátt í biblíunámskeiði á vegum
trúarhóps leikmanna sem kallar sig Ungt fólk með
hlutverk.
Hann hefur síðan ákveðið að
afla sér frekari menntunar í
fræðunum hjá þessu sama fólki og
hefur nú tekið sig upp frá kalli sínu
og farið ásamt fjölskyldu sinni
austur að Eyjólfsstöðum á Fljóts-
dal þar sem trúarhópurinn rekur
biblíuskóla og þar mun hann dvelj a
fram í miðjan desember að eigin
sögn við nám og kennslu.
„Markmið biblíuskólans er að
þjálfa leikmenn til starfa innan
þjóðkirkjunnar við hlið presta og
ég vona að Guð gefi það að sem
flestir bæði lærðir og leikir sjái sér
fært að fara í þennan skóla í
framtíðinni,“ sagði sr. Sighvatur
Karlsson sóknarprestur á Húsavík
við Tímann í gær.
Sr. Örn Friðriksson prófastur á
Skútustöðum sagði þegar hann var
spurður um málið að það væri ef til
vill ekki í þingeyskum anda að
lærðir gengju í smiðju leikra að
afla sér þekkingar á biblíunni.
Hann sagðist ekki þekkja félags-
skapinn Ungt fólk með hlutverk
mikið, en gæti þó ekki séð að hann
ætti mikla samleið með þingeysk-
um hugsunarhætti.
Hann sagðist þó sem prófastur
hafa veitt samþykki sitt til þess að
presturinn fengi leyfi frá störfum
til þess að fara í þennan bibiíu-
skóla. Hann sagðist ýmislegt hafa
að athuga við starfsaðferðir og
kenningu samtakanna sem að
skólanum stæðu en hver maður
yrði að fara sína leið, eins og sr.
Örn orðaði það.
Sr. Sighvatur sagðist vera nem-
andi við skólann en myndi jafn-
framt miðla af þeirri sérþekkingu
sem hann hefði aflað sér með
háskólanámi sínu. Aðspurður um
hvort maður með háskólagráðu
bætti einhverju við menntun sína
með því að ganga í skóla til
leikmanna sagði hann:
„Ég fékk fékk mitt akademíska
nám í Háskólanum og um það er
allt gott að segja. Hins vegar má
alltaf lesa meira og bæta við sig,
kafa dýpra í biblíuna og það ergott
að komast um stund frá söfnuðin-
um til þess og geta spjallað um það
sem ritningin segir frá við aðra
kristna menn.“
En hvað segir biskupsskrifstofan
um það að prestar þjóðkirkjunnar
hafi þörf fyrir að lesa biblíuna með
aðstoð leikmanna?
„Það er ekkert nema jákvætt um
þetta að segja. Þetta er stofnun
sem er í raun innan kirkjunnar því
að fyrir skólanum stendur félags-
skapurinn Ungt fólk með hlutverk.
Presturinn fékk leyfi frá störfum
hjá okkur til að fara þetta og við
viðurkennum þetta alveg,“ sagði
Magnús Guðjónsson biskupsritari.
Magnús var spurður hvort ekki
mætti ætla að kandidatar i guðfræði
frá Háskóla íslands væru það vel
að sér í fræðunum að leikmenn
hefðu meir til þeirra að sækja í
fræðilegum efnum en þeir til leik-
rnanna.
„Það getur vel verið að þeir séu
með einhverja útlendinga. Þeireru
stundum með útlenska kennara
þarna. Prestinum hefur kannski
fundist hann ekki fá nóg út úr
kennslu guðfræðideildar í ein-
hverju og því viljað bæta eitthvað
við sig og viljað vera til þess á stað
þar sem hann gæti lesið biblíuna og
hugleitt svolítið betur. Það er ekk-
ert nema jákvætt við þetta,“ sagði
Magnús Guðjónsson biskupsritari.
- sá
Snyrti- og hreinlætisvörur um 22-25% dýrari
í Hagkaupi og Miklagarði en í Bónus:
Um 17 af 20 vörum
ódýrastar í Bónus
Neytendur virðast geta gengið að því nokkurnvegin vísu,
að þær vörutegundir sem fást í verslunum Bónus í Reykjavík
séu þar mun ódýrari heldur en í öðrum búðum á höfuðborg-
arsvæðinu. Segja má að Bónus myndi lægsta verð sem
Verðlagsstofnun fann í könnun á algengustu tegundum af
hreinlætis- og snyrtivörum í apótekum, stórmörkuðum og
hverfaverslunum á svæðinu.
Af þeim 20 tegundjim sem fengust í
Bónus voru 17 á lægsta finnanlegu
verði. Þær tegundir sem fengust t.d.
bæði f Bónus og Hagkaupi í Kringlu
reyndust um 23% dýrari í Hagkaupi.
Allt að 625 kr. munur kom fram á
einum bleiupakka (Libero 78 st.) -
1.404 kr. í Bónus en 2.029 kr. í
Ingólfsapóteki í Kringlu, en þar
fundust líka flest dæmi um hæsta
verð f könnuninni.
Allur samanburður var gerður á á
nákvæmlega sömu tegundum af vör-
um (merkjum og magni) svo sem
sjampói og öðrum hársnyrtivörum,
tannsnyrtivörum, pappírs- og bóm-
ullarvörum, rakstursvörum, svita-
lyktareyðum og fleiru, samtals um
Lánskjaravísitala:
16,6% verð-
bólga síðustu
12 mánuði
Með tilvísun til 39. gr. laga nr.
13/1979 og reglugerðar nr. 18/
1989 hefur Seðlabankinn reiknað
út lánskjaravísitölu fyrir október
1989.
Lánskjaravísitala 2640 gildir
fyrir október 1989.
Hækkun lánskjaravísitölu frá
mánuðinum á undan varð 2,17%.
Umreiknuð til árshækkunar hef-
ur breytingin verið sem hér segir:
Síðasta mánuð 29,3%
Síðustu 3 mánuði 16,7%
Síðustu 6 mánuði 21,6%
Síðustu 12 mánuði 16,6%
50 tegundum. Engin búð seldi allar
vörutegundirnar.
Fjarðarkaup næst Bónus
Segja má að Bónus hafi skorið sig
úr, með lægsta verð á 17 af sínum 20
tegundum. Er það sérstaklega at-
hyglivert vegna þess hve stutt er
síðan Bónus opnaði og getur því
ekki átt neina vöru á gömlu verði.
Fjarðarkaup virðist komast einna
næst, með 13 vörutegundir á lægsta
verði, eða um helming þeirra teg-
unda sem þar voru til en ekki í
Bónus. Engin önnur búð átti fleiri
en 6 tegundir (Ásgeir í Glæsibæ) á
lægsta verði.
Dýrast í Ingólfsapóteki
Flest dæmi um hæsta verð voru 15
í Ingólfsapóteki í Kringlunni og 11
hjá SS á Háaleitisbraut.
Verð þeirra tegunda sem fékkst í
báðum búðunum var um 12% hærra
að meðaltali í Fjarðarkaupi.
Tíminn lagði saman verð á vörum
sem fengust í Bónus og líka nokkr-
um öðrum verslunum, oftast 14-18
tegundir. Niðurstaðan varð sú, að
meðalverð var um 12% hærra í
Fjarðarkaupi, um 23% hærra f Hag-
kaupi, um 30% í SS og nær 37%
hærra í Ingólfsapóteki heldur en í
Bónus (4.900 kr. á móti 3.584 kr. á
17 vörutegundum).
Samanlagt verð allra þeirra 20
tegunda sem Bónus seldi var 3.968
krónur. Það var aðeins 38 krónum
hærra heldur en lægsta finnanlegt
verð á hverri vörutegund annars-
staðar. Samanlagt hæsta verð sömu
tegunda var hins vegar 5.660 krónur,
eða nær 43% hærra.
Hér má sjá samanburð á verði í
hinni nýju Bónusbúð (sem minnir
marga á Hagkaup á „yngri árum“)
og hins vegar risans Hagkaups í
Kringlunni:
Hagkaup Bónus
E’lvital shampoo 161 138
EJvital balsam 181 155
Ellnett hárlakk 282 227
Colgate tannkrem 84 76
Jordan tannbursti 71 65
Reach tannbursti 131 113
Lotus/Fut. dömub. 112 93
Damilladömub. 84 91
Vesprédömub. 111 97
Gillette rakvél 377 328
Gillette rakfroða 272 187
Nivea rakfroða 189 149
8x4 roll on 164 127
8x4 spray 197 170
Atrix handáb. 131 98
Nivea krem 128 76
AIls: kr. 2.675kr.2.190
Lægsta finnanlegt verð þessara
sömu tegunda var 2.152 kr., þ.e. 38
krónum lægra en í Bónus. En hæsta
finnanlegt verð var samtals 3.065
kr., eða rúmlega 42% hærra en það
lægsta.
Bara 4% munur á mörk-
uðum og búðum
Verðlagsstofnun gerði samanburð
á meðalverði vöruflokka í hverfa-
verslunum og apótekum í saman-
burði við stórmarkaði.
Tann- og hársnyrtivörur reyndust
að meðaltali 3-4% dýrari í hverfa-
verslunum og 6-7% dýrari í apótek-
um en stórmörkuðum. Raksturs-,
pappírs- og bómullarvörur 5-7%
dýrari og bleiur reyndust að meðal-
tali 9% dýrari í hverfabúðum og
18% dýrari í apótekum heldur en í
mörkuðum. Handsápa, krem og
plástur var hins vegar 3-4% dýrari í
stórmörkuðum.
Meðalverð allra vara sem kannað-
ar voru segir Verðlagsstofnun 4%
hærra í hverfaverslunum heldur en
stórmörkuðum. Virðist það fremur
lítill verðmunur þegar litið er til þess
að stórmarkaðir ættu alla jafna að
hafa möguleika til hagstæðari inn-
kaupa. Bónus var ekki tekin með í
neinum af þessum samanburði Verð-
lagsstofnunar, sem telur þá verslun
hafa sérstöðu að ýmsu leyti. - HEI
Handhafandi bjartsýnisverðlaunanna 1989 Hlíf Svavarsdóttir, ásamt
Peter Breste (t.v.) og Ebbe Merk, sem afhenti henni verðlaunin.
Broste verðlaun
1989 til Hlífar
Hlíf Svavarsdóttir ballettmeist-
ari íslenska dansflokksins hlaut
bjartsýnisverðlaun Bröstes fyrir
árið 1989, sem veitt voru í níunda
sinn sl. þriðjudag.
Brpste-verðlaunin, sem eru 30
þúsund danskar krónur voru af-
hent í Lyngby í Danmörku af Ebbe
Mprk ballett- og leikhúsgagnrýn-
anda á Politiken.
Hlíf Svavarsdóttir er fædd 1949
og hefur útskrifast sem ballettdans-
ari frá ballettskóla Þjóðleikhússins
og frá hinum konunglega ballett-
skóla í London.
f fréttatilkynningu frá Bróste
segir að Hlíf hafi til að bera mikinn
persónuleika fyrir utan að vera
mikil listakona og brautryðjandi í
yngstu íslensku listgreininni,
ballett.
Bjartsýnisverðlaun Broste á að
líta á sem framrétta hönd til ís-
lenskra listamanna, sem tjá bjart-
sýna lífsýn með verkum sínum og
vinna samtímis að því að tengja
saman íslenska og danska lista-
menn. - ABÓ
Skákþing íslands:
KARL STENDUR
VEL AD VÍGI
Níunda umferð í landsliðsflokki á
Skákþingi íslands var tefld í gær-
kvöldi. Að loknum átta umferðum
af ellefu, hafði Karl Þorsteins
tveggja vinninga forskot á næstu
keppendur, sem voru Jón L. Árna-
son og Þröstur Þórhallsson. Karl var
með 7 1/2 vinning en þeir Jón L. og
Þröstur 5 1/2 vinning. í fjórða sæti er
Björgvin Jónsson með fimm vinn-
inga.
í gærkvöldi áttust við þeir Sigurð-
ur Daði Sigfússon og Rúnar Sigur-
pálsson, Tómas Bjarnason og Þröst-
ur Árnason, Jón G. Viðarsson og
Ágúst Karlsson, Björgvin Jónsson
og Karl Þorsteins, Hannes Hlífar
Stefánsson og Guðmundur Gísla-
son, og Þröstur Þórhallsson og Jón
L. Árnason, sem nú verma annað til
þriðja sæti.
í kvöld verður 10. og næst síðasta
umferð tefld og hefst hún klukkan
18.00 í húsakynnum Útsýnar í
Mjódd. Þeir sem þá eigast við eru
Rúnar Sigurpálsson og Þröstur Þór-
hallsson, Þröstur Árnason og Sig-
urður Daði Sigfússon, Ágúst Karls-
son og Tómas Björnsson, Karl Þor-
steins og Jón. G. Viðarsson, Hannes
Hlífar Stefánsson og Björgvin
Jónsson, og Guðmundur Gíslason
og Jón L. Árnason.
- ABÓ